ئىمان سەۋەبلىك، سىزگە ئاشىق بولدۇم

boraoghli

	ئىمان سەۋەبلىك، سىزگە ئاشىق بولدۇم           تۇرغۇنجان ئەرشىدىن          ا圣学伊斯兰ا سالونىدىكى يازمىدىن تەرجىمە قىلىندى. ئىمانلىق كىشىنى تاللاڭ، چۈنكى پەقەت ئاللاھتىن قورققان، ئاللاھقا شۈكرى قىلىپ ئاللاھنى زىكرى قىلالايدىغان كىشىلەرلا سۆيگۈنى ۋە ئائىلىنى قەدرلەيدۇ.          ئىمانلىق كىشىنى تاللاڭ، ئۇ نېمىنى قىلىش، نېمىنى قىلماسلىقنى بىلىدۇ. ئۇ سىزگە خاتىرجەملىك ۋە ھوزۇر ئېلىپ كېلىدۇ.          ئىمانلىق كىشىنى تاللاڭ، ئۇ ئاسانلىقچە شەيتاننىڭ كەينىگە كىرمەيدۇ، چۈنكى ئۇ ئاللاھنىڭ كۆرۈپ قېلىشىدىن قورقىدۇ سىزنىڭ كۆرۈپ قېلىشىڭىزدىن ئەمەس.          ئىمانلىق كىشىنى تاللاڭ، ئەر بولسۇن ئايال بولسۇن، ئۇ ئىسلام چەكلىگەن ئىشلارنى قىلمايدۇ، چۈنكى قاتتىق ھېساب بېرىدىغانلىقىنى بىلىدۇ.          ئىمانلىق كىشىنى تاللاڭ، شەيتان قىزلار ئۇنى ئازدۇرغاندا، ئۇ ئاللاھتىن قورققانلىقتىن، نەپسىدىن كېچىدۇ. ئۇ يۈسۈپ ئەلەيھىسسالامنىڭ گۈزەل زۇلەيخانىڭ ئازدۇرىشىغا دۇچ كەلگەندە، رەببىنى ئەسلەپ، نەپسىدىن كېچىپ زىنداندا يېتىشقا رازى بولغانلىقىنى ئەسلەيدۇ. ئۇ پۈتۈن دۇنيا ئەرلىرىگە ئۈلگە بولغان ئىدى.          ئىمانلىق قىزنى تاللاڭ، ئۇ نېمىنىڭ نومۇس، نېمىنىڭ قەدر - قىممەت ئىكەنلىكىنى بىلىدۇ. ئۇ ئۆزىنىڭ ئەۋرىتىنى ساقلايدۇ. يېنىكلىك بىلەن نامەھرەملەرگە يېقىنلاشمايدۇ.          ئىمانلىق قىزنى تاللاڭ، ئۇ ھەرگىزمۇ ئۆزى يالغۇز بىر ئوغۇل بىلەن ئۇچراشمايدۇ، ئۇ ھەقىقىي رەۋىشتە سىزنى ۋە ئائىلىڭىزنى سۆيۈشنى بىلىدۇ. ئۇ جەمئىيەتتىكى نومۇسسىز قىزلارغا ئوخشاش يالىڭاچلىقى بىلەن ئوغۇللارنى جەلىپ قىلىپ زىناغا باشلىمايدۇ. كېيىنىشىدىن بىر قىزنىڭ بىلىم قۇرۇلمىسىنى بىلگىلى بولىدۇ، سۆز قىلىشىدىن ئۇنىڭ بىلىم قاتلىمىنى تېخىمۇ چۈشەنگىلى بولىدۇ. ئۇنىڭ ئىش - ھەرىكەتلىرىدىن ئۇنىڭ مۇلايىملىقى ۋە كەڭ قورساقلىقىنى بىلگىلى بولىدۇ.          ئىمانلىق كىشىنى تاللاڭ، ئۇ سىزنىڭ ۋە ئۆزىنىڭ ئاتا - ئانىسىغا يۈرىكى بىلەن مۇئامىلە قىلىدۇ. چۈنكى ئۇ بۇلارنىڭ ئېتقادنىڭ ئاساسى ئىكەنلىكىنى، ئېتقادتىكى ئەڭ مۇھىم بىر تەرەپ ئىكەنلىكىنى بىلىدۇ. بىر كىشى چوڭلارنى ھۆرمەت قىلمىسا بۇ بەك قورقۇنۇشلۇق، ئۇنداق كىشىدىن يىراق تۇرۇش كېرەك. چوڭلارنى ھۆرمەتلەپ، كىچىكلەرنى ئىززەتلەيدىغان كىشى چوقۇم بىر ۋىجدان ئىگىسى. ئۇنداق ئادەم چىن مۇھەببىتى بىلەن سىزنى ھەقىقىي سۆيەلەيدۇ.          ئىمانلىق كىشىنى تاللاڭ، تەلىپىڭىز چېكىدىن ئاشمىسىلا، بارىلىق تەلەپلىرىڭىزگە ئۇ كەڭ قورساقلىق ۋە مېھرى مۇھەببەت بىلەن مۇئامىلە قىلىدۇ.          ئىمانلىق كىشىنى تاللاڭ، دۇنيا ۋە ئاخىرەتتە بىللە بولالايسىلەر. ئۇ ئۆزىنىڭ سۆيگۈسى بىلەن بۇ دۇنيادىكى كىچىك جەننەتنى سىزگە قۇرۇپ بېرىدۇ. ئاخىرەتتە بولسا شۇ سۆيگۈ سەۋەبىدىن رەببىنىڭ رەھمىتىگە ئېرىشىپ ھەقىقىي مەڭگۈلۈك جەننەتتە سىزگە ھەمراھ بولىدۇ.          شۇنىڭ ئۈچۈن، ئىمانلىق بىرىنى تاللاشتىن بۇرۇن، ئاۋال ئۆزىڭىزنى تەكشۈرۈپ كۆرۈڭ، سىز بىر ئىمانلىق كىشىمۇ؟ سىز قارشى تەرەپنىڭ شۇنچە كۆپ ئارتۇقچىلىقلىرىغا ماس كەلگۈدەكسىزمۇ؟

hujayin1

	بۇنداق ئويلايدىغان قېرىنداشلىرىمىز ھەقىقەتەن كۆپ.

tiwep

	شۇنداق .مۇسلىمە قىزلىرىمىزگە سىناق كەلمەكتە .ھاۋانىڭ ئىسسىشى ،ئىچىۋىتىلگەن جەمىئەتتە ئاللاھ ۋە ئاللاھنىڭ رەسۇلىنىڭ رازىلىقى ئۇچۇن ھىجاپلانغان مۇسلىمەلىرىمىزگە ئاللاھ رەھمەت قىىلسۇن .   ئاللاھنىڭ ئازابىدىن قورقۇپ كىچىنى بىدار ئۆتكۇزۇپ قىيامدا تۇرغان ياش قىران يىگىتلىرىمىزگە ۋە شەھۋەتلىرىنى ھارامدىن ساقلىغان ئىسلام ئەركەكلىرىگە ئاللاھ رەھمەت قىلسۇن

ئەرتۇرا

	ئەسسالامۇ ئەلەيكۇم تىما ئىگىسى قېرىندىشىم!سىزگە ئاللاھ رەھمەت قىلسۇن ! نادىر تىما يوللاپسىز. ھەقىقەتەن توي قىلىشتا تىمىدا دىيىلگىنىدەك تەقۋادارنى تاللىغاندا بەخىتلىك بولغىلى بولىدۇ. .....

uyol

	ئاللاھ رەھمەت قىلسۇن، شۇنداق ئېسىل تېمىدىن بىرنى يوللاپسىز!!

زېلال

	تەربىيۋې ئەھمىيتى زور تېمىكەن ، شۇنداق ياختۇردۇم رھمەت

aisadap

	‏ئىمانلىق ،ھەم پىكرى جەھەتتە بىردەك بولغان بىرىگە ئېرىشىش ھەر ئىككى دۇنيالىق ئەڭ چوڭ بەخىت.

kisasker

	ئىلىمنى قانچىلىك ئۈگەنسەڭ، ئۈگەن، مۇبادا ئىشلەتمىسەڭ نادانسەن. ئەمەسسەن نە ئالىم، نە بىر دانىشمەن، تۆت پۇتلۇق ئۇلاغسەن، كىتاب يۈكلەنگەن. ئۇ بىر مېڭىسىزكى، ھېستىن بىخەۋەر، بىلمەس ئۈستىدىكى ئوتۇنمۇ، دەپتەر.

mewize

	ئىسىل يازما بوپتۇ،چۈنكى ئىمان مۇسۇلماننىڭ ھۆججىتى،ئىمان يوق كىشىدە ھۆججەت بولمايدۇ،ئىمانلىق كىشىلەرنى تاللاش ھەر ئىككىلا دۇنيادا خەيىرلىك ئىشتۇر،تېما ئېگىسىگە ئاللاھتىن رەھمەت تىلەيمىز

kisasker

	ئاللاھ بىزلەرنى ئىمانلىقلار قاتارىدىن قىلسۇن ، شۇ ئىمان سەۋەبلىك بىر قىلسۇن