ئۇيغۇر يىگىتى29 نۇمۇر ئىلىپ شىنجاڭ كوماندىسى چىمپىيۇن بولدى

waskitbol0903

	ئۇيغۇر ۋاسكىتبول تورىنىڭ 26-ئاپرېل خەۋىرى؛ ئۈرۈمچى ۋاختى 4-ئاينىڭ 25-كۈنى،  2014-يىللىق مەملىكەتلىك ياشلار ۋاسكىتبول بىرلەشمىسىنىڭ (سانجى مۇسابىقە رايۇنى) ھەل قىلغۇچ مۇسابىقىسدە،  شىنجاڭ گۈاڭخۈي ياشلار ۋاسكىتبول كوماندىسى ئۇيغۇر ۋاسكىتبولچىمىز ئابدىسالام ئابدىرىشىتنىڭ پۈتۈن مەيدان بۇيىچە ئەڭ يۇقۇرى بولغان 29 نۇمۇر ئىلىشى بىلەن ئاخىرى 107-91 نەتىجە بىلەن رەقىبى 1-ئاۋغۇست ياشلار ۋاسكىتبول كۇماندىسىنى زور نۇمۇر پەرىق بىلەن مەغلۇپ قىلىپ چىمپىيۇنلۇقىنى قۇلغا كەلتۇردى.   بۇمەيدان مۇسابىقىدە شىنجاڭ كوماندىسىدىن بەش ئەزا قوش خانىلىق نومۇر ئالدى، ئۇيغۇر ۋاسكىتبولچىمىز ئابدىسالام ئابدىرىشىت پۈتۈن مەيدان بۇيىچە ئەڭ يۇقۇرى بولغان 29 نۇمۇر ئالدى؛ جۇچى بىلەن لوزۇڭسېن ئايرىم-ئايرىم ھالدا 17 نۇمۇر ئالدى؛ دىڭ خاۋرەن 14 نۇمۇ، شى يى 12 نۇمۇر ئالدى.  1-ئاۋغۇسىت كوماندىسىدىن جاڭ زۇمىڭ 29 نۇمۇر، خەندېلۇڭ بىلەن ئۇيغۇر ۋاسكىتبولچىمىز ئارىسلان ئادىلجان 8 نۇمۇرغا ئىرىشتى. بىرىنچى چارەك مۇسابىقە باشلىنىپلا 1-ئاۋغۇسىت كوماندىسى ئۈستۈنلىككە ئىرىشتى، ئالدىنقى ئىككى چارەكلىك مۇسابىقىدە 1-ئاۋغۇسىت كوماندىسى 37-40 نەتىجە بىلەن شىنجاڭ كوماندىسىنىڭ ئالدىدا تۇردى. كىيىنكى يىرىم مەيدان مۇسابىقىدە شىنجاڭ كوماندىسى ئىچكى سەپ ھۇجۇمىنى ئاساس قىلىپ ئوينىدى، نەتىجىدە ئىچكى سەپتىكى ئابدىسالام ئابدىرىشىت، جۇچى ئىقتىدارىنى ياخشى جارى قىلدۇرۇپ، ئاخىرى شىنجاڭ گۈاڭخۈي ياشلار كوماندىسى 107-91 نەتىجە بىلەن 1-ئاۋغۇسىت كوماندىسىنى مەغلپ قىلىپ چمپىيۇنلقنى قولغا كەلتۇردى. بۇ مەيدان مۇسابىقىدە يەنە تىلغا ئىلىشقا ئەرزىيدىغىنى شۇكى شىنجاڭ گۇاڭخۇي ياشلار كوماندىسىنىڭ ئەزاسى ئۇيغۇر ۋاسكىتبولچىمىز ئابدۇسالام ئابدىرىشىت مەيدانغا چىقىپ ئۆزىنىڭ ماھارىتىنى نامايەن قىلىپ پۈتۈن مەيدان بۇيىچە ئەڭ يۇقۇرى بولغان 29 نۇمۇر ئالدى. ئابدىسالام ئابدىرىشىت ئۇيغۇر، 1996-يىلى 5-ئاينىڭ 20-كۈنى تۇغۇلغان، بەدەن ئىغىرلىقى 83 كىلوگىرام، بوي ئىگىزلىگى 2 مىتىر، ئالدى سەپ ھۇجۇمچى، 14-نۇمۇرلۇق كىيىم كىيىدۇ. سۈرەتتە؛ شىنجاڭ گۇاڭخۇي ياشلار كوماندىسىنىڭ ئەزاسى ئۇيغۇر ۋاسكىتبولچىمىز ئابدۇسالام ئابدىرىشىت ( 14-نۇمۇر ) سۈرەتتە؛ 1-ئاۋغۇسىت كوماندىسىدىن ئۇيغۇر ۋاسكىتبولچىمىز ئارىسلان ئادىلجان ئەسلى مەنبە؛ ئۇيغۇر ۋاسكىتبول مۇنبىرى؛ http://waskitbol.com/portal.php

kogul_ogrisi

	قەھرىمان دېگەننى قەدىمدىن تېپىپ كەلمەيمىز. مىللەتنىڭ ئابرويىنى ئۆستۈرىۋاتقانلارنىڭ ھەممىسى قەھرىمان...   ئامەت تىلەيمەن

SaBa_002

	شىرئەلىنىڭ    ئىزىنى  بىسىپ    قالامدۇ  نىمە   !؟

waskitbol0903

	ئۇيغۇر ۋاسكىتبول تورىنىڭ 24-ئاپرېل خەۋىرى؛  خوتەن ۋىلايەتلىك ۋاسكىتبولچىلار جەمئىيىتىدىن ئىگەللىشىمىزچە،  2014-يىلى4-ئاينىڭ 28-كۈندىن 5-ئاينىڭ 2-كۈنگىچە، خوتەن ۋىلايەتلىك ۋاسكىتبولچىلار جەمئىيىتى، خوتەن ئۇدۇن ئىلىكتىر ئۈسكۈنىلىرى ئۆي جازىلىرى شىركىتىنىڭ تەشكىلىشى بىلەن خوتەن شەھرىدىكى خوتەن ۋىلايەتلىك ياش-ئۆسمۈرلەر پەن تىخنىكا مەدىنىيەت-تەنتەربىيە پائالىيەت مەرگىزى ۋاسكىتبول مەيدانىدا « خوتەن ئۇدۇن لۇڭقىسىنى تالىشىش ۋاسكىتبول تەكلىپ مۇسابىقىسى » ئىلىپ بىرىلىدىكەن. بۇ قىتىمقى ئەل ئىچى تەكلىپ مۇسابىقىسىگە، يىقىندا دۆلەت ئەرلەر ۋاسكىتبول كوماندىسىغا تاللانغان، شىنجاڭ گۇاڭخۇي ئەرلەر ۋاسكىتبول كوماندىسىنىڭ ئەزاسى،  پەخىرلىك ئۇيغۇر ۋاسكىتبول چولپانىمىز شىرئەلىجان مۇختەر، قىرغىز يىگىتى قىرانبەك،  شىنجاڭ گۇاڭخۇي ئەرلەر ۋاسكىتبول كوماندىسىنىڭ ئەزاسى مەردان تۇرسۇن، شەنشى ئەرلەر ۋاسكىتبول كوماندىسىنىڭ ئۇيغۇر ئەزاسى مۇرات ئادىلجان، NBL   جىياڭسۇ توڭشى كوماندىسىنىڭ ئەزاسى مەۋلان تۇرسۇن قاتارلىق داڭلىق ۋاسكىتبولچىلىرىمىز ئالاھىدە تەكلىپ بىلەن قاتنىشىدىكەن. مۇسابىقىگە خوتەندىكى يەرلىك مىللى كارخانىلار تەشكىللىگەن ئۇدۇن ۋاسكىتبول كوماندىسى قاتارلىق كوماندىلار قاتناشقاندىن سىرىت، يەنە شىنجاڭ ئۈنۋىرستىتى ۋاسكىتبول كوماندىسى، شىنجاڭ پىداگوگىگا ئۈنۋىرستىتى ۋاسكىتبول كوماندىسى، شىنجاڭ ياش-ئۆسمۈرلەر ۋاسكىتبول كوماندىسى، ئۈرۈمچى شەھەرلىك ۋاسكىتبول كۇلۇبى ۋاسكىتبول كوماندىسى قاتارلىق كوماندىلار تەكلىپ بىلەن قاتنىشىدىكەن.   بۇ قىتىمقى مۇسابىقە ئۇيغۇر ئاپتۇنۇم رايۇنى بۇيىچە كۈلىمى چوڭ، سەۋىيەسى بىر قەدەر يۇقۇرى بولغان ۋاسكىتبول مۇسابىقىسى بۇلۇپ قالىدىكەن. خوتەندە ۋاسكىتبول قىزغىنلىقى بىر قەدەر يۇقۇرى بۇلۇپ، ۋاسكىتبول تەكلىپ مۇسابىقىسى  دائىم ئۆتكۈزۇلۇپ تۇرىدۇ. يىقىندىن بۇيان  « مۇبارەك لۇڭقىسىنى تالىشىش ۋاسكىتبول تەكلىپ مۇسابىقىسى »، «خوتەن ھەرەمباغ لۇڭقىسىنى تالىشىش ۋاسكىتبول تەكلىپ مۇسابىقىسى »، «خوتەن ئانا يۇرت لۇڭقىسىنى تالىشىش ۋاسكىتبول تەكلىپ مۇسابىقىسى » ئۆتكۈزۈلۇپ. پەخىرلىك ئۇيغۇر ۋاسكىتبولچىمىز، دۆلەت ئەرلەر ۋاسكىتبول كوماندىسىنىڭ ئەزاسى شىرئەلىجان، شىنجاڭ گۇاڭخۇي كوماندىسىنىڭ ئەزاسى مۇرات، مەۋلان قاتارلىق داڭلىق ۋاسكىتبولچى ئەزمەتلىرىمىز تەكلىپ بىلەن مۇسابىقىگە قاتنىشىپ، خوتەندىكى ئۇيغۇر ۋاسكىتبول مەستانىلىرى ئۈچۇن ئىسىل ماھارەتلىرىنى كۆرسەتكەن ئىدى.   بىز ئۇيغۇر ۋاسكىتبول مەستانىلىرىغا ۋاكالىتەن ئۇيغۇر ۋاسكىتبول ئىشلىرىغا كۈڭۇل بۆلگەن مىللى كارخانىلارغا تەشەككۇر بىلدۈرىمىز ۋە بۇ قىتىمقى  «خوتەن ئۇدۇن لۇڭقىسىنى تالىشىش ۋاسكىتبول تەكلىپ مۇسابىقىسى » نىڭ مۇۋاپىقيەتلىك ئۆتكۈزۇلىشىگە تىلەكداشمىز.

Uyghurbufet

	ۋاسكىتبول، پۇتبول، بوكسۇر،شاخمات ...قاتارلىق تەنتەربىيە تۈرلىرىدە، تەربىيەلىنىش ،مۇسابىقىگە قاتنىشىش شارائىتى بولسىلا، خېلى نەتىجىلەرنى قولغا كەلتۈرىدىكەن قېرىنداشلىرىمىز!!!

jim-jit

	ئۇلۇغ    ئاللا   ياش    نوتىلارغا    نۇسرەت    ئاتا   قىلغاي    .

xamar1

	تىخمۇ ياخشى نەتىىجلەرنى قولغا كەلتۈرۈشىگە تىلەكداشمەن.

dilfuruz

	ھەجەپ ياخشى!!!ئابدوسالام غەيرەت قىلىپ ،توختىماي ئالغا ئىلگىرلەڭ!!!

uyol

	مۇبارەك بولسۇن،،،،،،، تېخىمۇ ياخشى ئۇرۇقلارغا ئىرىشىشىگە تىلەكداشمەن

xajarim

	ئاللاھتىن نۇسىرەت تىلەيمەن  ئەزمەتلەر.. .