بالىلىقتىكى ئويلار

bojanqak

	ناھايىتى شەپقەتلىك ۋە مېھرىبان ئاللاھنىڭ ئىسمى بىلەن                                 باشلايمەن ئاللاھقا ئەڭ گۈزەل ھەمدىلەر ۋە پەيغەمبىرمىزگە ئەڭ ئېسىل دۇرۇتلار يوللايمىز... مەن ھازىر ھاياتىمنىڭ 15- يىلىغا قەدەم قويغان بىر ئىنسانمەن. كىچىكلىكىمدىكى ئاشۇ تاتلىق ۋاقىتلىرىمنى ئويلىسام، بەزىدە كۈلگۈم كېلىدۇ. تۇرۇپ ئويلاپ قالدىم. كىچىك ۋاقتىمدا ئۆزۈمنى داۋاملىق خۇددى  بىر كىنودا رول ئېلىۋاتقان رولچىدەك ھېس قىلاتتىم. كىنولاردا چىققان رولچىلارنىڭ شۇ كىنودا قىلغان ھەر بىر ھەركەتلىرىنى كىنو كۆرگەن كۆرۈرمەنلەر ئېنىق كۆرۈپ تۇرىدۇ. مەن ھەم ئۈزەمنى كىچە ھەم كۈندۈز شۇنداق بىرسى كۈرۈپ تۇردىغاندەك، مېنىڭ 《كىنودىكى》《رول》《ئېلىۋاتقان》ھالىتىمنى بىرسى كىچە-كۈندۈز ئۇخلىماستىن، كۆرۈپ تۇرىدىغاندەك بىر خىل تۇيغۇدا بولاتتىم. ھەتتا بەزىدە شۇ تۇيغۇنىڭ تۈرتكىسىدە قىلغان گەپ سۆز،  ئىش-ھەركەتلىرىمگىمۇ ئىنتايىن دىققەت قىلىپ كېتەتتىم. چوڭ بولۇپ ئاق-قارىنى پەرق ئەتكۈدەك بولغاندىن كېيىن شۇنى ھېس قىلدىمكى، مەن نەدىمۇ كىنودا رول ئېلىۋاتقان《رولچى》بولاي؟بۇ بىر ئەخمىقانە خىيال،  لېكىن، تۈپ مەنىسىدىن ئويلاپ كۆرسەم، ھەقىقەتەن راسلا مېنىڭ ھەر بىر ئىش-ھەركەتلىرىمنى،قىلغان گەپ-سۆزلىرىمنى، ھەتتا قەلبىمدە ئويلىغان ئويلىرىمدىن تارتىپ ھەمىشە كۆرۈپ، بىلىپ، ئاڭلاپ تۇردىغان، كېچىلىرى ئۇخلاپ قېلىش ئۇياقتا تۇرسۇن، مۈگدەپمۇ قالماستىن، مېنىڭ بارلىق ئىشلىرىمنى كۆرۈپ تۇرىدىغان بىر زات بار ئىكەن. ئۇ بولسىمۇ رەببىم ئاللاھتۇر. توغرا مەن كىچىكىمدە شۇنداق خىياللارنى قىلغان ئىدىم.چوڭ بولغىنىمدا ئويلاپ كۆردۈم . ھەقىقەتەن توغرىكەن، مىنى ھەمىشە كۆرۈپ تۇردىغان بىر زات بار ئىكەن. شۇڭا مەن ئىش ھەركەتلىرىمگە، گەپ سۆزۈمگە قاتتىق دىققەت قىلىشىم كېرەك ئىكەن. لىكىن بۇ قانداقتۇرسۈننىلىك بولماستىن بەلكى، چىن ،ھەقىقى قورقۇش بولىشى لازىمكەن، چۈنكى،! مېنىڭ ئىش-ھەركىتىمنى كۆرۈپ تۇرغان شۇ زاتتىن، قەلبىمدىكىنىمۇ يۇشۇرالمايدىكەنمەن ئەمەسمۇ؟ يەنلا كىچىكلىكىمدىكى تاتلىق خىياللىرىمغا قايتاي....يەنە شۇنداق ئويلارنى قىلاتتىم. ئۆيدە ئولتۇرغان ۋاقىتلىرىمدا ئۆيۈم چاقى بار ماڭالايدىغان  بىر ئۆيدەك، بىز بولساق خۇددى بىر مەنزىلنى كۆزلەپ ماڭغان بىر يولۇچىلاردەك تۇيغۇغا كەپ قالاتتىم. ئەمما شۇ مەنزىلىمنىڭ قەيەر ئىكەنلىكىنى بىلمەيتىم. لېكىن ھازىر چوڭ بولدۇم، ئۆيۈمنىڭ ماڭالمايدىغانلىقىنى بىلىپ يەتتىم. لېكىن ئۆزەمنىڭ ھەقىقەتەن بىر《يولۇچى》ئىكەنلكىمنى بىلدىم. مەن بۇ سەپىرىمدە ھاياتلىق يولۇمنى بېسىپ مېڭىۋاتقان بىر يولۇچى ئىكەنمەن. قايسى مەنزىلنى كۆزلەپ ماڭغانلىقىمنى بىلمىگەن ئىدىم. ئەمدى بىلدىم، ئۆزەمنىڭ بۇ 《سەپىرىمدە》قايەرنى كۆزلەپ ماڭغىنىمنى بىلدىم. ئاخىرقى نىشانىمنىڭ نىمە ئىكەنلىكىنى ماڭا ئاللاھىم بىلدۈردى. ئىنشا ئاللاھ شۇ نىشانغا يېتىش ئۈچۈن مەن يەنىلا شۇ مېھرىبان رەببىمدىن ياردەم سورايمەن. بالىلىقىمدا قىلغان شۇ ئىككى خىيالىمنى مەن پەقەت 《خىيال》دەپلا ھېساپلايتىم، ياق! ئۇ پەقەت 《خىيال》لا بولماستىن، بەلكى بىر ھەقىقەت ئىكەن ئەمەسمۇ؟ شۈكرى، ماڭا شۇ ھېكمەتلەرنى بىلدۈرگەن رەببىمگە شۈكرى. مېنى زالالەت يولىدا تېڭىرقىتىپ تۇرغۇزۇپ قويمىغان رەببىمگە شۈكرى، گەرچە مەن بۇ بىر ئىككى ئېغىز شۈكرى دىگەن سۆز بىلەن ئاللاھقا جايىدا شۈكۈرئېيتالمىساممۇ بۇ مېنىڭ ئىنشا ئاللاھ چىن قەلبىمدىن چىققان سادالار.....شۈكرى  ئەي  راببىم!!! ئەسكەرتىش: بۇ ئويدۇرما ئەمەس... مەنبە: ئاللاھنىڭ ياردىمى بىلەن ئۆزۈم..

indistan

	ئازراق ئىملا خاتالىقى  باركەن  بىراق  ياخشى يېزىپسىز         يەنىمۇ تىرىشىڭ

sanjay

	ياخشى يېزىپسىز            ياخشى يازمىلىرىڭىزنى كۈتىمىز

قورغان

	اللاھ  مۇرادىڭىزغا يەتكۈزگەي

jim-jit

	ئاللا   دىلىڭىزنى    تىخىمۇ    يۇرۇق    قىلغاي    .

jelwa

	بۆجەنچاق تاتلىق قوللىرىڭغا دەرت كەلمىسۇن جۇمۇ ھى ھى ................كارامەت يىزىپ قويۇپسەنغۇ ................داۋاملىق يوللاپ تۇر ھە ؟

jelwa

	كىلەر قىتىم چوقۇم بۆجەنچاقنىڭ موگۇ ئۈزۈشى دىگەن تىمىنى يىزىپ چىق جۇمۇ

نىسا

	ئۇلۇغ ۋە كەرەملىك ئاللاھ مىليونلغان سەبىلەر دىلىغا سىزنىڭكىگە ئوخشاش ھەقىقى‹خىيال›لارنى سالغاي. ئامىن.

ehrami

	ياخشى يېزىلىپتۇ