مىنى ئەزدى خۇراپات

kirimjanyasin

	مىنى ئەزدى خۇراپات            (بىرقىزنىڭ نالىسى)          ياشلىغىمنى پايمانلاپ ،مىنى ئەزدى خۇراپات، كەلگۈسىمنى ئايانلاپ،مىنى ئەزدى خۇراپات، چېقىپ مىنى چايانلاپ، مىنى ئەزدى خۇراپات، تۆكتىم دەرنى بايانلاپ،مىنى  ئەزدى خۇراپات. كىرىۋىدىم ئون ئۈچكە ئەلچى كەلدى ئۆيۈمگە، نەقىسمەت بۇ يارەنلەر سەت ئەمەسمۇ يۈزۈمگە، ئاتا-ئانام ۋاي ئىسىت قارىماستىن كۆزۈمگە، ئاخۇنۇمغا نىكاھلاپ،مىنى ئەزدى خۇراپات. ئاخۇنۇمغا قارىسام يېشى ئىكەن يەتمىشتە، بارئىكەنمىش ئۇ تېخى ھەممە قىلىق- ئەتمىشتە، بۇنداق نىكاھ ساۋاپمىش،قالغان ئىكەن ئۆتمۈشتە، رۇخسارىمنى سامانلاپ ،مىنى ئەزدى خۇراپات. ئۆلۈپ كەتكەچ خوتۇنى ،مىنى ئاپتۇ ئەمرىگە، كىچىك قىزغا باش تاراپ،قاراپ باقماي ئەپتىگە، تۇتقۇن بولدۇم ئۆسەك سۆز،ئەپسانە،سەپسەتىگە، ئارزۇ كەتتى قايانلاپ،مىنى ئەزدى خۇراپات. ئەركىنلىكتىن مەھرۇممەن،ماڭا ھەممە كۆز-قۇلاق، چىقىپ قالسام تالاغا،بار تىپىكلەر،مۇش-تاياق، مەندىن ئەركىن يۈرۈشەر،ئېغىلدىكى ئات-ئۇلاق، كۈندە كەتتىم يامانلاپ،مىنى ئەزدى خۇراپات. ئولتۇرغىنىم ،تۇرغىنىم گۇناھ بولدى خەپ دىدى، بىرەر ئېغىز ئارتۇق گەپ،خۇتۇن خەققە سەت دىدى، ئۆي ئىشىدىن باشقىغا نېرى تۇرغىن،چەت دىدى، نادانلىققا قارارلاپ،مىنى ئەزدى خۇراپات. ئانا بولدۇم ئون بەشتە ئىككى ئوغۇل بالىغا، ئىڭەلەيدۇ بۇۋىقىم،تۇز سىپىدۇ يارىغا، يارىشامدۇ بۇقىسمەت،مەندەك بەختى قارىغا، ياشىم ئاقتى تاراملاپ،مىنى ئەزدى خۇراپات. ئۆتتى كۈنلەر،ئۆتتى يىل تۈگىمەستىن ئۆي ئىشى، كىلىپ قاپتۇ بېشىمغا ئوغۇل ئۆيلەش توي ئىشى، قوروق چۈشۈپ يۈزۈمگە ئاقىرىپتۇ چاچ ئۇچى، ياشلىقىمنى ئۇغۇرلاپ،مىنى ئەزدى خۇراپات. ئاپتۇر:كىرىمجان ياسىن(زەپەر)

NURDEN

	ئەسسالام ئەلەيكۇم بەك ياخشى ييىزىپسىز.

sanjay

	كېرىمجان ئەپەندى  كۆپ تەشەككۈر      بولسا تېخىمۇ  نادىر    ئىسىل يازمىلارنى يازسىڭىز      مىسرانىم تورىدىكى قېرىنداشلار بىلەن تەڭ بەھىرلەنسەك          بىلىم دائىرىمىزنى تېخىمۇ موللاشتۇرساق      دىگەن ئۈمىتتە بىز

بۈگۈر

	مەنىسى چوڭقۇر تېتىملىق شېئىر كەن، قەلەم تۇلپارىڭىزغا ھاردۇق يەتمىسۇن.

uyghari

	مەن توردىن يەمەن دۆلىتىدە توققۇز ياشلىق بىر قىزنىڭ قىرىق نەچچە ياشلىق بىر ئەرگە زورلاپ ياتلىق قىلىنغانلىقى، ئەرنىڭ ئۆيىدىكى تۇنجى كېچىسى بۇ قىزنىڭ ھاياتىدىن ئايرىلغانلىقى ھەققىدىكى بىر خەۋەرنى كۆرگەن ئىدىم. بۇ شىئېردا ئاتالمىش «ساۋاپ بۇلىدۇ» دەيدىغان دىنى خۇراپى ئىدىيەنىڭ كىچىك قىزلىرىمىزنىڭ بەختىنى يەر بىلەن يەكسان قىلىدىغان ھەقىقى ماھىيىتى ئېچىپ بېرىلىپتۇ. تىما ئىگىسىگە تەشەككۇر.

uzhiyal

	بەك ياخشى يېزىپسىز ! مەن سىزنى ئەمدى تونۇدۇم ! پەيزىۋات شاپتۇل يېزىسىدىنغۇ سىز ! مەنمۇ شۇ يىزىدىن ،سۇرتىڭىز گە قاراپ تونۇشتەك كۆرۈندى . بىز نىڭ يىزىدىنمۇ مىسرانىمدا ئالى ئەزا بولغانلار باركەن ، ناھايىتى ئىسىل ئىش بوپتۇ ! نادىر تىمىللىرىڭىزنى ئۈزۈپ قويماي يوللاپ تۇرغايسىز !

Kerammusic

	ئېسىل يېزىپسىز قەلمىڭىز ھارمىغاي!

sultan777

	ھازىر مىللىتىمىز ئىچىدە مۇنداق ئىشلار ھازىرمۇ  بارمۇ؟  بۇ بۇرۇنقى دەۋىرنى ئەسلىتىپ يىزىلغان شىېرمۇ؟ مىللىتىمىز نىمىنىڭ خۇراپات  ئىكەنلىگىنى خىلى بۇرۇن تونۇپ يەتكەن.

ئالمىچى

	مىنىڭچە مىللىتىمىز ئارىسىدا بالدۇر ياتلىق قىلىۋىتىدىغان ئىشلار بۇرۇن باركەنتۇق لىكىن ھازىر ئۇنداق ئەھۋال ناھايتى ئاز يوق دىسەكمۇ بولىدۇ

قورغان

	شىئېرىڭىزياخشى  چېقىپتۇ، ئىجادىيىتىڭىزگە ئۇتۇق تېلەيمەن،   ھازىرقى دەۋرىمىزدە بەلكىم ئون ئۈچ ياشلىق قىزبالىنى  ئاخۇنىمغا  بېرىدىغان ئىشلار يوقتۇ، ھە...