«ئاڭلىق» ئەر ( ساتىرا)

akkani

	( ساتىرا ) ئابدۇۋېلى راخمان ھەققانىي بەزەنلەرنىڭ گېپى چوڭ ، لېكىن بىلسەڭ چاغلىق ئەر ، مېڭىش-تۇرۇش ، يۈرۈشى ئايالىغا باغلىق ئەر ، « كۆڭلى – كۆكسى كەڭ » لىكتە بۇ دۇنيادا داڭلىق ئەر ، چاپسا ھەر يان جۆرىسى قىلماس ئىچى تارلىق ئەر ، بىخوتلۇقنىڭ سۈيىدە ئۈزۈپ كەتكەن « ئاڭلىق » ئەر . « يايراڭ توغرا چۈشەندىم ، خاتىرجەممەن سىزدىن » دەپ ، ئەسلا سوراپ كۆرمەيدۇ يانفۇن كەلسە كىمدىن دەپ ، كېتىۋەرسە كارى يوق « سەل زېرىكتىم ئۆيدىن » دەپ ، « تۇتۇپ قالدى تۇققانلار باراي ئۆگۈن ، ئىندىن » دەپ ، قونۇپ قالسا كېلىشنى كۈتۈپ كەتكەن « ئاڭلىق » ئەر . پەرۋايى يوق قىلچىمۇ خۇتۇن نەدە ، ئۇ نەدە ، جۇپتى ئۈنەر دۈشەنبە ، چىقىپ كەتسە جۈمەدە ، دەپ سورىماس پۇل تاپسا تاپتىڭ قايسى ھۈنەردە ، شۇنچە قىزغىن خۇشچاقچاق ، بۈگۈن ئۆيگە كىرەردە ، ئەركىلىسە ناز قىلىپ ، كۈلۈپ كەتكەن « ئاڭلىق » ئەر . دىققەت قىلماس كۈندە بىر چىقسا مودا ئۇچىغا ، قىممىتىنى ئاياغنىڭ ئېلىپ كەيسە پۇتىغا ، زەن قويمايدۇ پايپاقسىز ئۇچۇق قالغان يوتىغا ، ھىچ كەلمەيدۇ ئاچچىقى ، چىقىۋالسا كوچىغا ، غىلجىڭلىسا خۇلقىغا كۆيۈپ كەتكەن « ئاڭلىق » ئەر . ئۆيدە ئەرگە نازلىنىپ ، سىرتتىن تاپار باشپاناھ ، كېزەر ئويناپ رېستۇران ، مېھمانخانا – ئاشخانا ، تۈنتەڭلەردە ئەپكىلىپ قويسا ھەتتا سانتانا ، يەنە توغرا چۈشۈنۈپ ، كۈلۈمسىرەر ئۇ يانا ، مۇنداق ئىشقا ئەسلىدىن كۆنۈپ كەتكەن « ئاڭلىق » ئەر . نەق مەيداندا تۇتۇلۇپ قالغاندىمۇ خانىمى ، يات بىرسىدىن ئۈنسىمۇ قورساققا بىر ھارىمى ، پۇر كەتسىمۇ ئەتراپقا شەرمەندىلىك داۋرىڭى ، بۇ دۇنيادا بارمىكىن ئەرنىڭ شۇنداق گالۋىڭى ، ھېچ ئىش يوقتەك ئۆي تۇتۇپ ، يۈرۈپ كەتكەن « ئاڭلىق » ئەر . خۇتۇن ئالدىم دەپ قويۇپ ، سوراپ كۆرمەس ھالىنى ، سۈرۈشتۈرۈپ كۆرمەيدۇ ئۆيدە يوق ۋە بارىنى ، ئەر تاپمىسا ئۆزىنىڭ ئەرلىك ئورۇن – جايىنى ، سىرت تارتىدۇ ئاشۇنداق خۇتۇن خەقنىڭ رايىنى ، « ئەر كۈنلىسە ئۆي گۈللەر » ئەگەر بىلسەڭ « ئاڭلىق » ئەر . گۇناھ قويماس خۇتۇنغا ، تاپساڭمۇ يۈز قازىنى ، چۈنكى ئۆتتۈڭ يۇرۇتماي پاك سۆيگۈنىڭ شامىنى ، چۈشىنەلمەي بىر ئۆمۈر ، ساختىلىقنىڭ دامىنى ، بۇلغىۋةتمە غۇرۇرلۇق ئەركەكلەرنىڭ نامىنى ، ئەرلىك ئابرۇي – تەختىدىن چۈشۈپ كەتكەن « ئاڭلىق » ئەر . ھەر بىر كىشى جۇپتىنى جەزمەن كۈنلەپ قويغۇلۇق ، ھېكمەت قالغان ئەجدادتىن دەل مۇشۇ ئىش توغرۇلۇق ، چەكتىن ئاشسا « ئاڭلىقلىق » بوپ بولىدۇ بولغۇلۇق ، ئازمايدىغان ئىنسان يوق ، شۇڭا ھۇشيار تۇرغۇلۇق ، بەس ! ئويغانسۇن ۋىجدانى ئۆلۈپ كەتكەن « ئاڭلىق » ئەر .

abugazi123

	ئاللاھ قولڭىزغا دەت بەمىسۇن. يارايسىز . بۇ كونا شېئىرڭىز ئىدى . مەن بەك ئامراقتىم كۆپ ئاڭلايتىمن شۇڭا سىزدەك شېئىر يېزىشئۈچۈن دائىم تىرشاتتىم. كەشتە مۇشۇ شېئىرڭىزنى رەتلەپ قوياي! قېرىنداشلار سەمىگە : بىز ھەققانىكام بىلەن ھەمكارلىشىپ سالوندا كۈندە بىر ئەسىرنى تارقىتۋاتمىز. ھەققانىكامنىڭ شېئىرنى ئۈندىداردا كۆمەكچى بولسىڭىز . سالونىمىزنى قوشۋېلىڭ ، ئۈندىدار ئىزدەش نامى:ihwanlar

قوزىمال

تەسەللى

	بۇرۇن ئاۋازلىقىنى ئاڭلىغانتىم بەك ياراپ كەتكەنتى ماڭا ئەسلى كىم يازدىكى دىسەم ھەققانىكام يېزىپتىكەندە. بەك قالتىس يېزىپسىز. تامامەن نەق جايىغا تىگىپتۇ. مۇشۇنداق ئېسل شېئىرلىرىڭىزنىڭ ئۈزۈلۈپ قالماسلىقىنى ئۈمىد قىلمەن.

قورغان

	بەكمۇ ئېسىل شىېركەن،ھاياجانلىنىپ قايتا- قايتا ئوقۇۋەتتىم،ئېلھاملىرىڭىز ئۈزۇلۇپ قالمىغاي

پىروزە

	راسلا بەك ئېسىل چىقىپتۇ.

qolyigiti

	ۋاھ ............... خىلى ئۇزۇن بولۇپ قاپتىكەن  مۇنبەرنى زىيارەت قىلالمىغىلى ، بۇگۇن مۇنداقلا ئىچىپلا بۇ شىئېرنى كۆرۈپ ، مۇنبەرنى زىىيارەت قىلىشقا ۋاقىت ئاجرىتالمىغانلىغىمدىن ئىنتايىن ئەپسۇسلاندىم ، شائېر بەك ئۆتكۈر پىكىرلىك   شىئېرلارنى يازىدۇ ،  شائېرىمىزغا دەرت يەتمىسۇن

aldawa

	ۋاھ قالتېس شىئىركەن اللاھ ئەجرېڭىزنى بەرسۇن .

قۇمۇش

	بۇندىن كىيىن مۇشۇنداق ئىسىل شېئىرلىرىڭىزنى داۋاملىق يوللاپ تۇرۇڭ!!!

قۇمۇش

	مەن بەك ئامراق بۇنىڭ ئاۋازلىقىغا، ئۇلۇغ اللە قولىڭىزغا دەرت بەرمىسۇن امىين!!!!