مېھرىبانلىق ئەل رايىغا بەكمۇ ياقتى

a.j.tuprak

	مېھرىبانلىق ئەل رايىغا بەكمۇ ياقتى مەۋلانجان خەۋىرى 4- ئاينىڭ 24- كۈنى، قەشقەر شەھىرىدىكى ساخاۋەتچى ئاتىلار، مېھرىبان ئانىلارنىڭ ۋەكىللىرىدىن تەركىپ تاپقان ھال سوراش گۇۇرپپىسى يېڭىسار ناھىيەسىنىڭ ساغان يېزىسىغا بېرىپ، نامرات، قىيىنچىلىقى بار دېھقان- چارۋىچىلار، ئوقۇغۇچىلارغا پۇل ۋە ماددىي بويۇملارنى ياردەم قىلىپ ئالقىشلاندى.    ئەسلىدە قەشقەر ۋىلايەتلىك ئۇيغۇر تولۇق ئوتتۇرا مەكتەپتىن يېڭىسار ناھىيەسىنىڭ ساغان يېزىغا بارغان«ئەل رايىنى بىلىش، ئەلگە نەپ يەتكۈزۈش، ئەلنى مايىل قىلىش» پائالىيىتى خىزمەت گۇرۇپپىسىدىكى خادىملار دېھقان- چارۋىچىلارنىڭ تەكتىنى ئېنىقلاش داۋامىدا يېزىلىق مەركىزى باشلانغۇچ مەكتەپتىكى بىر قىسىم ئوقۇغۇچىلار ۋە قوتان كەنتىدىكى دېھقان- چارۋىچىلارنىڭ قىيىنچىلىقىنىڭ ئېغىرلىقىنى ھېس قىلغان ھەمدە ھەرقايسى تەرەپلەرنىڭ ياردەم بېرىشىنى تەشەببۇس قىلغانىدى. بۇ ئىشتىن خەۋەر تاپقان قەشقەر شەھىرىدىكى  ساخاۋەتچى ئاتىلار، مېھرىبان ئانىلار جەمئىيىتىنىڭ ئەزالىرى بىر قانچە كۈن ئىچىدىلا بىر بۆلۈك كېيىم – كېچەك، نەقپۇل ئىئانە قىلدى ھەمدە ساخاۋەتچى ئاتىلار، مېھرىبان ئانىلار ۋەكىللىرىدىن تەركىپ تاپقان  ھال سوراش گۇرۇپپىسى قۇرۇپ، بۇ بويۇملاردىن بىر قىسمىنى ساغان يېزىسىغا ئېلىپ باردى، ئۇلار ياخشى ئوقۇغان، قىيىنچىلىقى ئېغىر 20 نەپەر  ئوقۇغۇچىغا 2000 يۈەن پۇل، 400 نەپەر ئوقۇغۇچىغا باش كېيىم، 100 نەپەر ئوقۇغۇچىغا ئىشتان – چاپان، كۆينەك، ئاياغ  قاتارلىقلارنى بەردى، قارىغۇچىسى يوق، قېرى- مېيىپ 30 نەپەر دېھقان- چارۋىچىغا 3000 يۈەن پۇل،يەنە بىر قىسىم قىيىنچىلىقى بار دېھقان- چارۋىچىغا 1000 قۇردىن ئارتۇق كېيىم – كېچەك، 100 يېشىك مىڭيول ماركىلىك بولاق سۈيىىى ياردەم قىلدى. ساخاۋەتچى ئاتىلار، مېھرىبان ئانىلار ھال سوراش گۇرۇپپىسىدىكى خادىملار ھاۋا رايى ناچار، توپا يېغىپ تۇرغان ئەھۋالدا قوتان كەنتىگە بېرىپ، بۇ يەردىكى دېھقان- چارۋىچىلارنىڭ كۆل سۈيى ئىچىۋاتقانلىقى، يول قاتنىشىنىڭ ئىنتايىن ناچارلىقىنى كۆرۈپ، ئۇلارغا داۋاملىق ياردەم قىلىدىغانلىقىنى بىلدۈردى. بۇ كۈندىكى مېھرىبانلىق ھەممەيلەننى قاتتىق تەسىرلەندۈردى.

akula1

	ياخشى ئىش بوپتۇ،ئەممانۇرغۇن جايلاردا تەشۋىقات ئۈچۈن بولىۋاتىدۇ.

yaprak2012

	دۇنيا مىھىر-مۇھببەت بىلەن گۈزەل

ayxolisi

	بۇ دۇنيا مىھرى مۇھەببەتكە تولسىكەن دەيمەن . بۇ دۇنيا مىھرى - مۇھەببەت بىلەن  ئىللىق .

SaBa_002

	ياخشى     ئىشلار   ئۈزۈلمىگەي  !               ساخاۋەتچىلىرىمىزنىڭ     ئايىغىدىن  گۈللەر  ئۈنگەي .......!

artilak

	راسىت دەيسىلەر ، كۈندە بولىۋاتىدۇ ناھەقچىلىق ، كۈندە بولىۋاتىدۇ ئەقىلسىزلىق ، سۆزلەيدىغان بىر ئىنسان يا با يا يوق ، كىچىككىنىە ياخشى ئىش بولۇپ قالسا كۆپتۈرۈپ ھەسسىلەپ پەردازلاپ مۇشۇنداق تەشۋىق قىلىۋاتىدۇ ، ياكى تور بېتىمىزدىكى خالىسلار تەشۋىق قىلىشىپ بېرىۋاتىدۇ ... بۇ گەپلەرنى قىلىپ قويۇپ كىملەردىن تىل -ئاھانەت ئىشىتىپ كېتەرمەن ئەمدى ؟؟؟

axek13999649893

	ساخاۋەتچىلىرىمىز نى   قوللاپ  قويايلى تولۇقلىما مەزمۇن (2014-5-6 04:23 PM): ئىي ئۇلۇغ اللە ئۆمرۈمنڭ ئۇزۇن بوپ كىتىشىدىن پاناھ تىلەيمەن

sayam

	بۇ مىھرىبان ئانىلار ،ئاتىلارنىڭ كۆپرەك خەيىر -ساخاۋەت ئىشلىرى بىلەن مەشغۇل بۇلىشىنى تىلەيمەن .  پەيزاۋات ناھىيە قىزىلسۇ يىزا ئاياغ ئويتاغ كەنىت ئاھالىسى ئابلىمىت ياسىننىڭ ئۆيى ئۆرۈلۇپ ، ئۆزى سالالماي ھۆكۈمەت كارى بولماي يۇرىۋاتىدۇ ، بولسا شۇ قولى قىسقا قىرىندىشىمىزغىمۇ ياردەم قوللار سۇنۇلسا ، جەمئىيەتنىڭ ئىللىقلىقىنى ئىس قىلسا دەيمەن ... https://uyghur-archive.com/misranim/thread-122022-1-1.html

sayam

	artilak يوللىغان ۋاقتى  2014-4-25 06:29 PM راسىت دەيسىلەر ، كۈندە بولىۋاتىدۇ ناھەقچىلىق ، كۈندە ب ... راسىت گەپ قىلغانغا ئېتىلىپ كەتمەسمىز .

jelwa

	artilak يوللىغان ۋاقتى  2014-4-25 06:29 PM راسىت دەيسىلەر ، كۈندە بولىۋاتىدۇ ناھەقچىلىق ، كۈندە ب ... ئىنكاس يىزىشتىن قورقۇپ قاپسىز دە