كۆلچەك

boraoghli

	كۆلچەك تۇرغۇنجان ئەرشىدىن بۇ كىچىك شەھەرنىڭ مەركىزىدە بىر كىتابخانا قەد كۆتۈرۈپ تۇرىدۇ. بىر نېمە كىتاب خانىسى دەپ يېزىلغان چوڭ خەتلەرنى دەرەخ شاخلىرى توسۇپ قالغان بولسىمۇ كىشىلەرنىڭ بۇ ئۇزۇن يىللىق كىتابخانىنى تېپىشى ئۈچۈن ئۇ ۋىۋىسكىغا ھاجىتى چۈشمەيتى. كىتابخانا يېڭىدىن بېزىلىپ راۋۇرۇس زامانىيۋىلىشىپ قالغان بولۇپ ئىچى يورۇق ۋە ئازادە، كىتابلار ۋە پايدىلىنىش ماترىياللىرىمۇ كۆپ ئىدى. لېكىن يېقىندا بىر مەسىلە يۈز بەردى. كىتابخانىنىڭ بوسۇغىسىدىكى چوڭ مەرمەرگە بىر كىچىك كۆلچەك پەيدا بولۇپ قالدى. دەسلەپتە ھېچكىم دېققەت قىلمىغان بولسىمۇ ھازىر خېلى كۆزگە چېلىقىپ قالغان ئىدى. ئۇ كۆلچەكتە شەھەردىكى ھەممە كىشىنىڭ ئەمگىكى بارلىقىغا ھېچكىم كۆز يۇمالمايتى. چۈنكى ئۇ كۆلچەك كىشىلەرنىڭ تۈكرىكىدىن شەكىللەنگەن تۈكرۈك كۆلچىكى ئىدى. دەسلەپتە مەنمۇ دېققەت قىلماپتىمەن. بىرىنچى قېتىم دىققەت قىلغىنىم مۇشۇ شەنبە كۈنى ئىدى. ئۇ كۈنى مەن كىتابخانىنى بىر ھازا ئايلىنىپ ھېچبىر كىتابنى ئوقۇش خۇش ياقماي سىرتقا چىقماق بولۇپ ئەينەك ئىشكنى ئېچىپلا بوسۇغىدىكى كۆلچەكنى كۆرۈپ يېرگىنىپ كەتتىم. ئىختىيارىسىزلا تۈكرىكىمنى يىغىپ ئۈستىگە شالاققىدە بىر تۈكرۈپ ئۆتۈپ كەتتىم. ئاندىن ئالدىدىكى دەرەخ تۈۋىگە بېرىپ بىر دەم تۇرۇپ قالدىم.  قىزىق يېرى مەندىن كېيىن چىققان ھەربىر ئادەممۇ ئۇ كۆلچەككە بىرنى تۈكرىۋىتىپ ئۆتۈپ كېتىۋاتاتتى. بىر كىچىك بالىمۇ كۆلچەكنىڭ يېنىغا بېرىپ تۈكرىكلىرىنى ئۇزۇندىن ئۇزۇنغا يىغىۋالغاندىن كېيىن ئېغىزىلىرىنى لىق تولدۇرۇپ بىراقلا تۈكۈردى ۋە ئاجايىپ خۇش بولۇپ كەتتى. ئانىسى بىر چەتتە تۇرۇپ بالىسىنىڭ ئىشىغا كۈلۈپ كەتتى. - ئاپا، بۇ ياققا كېلە - ئوھۇش بالام، كۆڭلۈمنى ئېلەشتۈرمىسەڭچۇ -ئاپا، بۇنىڭ ئىچىدە بېلىق بارمىدۇ؟ -ھاھا... ۋاي جېنىم بالام، مەكتەپتە سىلەرگە نېمە ئۆتەۋاتقاندۇ؟ بېلىق دېگەن سۇدا ياشايدۇ. تۈكرۈك دېگەن بىرخىل كىسلاتا ئۇنىڭدا ياشىغىلى بولمايدۇ. نېمە دېسەم بولار، كىتابخانا ئىچىدىكى بىر كىتابتا بار ئىدى، ساڭا ئوقۇپ بەرسەم بوپتىكەن ھە؟ - بولدى ئانا، مەن چۈشەندىم - بالا شۇنداق دېگەچ يۈگرەپ كېلىپ ئانىسىنىڭ پېشىگە ئېسىلدى.ئۇلار بىر بىرىگە ئېسىلغىنىچە كېتىپ قېلىشتى. كىتابخانىدىن چىقىۋاتقان باشقا كىشىلەرمۇ كۆلچەككە توختىماي تۈكرۈپ ئۆتۈپ كەتمەكتە ئىدى. تۈكرۈك كۆلچىكى بۈگۈن كۆرىنەرلىك چوڭىيىپ قالدى. بۇ يەردە ئۇزۇن تۇرغۇم كەلمەي ئۆيگە ماڭدىم. قايتقاچ بۇ مەسىلىنى قانداق ھەل قىلىش توغرىسىدا خىيال قىلىپ باقتىم. تۇيۇقسىز يىراقتا بىر نەرسىنىڭ كۈن نۇرىدا يالت - يۇلت قىلىپ پارقىراۋاتقانلىقىغا كۆزۈم چۈشتى. سىنچىلاپ قاراپ شەھەرلىك چوڭ مەسچىت ئالدىدىمۇ بىر كۆلچەك پەيدا بولۇپ قالغانلىقىنى بايقىدىم.

boraoghli

	...

ئۇتغۇر

蓝狼331

	خېلى چۈشىنىش قابىلىيتىم  بار دەپ  قارايتىم   ،،،،  ئەمما  بۇنى  ئىككى قېتىم  ئۇقۇپ  كۆڭلۈم  بىر  قىسما  بوپ قالدى ......

xamal1124

	دەرۋەقە ئويلىنىشقا ئەرزىگۈدەك تېما ئىكەن

NURDEN

	ئەجەبا شۇ كۆلچەكنى ھىچكىم تىندۇرۋەتمىگەنمىدۇ

پىروزە

	مەزمۇنى چوڭقۇركەن، مەن ياخشىراق تەھلىل قىلپ باقسام بولغۇدەك.

پاۋىل

	خېلى چۈشىنىش قابىلىيتىم  بار دەپ  ئويلايىتتىم. ئەمما  بۇتىمىنى  ئىككى قېتىم  ئۇقۇپمۇ تازا ئىنىق چۈشۈنەلمەي  كۆڭلۈم  بىر  قىسما  بوپ قالدى ؟ ئاخىرىدا بەلكىم گۇڭگا ماقالە بولسا كىرەك.دەپ ئويلاپ قالدىم .

sanjay

	بۇ تىمىدا   ئاپتور  مۇھىت بۇلغۇنۇشنى  تەسۋىرلەش  ئارقىلىق       مۇھىت بۇلغۇنۇش مەسلىسىنى ئوتتۇرىغا قۇيۇپتۇ دىمەك بۇ يەردىكى  كۆلچەك    بېلىق كۆلچىكى بولماستىن بەلكىم ئادەملەر تەرىپىدىن    مۇھىت بۇزغۇنچىلىقىغا بېرىپ تاقىشىدىغان     بىر ئوخشۇتۇش   مىنىڭچە   .       مەسلەن ھېلىقى  يوللارغا قالايمىقان تۈكۈرمەڭ       ،  مۇھىتنى قوغدايلى دىگەندەك      .   بۇ خىل مۇھىت بۇلغاش مەسلىسى  ھازىرمۇ  مەۋجۈت           بەزىلەر مۇھىت قوغداش ئېڭى تۈۋەن  بولغىنى بىلەن  يەنە بەزىلەر   دوراپ شۇنداق قىلامدىكى دەيمەن              بۇ مىنىڭ ھېس قىلغىنىم  توغرىمۇ خاتامۇ    تەھلىل قىلغىنىمنى دىدىم

uyol

	مەنمۇ تازا چۈشنەلمەي قالدىم