تىمىسىز

tuyguni

	تىمىسىز (مەنبە:قەلىمىم)    نورماللىقتىن ھالقىغان ئادەم.نورمال تۇرمۇش ئادىتى، نورمال بولغان بىرئادىمىيلىق ئۇنىڭغا نىسبەتەن ئەبەدىيلەشكەن، چۇنكى ئۇ بىنۇرمال بولغان نۇرمال  تۇرمۇشتىن زېرىككەن ئىدى. بۇنداق تۇرمۇش ئۇنىڭغا ھېچقانداق بىر ۋىجدانىي جاۋاپ ئاتا قىلالمىغان ئىدى. يالغانچىلىققا ئادەتلىنىپ كەتكەن نۇرمال يالغانچىلار تامامەن ئۆز ھۆكۈمرانلىقىنى تىكلەپ بولغان بولۇپ، بۇ يەردە نېمىنى كۆرسە شۇنى دەيدىغان، ئاقنى ئاق ،قارىنى قارا دەيدىغان ئادەملەرگە بولسا بۇنداق بىنۇرمال نورمال جەمئىيەتتە ئورۇن قالمىغانىدى. ھەممە چەكلىك بولغان بۇ ھاياتتا نۇرغۇن كىشىلەر ئالتۇنغا تېگەشكۈسىز نەرسىلىرىنى پۈتۈنلەي سانغا ئالماشتۇرماقتا ۋە سان بىلەن ئۆلچىمەكتە.     يانچۇقسىز تىكىلگەن ئادەم،يانچۇقسىز كېتىدىغان ئالەم.يانچۇق ئۈچۈن كېسىلگەن، يانچۇق ئۈچۈن تارايغان، يانچۇق ئۈچۈن قىسقارغان كىيىملەر. تۆت كۈنىنى ئۇنۇتقان »مەڭگۈ ئۆلمەس» كىشىلىرىمىز. ھايات شامى يانچۇقىدىكى كىشىلەر. ئۇلار ئۈچۈن ئاق ۋە قارا بىر خىللا، چۈنكى شامنىڭ ئۇنى يورۇتقۇدەك نۇرى قالمىغان. سوراقلىق دەپ ئاتىۋېلىشقان سوراقسىز جەمئىيەت. ئاقمۇ يانچۇقنىڭ، قارىمۇ يانچۇقنىڭ، ئاق ۋە قارا بىر خىللا ئارىلىشىپ كەتكەن ئەبجەش رەڭ. سىدام كەلگەن گۈزەللىك. يانچۇق ئۈچۈن ئىچكى قاتلامدا ئۆزگىرىپ، ئېنىقلا مانا مەن دەپ، ئاتالمىش ئۆزلۈكنى نامايەن قىلغان نۇرسىز كۆزلەر جەمگاھى. سۈننەت ۋە ۋاجىپنىڭ سۇنۇقىنى بىلمەيدىغان موللىلارنىڭ بىرى سۈننەت، ئىككىسى ۋاجىپنىڭ قۇربانىغا ئايلىنىپ كەتكەن رەڭسىز دېڭىز.      شامالغا ئەگەشكەن شەكىلسىز قامغاقلار.گوياكى ئورنى يوق،ئۇلار ئۆزىنىڭ نەگە تەۋە ئىكەنلىكىنىمۇ بىلمەستىن،شوخ شامالغا ئۆزى بىلگەن پەدىدە ساما سالماقتا. ھېچبىر سەۋەپسىز يانچۇقنىڭ ئولجىسىغا ئايلىنىپ قېلىۋاتقان تاھىر-زۆھرەلەر. ۋارقىراش ۋە قارشىلىق بولمىغان ئولجىلار. سوراقلىق ئالەمنىڭ سوراقسىز مەھسۇلاتلىرىنىڭ ھەممىلا جايدا سايراۋاتقان ناۋاسى.     ھەممە پەقەت ئاياغ ئاستىغىلا ئامانەت قالغان. ھەممە ئادەمنى قانائەتلەندۇرگۈدەك ۋىجدانىي جاۋاپ، كۆرگەننى سۆزلەيدىغان كىشىلەر،ئالتۇنغا تېگىشكۈسىز بىباھا گۆھەرلەر، يانچۇقسىز تىكىلگەن ئادەم، ھايات شامى نۇرلۇق كىشىلەر، سوراقلىق ئالەم، سىدام گۈزەللىك، شامالسىز ساما، شەكىللىك قامغاق، تاھىر-زۆھرەلەر پەقەت ئانامنىڭ ئايىغى ئاستغىلا ئامانەت قالغانىدى.

naziye

	بۇ گۇڭگا نەسىرمۇ نىمە ؟ بۇنىڭ مەزمۇنىنى 90 پىرسەنتىنى سىز 10 پىرسەنتىنى ئوقۇرمەنلەر چۈشنىشى مۇمكىن ، شۇنداقمۇ ؟   قەلىمىزگە قۇۋۋەت ،ئىجادىيەتلىرڭىزگە مولچىلىق تىلەيمەن .

othor

	ئەتراپىڭىزغا  نەزەر  سىلىڭ  ،  باھار  كىلىۋاتىدۇ .......

ayxolisi

	ھەممە يەر يېشىللىققا پۇركەندى . نىمە دىگەن گۈزەل مەنزىرە بۇ - ھە !

yiltez5203

	بۇ ئەسەر يەنە ئازراق بىيىتىلسا تىخىمۇ مۇكەممەل بولاتتىكەن، مىنىڭچە سىز بۇ ئەسەرنى ماقالىگە ئۆزگەرتىپ باقسىڭىز بولامدىكىن دەيمەن. بۇ پەقەتلا مىنىڭ تەششەببۇسۇم خالاس. چۈنكى ئەسەردىكى كىنايىلىك تازا گەۋدىلەنمەپتۇ.

natunux^kiz

	شۇنداق،قىسمەن كىشىلىرىمىز«يانچۇقنىڭ،پۇل مال دۇنيانىڭ»قۇلى بولۇپ كېتىۋاتىدۇ، سورىقى بار دۇنيا بۇ

sahiba33

	سىزدە بىر خىل تالانىت باركەن، ئەسىرىڭىزنىڭ شەكلىنى بەك ياقتۇردۇم،مەزمۇنىمۇ چوڭقۇركەن ،داۋاملىق تىرىشىڭ!!!

ئۇتغۇر

	بەكلا مەنىلىك گۇڭگا نەسىر بوپتۇ، ئىجادىيەت دېگەن مانا...

jinim3000

	ئەسالامۇئەلەيكۇم تورداشلا مىكرو فىلىم ئىشلەش ئۈچۈن قىسقا ھىكايە ، نەسىر ياكى تەرجىمە ئەسەرلەر لازىم بولغان ئىدى ، تورداشلارنىڭ ياردەم قىلىشنى ئۈمىد قىلىمەن . ئىنكاس ئاساسدا يولساڭلامۇ بۇلىدۇ. ياكى چ چ دىن ئەۋەتىپ بەرسەڭلەمۇ بۇلىدۇ~!    59952257:qq رەھمەت سىلەرگە!!!!!!!!