ﺩﻭﺧﺘﯘﺭﺧﺎﻧﺎ ﻛﯧﺴﻪﻝ ﺑﻮﻟﺴﺎ ﻛﯩﻢ ﺩﺍﯞﺍﻻﻳﺪﯗ ؟

Yatmix

	ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﻠﻐﺎﻥ 20 ﻳﯩﻠﺪﯨﻦ ﺑﯘﻳﺎﻥ ﺳﻪﻫﯩﻴﻪ ﺋﯩﺸﻠﯩﺮﯨﻨﯩﯔ ﺗﻪﺭﻩﻗﻘﯩﻴﺎﺗﻰ ﺗﯧﺰ ﺑﻮﻟﺪﻯ . ﻫﻪﺭ ﺩﻩﺭﯨﺠﯩﻠﯩﻚ ﭘﺎﺭﺗﯩﻴﻪ - ﻫﯚﻛﯜﻣﻪﺗﻠﻪﺭﻧﯩﯔ ﺑﯩﯟﺍﺳﯩﺘﻪ ﺭﻩﻫﺒﻪﺭﻟﯩﻜﻰ ، ﺳﻪﻫﯩﻴﻪ ﻣﻪﻣﯘﺭﯨﻲ ﺑﺎﺷﻘﯘﺭﯗﺵ ﺗﺎﺭﻣﺎﻗﻠﯩﺮﯨﻨﯩﯔ ﻛﻮﻧﻜﺮﯦﺖ ﻳﯧﺘﻪﻛﭽﯩﻠﯩﻜﯩﺪﻩ ﺷﻪﻫﻪﺭ ، ﻳﯧﺰﯨﻼﺭﺩﯨﻜﻰ ﺩﻭﺧﺘﯘﺭﺧﺎﻧﯩﻼﺭﻧﯩﯔ ﺷﺎﺭﺍﺋﯩﺘﻰ ﻛﯚﺭﯛﻧﻪﺭﻟﯩﻚ ﻫﺎﻟﺪﺍ ﻳﺎﺧﺸﯩﻠﯩﻨﯩﭗ ، ﺩﺍﯞﺍﻻﺵ ، ﭘﻪﺭﯞﯨﺶ ﻗﯩﻠﯩﺶ ﺳﻪﯞﯨﻴﯩﺴﻰ ﯞﻩ ﺳﯜﭘﯩﺘﻰ ﻳﯘﻗﯩﺮﻯ ﻛﯚﺗﯜﺭﯛﻟﺪﻯ . ﺋﺎﻏﺮﯨﻘﻼﺭﻏﺎ ﺋﻪﻻ ﻣﯘﻻﺯﯨﻤﻪﺕ ﻗﯩﻠﯩﺶ ، ﻣﻪﺩﻩﻧﯩﻴﻪﺗﻠﯩﻚ ﺩﻭﺧﺘﯘﺭﺧﺎﻧﺎ ﺑﻪﺭﭘﺎ ﻗﯩﻠﯩﺶ ﭘﺎﺋﺎﻟﯩﻴﯩﺘﻰ ﭼﻮﯕﻘﯘﺭ ﻗﺎﻧﺎﺕ ﻳﺎﻳﺪﯗﺭﯗﻟﯘﭖ ، ﻛﯚﺭﯛﻧﻪﺭﻟﯩﻚ ﻧﻪﺗﯩﺠﯩﻠﻪﺭ ﻗﻮﻟﻐﺎ ﻛﻪﻟﺘﯜﺭﯛﻟﺪﻯ . ﺋﻪﭘﺴﯘﺳﻜﻰ ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺑﯩﺮ ﻗﯩﺴﯩﻢ ﺩﻭﺧﺘﯘﺭﺧﺎﻧﯩﻼﺭﻧﯩﯔ ﺧﯩﺰﻣﯩﺘﯩﺪﻩ ﺑﻪﺯﻯ " ﻧﯘﻗﺴﺎﻥ "ﻻﺭﻣﯘ ﻛﯚﺭﯛﻟﺪﻯ ، ﺋﯘﻻﺭ ﺋﻮﺧﺸﯩﻤﯩﻐﺎﻥ ﺩﻩﺭﯨﺠﯩﺪﻩ ﺧﯩﺮﺍﺟﻪﺕ ﻳﯧﺘﯩﺸﻤﻪﺳﻠﯩﻚ ، ﺋﺎﺩﻩﻡ ﻛﯚﭖ ﺑﻮﻟﯘﺵ ، ﻣﯘﺋﺎﺵ ﺗﺎﺭﻗﯩﺘﯩﺶ ﻗﯩﻴﯩﻦ ﺑﻮﻟﯘﺷﺘﻪﻙ ﻗﯩﻴﯩﻨﭽﯩﻠﯩﻘﻼﺭﻧﻰ ﻫﻪﻝ ﻗﯩﻠﯩﺶ ﺋﯜﭼﯜﻥ ﻗﻮﻟﯩﻨﻰ ﻛﯧﺴﻪﻟﻠﻪﺭﮔﻪ ﺳﯘﻧﯘﭖ ، ﻣﯘﺋﻪﻳﻴﻪﻥ ﺩﻩﺭﯨﺠﯩﺪﻩ ﺩﺍﯞﺍﻟﯩﻨﯩﺶ ﻗﯩﻤﻤﻪﺕ ﺑﻮﻟﯘﺷﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﺩﻯ . ﺋﺎﺯ ﺳﺎﻧﺪﯨﻜﻰ ﺗﯩﺒﺒﯩﻲ ﺧﺎﺩﯨﻤﻼﺭ ﻛﯧﺴﻪﻟﻠﻪﺭﺩﯨﻦ " ﻗﯩﺰﯨﻞ ﺑﻮﻻﻕ " ، ﺩﻭﺭﺍ ﺋﯧﻠﯩﻢ - ﺑﯧﺮﯨﻤﯩﺪﻩ " ﺷﯧﺮﯨﻨﻜﺎﻧﻪ " ﺋﯧﻠﯩﭗ ، ﺟﻪﻣﯩﻴﻪﺗﺘﻪ ﺋﯩﻨﺘﺎﻳﯩﻦ ﻧﺎﭼﺎﺭ ﺗﻪﺳﯩﺮﻟﻪﺭﻧﻰ ﭘﻪﻳﺪﺍ ﻗﯩﻠﺪﻯ . ﺷﯘﻧﯩﯔ ﺑﯩﻠﻪﻥ ﻛﯩﺸﯩﻠﻪﺭ ﺑﯘﻧﻰ " ﺩﻭﺧﺘﯘﺭﺧﺎﻧﺎ ﮔﯩﺮﯨﭙﺘﺎﺭ ﺑﻮﻟﻐﺎﻥ ﺑﯩﺮ ﺧﯩﻞ ﻛﯧﺴﻪﻟﻠﯩﻚ " ﺩﻩﭖ ﺋﺎﺗﺎﺷﺘﻰ ؛ ﺑﻪﺯﻯ ﺋﺎﺧﺒﺎﺭﺍﺕ - ﺗﻪﺷﯟﯨﻘﺎﺕ ﯞﺍﺳﯩﺘﯩﻠﯩﺮﯨﻤﯘ " ﺩﻭﺧﺘﯘﺭﺧﺎﻧﺎ ﻛﯧﺴﻪﻝ ﺑﻮﻟﺴﺎ ﻛﯩﻢ ﺩﺍﯞﺍﻻﻳﺪﯗ ؟ ؟ ؟ " ﺩﯦﮕﻪﻥ ﺗﯧﻤﯩﺪﺍ ﺧﻪﯞﻩﺭ ﯞﻩ ﺋﯘﻧﯩﯖﻐﺎ ﺋﺎﺋﯩﺖ ﻣﻪﺯﻣﯘﻧﻼﺭﺩﯨﻦ ﺋﺎﻟﺪﯨﻦ ﺑﯧﺸﺎﺭﻩﺕ ﺑﻪﺭﺩﻯ . ﺗﻮﻏﺮﺍ ، ﺧﻪﻟﻖ ﺋﺎﻣﻤﯩﺴﻰ ﻛﯧﺴﻪﻝ ﺑﻮﻟﺴﺎ ﺩﻭﺧﺘﯘﺭﺧﺎﻧﯩﻨﻰ ﺋﯩﺰﺩﻩﻳﺪﯗ . ﺋﯘﻧﺪﺍﻗﺘﺎ ﺩﻭﺧﺘﯘﺭﺧﺎﻧﺎ " ﻛﯧﺴﻪﻝ " ﺑﻮﻟﺴﺎ ﺋﯘﻧﻰ ﻛﯩﻢ ﺩﺍﯞﺍﻻﻳﺪﯗ ؟ ؟ ؟ ﺩﻭﺧﺘﯘﺭﺧﺎﻧﯩﻨﯩﯔ ﻛﯧﺴﻪﻝ ﺩﺍﯞﺍﻻﻳﺪﯨﻐﺎﻥ ، ﺋﯚﻟﯜﻣﮕﻪ ﺋﺎﻣﺎﻝ ، ﺋﺎﻏﺮﯨﻘﻘﺎ ﺳﻪﯞﻩﺏ ﻗﯩﻠﯩﺪﯨﻐﺎﻥ ﺋﻮﺭﯗﻥ ﺋﯩﻜﻪﻧﻠﯩﻜﯩﻨﻰ ﻫﻪﻣﻤﻪ ﺑﯩﻠﯩﺪﯗ ، ﺋﻪﻣﻤﺎ ﺩﻭﺧﺘﯘﺭﺧﺎﻧﯩﻨﯩﯖﻤﯘ " ﻛﯧﺴﻪﻝ " ﺑﻮﻟﯘﭖ ﻗﺎﻟﻐﺎﻧﻠﯩﻘﻰ ﻏﻪﻟﯩﺘﻪ ﺋﯩﺶ . ﺗﻪﻛﺸﯜﺭﯛﺵ ﻧﻪﺗﯩﺠﯩﺴﯩﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ ، ﻫﺎﺯﯨﺮ ﺑﯩﺮ ﻗﯩﺴﯩﻢ ﺩﻭﺧﺘﯘﺭﺧﺎﻧﯩﻼﺭ ﻣﯘﻧﺪﺍﻕ ﺑﯩﺮ ﻧﻪﭼﭽﻪ ﺧﯩﻞ ﻛﯧﺴﻪﻟﻠﯩﻜﻜﻪ ﮔﯩﺮﯨﭙﺘﺎﺭ ﺑﻮﻟﻐﺎﻥ : 1 . " ﺋﻮﺯﯗﻗﻠﯘﻕ ﻳﯧﺘﯩﺸﻤﻪﺳﻠﯩﻚ ﻛﯧﺴﯩﻠﻰ " ﺑﯘ ، ﺩﻭﺧﺘﯘﺭﺧﺎﻧﯩﻼﺭﺩﺍ ﺋﯧﻐﯩﺮ ﺩﻩﺭﯨﺠﯩﺪﻩ ﺭﺍﺳﺨﻮﺕ ﻳﯧﺘﯩﺸﻤﻪﺳﻠﯩﻜﺘﯩﻦ ﭘﻪﻳﺪﺍ ﺑﻮﻟﻐﺎﻥ ﺑﯩﺮ ﺧﯩﻞ ﻛﯧﺴﻪﻟﻠﯩﻚ . ﻫﺎﺯﯨﺮ ﺩﯙﻟﻪﺕ ﺑﯧﺮﯨﯟﺍﺗﻘﺎﻥ ﻳﺎﺭﺩﻩﻡ ﭘﯘﻝ ﺩﻭﺧﺘﯘﺭﺧﺎﻧﯩﺪﯨﻜﻰ ﺋﯩﺸﭽﻰ - ﺧﯩﺰﻣﻪﺗﭽﯩﻠﻪﺭﻧﯩﯔ ﺑﯩﺮ ﻗﯩﺴﯩﻢ ﻣﯘﺋﺎﺷﯩﻨﻰ ﺑﯧﺮﯨﺸﻜﻪ ﺋﺎﺭﺍﻥ ﻳﯧﺘﯩﺪﯗ . ﺩﻭﺧﺘﯘﺭﺧﺎﻧﯩﻐﺎ ﺩﻭﺭﺍ ، ﻛﯧﺴﻪﻝ ﺗﻪﻛﺸﯜﺭﯛﺵ ، ﺩﺍﯞﺍﻻﺵ ﺋﯜﺳﻜﯜﻧﻪ - ﺋﻪﺳﻠﯩﻬﻪﻟﯩﺮﯨﻨﻰ ﺳﯧﺘﯩﯟﯦﻠﯩﺶ ﺋﯜﭼﯜﻥ ﭘﯘﻝ ﻛﯧﺮﻩﻙ . ﻳﻪﻧﻪ ﺳﯘ ، ﺗﻮﻙ ، ﻳﯧﻘﯩﻠﻐﯘ ، ﺋﯩﺸﺨﺎﻧﺎ ﺧﯩﺮﺍﺟﻪﺗﻠﯩﺮﻯ ﺋﯜﭼﯜﻧﻤﯘ ﭘﯘﻝ ﻻﺯﯨﻢ . ﺩﻭﺧﺘﯘﺭﺧﺎﻧﺎ ﺩﻭﺧﺘﯘﺭﺧﺎﻧﯩﻨﯩﯔ ﻧﻮﺭﻣﺎﻝ ﺧﯩﺰﻣﯩﺘﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺸﻰ ﺋﯜﭼﯜﻥ ﭼﻮﻗﯘﻡ ﭘﯘﻝ ﺗﯧﭙﯩﺸﻰ ، ﭘﺎﻳﺪﺍ ﻳﺎﺭﯨﺘﯩﺸﻰ ﻛﯧﺮﻩﻙ . ﭘﯘﻟﻨﻰ ﻗﺎﻧﺪﺍﻕ ﺗﺎﭘﯩﺪﯗ ؟ ﭘﺎﻳﺪﯨﻨﻰ ﻗﺎﻧﺪﺍﻕ ﻳﺎﺭﯨﺘﯩﺪﯗ ؟ ﻫﺎﺯﯨﺮ ﺋﺎﻳﺮﯨﻢ ﺩﻭﺧﺘﯘﺭﺧﺎﻧﯩﻼﺭ ﭘﯘﻝ ﺗﯧﭙﯩﺶ ، ﭘﺎﻳﺪﺍ ﻳﺎﺭﯨﺘﯩﺶ ﺋﯜﭼﯜﻥ ﻗﻮﻟﯩﻨﻰ ﻛﯧﺴﻪﻟﻠﻪﺭﮔﻪ ﺳﻮﺯﻣﺎﻗﺘﺎ . ﺑﯩﺮ ﻗﯩﺴﯩﻢ ﻛﯧﺴﻪﻟﻠﻪﺭﻧﻰ ﺯﯙﺭﯛﺭ ﺑﻮﻟﻤﯩﻐﺎﻥ ﺗﻪﻛﺸﯜﺭﯛﺷﻠﻪﺭﮔﻪ ﺑﯘﻳﺮﯗﺵ ، ﻳﻪﯕﮕﯩﻞ ﻛﯧﺴﻪﻟﮕﯩﻤﯘ ﭼﻮﯓ ﺭﯦﺘﺴﯩﭗ ﻳﯧﺰﯨﺶ ، ﺋﺎﺩﻩﺗﺘﻰ ﺩﻭﺭﯨﻼﺭ ﺑﯩﻠﻪﻧﻤﯘ ﺳﺎﻗﯩﻴﯩﭗ ﻛﯧﺘﯩﺪﯨﻐﺎﻥ ﻛﯧﺴﻪﻟﻠﻪﺭﮔﻪ ﭼﻪﺕ ﺋﻪﻟﺪﯨﻦ ﺋﯩﻤﭙﻮﺭﺕ ﻗﯩﻠﯩﻨﻐﺎﻥ ﻗﯩﻤﻤﻪﺕ ﺑﺎﻫﺎﻟﯩﻖ ﺩﻭﺭﯨﻼﺭﻧﻰ ﺋﯩﺸﻠﯩﺘﯩﺶ ، ﻛﯧﺴﻪﻟﻨﯩﯔ ﺩﺍﯞﺍﻟﯩﻨﯩﺶ ، ﺑﺎﻟﻨﯧﺴﺘﺘﺎ ﻳﯧﺘﯩﺶ ﯞﺍﻗﺘﯩﻨﻰ ﺋﯘﺯﺍﺭﺗﯩﺶ ، ﺋﻮﭘﺮﺍﺗﺴﯩﻴﻪ ﯞﺍﻗﺘﯩﻨﻰ ﻛﯧﭽﯩﻜﺘﯜﺭﯛﺵ . . .ﻛﻪ ﺋﻮﺧﺸﺎﺵ ﺩﺍﯞﺍﻻﺵ ﻗﺎﺋﯩﺪﯨﺴﻰ ﯞﻩ ﺗﯩﺒﺒﯩﻲ ﺋﻪﺧﻼﻗﻘﺎ ﻳﺎﺕ ﺑﻮﻟﻐﺎﻥ ، ﻛﯩﺸﯩﻠﻪﺭﻧﯩﯔ ﺟﺎﻧﯩﺠﺎﻥ ﺋﯩﻘﺘﯩﺴﺎﺩﯨﻲ ﻣﻪﻧﭙﻪﺋﻪﺗﯩﮕﻪ ﺋﯧﻐﯩﺮ ﺯﯨﻴﺎﻥ ﺳﺎﻟﯩﺪﯨﻐﺎﻥ ﺑﯘ ﺋﯩﺸﻼﺭ ﺩﻭﺧﺘﯘﺭﺧﺎﻧﺎ ﮔﯩﺮﯨﭙﺘﺎﺭ ﺑﻮﻟﻐﺎﻥ " ﺋﻮﺯﯗﻗﻠﯘﻕ ﻳﯧﺘﯩﺸﻤﻪﺳﻠﯩﻚ ﻛﯧﺴﯩﻠﻰ " ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﻳﺎﻣﺎﻥ ﺋﺎﻗﯩﯟﻩﺕ . 2 . " ﻫﻪﺯﯨﻢ ﻗﯩﻠﯩﺶ ﻧﺎﭼﺎﺭﻟﯩﺸﯩﺶ ﻛﯧﺴﯩﻠﻰ " ﺑﯘ ، ﺩﻭﺧﺘﯘﺭﺧﺎﻧﯩﻼﺭﻧﯩﯔ ﺗﺎﺭﻗﯩﻠﯩﺶ ﻣﯘﯞﺍﭘﯩﻖ ﺑﻮﻟﻤﺎﺳﻠﯩﻖ ، ﺋﯩﺸﺘﯩﻦ ﺋﺎﺩﻩﻡ ﻛﯚﭖ ﺑﻮﻟﯘﺵ ، ﻫﻪﻣﻤﻪ ﺋﺎﺩﻩﻡ ﭼﻮﯓ ﻗﺎﺯﺍﻧﻨﯩﯔ ﺗﺎﻣﯩﻘﯩﻨﻰ ﺗﻪﯓ ﻳﯧﻴﯩﺸﺘﯩﻦ ﻛﯧﻠﯩﭗ ﭼﯩﻘﻘﺎﻥ ﺑﯩﺮ ﺧﯩﻞ ﻛﯧﺴﻪﻟﻠﯩﻚ . " ﺋﺎﭘﺘﻮﻧﻮﻡ ﺭﺍﻳﻮﻧﯩﻤﯩﺰﺩﯨﻜﻰ ﺩﻭﺧﺘﯘﺭ ، ﺩﻭﺧﺘﯘﺭﺧﺎﻧﯩﻼﺭ ﭼﻮﯓ ، ﺋﻮﺗﺘﯘﺭﺍ ﺷﻪﻫﻪﺭﻟﻪﺭﮔﻪ ﻫﻪﺩﺩﯨﺪﯨﻦ ﺯﯨﻴﺎﺩﻩ ﻣﻪﺭﻛﻪﺯﻟﻪﺷﻜﻪﻥ ﺑﻮﻟﻐﺎﭼﻘﺎ ، ﺋﺎﭘﺘﻮﻧﻮﻡ ﺭﺍﻳﻮﻧﯩﻤﯩﺰ ﺋﺎﻫﺎﻟﯩﺴﯩﻨﯩﯔ 70 ﭘﯩﺮﺳﻪﻧﺘﯩﻨﻰ ﺋﯩﮕﯩﻠﻪﻳﺪﯨﻐﺎﻥ ﺩﯦﻬﻘﺎﻧﭽﯩﻠﯩﻖ ، ﭼﺎﺭﯞﯨﭽﯩﻠﯩﻖ ﺭﺍﻳﻮﻧﻠﯩﺮﯨﺪﺍ ﺋﺎﺭﺍﻥ 30 ﭘﯩﺮﺳﻪﻧﺖ ﺩﻭﺧﺘﯘﺭﺧﺎﻧﺎ ، ﺩﻭﺧﺘﯘﺭ ﺑﺎﺭ " ( " ﺷﯩﻨﺠﺎﯓ ﮔﯧﺰﯨﺘﻰ " 1998 - ﻳﯩﻞ 5 - ﺋﺎﻳﻨﯩﯔ 26 - ﻛﯜﻧﯩﺪﯨﻜﻰ ﺳﺎﻧﯩﺪﯨﻦ ) . ﺑﯘ " ﻛﯧﺴﻪﻟﻠﯩﻚ " ﻧﯚﯞﻩﺗﺘﻪ ﺷﻪﻫﻪﺭﻟﻪﺭﺩﻩ ﺗﯩﺒﺒﯩﻲ ﺧﺎﺩﯨﻤﻼﺭ ﺋﯧﺸﯩﭗ ﻗﯧﻠﯩﺶ ( ﻫﻪﺯﯨﻢ ﻗﯩﻼﻟﻤﺎﺳﻠﯩﻖ ) ، ﭼﻪﺕ ، ﻳﯩﺮﺍﻕ ، ﻧﺎﻣﺮﺍﺕ ﺭﺍﻳﻮﻧﻼﺭﺩﺍ ﺩﻭﺧﺘﯘﺭ ﺋﺎﺯ ، ﺩﻭﺭﺍ ﻛﻪﻣﭽﯩﻞ ﺑﻮﻟﯘﺵ ﻣﻪﺳﯩﻠﯩﺴﯩﻨﻰ ﭘﻪﻳﺪﺍ ﻗﯩﻠﯩﭗ ، ﺷﻪﻫﻪﺭ ﺑﯩﻠﻪﻥ ﻳﯧﺰﯨﻼﺭﻧﯩﯔ ﺳﻪﻫﯩﻴﻪ ﺋﯩﺸﻠﯩﺮﯨﻨﯩﯔ ﻣﺎﺱ ﻗﻪﺩﻩﻣﺪﻩ ﺗﻪﺭﻩﻗﻘﯩﻲ ﻗﯩﻠﯩﺸﯩﻐﺎ ﺋﯧﻐﯩﺮ ﺗﻪﺳﯩﺮ ﻳﻪﺗﻜﯜﺯﻣﻪﻛﺘﻪ . 3 . " ﺗﻪﻣﻪﺧﻮﺭﻟﯘﻕ ﻛﯧﺴﯩﻠﻰ " ﻧﯚﯞﻩﺗﺘﻪ " ﺋﻮﺯﯗﻗﻠﯘﻕ ﻳﯧﺘﯩﺸﻤﻪﺳﻠﯩﻚ ﻛﯧﺴﯩﻠﻰ " ﯞﻩ " ﻫﻪﺯﯨﻢ ﻗﯩﻠﯩﺶ ﻧﺎﭼﺎﺭﻟﯩﺸﯩﺶ ﻛﯧﺴﯩﻠﻰ "ﮔﻪ ﮔﯩﺮﯨﭙﺘﺎﺭ ﺑﻮﻟﻐﺎﻥ ﺑﯩﺮ ﻗﯩﺴﯩﻢ ﺩﻭﺧﺘﯘﺭﺧﺎﻧﯩﻼﺭﻧﯩﯔ ﺗﻪﺭﻩﻗﻘﯩﻴﺎﺕ ﻗﻪﺩﯨﻤﻰ ﺋﺎﺳﺘﺎ ، ﺋﯚﺯ - ﺋﯚﺯﯨﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ، ﺭﺍﯞﺍﺟﻼﻧﺪﯗﺭﯗﺵ ﺋﯩﻘﺘﯩﺪﺍﺭﻯ ﺋﺎﺟﯩﺰ ، " ﻛﯜﺗﯜﭖ ﺗﯘﺭﯗﺵ ، ﺗﻪﻣﻪ ﻗﯩﻠﯩﺶ ، ﻳﯚﻟﯩﻨﯩﯟﯦﻠﯩﺶ " ﺧﺎﻫﯩﺸﻰ ﻛﯜﭼﻠﯜﻙ . ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺋﻪﺯﻩﻟﺪﯨﻦ ﺋﯚﺯﯨﻨﯩﯔ ﭘﺎﻛﻠﯩﻘﯩﻐﺎ ﺩﺍﻍ ﺗﻪﮔﻜﯜﺯﻣﻪﻱ ﻛﻪﻟﮕﻪﻥ ﺑﻪﺯﻯ ﺗﯩﺒﺒﯩﻲ ﺧﺎﺩﯨﻤﻼﺭﺩﺍ ﺩﻭﺧﺘﯘﺭﺧﺎﻧﯩﻐﺎ ﺗﺎﭘﺸﯘﺭﯗﺷﻘﺎ ﭘﯘﻝ ﺗﺎﭘﺎﻟﻤﺎﻱ ﺋﻪﺯﺭﺍﺋﯩﻠﺪﯨﻦ ﺟﺎﻥ ﻳﺎﻛﻰ ﺋﯚﻟﯜﻡ ﺗﯩﻠﻪﯞﺍﺗﻘﺎﻥ ﻛﯧﺴﻪﻟﻠﻪﺭﺩﯨﻦ " ﻗﯩﺰﯨﻞ ﺑﻮﻻﻕ " ﻳﺎﻛﻰ ﻣﺎﺩﺩﯨﻲ ﻧﻪﺭﺳﻪ ﺋﯧﻠﯩﺶ ؛ " ﺳﻪﻥ ﺋﯚﻝ ، ﻣﻪﻥ ﺗﯩﺮﯨﻠﻪﻱ " ﺩﻩﭖ ﻛﯧﺴﻪﻟﻨﯩﯔ ﻫﯧﺴﺎﺑﯩﻐﺎ ﻳﯧﺰﯨﭗ ﻗﻮﻳﯘﭖ ﺩﻭﺭﺍ ﺋﯧﻠﯩﯟﯦﻠﯩﺶ ، ﻛﯧﺴﻪﻟﻨﯩﯔ ﻣﯧﻬﻤﺎﻥ ﻗﯩﻠﯩﺸﯩﻨﻰ ﺗﻪﻟﻪﭖ ﻗﯩﻠﯩﺶ ، ﺩﻭﺭﺍ ﺋﯧﻠﯩﻢ - ﺑﯧﺮﯨﻤﯩﺪﻩ " ﺷﯧﺮﯨﻨﻜﺎﻧﻪ " ، ﻛﯧﺴﻪﻝ ﺗﻮﻧﯘﺷﺘﯘﺭﯗﭖ " ﺗﺎﭘﺎﻥ ﻫﻪﻗﻘﻰ " ﺋﯧﻠﯩﺸﺘﻪﻙ ﻧﺎﭼﺎﺭ ﺋﯩﺴﺘﯩﻠﻼﺭ ﻳﯜﺯ ﺑﻪﺭﺩﻯ . ﻛﯩﺸﯩﻠﻪﺭ ﺑﯘ ﺧﯩﻞ ﻫﺎﻟﻪﺗﻨﻰ ﺗﯩﺒﺒﯩﻲ ﺧﺎﺩﯨﻤﻼﺭﺩﯨﻜﻰ " ﺗﻪﻣﻪﺧﻮﺭﻟﯘﻕ ﻛﯧﺴﯩﻠﻰ " ﺩﻩﭖ ﺋﺎﺗﺎﺷﺘﻰ . 4 . " ﻫﻮﺭﯗﻧﻠﯘﻕ ﻛﯧﺴﯩﻠﻰ " ﻫﺎﺯﯨﺮﻗﻰ ﺭﯨﻘﺎﺑﻪﺕ ، ﺋﯘﭼﯘﺭ ﺩﻩﯞﺭﯨﺪﻩ ﺑﯩﺮ ﻗﯩﺴﯩﻢ ﺩﻭﺧﺘﯘﺭﺧﺎﻧﯩﻼﺭﻧﯩﯔ ﺭﯨﻘﺎﺑﻪﺕ ﺋﯧﯖﻰ ﺗﯚﯞﻩﻥ ، ﺭﯨﻘﺎﺑﻪﺕ ﻣﯧﺨﺎﻧﯩﺰﻣﻰ ﻧﺎﭼﺎﺭ ، ﺗﻪﺭﻩﻗﻘﯩﻴﺎﺕ ﻗﻪﺩﯨﻤﻰ ﺋﺎﺳﺘﺎ . ﺋﺎﻳﺮﯨﻢ ﺗﯩﺒﺒﯩﻲ ﺧﺎﺩﯨﻤﻼﺭ ﺷﯘ ﻗﻪﺩﻩﺭ ﻫﻮﺭﯗﻧﻜﻰ ، " ﺑﯩﻜﺎﺭﻧﯩﯔ ﭼﻮﻟﯩﺴﻰ ﻳﻮﻕ ، ﻗﯩﻠﻐﯩﻠﻰ ﺋﯩﺸﻰ " ﺩﯦﮕﻪﻧﺪﻩﻙ ، ﻗﯧﺘﯩﺮﻗﯩﻨﯩﭗ ﺋﯚﮔﻪﻧﻤﻪﻳﺪﯗ ، ﻛﯩﺘﺎﺏ ﺋﻮﻗﯘﻣﺎﻳﺪﯗ ، ﺑﯩﻠﯩﻤﯩﻨﻰ ﺋﺎﺷﯘﺭﻣﺎﻳﺪﯗ ، ﺑﯜﮔﯜﻧﻜﻰ ﻛﻪﺳﻜﯩﻦ ﺭﯨﻘﺎﺑﻪﺕ ﺩﻩﯞﺭﻯ ﺋﯘﻻﺭﻧﯩﯔ ﺋﯘﺧﻼﭘﻤﯘ ﭼﯜﺷﯩﮕﻪ ﻛﯩﺮﻣﻪﻳﺪﯗ . 10 ﻧﻪﭼﭽﻪ ﻳﯩﻞ ﺗﯩﺒﺒﯩﻲ ﺩﺍﯞﺍﻻﺵ ﺋﯩﺸﻠﯩﺮﻯ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ ﺋﺎﻳﺮﯨﻢ ﺗﯩﺒﺒﯩﻲ ﺧﺎﺩﯨﻤﻼﺭ ﺋﯚﺯ ﻛﻪﺳﭙﯩﺪﻩ ﭼﺎﻻ ﺳﺎﯞﺍﺕ ، ﺧﯩﺰﻣﻪﺗﺘﻪ ﺋﻪﺳﺘﺎﻳﯩﺪﯨﻞ ﯞﻩ ﻣﻪﺳﯘﻟﯩﻴﻪﺗﭽﺎﻥ ﺋﻪﻣﻪﺱ ، ﻫﻮﺭﯗﻥ . ﺑﯘ ، ﺩﻭﺧﺘﯘﺭﺧﺎﻧﯩﻼﺭﺩﯨﻜﻰ ﺋﯘﺯﯗﻥ ﻳﯩﻠﻠﯩﻖ " ﺗﯚﻣﯜﺭ ﺗﺎﯞﺍﻕ " ، " ﺗﻪﯓ ﺗﻪﻗﺴﯩﻤﺎﺗﭽﯩﻠﯩﻖ " ﺋﯧﻠﯩﭗ ﻛﻪﻟﮕﻪﻥ ﺑﯩﺮ ﺧﯩﻞ ﺗﻪﺭﺳﺎ ﻛﯧﺴﻪﻟﻠﯩﻚ . 5 . " ﻗﺎﻥ ﺋﺎﺯﻟﯩﻖ ﻛﯧﺴﯩﻠﻰ " ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺑﻪﺯﻯ ﺩﻭﺧﺘﯘﺭﺧﺎﻧﯩﻼﺭ ﺋﯩﻘﺘﯩﺴﺎﺩﯨﻲ ﺋﯜﻧﯜﻣﮕﻪ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﯧﺮﯨﭗ ، ﺋﯩﺠﺘﯩﻤﺎﺋﯩﻲ ﺋﯜﻧﯜﻣﮕﻪ ﺳﻪﻝ ﻗﺎﺭﯨﺪﻯ ؛ ﺩﻭﺧﺘﯘﺭﺧﺎﻧﯩﻨﯩﯔ ﻗﺎﺋﯩﺪﻩ - ﺗﯜﺯﯛﻣﻠﯩﺮﯨﻨﻰ ﻣﯘﻛﻪﻣﻤﻪﻟﻠﻪﺷﺘﯜﺭﻣﯩﺪﻯ ﯞﻩ ﺋﯘﻧﻰ ﻗﺎﺗﺘﯩﻖ ﺋﯩﺠﺮﺍ ﻗﯩﻠﻤﯩﺪﻯ ؛ ﺩﺍﯞﺍﻻﺵ ، ﭘﻪﺭﯞﯨﺶ ﻗﯩﻠﯩﺶ ﺳﯜﭘﯩﺘﯩﮕﻪ ﻳﯧﺘﻪﺭﻟﯩﻚ ﺋﻪﻫﻤﯩﻴﻪﺕ ﺑﻪﺭﻣﯩﺪﻯ ؛ ﺋﯜﻧﯜﻣﻠﯜﻙ ﺗﻪﺩﺑﯩﺮ ﻗﻮﻟﻠﯩﻨﯩﭗ ، ﺩﺍﯞﺍﻻﺵ ﺧﺎﺗﺎﻟﯩﻘﻰ ﯞﻩ ﻫﺎﺩﯨﺴﯩﻠﻪﺭﻧﯩﯔ ﺋﺎﻟﺪﯨﻨﻰ ﺋﺎﻟﻤﯩﺪﻯ ؛ ﺋﯩﺸﭽﻰ - ﺧﯩﺰﻣﻪﺗﭽﯩﻠﻪﺭﮔﻪ ﺑﻮﻟﻐﺎﻥ ﻛﻪﺳﭙﯩﻲ ﺋﻪﺧﻼﻕ ﺗﻪﺭﺑﯩﻴﯩﺴﯩﻨﻰ ﭼﯩﯔ ﺗﯘﺗﻤﯩﺪﻯ ، ﻧﻪﺗﯩﺠﯩﺪﻩ ﺋﻪﺧﻼﻕ ﻛﺮﯨﺰﯨﺴﻰ ﻳﯜﺯ ﺑﻪﺭﺩﻯ . " ﻳﯩﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺑﻪﺯﻯ ﺩﻭﺧﺘﯘﺭﺧﺎﻧﯩﻼﺭﺩﺍ ﺩﺍﯞﺍﻻﺵ ﻫﺎﺩﯨﺴﯩﻠﯩﺮﻯ ﺋﯜﺯﯛﻟﻤﯩﺪﻯ . ﺭﯦﺘﺴﯩﭙﻨﻰ ﺧﺎﺗﺎ ﻳﯧﺰﯨﭗ ، ﺩﻭﺭﯨﻨﻰ ﺧﺎﺗﺎ ﺑﯧﺮﯨﺸﺘﯩﻦ ﺗﺎﺭﺗﯩﭗ ﺧﺎﺗﺎ ﺋﻮﻛﯘﻝ ﺳﯧﻠﯩﺶ ، ﺧﺎﺗﺎ ﺋﻮﭘﺮﺍﺗﺴﯩﻴﻪ ﻗﯩﻠﯩﺶ . . .ﻻﺭﻏﯩﭽﻪ ﻫﻪﺭ ﺧﯩﻞ ، ﻫﻪﺭ ﻳﺎﯕﺰﺍ ﺋﯩﺸﻼﺭ ﻛﯩﺸﯩﻨﻰ ﭼﯚﭼﯜﺗﻜﯩﺪﻩﻙ ﺩﻩﺭﯨﺠﯩﮕﻪ ﻳﻪﺗﺘﻰ . . . ﺩﺍﯞﺍﻻﺵ ﻫﺎﺩﯨﺴﯩﻠﯩﺮﯨﻨﯩﯔ ﻛﻪﻳﻨﯩﺪﯨﻜﯩﺴﻰ ﺋﻪﺧﻼﻕ ﻛﺮﯨﺰﯨﺴﻰ ﺋﯩﻜﻪﻥ . " ( " ﺷﯩﻨﺠﺎﯓ ﮔﯧﺰﯨﺘﻰ " 1999 - ﻳﯩﻠﻰ 1 - ﺋﺎﻳﻨﯩﯔ 1 - ﻛﯜﻧﺪﯨﻜﻰ ﺳﺎﻧﯩﺪﯨﻦ ) ﺑﺎﺷﻘﯘﺭﯗﺷﻨﯩﯔ ﻳﺎﺧﺸﻰ ﺑﻮﻟﻤﺎﺳﻠﯩﻘﻰ ، " ﺋﻮﺯﯗﻗﻠﯘﻕ ﻳﯧﺘﯩﺸﻤﻪﺳﻠﯩﻚ " ، " ﺗﻪﻣﻪﺧﻮﺭﻟﯘﻕ ﻛﯧﺴﯩﻠﻰ " ﯞﻩ ﺗﯩﺒﺒﯩﻲ ﺋﻪﺧﻼﻕ ﻛﺮﯨﺰﯨﺴﻰ ﺑﻪﺯﻯ ﺩﻭﺧﺘﯘﺭﺧﺎﻧﯩﻼﺭﻧﯩﯔ ﺟﻪﻣﯩﻴﻪﺗﺘﯩﻜﻰ ﻳﯜﻛﺴﻪﻙ ﺋﻮﺭﻧﻰ ، ﺗﯩﺒﺒﯩﻲ ﺧﺎﺩﯨﻤﻼﺭﻧﯩﯔ " ﺋﺎﻕ ﺧﺎﻻﺗﻠﯩﻖ ﭘﻪﺭﯨﺸﺘﻪ "ﻟﯩﻚ ﺋﻮﺑﺮﺍﺯﯨﻐﺎ ﺋﯧﻐﯩﺮ ﺩﻩﺭﯨﺠﯩﺪﻩ ﺗﻪﺳﯩﺮ ﻳﻪﺗﻜﯜﺯﺩﻯ ، ﺷﯘﻧﯩﯔ ﺑﯩﻠﻪﻥ ﺩﻭﺧﺘﯘﺭﺧﺎﻧﯩﻐﺎ ﻛﯧﻠﯩﭗ ﺩﺍﯞﺍﻟﯩﻨﯩﺪﯨﻐﺎﻥ ﻛﯧﺴﻪﻟﻠﻪﺭ ﺑﺎﺭﻏﺎﻧﺴﯧﺮﻯ ﺋﺎﺯﯨﻴﯩﭗ ﻛﻪﺗﺘﻰ . ﺩﻭﺧﺘﯘﺭﺧﺎﻧﯩﻨﯩﯔ ﺋﯩﻘﺘﯩﺴﺎﺩﯨﻲ ، ﺋﯩﺠﺘﯩﻤﺎﺋﯩﻲ ﺋﯜﻧﯜﻣﻰ ﻧﺎﭼﺎﺭﻟﯩﺸﯩﭗ ، " ﻗﺎﻥ ﺋﺎﺯﻟﯩﻖ ﻛﯧﺴﯩﻠﻰ "ﮔﻪ ﮔﯩﺮﯨﭙﺘﺎﺭ ﺑﻮﻟﺪﻯ . 6 . " ﺋﯩﺴﺮﺍﭘﺨﻮﺭﻟﯘﻕ ﻛﯧﺴﯩﻠﻰ " ﺑﯩﺮ ﻗﯩﺴﯩﻢ ﺩﻭﺧﺘﯘﺭﺧﺎﻧﯩﻼﺭ ﺩﻭﺧﺘﯘﺭﺧﺎﻧﯩﻨﯩﯔ ﻣﻪﻧﭙﻪﺋﻪﺗﯩﻨﯩﻼ ﻛﯚﺯﻟﻪﭖ ، ﺩﯙﻟﻪﺗﻨﯩﯔ ﻣﺎﻟﯩﻴﻪ ﻛﯜﭼﻰ ، ﺩﻭﺧﺘﯘﺭﺧﺎﻧﯩﻨﯩﯔ ﺋﯩﻘﺘﯩﺴﺎﺩﯨﻲ ﺋﻪﻫﯟﺍﻟﻰ ﯞﻩ ﺋﯘﻧﯩﯔ ﺋﯜﻧﯜﻣﻰ ﺑﯩﻠﻪﻥ ﻫﯧﺴﺎﺑﻼﺷﻤﺎﻱ ﻗﺎﻻﻳﻤﯩﻘﺎﻥ ﺗﯜﺭ ، ﺋﯜﺳﻜﯜﻧﻪ ﻛﯩﺮﮔﯜﺯﯛﺵ ؛ ﺩﻭﺧﺘﯘﺭﺧﺎﻧﯩﻨﯩﯔ ﻣﺎﻟﯩﻴﯩﺴﯩﻨﻰ ، ﺩﯙﻟﻪﺗﻨﯩﯔ ﻣﺎﻝ - ﻣﯜﻟﻜﯩﻨﻰ ﻳﺎﺧﺸﻰ ﺑﺎﺷﻘﯘﺭﻣﺎﻱ ، ﺑﯘﺯﯗﭖ - ﭼﯧﭽﯩﭗ ﺋﯩﺴﺮﺍﭖ ﻗﯩﻠﯩﺶ ؛ ﺑﻪﺯﻯ ﺩﻭﺧﺘﯘﺭﻻﺭ ﻛﯧﺴﻪﻝ ﺋﻪﻫﯟﺍﻟﯩﻐﺎ ﻗﺎﺭﯨﻤﺎﻱ ﻳﻪﯕﮕﯩﻞ ، ﺋﺎﺩﻩﺗﺘﯩﻜﯩﭽﻪ ﻛﯧﺴﻪﻟﮕﻪ ﭼﻮﯓ ﺭﯦﺘﺴﯩﭗ ﻳﯧﺰﯨﭗ ﺑﯧﺮﯨﺶ ، ﺗﻮﻧﯘﺵ ﺭﯦﺘﺴﯩﭙﻰ ﻳﯧﺰﯨﺶ ، ﺋﻮﻣﯘﻣﻨﯩﯔ ﭘﯘﻟﻰ ﺑﯩﻠﻪﻥ ﺩﺍﯞﺍﻟﯩﻨﯩﺪﯨﻐﺎﻥ ﺑﯩﺮ ﻗﯩﺴﯩﻢ ﻛﯧﺴﻪﻟﻠﻪﺭﻧﻰ ﺳﯧﺨﯩﻴﻠﯩﻖ ﻗﯩﻠﯩﭗ ﺋﺎﻻﻫﯩﺪﻩ ﺩﺍﯞﺍﻻﺵ ؛ ﻛﯧﺴﯩﻠﻰ ﺑﻮﻟﻤﯩﺴﺎ ﻗﯘﯞﯞﻩﺕ ﺩﻭﺭﯨﻠﯩﺮﯨﻨﻰ ﻳﯧﺰﯨﭗ ﺑﯧﺮﯨﺶ . . . ﺑﯘ ، ﻧﯚﯞﻩﺗﺘﻪ ﺩﯙﻟﻪﺗﻨﯩﯔ ﻏﺎﻳﻪﺕ ﺯﻭﺭ ﻣﺎﺩﺩﯨﻲ ﺑﺎﻳﻠﯩﻘﯩﻨﯩﯔ ﺋﯩﺴﺮﺍﭖ ﺑﻮﻟﯘﺷﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﯟﺍﺗﻘﺎﻥ ﺑﯩﺮﺧﯩﻞ ﻛﯧﺴﻪﻟﻠﯩﻚ . 7 . " ﺋﺎﻝ ﻛﯧﺴﯩﻠﻰ " ﺋﺎﻝ ﻛﯧﺴﯩﻠﯩﻨﯩﯔ ﺗﯘﭘﺮﺍﻕ ، ﺳﯘ ، ﻫﺎﯞﺍﻧﯩﯔ ﺑﯘﻟﻐﯩﻨﯩﺸﯩﺪﯨﻦ ﺩﯦﻬﻘﺎﻧﭽﯩﻠﯩﻖ ﺯﯨﺮﺍﺋﻪﺗﻠﯩﺮﯨﮕﻪ ﭼﯜﺷﯩﺪﯨﻐﺎﻥ ﺑﯩﺮ ﺧﯩﻞ ﻛﯧﺴﻪﻟﻠﯩﻚ ﺋﯩﻜﻪﻧﻠﯩﻜﻰ ﻫﻪﻣﻤﯩﮕﻪ ﻣﻪﻟﯘﻡ . ﺋﻪﭘﺴﯘﺳﻜﻰ ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ، ﺋﻪﺳﯩﺮﻟﻪﺭ ﻣﺎﺑﻪﻳﻨﯩﺪﻩ ﺋﯚﺯﯨﻨﯩﯔ ﺳﺎﭘﻠﯩﻘﯩﻨﻰ ، ﭘﺎﻛﻠﯩﻘﯩﻨﻰ ﻳﻮﻗﺎﺗﻤﺎﻱ ، ﺋﺎﻗﻠﯩﻘﯩﻐﺎ ﺩﺍﻍ ﺗﻪﮔﻜﯜﺯﻣﻪﻱ ﻛﻪﻟﮕﻪﻥ ﺳﻪﻫﯩﻴﻪ ، ﺳﺎﻗﻠﯩﻘﻨﻰ ﺳﺎﻗﻼﺵ ﺳﺎﻫﻪﺳﯩﺪﯨﻤﯘ ﺧﯘﺩﺩﻯ ﻗﻮﻏﯘﻧﻠﯘﻗﻘﺎ ﭼﯜﺷﻜﻪﻥ " ﺋﺎﻝ ﻛﯧﺴﯩﻠﻰ "ﺩﻩﻙ ﺑﯩﺮ ﺧﯩﻞ ﻛﯧﺴﻪﻟﻠﯩﻚ ﭘﻪﻳﺪﺍ ﺑﻮﻟﺪﻯ . ﺳﺎﺧﺘﺎ ﺩﺍﯞﺍﻻﺵ ﺋﻮﺭﯗﻧﻠﯩﺮﻯ ، ﺳﺎﺧﺘﺎ ﺩﻭﺧﺘﯘﺭ ، ﺳﺎﺧﺘﺎ ، ﻧﺎﭼﺎﺭ ﺩﻭﺭﯨﻼﺭ ، ﺳﺎﺧﺘﺎ ﺩﻭﺭﺍ ﺋﯧﻼﻧﻠﯩﺮﻯ ﺷﻪﻫﻪﺭ ، ﻳﯧﺰﯨﻼﺭﻏﺎ ﺗﺎﺭﻗﺎﻟﺪﻯ . ﺑﯘ ﺳﺎﺧﺘﺎ ﺩﻭﺧﺘﯘﺭ ، ﺳﺎﺧﺘﺎ ﺩﻭﺭﯨﻼﺭ ﻛﯩﺸﯩﻠﻪﺭﻧﻰ ﺋﺎﻟﺪﺍﭖ ، ﺑﻪﺯﻯ ﺑﯩﻤﺎﺭﻻﺭﻧﯩﯔ ﻳﺎﻧﭽﯘﻗﯩﻨﻰ ﻗﯘﺭﯗﻗﺪﺍﭖ ﻗﻮﻳﯘﺷﺘﯩﻦ ﺋﯘﻻﺭﻧﯩﯔ ﺳﺎﻻﻣﻪﺗﻠﯩﻚ ﯞﻩ ﻫﺎﻳﺎﺗﯩﻐﺎ ﺋﯧﻐﯩﺮ ﺧﻪﯞﭖ ﻳﻪﺗﻜﯜﺯﯛﺵ ﺩﻩﺭﯨﺠﯩﺴﯩﮕﻪ ﺑﯧﺮﯨﭗ ﻳﻪﺗﺘﻰ ، ﺑﻪﺯﻯ ﻛﯩﺸﯩﻠﻪﺭ ﺳﺎﺧﺘﺎ ، ﻗﺎﻧﯘﻧﺴﯩﺰ ﺩﻭﺧﺘﯘﺭﻻﺭﻧﯩﯔ ﻗﯘﺭﺑﺎﻧﯩﻐﺎ ﺋﺎﻳﻠﯩﻨﯩﭗ ﻛﻪﺗﺘﻰ . ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺳﻪﻫﯩﻴﻪ ﻧﺎﺯﺍﺭﯨﺘﯩﻨﯩﯔ ﻳﯧﺘﻪﻛﭽﯩﻠﯩﻜﯩﺪﻩ ﻫﻪﺭ ﺩﻩﺭﯨﺠﯩﻠﯩﻚ ﺳﻪﻫﯩﻴﻪ ﻣﻪﻣﯘﺭﯨﻲ ﺑﺎﺷﻘﯘﺭﯗﺵ ﺗﺎﺭﻣﺎﻗﻠﯩﺮﻯ ، ﻣﯘﻧﺎﺳﯩﯟﻩﺗﻠﯩﻚ ﺋﻮﺭﯗﻧﻼﺭﻧﯩﯔ ﺯﯨﭻ ﻣﺎﺳﻠﯩﺸﯩﺸﻰ ﯞﻩ ﻗﻮﻟﻠﯩﺸﻰ ﺑﯩﻠﻪﻥ ﺟﻪﻣﯩﻴﻪﺗﺘﻰ ﻗﺎﻧﯘﻧﺴﯩﺰ ﺩﻭﺧﺘﯘﺭﻟﯘﻕ ﻗﯩﻠﻤﯩﺸﻠﯩﺮﻯ ﯞﻩ ﺳﺎﺧﺘﺎ ، ﻳﺎﻟﻐﺎﻥ ﺩﻭﺭﯨﻼﺭﻧﻰ ﺑﺎﺷﻘﯘﺭﯗﺵ ، ﺩﺍﯞﺍﻻﺵ ﯞﻩ ﺩﻭﺭﺍ ﺑﺎﺯﺍﺭﻟﯩﺮﯨﻨﻰ ﺗﻪﺭﺗﯩﭙﻜﻪ ﺳﯧﻠﯩﺶ ﺧﯩﺰﻣﯩﺘﻰ ﭼﯩﯔ ﺗﯘﺗﯘﻟﯘﭖ ﻛﯚﺭﯛﻧﻪﺭﻟﯩﻚ ﻧﻪﺗﯩﺠﯩﻠﻪﺭ ﻗﻮﻟﻐﺎ ﻛﻪﻟﺘﯜﺭﯛﻟﮕﻪﻥ ﺑﻮﻟﺴﯩﻤﯘ ، ﺋﻪﻣﻤﻪ ﻛﯚﭖ ﺧﯩﻞ ﺳﻪﯞﻩﺑﻠﻪﺭﺩﯨﻦ ﻫﺎﺯﯨﺮ ﺟﻪﻣﯩﻴﻪﺗﺘﯩﻜﻰ ﻗﺎﻧﯘﻧﺴﯩﺰ ﺩﻭﺧﺘﯘﺭﻟﯘﻕ ﻗﯩﻠﻤﯩﺸﻠﯩﺮﻯ ﯞﻩ ﻳﺎﻟﻐﺎﻥ ، ﺳﺎﺧﺘﺎ ﺩﻭﺭﯨﻼﺭ ﺗﯧﺨﻰ ﺋﻮﻣﯘﻣﻴﯜﺯﻟﯜﻙ ﺗﯩﺰﮔﯩﻨﻠﻪﻧﮕﯩﻨﻰ ﻳﻮﻕ . ﻣﺎﺗﯧﺮﯨﻴﺎﻟﻼﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ ، " ﻧﯚﯞﻩﺗﺘﻪ ﺋﯧﻠﯩﻤﯩﺰﺩﻩ ﺳﺎﺧﺘﺎ ، ﻗﺎﻧﯘﻧﺴﯩﺰ ﺗﯩﺒﺒﯩﻲ ﺩﺍﯞﺍﻻﺵ ، ﺩﻭﺭﺍ ﺋﯧﻼﻧﻠﯩﺮﻯ ﺋﻮﻣﯘﻣﯩﻲ ﺋﯧﻼﻥ ﺗﻪﺷﯟﯨﻘﺎﺗﯩﻨﯩﯔ 44.8 ﭘﯩﺮﺳﻪﻧﺘﯩﻨﻰ ﺋﯩﮕﯩﻠﻪﻳﺪﯨﻜﻪﻥ . " ( " ﺑﯩﻠﯩﻢ _ ﻛﯜﭺ ﺟﯘﺭﻧﯩﻠﻰ " 1998 - ﻳﯩﻠﻠﯩﻖ 9 - ﺳﺎﻧﯩﺪﯨﻦ ) ﺑﯘ ﺧﯩﻞ ﺋﻪﻫﯟﺍﻝ ﺳﻪﻫﯩﻴﻪ ، ﺩﺍﯞﺍﻻﺵ ﺳﯧﭙﯩﮕﻪ ﭼﯜﺷﻜﻪﻥ " ﺋﺎﻝ ﻛﯧﺴﯩﻠﻰ "ﻧﯩﯔ ﻧﯩﺴﺒﻪﺗﻪﻥ ﺋﯧﻐﯩﺮﻟﯩﻘﯩﻨﻰ ﻛﯚﺭﺳﯩﺘﯩﺪﯗ . ﻧﯚﯞﻩﺗﺘﻪ ، ﺩﻭﺧﺘﯘﺭﺧﺎﻧﺎ ﮔﯩﺮﯨﭙﺘﺎﺭ ﺑﻮﻟﻐﺎﻥ " ﻛﯧﺴﻪﻝ "ﻧﻰ ﺩﺍﯞﺍﻻﺵ ﭘﯜﺗﻜﯜﻝ ﺟﻪﻣﯩﻴﻪﺗﻨﯩﯔ ﺋﺎﻟﺪﯨﻐﺎ ﻗﻮﻳﯘﻟﻐﺎﻥ ﺑﯩﺮ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﻪ ﺑﻮﻟﯘﭖ ﺗﯘﺭﻣﺎﻗﺘﺎ ، ﻛﻪﯓ ﺧﻪﻟﻖ ﺋﺎﻣﻤﯩﺴﻰ ﺩﻭﺧﺘﯘﺭﺧﺎﻧﯩﻨﯩﯔ " ﻛﯧﺴﻪﻝ "ﺩﯨﻦ ﺗﯧﺰﺭﺍﻕ ﺳﺎﻗﯩﻴﯩﺸﯩﻨﻰ ﺗﻪﻗﻪﺯﺯﺍﻟﯩﻖ ﺑﯩﻠﻪﻥ ﻛﯜﺗﻤﻪﻛﺘﻪ . ﺩﻭﺧﺘﯘﺭﺧﺎﻧﺎ ﮔﯩﺮﯨﭙﺘﺎﺭ ﺑﻮﻟﻐﺎﻥ ﻛﯧﺴﻪﻟﻠﯩﻚ ﺋﯩﭽﻜﻰ - ﺗﺎﺷﻘﻰ ﺋﺎﻣﯩﻠﻼﺭﻧﯩﯔ ﺗﻪﺳﯩﺮﯨﺪﯨﻦ ﭘﻪﻳﺪﺍ ﺑﻮﻟﻐﺎﻥ ﻛﯧﺴﻪﻟﻠﯩﻚ ﺑﻮﻟﯘﭖ ، ﺑﯘ ﺧﯩﻞ ﻛﯧﺴﻪﻟﻨﻰ ﺩﺍﯞﺍﻻﺷﺘﯩﻤﯘ ﺧﯘﺩﺩﻯ ﺋﺎﺩﻩﺗﺘﯩﻜﻰ ﻛﯧﺴﻪﻟﻠﻪﺭﻧﻰ ﺩﺍﯞﺍﻟﯩﻐﺎﻧﻐﺎ ﺋﻮﺧﺸﺎﺵ ، ﻛﯧﺴﻪﻟﻠﯩﻚ ﺋﺎﻻﻣﯩﺘﯩﮕﻪ ﻗﺎﺭﺍﭖ ﺩﺍﯞﺍﻻﺵ ﺋﯧﻠﯩﭗ ﺑﯧﺮﯨﻠﯩﺪﯗ . ﮔﻪﺭﭼﻪ ﺩﻭﺧﺘﯘﺭﺧﺎﻧﺎ " ﻛﯧﺴﻪﻝ "ﮔﻪ ﮔﯩﺮﯨﭙﺘﺎﺭ ﺑﻮﻟﻐﺎﻥ ﺑﻮﻟﺴﯩﻤﯘ ، ﻣﯘﯞﺍﭘﯩﻖ ، ﺋﯜﻧﯜﻣﻠﯜﻙ " ﺩﺍﯞﺍﻻﺵ " ﺋﯧﻠﯩﭗ ﺑﯧﺮﯨﻠﺴﺎ ﺩﻭﺧﺘﯘﺭﺧﺎﻧﺎ " ﻛﯧﺴﻪﻝ "ﺩﯨﻦ ﺳﺎﻗﯩﻴﯩﭗ ﻛﯧﺘﯩﺪﯗ . ﯞﻩﻫﺎﻟﻪﻧﻜﻰ ، ﺩﻭﺧﺘﯘﺭﺧﺎﻧﯩﻨﯩﯔ " ﻛﯧﺴﯩﻠﻰ " ﺋﻪﯓ ﺋﯘﺳﺘﺎﺕ ، ﻗﺎﺑﯩﻞ ، ﺋﯩﻘﺘﯩﺪﺍﺭﻟﯩﻖ " ﺩﻭﺧﺘﯘﺭ "ﻻﺭﻧﯩﯔ ﺩﺍﯞﺍﻟﯩﺸﯩﻨﻰ ﻫﻪﻡ ﭘﯜﺗﻜﯜﻝ ﺟﻪﻣﯩﻴﻪﺗﻨﯩﯔ ﺑﯩﺮﺩﻩﻙ ﻣﺎﺳﻠﯩﺸﯩﺸﯩﻨﻰ ﺗﻪﻟﻪﭖ ﻗﯩﻠﯩﺪﯗ . ﺧﻮﺵ ، ﺋﯘﻧﺪﺍﻗﺘﺎ ﺩﻭﺧﺘﯘﺭﺧﺎﻧﯩﻨﯩﯔ " ﻛﯧﺴﯩﻠﻰ "ﻧﻰ ﻛﯩﻢ ﺩﺍﯞﺍﻻﻳﺪﯗ ؟ ﺩﻭﺧﺘﯘﺭﺧﺎﻧﺎ ﺩﻭﺧﺘﯘﺭﺧﺎﻧﺎ ﺑﯩﺮ ﺗﻪﺭﻩﭘﺘﻰ ﻛﯧﺴﻪﻝ ﺩﺍﯞﺍﻻﭖ ، ﺑﯩﺮ ﺗﻪﺭﻩﭘﺘﯩﻦ " ﺩﺍﯞﺍﻻﻧﻐﯘﭼﻰ " ﺑﻮﻟﯘﭖ ﺋﯚﺯﯨﻨﯩﯔ ﻛﯧﺴﯩﻠﯩﻨﻰ ﺋﯚﺯﻯ ﺩﺍﯞﺍﻻﻳﺪﯗ . ﺑﯘ ﺧﯘﺩﺩﻯ ﻛﯧﺴﻪﻟﻨﯩﯔ ﺩﻭﺧﺘﯘﺭﻧﯩﯔ ﺩﺍﯞﺍﻟﯩﻨﯩﺸﯩﻨﻰ ﻗﻮﺑﯘﻝ ﻗﯩﻠﯩﺶ ﺑﯩﻠﻪﻧﻼ ﻗﺎﻟﻤﺎﻱ ﻳﻪﻧﻪ ﺩﻭﺧﺘﯘﺭﻏﺎ ﻣﺎﺳﻠﯩﺸﯩﭗ ﻫﻪﺭ ﺧﯩﻞ ﭘﻪﺭﻫﯩﺰﻟﻪﺭﻧﻰ ﺗﯘﺗﻘﯩﻨﯩﻐﺎ ﺋﻮﺧﺸﺎﻳﺪﯗ . ﻫﻪﺭ ﺩﻩﺭﯨﺠﯩﻠﯩﻚ ﭘﺎﺭﺗﯩﻴﻪ ، ﻫﯚﻛﯜﻣﻪﺗﻠﻪﺭﻧﯩﯔ ﺑﯩﯟﺍﺳﯩﺘﻪ ﺭﻩﻫﺒﻪﺭﻟﯩﻜﯩﺪﻩ ، ﺳﻪﻫﯩﻴﻪ ﻣﻪﻣﯘﺭﯨﻲ ﺑﺎﺷﻘﯘﺭﯗﺵ ﺗﺎﺭﻣﺎﻗﻠﯩﺮﯨﻨﯩﯔ ﻛﻮﻧﻜﺮﯦﺖ ﻳﯧﺘﻪﻛﭽﯩﻠﯩﻜﯩﺪﻩ ، ﭘﺎﺭﺗﯩﻴﯩﻨﯩﯔ ﻟﯘﺷﻴﻪﻥ ، ﻓﺎﯕﺠﯧﻦ ﺳﯩﻴﺎﺳﻪﺗﻠﯩﺮﯨﻨﻰ ؛ ﺩﯙﻟﻪﺗﻨﯩﯔ ﺳﻪﻫﯩﻴﻪ ﺧﯩﺰﻣﯩﺘﯩﮕﻪ ﺋﺎﺋﯩﺖ ﻗﺎﻧﯘﻥ ، ﻧﯩﺰﺍﻡ ، ﺑﻪﻟﮕﯩﻠﯩﻤﯩﻠﯩﺮﯨﻨﻰ ﺋﻪﺳﺘﺎﻳﯩﺪﯨﻞ ﺋﯩﺰﭼﯩﻠﻼﺷﺘﯘﺭﯗﭖ ﺋﻪﻣﻪﻟﯩﻴﻠﻪﺷﺘﯜﺭﯛﺵ ؛ ﺩﻭﺧﺘﯘﺭﺧﺎﻧﺎ ﺑﺎﺷﻘﯘﺭﯗﺷﻨﻰ ﻛﯜﭼﻪﻳﺘﯩﭗ ، ﺗﯜﺭﻟﯜﻙ ﻗﺎﺋﯩﺪﻩ - ﺗﯜﺯﯛﻣﻠﻪﺭﻧﻰ ﻣﯘﻛﻪﻣﻤﻪﻟﻠﻪﺷﺘﯜﺭﯛﺵ ﯞﻩ ﺋﯘﻧﻰ ﺋﯩﺠﺮﺍ ﻗﺎﺗﺘﯩﻖ ﺋﯩﺠﺮﺍ ﻗﯩﻠﯩﺶ ﺩﻭﺧﺘﯘﺭﺧﺎﻧﺎ ﮔﯩﺮﯨﭙﺘﺎﺭ ﺑﻮﻟﻐﺎﻥ " ﻛﯧﺴﻪﻝ "ﻧﻰ ﺋﯜﻧﯜﻣﻠﯜﻙ ﺩﺍﯞﺍﻻﻳﺪﯗ . ﺋﻪﻣﻤﺎ ﻫﻪﺭ ﻗﺎﻧﺪﺍﻕ ﺋﯘﺳﺘﺎ ﺩﻭﺧﺘﯘﺭﻣﯘ ﺋﯚﺯﯨﻨﯩﯔ ﻛﯧﺴﯩﻠﯩﻨﻰ ﺋﯚﺯﻯ ﺩﺍﯞﺍﻟﯩﻴﺎﻟﻤﯩﻐﺎﻧﻐﺎ ﺋﻮﺧﺸﺎﺵ ، ﺩﻭﺧﺘﯘﺭﺧﺎﻧﯩﻤﯘ " ﻛﯧﺴﻪﻝ "ﺩﯨﻦ ﺧﺎﻟﯩﻲ ﺑﻮﻟﯘﺵ ﺋﯜﭼﯜﻥ ﺑﺎﺷﻘﺎ ﺋﯘﺳﺘﺎ " ﺩﻭﺧﺘﯘﺭ "ﻻﺭﻧﯩﯔ ﺩﺍﯞﺍﻟﯩﺸﯩﻐﺎ ﻣﯘﻫﺘﺎﺝ . ﻫﺎﺯﯨﺮ ﺟﻪﻣﯩﻴﻪﺗﺘﻪ ﺩﻭﺧﺘﯘﺭﺧﺎﻧﯩﻨﯩﯔ ﻛﯧﺴﯩﻠﯩﻨﻰ ﺩﺍﯞﺍﻻﻳﺪﯨﻐﺎﻥ " ﺩﻭﺧﺘﯘﺭ "ﻻﺭﻣﯘ ﺋﺎﺯ ﺋﻪﻣﻪﺱ . ﻣﻪﺑﻠﻪﻍ ﻳﯧﺘﻪﺭﻟﯩﻚ ﻣﻪﺑﻠﻪﻍ ﺩﻭﺧﺘﯘﺭﺧﺎﻧﺎ ﮔﯩﺮﯨﭙﺘﺎﺭ ﺑﻮﻟﻐﺎﻥ " ﺋﻮﺯﯗﻗﻠﯘﻕ ﻳﯧﺘﯩﺸﻤﻪﺳﻠﯩﻚ ﻛﯧﺴﯩﻠﻰ "ﻧﻰ ﺩﺍﯞﺍﻻﻳﺪﯨﻐﺎﻥ ﻗﺎﺑﯩﻞ " ﺩﻭﺧﺘﯘﺭ " ﻫﻪﻡ ﺷﯩﭙﺎﻟﯩﻖ ﺩﻭﺭﺍ . ﺋﯩﺴﻼﻫﺎﺕ ﺋﯩﺴﻼﻫﺎﺗﻨﻰ ﭼﻮﯕﻘﯘﺭﻻﺷﺘﯘﺭﯗﭖ ، ﺩﺍﺷﻘﺎﺯﺍﻥ ﺗﺎﻣﯩﻘﯩﻨﻰ ﺑﯩﻜﺎﺭ ﻗﯩﻠﯩﭗ ، " ﺗﯚﻣﯜﺭ ﺗﺎﯞﺍﻕ "ﻗﺎ ﺧﺎﺗﯩﻤﻪ ﺑﯧﺮﯨﺶ ﺩﻭﺧﺘﯘﺭﺧﺎﻧﺎ ﮔﯩﺮﯨﭙﺘﺎﺭ ﺑﻮﻟﻐﺎﻥ " ﻫﻪﺯﯨﻢ ﻗﯩﻠﯩﺶ ﻧﺎﭼﺎﺭﻟﯩﺸﯩﺶ ﻛﯧﺴﯩﻠﻰ "ﻧﻰ ﺩﺍﯞﺍﻻﻳﺪﯗ . ﺋﻪﺧﻼﻕ ﺗﯩﺒﺒﯩﻲ ﺋﻪﺧﻼﻕ ﺗﯩﺒﺒﯩﻲ ﺧﺎﺩﯨﻤﻼﺭﻧﯩﯔ ﻫﻪﺭﯨﻜﻪﺕ ﻣﯩﺰﺍﻧﻰ . ﺩﻭﺧﺘﯘﺭﺧﺎﻧﯩﺪﯨﻜﻰ ﺋﯩﺸﭽﻰ - ﺧﯩﺰﻣﻪﺗﭽﯩﻠﻪﺭﮔﻪ ﻗﺎﺭﯨﺘﺎ ﻛﻪﺳﭙﯩﻲ ﺋﻪﺧﻼﻕ ﺗﻪﺭﺑﯩﻴﯩﺴﯩﻨﻰ ﭼﻮﯕﻘﯘﺭ ﺋﯧﻠﯩﭗ ﺑﯧﺮﯨﺶ ﯞﻩ ﺋﯘﻧﯩﯖﻐﺎ ﺭﯨﺌﺎﻳﻪ ﻗﯩﻠﯩﺶ ﺑﯩﺮ ﻗﯩﺴﯩﻢ ﺗﯩﺒﺒﯩﻲ ﺧﺎﺩﯨﻤﻼﺭ ﮔﯩﺮﯨﭙﺘﺎﺭ ﺑﻮﻟﻐﺎﻥ " ﺗﻪﻣﻪﺧﻮﺭﻟﯘﻕ ﻛﯧﺴﯩﻠﻰ "ﻧﻰ ﺩﺍﯞﺍﻻﻳﺪﯗ . ﺗﯩﺒﺒﯩﻲ ﺋﻪﺧﻼﻗﻰ ﻧﺎﭼﺎﺭ ﯞﻩ " ﺗﻪﻣﻪﺧﻮﺭﻟﯘﻕ ﻛﯧﺴﯩﻠﻰ "ﮔﻪ ﮔﯩﺮﯨﭙﺘﺎﺭ ﺑﻮﻟﻐﺎﻥ ﺧﺎﺩﯨﻤﻼﺭﻧﯩﯔ ﺳﻪﻣﯩﮕﻪ ﺷﯘﻧﻰ ﺳﯧﻠﯩﭗ ﻗﻮﻳﯘﺵ ﺯﯙﺭﯛﺭﻛﻰ : ﻗﯩﺰﯨﻞ ﺑﻮﻻﻕ ﺋﯩﭽﯩﺪﯨﻜﻰ ﭘﯘﻝ ﺑﻮﻟﻤﺎﺳﺘﯩﻦ ، ﺑﻪﻟﻜﻰ ﺋﺎﻣﺎﻟﺴﯩﺰﻟﯩﻖ ﯞﻩ ﻏﻪﺯﻩﭘﺘﯘﺭ ؛ ﺩﻭﺧﺘﯘﺭﻟﯘﻕ ﺋﻪﺧﻼﻗﻰ ﻳﻮﻗﻼﺭﻧﯩﯔ ﺩﻭﺧﺘﯘﺭ ﺑﻮﻟﯘﺵ ﺳﺎﻻﻫﯩﻴﯩﺘﻰ ﻳﻮﻕ . ﺑﯩﻠﯩﻢ ﭘﯜﺗﻜﯜﻝ ﺟﻪﻣﯩﻴﻪﺗﺘﻪ ﺑﯩﻠﯩﻤﮕﻪ ﺋﯩﻨﺘﯩﻠﯩﺪﯨﻐﺎﻥ ، ﺋﯩﻠﯩﻢ ﺋﻪﻫﻠﻰ ، ﺋﯩﻘﺘﯩﺴﺎﺳﻠﯩﻘﻼﺭﻧﻰ ﻫﯚﺭﻣﻪﺗﻠﻪﭖ ﺋﯘﻻﺭﻧﻰ ﺋﻪﺗﯩﯟﺍﺭﻻﭖ ﺋﯩﺸﻠﯩﺘﯩﺪﯨﻐﺎﻥ ﻳﺎﺧﺸﻰ ﺑﯩﺮ ﺋﯩﺠﺘﯩﻤﺎﺋﯩﻲ ﻛﻪﻳﭙﯩﻴﺎﺕ ﻳﺎﺭﯨﺘﯩﺶ ، ﺗﻪﯓ ﺗﻪﻗﺴﯩﻤﺎﺗﭽﯩﻠﯩﻘﻨﻰ ﺑﯩﻜﺎﺭ ﻗﯩﻠﯩﺶ ، ﺋﯘﻧﯟﺍﻥ ، ﺩﯨﭙﻠﻮﻡ ﭘﺎﺧﺎﻟﻠﯩﻘﯩﻐﺎ ﺧﺎﺗﯩﻤﻪ ﺑﯧﺮﯨﺶ ﺩﻭﺧﺘﯘﺭﺧﺎﻧﯩﻼﺭﺩﯨﻜﻰ " ﻫﻮﺭﯗﻧﻠﯘﻕ ﻛﯧﺴﯩﻠﻰ "ﻧﻰ ﺩﺍﯞﺍﻻﻳﺪﯗ . ﺗﻪﺩﺑﯩﺮ " ﺗﻮﻏﺮﺍ ﺑﻮﻟﺴﺎ ﺗﻪﺩﺑﯩﺮﯨﯔ ، ﭘﺎﺭﻻﻕ ﺑﻮﻟﯘﺭ ﺗﻪﻗﺪﯨﺮﯨﯔ " ﺩﯦﮕﻪﻥ ﻫﯧﻜﻤﻪﺗﻠﯩﻚ ﺳﯚﺯ ﻧﺎﻫﺎﻳﯩﺘﻰ ﺗﻮﻏﺮﺍ ﺋﯧﻴﺘﯩﻠﻐﺎﻥ . ﻫﻪﺭ ﺩﻩﺭﯨﺠﯩﻠﯩﻚ ﭘﺎﺭﺗﯩﻴﻪ ، ﻫﯚﻛﯜﻣﻪﺕ ﺋﻮﺭﯗﻧﻠﯩﺮﯨﻨﯩﯔ ﺑﯩﯟﺍﺳﯩﺘﻪ ﺭﻩﻫﺒﻪﺭﻟﯩﻜﻰ ، ﺳﻪﻫﯩﻴﻪ ﻣﻪﻣﯘﺭﯨﻲ ﺑﺎﺷﻘﯘﺭﯗﺵ ﺗﺎﺭﻣﺎﻗﻠﯩﺮﯨﻨﯩﯔ ﻛﻮﻧﻜﺮﯦﺖ ﻳﯧﺘﻪﻛﭽﯩﻠﯩﻜﯩﺪﻩ ، ﺳﻪﻫﯩﻴﻪ ﺋﯩﺸﻠﯩﺮﯨﻨﻰ ﺑﺎﺷﻘﯘﺭﯗﺷﻨﻰ ﻳﻪﻧﯩﻤﯘ ﻛﯜﭼﻪﻳﺘﯩﭗ ، ﺋﯜﻧﯜﻣﻠﯜﻙ ﺗﻪﺩﺑﯩﺮ ﻗﻮﻟﻠﯩﻨﯩﭗ ﺗﯜﺯﯛﻣﻨﻰ ﺋﻪﻻﻻﺷﺘﯘﺭﯗﭖ ، ﻗﯘﺭﯗﻟﻤﯩﻨﻰ ﻣﯘﯞﺍﭘﯩﻘﻼﺷﺘﯘﺭﯗﭖ ، ﺧﺎﺩﯨﻤﻼﺭﻧﯩﯔ ﺳﺎﭘﺎﺳﯩﻨﻰ ﺋﯚﺳﺘﯜﺭﯛﺵ ، ﺋﯩﺸﻨﻰ ﻗﺎﻧﯘﻥ - ﺗﯜﺯﯛﻡ ﻗﯘﺭﯗﻟﯘﺷﯩﻨﻰ ﻳﺎﺧﺸﯩﻼﺵ ﯞﻩ ﻛﯜﭼﻪﻳﺘﯩﺸﺘﯩﻦ ﺑﺎﺷﻼﭖ ، ﻳﯧﺘﻪﻛﭽﯩﻠﯩﻜﻨﻰ ، ﻧﺎﺯﺍﺭﻩﺗﻨﻰ ﻛﯜﭼﻪﻳﺘﯩﺶ ﺩﻭﺧﺘﯘﺭﺧﺎﻧﺎ ﮔﯩﺮﯨﭙﺘﺎﺭ ﺑﻮﻟﻐﺎﻥ ﻛﯧﺴﻪﻟﻨﻰ ﺩﺍﯞﺍﻻﺷﻨﯩﯔ ﺋﯜﻧﯜﻣﻠﯜﻙ ﭼﺎﺭﯨﺴﻰ ﯞﻩ ﺗﻪﺩﺑﯩﺮﻯ . ﺟﻪﻣﯩﻴﻪﺕ ﺩﻭﺧﺘﯘﺭﺧﺎﻧﺎ _ ﺟﻪﻣﯩﻴﻪﺗﻨﯩﯔ ﻣﯘﻫﯩﻢ ﺑﯩﺮ ﺋﻪﺯﺍﺳﻰ ، ﺋﯘ ﺟﻪﻣﯩﻴﻪﺗﺘﯩﻦ ﺋﺎﻳﺮﯨﻠﯩﭗ ﻣﯘﺳﺘﻪﻗﯩﻞ ﻳﺎﺷﯩﻴﺎﻟﻤﺎﻳﺪﯗ . ﺟﻪﻣﯩﻴﻪﺗﺘﯩﻜﻰ ﭘﯘﺭﺍﻗﻠﯩﻖ " ﮔﯜﻝ "ﻣﯘ ، ﺯﻩﻫﻪﺭﻟﯩﻚ " ﮔﺎﺯ "ﻣﯘ ﺩﻭﺧﺘﯘﺭﺧﺎﻧﯩﻐﺎ ﺗﻪﺳﯩﺮ ﻛﯚﺭﺳﯩﺘﯩﺪﯗ . ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺟﻪﻣﯩﻴﻪﺗﺘﯩﻜﻰ ﺑﻪﺯﻯ ﻧﺎﭼﺎﺭ ﺋﯩﻠﻠﻪﺗﻠﻪﺭ ، ﭼﯩﺮﯨﻜﻠﯩﺸﯩﺶ ﻗﯩﻠﻤﯩﺸﻠﯩﺮﻯ ﺟﻪﻣﯩﻴﻪﺕ ﻛﻪﻳﭙﯩﻴﺎﺗﯩﻨﻰ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﺯﺩﻯ . ﺋﺎﺯ ﺳﺎﻧﺪﯨﻜﻰ ﺗﯩﺒﺒﯩﻲ ﺧﺎﺩﯨﻤﻼﺭ ﮔﯩﺮﯨﭙﺘﺎﺭ ﺑﻮﻟﻐﺎﻥ " ﺗﻪﻣﻪﺧﻮﺭﻟﯘﻕ ﻛﯧﺴﯩﻠﻰ " ، " ﻫﻮﺭﯗﻧﻠﯘﻕ ﻛﯧﺴﯩﻠﻰ " ﯞﻩ ﺳﻪﻫﯩﻴﻪ ﺳﺎﻗﻠﯩﻘﻨﻰ ﺳﺎﻗﻼﺵ ﺳﺎﻫﻪﺳﯩﮕﻪ ﭼﯜﺷﻜﻪﻥ " ﺋﺎﻝ ﻛﯧﺴﯩﻠﻰ " ﻫﺎﺯﯨﺮ ﺟﻪﻣﯩﻴﻪﺗﺘﻪ ﻣﻪﯞﺟﯘﺩ ﺑﻮﻟﯘﯞﺍﺗﻘﺎﻥ ﻫﻪﺭ ﺧﯩﻞ ﻧﺎﭼﺎﺭ ﺋﯩﻠﻠﻪﺗﻠﻪﺭ ﯞﻩ ﺋﯩﺠﺘﯩﻤﺎﺋﯩﻲ ﻛﯧﺴﻪﻟﻠﯩﻜﻨﯩﯔ ﺳﻪﻫﯩﻴﻪ ﺳﯩﺴﺘﯧﻤﯩﺴﯩﺪﯨﻜﻰ ﺋﯩﭙﺎﺩﯨﺴﻰ ﯞﻩ ﺋﯩﻨﻜﺎﺳﻰ . ﺷﯘﯕﻼﺷﻘﺎ ﺩﻭﺧﺘﯘﺭﺧﺎﻧﺎ ﮔﯩﺮﯨﭙﺘﺎﺭ ﺑﻮﻟﻐﺎﻥ " ﻛﯧﺴﻪﻝ "ﻧﻰ ﺋﯜﻧﯜﻣﻠﯜﻙ ﺩﺍﯞﺍﻻﭖ ﺳﺎﻗﺎﻳﺘﯩﺶ ﺋﯜﭼﯜﻥ ﺟﻪﻣﯩﻴﻪﺗﻨﯩﯔ ﻣﺎﺩﺩﯨﻲ ﯞﻩ ﻣﻪﻧﯩﯟﯨﻲ ﻧﺎﻣﺮﺍﺗﻠﯩﻘﯩﻨﻰ ﺗﯜﮔﯩﺘﯩﭗ ، ﻗﺎﻧﯘﻧﭽﯩﻠﯩﻖ ﻗﯘﺭﯗﻟﯘﺷﯩﻨﻰ ﻛﯜﭼﻪﻳﺘﯩﭗ ، ﭘﺎﺭﯨﺨﻮﺭﻟﯘﻕ ، ﺧﯩﻴﺎﻧﻪﺗﭽﯩﻠﯩﻚ ، ﭼﯩﺮﯨﻜﻠﯩﺸﯩﺶ ﻗﯩﻠﻤﯩﺸﻠﯩﺮﯨﻐﺎ ﺧﺎﺗﯩﻤﻪ ﺑﯧﺮﯨﭗ ، ﺟﻪﻣﯩﻴﻪﺕ ﻛﻪﻳﭙﯩﻴﺎﺗﯩﻨﻰ ﺗﯜﭘﺘﯩﻦ ﻳﺎﺧﺸﯩﻼﺵ ﻻﺯﯨﻢ . ﻧﯚﯞﻩﺗﺘﻪ ﺩﻭﺧﺘﯘﺭﺧﺎﻧﺎ ﮔﯩﺮﯨﭙﺘﺎﺭ ﺑﻮﻟﻐﺎﻥ " ﻛﯧﺴﻪﻝ "ﻧﻰ " ﺩﻭﺧﺘﯘﺭ "ﻻﺭﻧﯩﯔ ﺩﺍﯞﺍﻟﯩﺸﯩﻼ ﻛﯘﭘﺎﻳﻪ ﻗﯩﻠﻤﺎﻳﺪﯗ ، ﻳﻪﻧﻪ ﺟﻪﻣﯩﻴﻪﺗﻨﯩﯔ ﺑﺎﺭﻟﯩﻖ ﺋﻪﺯﺍﻟﯩﺮﯨﺪﯨﻦ ﻫﻪﺭ ﺑﯩﺮ ﭘﯘﻗﺮﺍﺳﯩﻐﯩﭽﻪ ﺑﺎﻏﯟﻩﻥ ﯞﻩ ﺩﻭﺧﺘﯘﺭ ﺑﻮﻟﯘﭖ ، ﺩﻭﺧﺘﯘﺭﺧﺎﻧﺎ ﯞﻩ ﺩﻭﺧﺘﯘﺭﻻﺭﻧﯩﯔ ﺧﯩﺰﻣﯩﺘﯩﻨﻰ ﻗﻮﻟﻠﯩﺸﻰ ، ﺋﺎﺳﺮﯨﺸﻰ ، ﻛﯚﻳﯜﻧﯜﺷﻰ ، ﻗﻮﻏﺪﯨﺸﻰ ، ﺩﻭﺧﺘﯘﺭﺧﺎﻧﯩﻨﯩﯔ " ﻛﯧﺴﻪﻝ "ﺩﯨﻦ ﺗﯧﺰﺭﺍﻕ ﺳﺎﻗﯩﻴﯩﺸﻰ ﺋﯜﭼﯜﻥ ﺋﯚﺯﻟﯩﺮﯨﻨﯩﯔ ﺗﯧﮕﯩﺸﻠﯩﻚ ﻣﻪﺳﯘﻟﯩﻴﯩﺘﯩﻨﻰ ﺋﺎﺩﺍ ﻗﯩﻠﯩﺶ ﻻﺯﯨﻢ . ———————————————————————————————— بولسا مۇنبەردە بۇنداق ئىشلارغا يۇلۇقۇپ باققان قېرىنداشلار كۆرگەن-ئاڭلىغانلىرڭلارنى ،بولسا ھەل قىلغان بولساڭلار قانداق يوللارنى بېسىپ ئۆتىدىغانلىقىنى دەپ باقساڭلار.

jim-jit

	خۇسۇسى    دوختۇرخانىلارنى    كەڭ-كۆلەمدە    قويىۋەتسە    كىسەل    بولاپ   قالغان    دوختۇرخانىلارمۇ    تىزلا    ساقىيىپ    قالىدۇ    .

βДんㄒiМ↘③

	ئەگەشتىم.بىزنىڭ  ناھىيدىمۇ شۇنداق .شەخسى دوختۇرخانلارنىڭ تەكشۈرۈش ئۈسكۈنلىرىمۇ  تەكشۈرۈش سۈرئىتمۇ تىز  .

مەتنياز

	ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺟﻪﻣﯩﻴﻪﺗﺘﯩﻜﻰ ﺑﻪﺯﻯ ﻧﺎﭼﺎﺭ ﺋﯩﻠﻠﻪﺗﻠﻪﺭ ، ﭼﯩﺮﯨﻜﻠﯩﺸﯩﺶ ﻗﯩﻠﻤﯩﺸﻠﯩﺮﻯ ﺟﻪﻣﯩﻴﻪﺕ ﻛﻪﻳﭙﯩﻴﺎﺗﯩﻨﻰ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﺯﺩﻯ . ﺋﺎﺯ ﺳﺎﻧﺪﯨﻜﻰ ﺗﯩﺒﺒﯩﻲ ﺧﺎﺩﯨﻤﻼﺭ ﮔﯩﺮﯨﭙﺘﺎﺭ ﺑﻮﻟﻐﺎﻥ " ﺗﻪﻣﻪﺧﻮﺭﻟﯘﻕ ﻛﯧﺴﯩﻠﻰ " ، " ﻫﻮﺭﯗﻧﻠﯘﻕ ﻛﯧﺴﯩﻠﻰ " ﯞﻩ ﺳﻪﻫﯩﻴﻪ ﺳﺎﻗﻠﯩﻘﻨﻰ ﺳﺎﻗﻼﺵ ﺳﺎﻫﻪﺳﯩﮕﻪ ﭼﯜﺷﻜﻪﻥ " ﺋﺎﻝ ﻛﯧﺴﯩﻠﻰ " ﻫﺎﺯﯨﺮ ﺟﻪﻣﯩﻴﻪﺗﺘﻪ ﻣﻪﯞﺟﯘﺩ ﺑﻮﻟﯘﯞﺍﺗﻘﺎﻥ ﻫﻪﺭ ﺧﯩﻞ ﻧﺎﭼﺎﺭ ﺋﯩﻠﻠﻪﺗﻠﻪﺭ ﯞﻩ ﺋﯩﺠﺘﯩﻤﺎﺋﯩﻲ ﻛﯧﺴﻪﻟﻠﯩﻜﻨﯩﯔ ﺳﻪﻫﯩﻴﻪ ﺳﯩﺴﺘﯧﻤﯩﺴﯩﺪﯨﻜﻰ ﺋﯩﭙﺎﺩﯨﺴﻰ ﯞﻩ ﺋﯩﻨﻜﺎﺳﻰ . ﺷﯘﯕﻼﺷﻘﺎ ﺩﻭﺧﺘﯘﺭﺧﺎﻧﺎ ﮔﯩﺮﯨﭙﺘﺎﺭ ﺑﻮﻟﻐﺎﻥ " ﻛﯧﺴﻪﻝ "ﻧﻰ ﺋﯜﻧﯜﻣﻠﯜﻙ ﺩﺍﯞﺍﻻﭖ ﺳﺎﻗﺎﻳﺘﯩﺶ ﺋﯜﭼﯜﻥ ﺟﻪﻣﯩﻴﻪﺗﻨﯩﯔ ﻣﺎﺩﺩﯨﻲ ﯞﻩ ﻣﻪﻧﯩﯟﯨﻲ ﻧﺎﻣﺮﺍﺗﻠﯩﻘﯩﻨﻰ ﺗﯜﮔﯩﺘﯩﭗ ، ﻗﺎﻧﯘﻧﭽﯩﻠﯩﻖ ﻗﯘﺭﯗﻟﯘﺷﯩﻨﻰ ﻛﯜﭼﻪﻳﺘﯩﭗ ، ﭘﺎﺭﯨﺨﻮﺭﻟﯘﻕ ، ﺧﯩﻴﺎﻧﻪﺗﭽﯩﻠﯩﻚ ، ﭼﯩﺮﯨﻜﻠﯩﺸﯩﺶ ﻗﯩﻠﻤﯩﺸﻠﯩﺮﯨﻐﺎ ﺧﺎﺗﯩﻤﻪ ﺑﯧﺮﯨﭗ ، ﺟﻪﻣﯩﻴﻪﺕ ﻛﻪﻳﭙﯩﻴﺎﺗﯩﻨﻰ ﺗﯜﭘﺘﯩﻦ ﻳﺎﺧﺸﯩﻼﺵ ﻻﺯﯨﻢ . بۇنداق  ئەھۋاللارنى چوقۇم ياخشىلاش لازىم .

مەتنياز

	مەتنياز يوللىغان ۋاقتى  2014-4-17 01:09 PM ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺟﻪﻣﯩﻴﻪﺗﺘﯩﻜﻰ ﺑﻪﺯﻯ ﻧﺎﭼﺎﺭ ﺋﯩﻠﻠﻪﺗﻠ ... بۇنداق ئەھۋاللارنى چوقۇم ئۆزگەرتىش لازىم .

nurjahan0997

	بىزگە ئوخشاش شەخسىلەر ئاچقان دورىخانىلارغا ئەسلى ئارام بەرمەيدۇ؟دوختۇرخانىلاردا يا تۈزۈك داۋالىمايدۇ؟....ھەدېگەندە تولا تەكشۈرۈش.......چوڭ دۇختۇرخانىلارنىمۇ شۇنداق تەكشۈرەمدىغاندۇ دەيمەن؟؟؟

گۆزەل

	دۇختۇرخانىنىڭ كىسىلىنى دىمەيلا قۇيايلى ، بىزنىڭ ما يەردە دۇختۇرلانىڭمۇ كىسىلى (ئىغىر ).

xajarim

	مۇشۇ بەزى  دوختۇرخانا ۋە دوختۇرلار    پۇل ئۈچۈنلا ياشايدىكەن ...      بىمارنىڭ پۇلى ئاز بولۇپ بىرە ئىككى  كۈنلۈك   دورا   -ئوكۇل يىزىپ بىرىشنى  سورىسا  مانچە كۈنلۈكتىن تۆۋەن بولسا بولمايدۇ.. دەپ   ئاز يازغىلى ئۇنىمايدىكەن....       پۇل بەرمىسە داۋالمىغان ..ئازغا  چىقىش قىلىسمۇ   كۆپنى دەپ تىخى ئۇنىمىغان  نىجىس دوختۇرلار ئالدىمغا ئۇچقىدى ..  شۇنداقلارنى بىر ئەرىز قىلاي دەپ تورداشلادىن مەسلىھەت سورىسام   تورداشلارنىڭ كۆپىنچىسىنىڭمۇ دەردى باركەن ئەمما   شۇ  يولىنى  بىلمەيدىكەن....     قوسىقىم يامان كۆپىدۇ  شۇ ئىشقا.....         خۇدايىم مۇشۇ  دوختۇرخانا دىگەن يەردىن  ساقىلىسۇن....       ئىنساپلىقراقى  بەك ئاز  بەك ئاز...    خۇدايىم  شۇ  بالاخورلاردا  داۋالىنۋاتقان  قېرىنداشلىرمىزغا  شىپالىق ئاتا قىلسۇن..  شۇ خەققە تىلىندۇرمىسۇن...

ئالمىچى

	دوختۇرخانا دىسە يۈرۈكۈم جىغ  قىلىدۇ........دىسەم گەپ جىق..