ئېرىم،سىزگە ئاشنا بولايچۇ؟

dilnaz911

	بۇنىڭدا سۆزلەنگەن ۋەقەلىك يېقىن بىر خىزمەتدىشىمنىڭ تۇرمۇش سەرگۈزەشتىسىنىڭ كىچىككىنە بىر كارتىنىسى،خىزمەتدىشىمنىڭ رازىلىقى بويىچە يېزىپ يوللىدىم   سەن بىلەن تونۇشقان شۇ چاغلىرىم ھېلىمۇ ئېسىمدە،،كۆزلىرىمگە ئوتلۇق تىكىلىپ تۇرۇپ،سىز بەك چىرايلىق،بەك سۆيۈملۈك،ئاللانىڭ ماڭا بەرگەن ئەڭ چوڭ سوۋغىتىسىز،دەپ باغرىڭغا چىڭ باسقىنىڭدا ئېرىپ شام بولغان ئىدىم،مېنى بىردەم كۆرمىسەڭ چىدىمايىتتىڭ ،ئەتىگەندە مەھەللەمدە پەيدا بولساڭ،چۈش ۋە كەچلەردە ئىدارەمنىڭ ئالدىدا ساقلايىتتىڭ ،مېنى كۆرۈپ خۇددى كىچىك بالا ئانىسىنى كۆرگەندەك قىن-قىنىڭغا پاتماي كېتەتتىڭ،ئۇ چاغلاردا بۇ دۇنيا ۋە مۇھاببەت ئىككىمىز ئۈچۈنلا يارالغاندەك،خۇددى جاھان ئىككىمىز ئۈچۈنلا پىرقىرايدىغاندەك ،سەن مەن ئۈچۈن،مەن سەن ئۈچۈن يارالغاندەك بىر بىرىمىزگە قېنىشمايىتتۇق،كۆل بويىدا  گوياكى بىر تەن بولۇپ ئۇزاق ئۇزاق ئولتۇرۇپ كەلگۈسىمىز ئۈستىدە ئويلىناتتۇق،تۈگىمەس پۈتمەس ۋەدىلەرنى بېرىشەتتۇق،ئاخىرى بىز مۇھاببىتىمىنىڭ نەتىجىسىنى چىقىرىپ توي قىلدۇق،ئاھ،شۇ چاغلار،،،،نېمە دېگەن بەخىتلىك ،مەن گوياكى سېنىڭ كۆز قارچۇغۇڭ ئىدىم،يۈرىگىڭدىكى بىر پارچە ئوت ئىدىم،ھاياتىڭنىڭ ئايرىلماس بىر قىسمى ئىدىم،مەن بولمىسام سەن خۇددى سۇسىز قالغان بېلىقتەك تىپىرلايىتتىڭ،،شۇ سەۋەپ يېنىڭدىن ئايرىلمايىتتىم،ئەڭ يېقىن دوسلىرىم خىزمەتداشلىرىمدىنمۇ سېنى دەپ بارا-بارا يىراقلىشىۋاتاتتىم،،قوينىڭغا شۇنچە سىڭىپ كەتكەن ئىدىم،ئەلۋەتتە مۇھاببىتىمىزنىڭ مېۋىسىنى كۆردۇق،ئوماق قىزىمىز شەكىلە تۇغۇلدى،خوشاللىقىمىزغا خوشاللىق قوشۇلدى،ھەممە بىزگە ھەۋەس بىلەن قارايىتتى،بۇ دۇنيادا بىزدىن بەخىتلىك ئادەم يوق ئىدى،،تولىمۇ ئەپسۇس قارا بوراننىڭ ئائىلىمىزگە قول سۇنۇپ كېلىۋاتقىنىدىن ئەسلا خەۋەرسىز ئىدۇق،قىزىمىز 1ياشقا كىرگەندە ئائىلىمىزگە قوش خوشاللىق بولۇپ ئىدارىدە سەن مۇنەۋەر ئەزا بولۇپ ئۆستۈرۈلدۈڭ،شۇنىڭدىن ئېتىبارەن بارىدىغان سورۇنىڭ،مېھماندارچىلىقىڭ،تۈگىمەس يىغىلىشلىرىڭ كۆپىيىپ كەتتى،ئۆيگە تولىمۇ كەچ كېلەتتىڭ،كەلسەڭمۇ مەس-ئەلەس قايتىپ كېلەتتىڭ،يا مەن بىلەن يا قىزىمىز بىلە كارىڭ بولمايىتتى،شۇ چاغلاردا مەن سېنىڭ ئىشقىڭدا چاڭقىغان ئىدىم،لېكىن چاندۇرمايىتتم،خىزمىتىڭنى قوللايىتتىم،،لېكىن سەن تېخىمۇ ھەددىڭدىن ئاشقىلى تۇردۇڭ،كوماندۇرۇپكىنى باھانە قىلىپ ھەپتىلەپ ئۆيگە قايىتمايىتتىڭ،مەن بىچارە ساڭا ئىشىنىپ ،سەندىن ئەنسىرەپ يۈرۈپتىمەن،ئەمدى بىلسەم ئۇ چاغلار سېنىڭ ئۇ گۈزەل نازنىن بىلەن كۆڭۈل ئېچىپ مۇھاببەت دۇنياسىغا غەرىق بولغان چاغلىرىڭ ئىكەن،مەن ئۆيدە بالابىلەن يالغۇز مۇڭسىراپ ئولتۇرغان چاغلىرىم سېنىڭ ئۇ ئاشىقىڭ بىلەن ئىچكىرى ئۆلكىلەردە ساياھەت قىلىپ يۈرگەن چاغلىرىڭ ئىكەن،كېچىلىرى ئىشقىڭدا ئۆرتەنگەن چاغلىرىم سېنىڭ ئۇ گۈلۈڭ بىلەن مېھمانخانىلاردا ،ئۇنىڭ قوينىدا تاتلىق ھېسلارغا تولغان چاغلىرىڭ ئىكەن،،،،،، ماڭا ھەممىدىن نېمە ئېغىر كەلدى بىلەمسەن؟سەن دەل 30ياشقا كىرگەن كۈنۈڭ يېقىن دوستلىرىڭ ۋە ئۇلارنىڭ ئاياللىرى بىلەن تۇغۇلغان كۈن زىياپىتى ئۆتكۈزدۈڭ،مەن قىزىمىزنى ئېلىپ تورت ئېىپ رېستۇرانغا كەلدىم،مەن بارغانداھەممەيلەن كېلىپ بوپتىكەن،ئۇلار بىلەن كۆرۈشۋېتىپ ناتۇنۇش بىر چىراينى ئۇچىرتىپ قالدىم،24-25ياشلارنىڭ قارىسىنى ئالغان،زىلۋا بويلۇق،چىرايلىق بىر قىز سېنىڭ ئوڭ تەرىپىڭدە نازلىنىپ ئولتۇراتتى،سەن مەندىكى ئۆزگىرىشنى سەزدىڭ ۋە تېزلا يېقىن ئاغىنەمنىڭ سىڭلىسى ئىدى،خىزمەت ئىشى بىلەن كەپتىكەن،شۇڭا بۇ يەرگە تەكلىپ قىلدىم دېدىڭ،مەن ئارتۇق ئويلىماي ئۇنىڭدىن قىزغىن ئەھۋال سوراپ كېتەپتىمەن،لېكىن ئۇ بىر خىل مەنسىتمىگەن قىياپەتتە سوئاللىرىمغا ناز بىلەن كۈلۈپ جاۋاپ قايتۇرۋاتاتتى،مەن يەنىلا  ئارتۇق ئويلىمىدىم،ئىككىمىز ئىككى تەرىپىڭدە ئولتاردۇق،ئەمدى بىلسەم ئايالىڭ بىلەن ئاشىقىڭنى ئىككى تەرىپىڭگە ئولتۇرغۇزۇپ قويۇپ ئېچىلىپ ئولتۇرالىغان<< ئوغۇل بالا>> ئىكەنسەن ،تورت كېسىدىغان چاغدا سەن مەن ئاپارغان تورتنى بىر تەرەپكە تاشلاپ قويۇپ ئۈستىگە قىز يىگىتنىڭ رەسىم چۈشۈرۈلگەن تورتنى كەستىڭ،نېمەئۈچۈن دەپ سورىسام،قۇلىقىمغا پىچىرلاپ تۇرۇپ،بۇ دوستلىرىمنىڭ كۆڭلىكەن،بولدى ،ماڭا يۈز بېرىڭ دېدىڭ،ئارتۇق ئويلىماي ماقۇل بولدۇم،ئەمد ى بىلسەم ئۇ تورىتنى ئەسلى ئۇ ساڭا سوۋغا قىلغان ئىكەن،،شۇ كۈنى كەچتە سەن مېنى ۋە بالىنى ئۆيگە ئاپىرۋتىپ ،سىز ئۇخلاۋېرىڭ ،مەن ئاغىنلەر بىلەن يەنە بىردەم ئولتۇرۇپ قايتىمەن دېدىڭ،مەن ماقۇل بولۇپ ئۆيگە كىرىپ كەتتىم،بالىنى ئۇخلىتىۋېتىپ سېنىڭ بۈگۈن ھاراق ئىچىپ كېلىدىغىنىڭنى ئويلاپ ئاچچىق قىلىپ سۇيۇقئاش ئېتىپ يولۇڭغا قاراپ كىرپىك قاقمىدىم،لېكىن سەن كەلمىدىڭ،كېچىچە ساڭا تېلفۇن ئۇرۇپ چىقتىم،لېكىن سەن ئاللىبۇرۇن تېلفۇننى ئېتىۋالغان ئىكەنسەن،شۇ كۈنى بىر كېچە كەلمىدىڭ،ئەمدى بىلسەم ئۇ كۈنى مېنى ئۆيگە ئەكىلۋېتىپ ئۇنىڭ بىلەن پىنھان جايلاردا قالغان تۇغۇلغان كۈننى ئۆتكۈزۈپسەن،مەن سېنى ساقلاپ كىرپىك قاقمىغان شۇ دەملەردە سەن ئۇنىڭ بىلەن پۈتكۈل ھاياتنى ئۇنتۇپ مۇھاببەت پەيزىنى سۈرۈپسەن،،، خەيىر بۇنداق ئىشلارنى دەپ كەلسەم،پۈتۈن بىر كىتاپ پۈتىدۇ،ئاخىردا سەندىن شۇنى سوراپ باققۇم كېلىۋاتىدۇ،ھالاللاپ ئالغان خوتۇن ئاچچىق،ئاشنا شۇنچە تاتلىقمۇ،،ئۇنداق بولسا مەنمۇ ساڭا ئاشنا بولايچۇ جېنىم،شۇنداق قىلاي ئايالىڭ ئەمەس ئاشناڭ بولايچۇ ؟؟؟؟؟!!!!!!!!! مەنبە:ئۆز قەلىمىم

nurjahan0997

	خەقتىن ئاشقان ئاش .دەيدۇ .ئاشنا دىگەن ئەزەلدىن . ئىزدەپ تېپىپ بەزىلەر ئىچىدىكەن .ۋاي توۋا..   ئىچىم ئاچچىق بولۇپ قالدى.......

ahgulum129213

	ھەي،مۇشۇنداق ئىشلارنى ئاڭلىساملا توي قىلغۇم كەلمەيدۇ. توي قىلىپ ئۇزۇنمۇ بولماپتىكەن بوممىسا بۇلارغا، خۇدايىم كۆڭلىگە ئىنساپ بەرسۇن يىگىتلىرمىزنىڭ.كۆڭلىڭىزنى بۇزماڭ،ئوڭشىلىپ قالار.

tuntaxvixi

	ئىمانى يوق ئەرلەردىن ئاللا رىزالىقى ئۈچۈن ئىمانغا چاقىرىش ،قەتئىي مۇمكىن بولمىسا ۋاز كېچېش كېرەك ،شۇ سەۋەپ تۈپەيلى ۋاز كەچكەننى بىلىپ تۇرغۇچى ئاللا ئۇنىڭدىنمۇ ياخشى ئەرلەرگە ئۇچىراشتۇرشىدا گەپ يوق،ھەمىمىزگە ئىمان ئىنساپ ئاتا قىلسۇن

nijatkurban

	جىڭ تېتىقسىزكەن ئاۋۇ

SaBa_002

	خۇدا    ساقلىسۇن      ...........

aisadap

	tuntaxvixi يوللىغان ۋاقتى  2014-4-26 08:04 PM ئىمانى يوق ئەرلەردىن ئاللا رىزالىقى ئۈچۈن ئىمانغا چاق ... بەك ئېسىل ئىنكاس

babur99

	ئېرىنىڭ ھاراق ئېچىپ كىلىشىگە ئۈلگۈرتۈپ ئاچچىق -چۈچۈك سۇيقاش تەييار قىلىپ تۇردىغان «ئاڭلىق »ئايال ... خوتۇن بىلەن ئاشنىنى ئىككى يانغا ئېلىپ ئولتۇرغۇزۇپ قويۇپ تۇغۇلغان كۈنىنى ئۆتكۈزىدىغان «مەيدىسىدە تۈكى بار »ئەركەك «ھاپىتىغا -شاپىتى ،مەرەزدارغا توڭرۇلۇق »دىگەندەك جىڭ تېپىشقان  «خۇدا قوشقان »ئەر-خوتۇنلاركەن ،شۇڭا بۇ نىكاھنىڭ ئاقىۋىتدىن ھەيران قالمىدىم . تىما ئىگىسى خانىم ،مەن پەقەت ھىكايىڭىزدىكى پىرسۇناژلار توغرىسىدا ئويلىغنىمنى يازدىم ،سىزنىڭ تىمىڭزىنى ئاق -كۆك دىگەن يېرىم يوق جۇمۇ ، خاتاچۈشىنىپ كۆڭلىزگە ئېلۋىلپ يۈمەسسسىز.

پىروزە

	بۇ خىزمەتتىشىڭىز مىسىرانىم مۇنبىرىدىكى «ئېرىمنىڭ ئاشنىسى» دېگەن تېمىنى ئوقۇپ باقسا بولغىدەك. چوقۇم پايدىسى بولىدۇ.

tuntaxvixi

	babur99 يوللىغان ۋاقتى  2014-4-26 08:21 PM ئېرىنىڭ ھاراق ئېچىپ كىلىشىگە ئۈلگۈرتۈپ ئاچچىق -چۈچۈك س ... گەپ سۆز قوپال بولغان بىلەن توغرا ئىنكاس بوپتۇ