مەڭگۈلۈك ئاماننىساخان

رەئوپ

	مەڭگۈلۈك ئاماننىساخان (ناخشا تېكىستى) (مۇقام ئۇستازى ئاماننىساخان تەۋەللۇتىنىڭ 480 يىللىقىنى خاتىرىلەپ) ئابدۇرەئوپ تەكلىماكانىي ئۇيغۇر مەدەنىيەت بايلىقى ئىچرە، ئون ئىككى مۇقامدۇر ئەلا دۇرەخشان. ئون ئالتىنچى قەرندە رەتلىگەن ئۇنى، نەفىسىي لەقەبلىك ئاماننىساخان. دادىسى مەھمۇد ھەم مۇقامچى ئىدى، سەتارىغا كۈي بەرگەن پۈتكۈل دولان. قەدىرخان ياركەندىي قولدىشى، يەنە- ئارقا تىرەك سۇلتان ئابدۇرەشىد خان. ئەخلاقى جەمىلە، شۇرۇھۇل قۇلۇب*، نادىر كىتابلاردۇر نەفىسىي يازغان. خوتۇن -قىزلار ئەخلاق تەربىيەسىدە، ئەبەد پۈتمەس ئىلىم چەشمەسىن قازغان. ئۇيغۇرنىڭ مۇقامى كۆك ئاسمان بولسا، ئاماننىساخاندۇر ئۇندا ئاي چولپان. ئەۋلادلار جۆر بولۇپ كۈيلەر قاتىدۇ، تارىم، تەكلىماكان يەنە زەرەپشان. نەقرات: مەڭگۈلۈك ئۇستاز سەن ئاماننىساخان، سەن تاراتقان مۇقامدىن مەمنۇن جاھان. 2014-يىل 7- مارت، بېيجىڭ. * ئەخلاقى جەمىلە: گۈزەل ئەخلاق؛ شۇرۇھۇل قۇلۇب: قەلبلەر شەرھلىرى، ئاماننىساخان نەفىسىي يازغان ئەخلاقشۇناسلىق ھەققىدىكى كىتابلار. 作品题目汉译：永远的阿曼尼萨汗 作者：阿布都鲁甫.甫拉提 (中央民族大学维吾尔语言文学系教授，博士，博导) 邮箱：teklimakanlik@aliyun.com 联系方式：13717649104

Qabiljan

	ھۆرمەتلىك ئۇستاز،مىسرانىم مۇنبىرىگە قەدەم تەشرىپ قىلغانلىقىڭىزنى قىزغىن قارشى ئالىمىز،قۇتلۇق قەدىمىڭىزگە مەرھابا!

zulpukar

	12 مۇقام كىمدە بار.......  بولسا بىر يوللاپ بىرىڭلارچۇ..........

شرئەلى118

	ئاماننىساخان بولمىغان بولسا مىللىتىمىزگە قىلدىغان ئىش چىقماسكەن  ، مىللىتىمىزنىڭ ناخشا ئۇسۇل ساھەسىگە قوشقان تۆھپىسى ئەڭ زور   سىزگىمۇ رەھمەت ياخشى يېزىپسىز

ئۇتغۇر

	ئەسسالامۇ - ئەلەيكۇم ، ئۇستاز. مۇنبەردە بولسىمۇ پىكىرلىشىش شارئىتىگە ئېرىشكەنلىكىمدىن تولىمۇ خۇرسەنمەن. نادىر يازمىلىرىڭىز ئۈزۈلۈپ قالمىغاي.

FOCUS

	ئابدۇرەوپ  پولات تەكلىماكانى ، مىللىتىىمىز روھىيتىنى  ئوپراتسىيە  قىلىپ  خەلق ئۈچۈن بىر ئۆمۈر جان كۆيدۇرگەن كامالەتلىك ئۇستازىمىز ،ئۇيغۇر مەدەنيتى ئۈچۈن ئۆچمەس تۆھپە ياراتقان مەشھۇر سەركەردە ئالىمىمىز ،مىسرانىم مۇنبىرىمىزگە قەدەم تەشرىپ قىلغانلىقىڭىزغا مۇبارەك ! سىز ئارقىلىق ئەڭ يېڭى ئۇچۇرلاردىن بەھىرلىنىشكە تەشنامىز!

nurjahan0997

	ئاماننىساخان مۇقامنى رەتلىگەن بىلەن بىزنى ھەدېگەندە ساز بىلەن يۈرۈڭ دەپ ئۆگىتىپتىكەنمۇ ياكى بولمىسا ساتارنىڭ تارىلىرىنى قولىمىزغا يۆگەپ قويۇپتىكەنمۇ؟ ئۆلۈپ كەتىتى،تۈگىدى،ھە دېگەندە كىشىدىنلا كۆرىۋەرمەيلى...... تېما ئىگىسىگە تەشەككۈر..........

مارشال

	ئەسسالامۇ ئەلەيكۇم ھۆرمەتلىك ئۇستاز .     ئالدىنقى يىلى يازغۇچى پەرھات تۇرسۇندىن تېلفۇن نۇمۇرلىرىنى سوراپ بىلىۋالغاندىن كېيىن، 11 -ئايدا مەكتەپلىرىگە بېرىپ سىزگە ئۇچۇر قىلسام چۈشتىن كېيىن ساق يېرىم كۈن قىممەتلىك ۋاقتىڭىزنى چىقىرىپ ماڭا نۇرغۇن ياخشى گەپلەرنى قىلىپ بەرگەن ئىدىڭىز.شۇ ۋاقىتتا ‹‹نەۋائى ئۇيغۇر››دېگەن شېئىرىڭىزنى قولىڭىزدا تەربىيلىنىۋاتقان ئوقۇغۇچىڭىز (قۇتلۇق شەۋقىنىڭ چەۋرىسى )ئارقىلىق  تورغا يوللاپ بىز بىلەن يۈز كۆرۈشتۈرگەنلىكىڭىزنى ھەمدە مىسرانىم مۇنبىرىدە چىققانلىقىنى خۇرسەنلىك بىلەن ئاغزاكى بايانىڭىزدا ئېيتقان ئىدىڭىز.شۇ ۋاقىتتا ماڭا سۆزلەپ بەرگەن ھەربىر ئېغىز سۆزىڭىز ھازىرغا كەلگۈچە ئېسىمدىن چىقمايدۇ.شۇ ۋاقىتتا ماڭا ھاياتلىق دەرسى بەرگەن ئىدىڭىز.      شۇ ۋاقىتتا تور ئەدەبىياتىغا بولغان كۆز-قاراشلىرىڭىزنى سورىسام ناھايىتى ئورۇنلۇق،ئەتراپلىق,قايىل قىلارلىق جاۋاب بەرگەن ئىدىڭىز.بۈگۈن مۇنبەردە سىمارىڭىزنى كۆرۈپ دىلىم شۇنداق سۆيۈندى.تولىمۇ خۇرسەن بولدۇم.      پايتەخت بېيجىڭدا بىر ئۆمۈر  ئۇيغۇر مائارىپىنىڭ تەرەقىياتى ئۈچۈن دەرس مۇنبىرىدە سۆزلەپ ،بارلىقىڭىزنى مىللەت ئۈچۈن سەرپ ئەتتىڭىز.سىزنىڭ قولىڭىزدا تەربىيلەنگەن يۇمران مايسىلار كۆكلەپ ماڭغاچقا،ھەممە ئۇيغۇر سىزدىن پەخىرلىنىدۇ. ئاخىرىدا تەنلىرىگە سالامەتلىك،خىزمىتىڭىزنىڭ كۆڭۈللۈك،تەتقىقاتىڭىزنىڭ  ئۇتۇقلۇق بولۇشىغا تىلەكداشمەن.ئاخىرىدا كۆپرەك يازمىلىرىڭىزنى بىزلەرگە سۇنۇپ تۇرۇشىڭىزنى ئۈمىد قىلىمەن!

xukur0996

NURDEN

	قولىڭىزغا دەرت بەرمىسۇن ياخشى يىزىپسىز.