سېستىرا

bahwanbiz

	سېستىرا ئاپئاق رەڭدە غۇنچىلاپ ئېچىلىدۇ سېستىرا ، كارىدۇرغا ئەتتىر بوپ چېچىلىدۇ سېستىرا ، ئەڭ مۇلايىم ئاۋازى تېشىلىدۇ سېستىرا ، شۇڭا قايغۇ ئىشكى ئېتىلىدۇ سېستىرا ، كارۋىنىغا ھاياتنىڭ  قېتىلىدۇ سېستىرا ، مۇزىكىدەك يىقىنلار تاقىلدىغان تىۋىشىڭ ، بەكمۇ يەڭگىل ھالەتتە شامال گويا يېنىشىڭ ، بەكمۇ چەبدەس بەك قىزغىن دورا -ئوكۇل بېرىشىڭ ، توختىتىدۇ يۈرەكنى يەڭگىل -يەڭگىل تىنىشىڭ ، مەشغۇلاتى ئەمەلىي يېتىلىدۇ سېستىرا . نازۇككىنە قولۇڭغا  ئەسۋاپلىرىڭ چاپلىشار ، كەسپى كېسەل ئامال يوق ماسكا، قولقاپ قاپلىشار ، كەسپ يېتەر ۋايىغا مىللىي غورۇر ساپلىشار ، شۇڭا بىمار سىلەرگە تىلىكىنى تاپلىشار ، تۇلۇقىدا كەسىپنىڭ مىجىلىدۇ سېستىرا. تۈتۈنى بار مورىنىڭ قايناقسۈيى مۇزلىماس ، مەينەت كۆلگە ئاقۇلار دىقەت قىلار ھەم قونماس، ئېرىسىمۇ مول كۆڭۈل تاز تىرناققا قول سۇنماس ، چىن نىيەتتە يېزىلغان ئەقىدىلەر بۇزۇلماس ، نازۇك كۆڭلى بىمەھەل جىجىلىدۇ سېستىرا ، ساغلاملىققا كاپالەت دوختۇرخانا تازلىقى ، پارقىرايدۇ ئشخانا  ئەتىياز ،قىش، يازلىقى ، قىزىقتۇرماس روھىڭنى جادۇ كۆزلەر مازلىقى ، قوۋۇرغاڭنى سۇندۇرماس ئىش ھەققىڭنىڭ ئازلىقى ، بىر بۇلۇڭدا چاندۇرماي ئۈمچىيىدۇ سېستىرا . تەقسىم قىلار خىزمەتنى سېستىرالار باشلىقى ، ئالىي ھالەت ھوشيارلىق ،ئەسقاتمايدۇ شاشلىقى ، نورمىسىدا كاپالەت چارەك تېگەر ئاشلىقى ، خىزمەت شۇنداق ئالدىراش ئۆتەر گۈل -گۈل ياشلىقى ، ساناق ساندا جاۋابى يېشىلىدۇ سېستىرا . پىشىپ كېتەر ئارلىشىپ قوشنا مىللەت تىلىغا ، پۈتۈنسۈرۈك بىمارنىڭ يىقىنلىشار يېنىغا ، گۇۋاھ بولۇر ھەر دائىم ئەل ھېكايەت سىرىغا ، قىززىقتۇرماس خوشامەت ھارام ئۇرماس گېلىغا ، شۇڭا بىمار ھۆرمەتلەپ ئىگىلىدۇ سېستىرا . ئوكۇل ئۇرار پىلىكتەك بارمىقىدا پىس قىلىپ ، ياشانغاننى پەپىلەر مۇھىتلارنى تىچ قىلىپ ، يىغىسىنى توختىتار بالىلارنىڭ ئىشقىلىپ ، ھايات ئۆيەر مۇشۇنداق باھار يازنى قىش قىلىپ ، داستان بولۇپ شەرىپىڭ يېزىلىدۇ سېستىرا . ئەل باھاسى ئوڭ باھا ،يەلپۈگۈچتەك يېيىلسۇن ، دىئاگىنۇز جايىدا ئەڭ تەپسىلى   يېزىلسۇن ،    ئاپتاپ يىگەچ بىمارلار ساپ ھاۋادا كېرىلسۇن ، بەخت تىلەپ ھاياتقا تاڭ گۈدۈكى چېلىنسۇن ！ ساڭا دەستە قىزىلگۈل تىزىلىدۇ سېستىرا . ئاپتۇرى : ئابلەت مۇھەممەت باغۋەن ،

XERHAN

	تاپالماستىن تومۇرنى تۇتۇپ قاراپ قوللارغا ، شاپاللايسەن دەپ قويۇپ ‹‹ تومۇرىڭىز چىقمىدى ›› . تەكرار - تەكرار سانجىيسەن يىڭنىسىنى ھۇكۇلنىڭ ، بىلەك دىگەن بىر گۆشقۇ تومۇر شۈنچە جىقمىدى ؟

FIRDEWIS

	ياخشى يېزىپسىز،مەنمۇ بەك رازى سېستىرالاردىن…

FIRDEWIS

	تاپالايدۇ تومۇرنى تەجىربىلىك سېستىرا مۇئامىلە بەك ياخشى خويمۇ ئىللىق چېھرى بار تىنىم تاپماي ئىشلەيدۇ،مۇئاشىنى ئاز كۆرمەي ئالىيجاناپ ئېسىل روھ،ئۇيغۇرۇمنىڭ قېنى بار

ئالمىچى

	دوسلار مەن باياتىن چ چ توپىدا بىر خەۋەرنى كۆردۈم. مۇھەممەت سالىھ داموللام نۇر ۋە قەلەم نامىدا كىتاپخانا ئاچتى, كىتاپخانىدىن مۇھەممەت سالىھ داموللامنىڭ بارلىق ئەسەرلىرى, قىزى نەزىرە خانىمنىڭ ۋە كۈيئوغلى ئادىل تۇنىياز ئاكىمىزنىڭ بارلىق ئەسەرلىرى تىپىلىدىكەن. ھەم باشقا تۈردىكى كىتاپلارمۇ باركەن. كىتاپخانىنىڭ  بىرىنچى ئادىرسى: دەريا بويى (خابا)مەسچىتى يىنىدا. ئىككىنچىسى: ئاپتونۇم رايونلۇق كۆكرەك كىسەللىكلىرى دوختۇرخانىسىنىڭ يىنىدىكى تۇركا شوپ ئىچىدە دەپتۇ. تارقىتىپ قويساڭلار.

شرئەلى118

	ئاپتۇنۇم رايونلۇق دوختۇرخانىلارنىڭ سېستىرالىرى ھەقىقەتەن ياخشى  ، يۇرتتىكى ناھىيە دەرىجىلىك دوختۇرخانىدىكىلەر ئاق خالاتلىق پەرىشتە دىگەن گەپكە ئەسلا ماس كەلمەيدۇ ، ئۇنداقلاردىن ئاپتۇنۇم رايوننىڭ خەنزۇ سېستىرالىرى نەچچە ھەسسە ياخشىكەن … بولسا يۇقىرى دەرىجىلىك ئۇرۇنلار تۆۋەندىكى ھەر قايسى كەسىپتىكىلەرنىڭ ساپاسىنى ئۆستۈرۈش ئۈچۈن تىرىشسا

dilnoza

	ئالمىچى يوللىغان ۋاقتى  2014-4-26 10:54 AM دوسلار مەن باياتىن چ چ توپىدا بىر خەۋەرنى كۆردۈم. مۇھەم ... بەك ياخشى خەۋەردىن بىرنى بېرىپسىز...اللە رەھمەت قىلسۇن قېرىندىشىم

Uyghurbufet

	ھەممە يۇرتتا ياخشى-يامان ئادەم بولغاندەك، سېستىرا، دوختۇر،مۇەللىم……قاتارلاق 72 خىل كەسىپتىمۇ شۇنداق ھەر خىل ئادەملەر بار. مۇشۇنداق بىر كەسىپتىكىلەرنى بىر تاياقتىلا ھەيدەش----ئاقىلانىلىق ئەمەس！ كۆيۈمچان، مەسئۇلىيەتچان سېستىرالار ھەرقايسى دوختۇرخانىلاردا بارغانسېرى كۆپەيگەي！

kogul_ogrisi

	شرئەلى118 يوللىغان ۋاقتى  2014-4-26 11:22 AM ئاپتۇنۇم رايونلۇق دوختۇرخانىلارنىڭ سېستىرالىرى ھەقىق ... قازاننىڭ قۇلىقى ھەممىلا يەردە تۆت بولىدۇ  ،   گەپ رايۇندا ئەمەس ئادەمدە!

kogul_ogrisi

	سېستىرالار ھەقىيقەتەن جاپالىق خىزمەت قىلىدىكەن.  مېنىڭ بىر نەۋرە تۇققىنىم بولىدىغان ئۇمۇ سېستىرا ئىدى. مەكتەپتىكى ۋاقتىمدا كەچتە ئۇيقۇ كەلمىگەن چاغلاردا، بەزىدە ئۇخلاپ يېرىم كېچىدە ئويغىنىپ ئۇنىڭغا  چ چ بىلەن خەت يازسام تۈن تەڭ ۋاقىتلاردىمۇ قايتۇرۇپ قوياتتى. (بۇنداق دېسەم ئويۇنبەزكەن دەپ قالماڭ، بەزىدە ئۇخلىماي ئوينىماقمۇ تەس گەپ)   شۇ چاغلاردا سېستىرالارنىڭ راستىنلا جاپالىق خىزمەت قىلىدىغىنىغا ئىشەنگەن ئىدىم.     ئىشقىلىپ ياخشى كىشىلەر ئۈچۈن ياخشى گەپلەر دېيىلسۇن.