دۇئا قىلغىن ئاتا - ئاناڭغا

太阳

	ھايات چاغدا ئاتا-ئاناڭ،دۇئاسىنى ئىلىۋال، ئۈزۈلدۈرمەي ياخشىلىق،بۇرچۇڭ ئادا قىلىۋال، ئۆمرى تۈگەپ قەبرىگە،كىتىپ قالار بىر كۈنى، جاپالاردا قۇرۇق باسقان يۈزلىرىگە قىنىۋال. كىرىپ قالدى ئاتمىشكە،چىچى قاردەك ئاقىرىپ، ساغلام قىزىل چىرايى،كەتتى تامدەك تاتىرىپ، كەتمەن تۇتقان قوللىرى، قالدى مانا قاپىرىپ، شۇ مىھرىبان داداڭنىڭ، خىزمىتىنى قىلىۋال. ئاھ ئانا دەپ ھەسرەتتە، لەۋلىرىڭنى چىشلەيسەن، خوشلىشىالماي بىر كۈنى، كىتىپ قالسا تۇيۇقسىز، ئۆز كۆزۈڭگە ئىشەنمەي،رىئاللىق بۇ دىيەلمەي، زار -زار يىغلاپ كىچىنى، ئۆتكۈزەرسەن ئۇيقۇسىز. قىزنى قوشتى قاتارغا ،قىلىپ شەرمى-ھايالىق، ياخشى تەلىم بەرگەچكە،ئوغلى بولدى ياراملىق، قالدى بۈگۈن ياشىنىپ،كەتتى كۈچ-مادارىدىن، راھەت كۆرسۈن شۇلارمۇ،تاپسۇن بىر ئاز ئاراملىق. يالغۇزسىراپ قالمىسۇن،يوقلاپ قويغىن داۋاملىق، نامىزىڭدا ئۇلار ئۈچۈن،تىلەپ تۇرغىن ئامانلىق، توغراق كەبى ئاتاڭنىڭ،پەرىشتىدەك ئاناڭنىڭ قۇلاق سالغىن سۆزىگە،قىلما زىنھار يامانلىق. قۇياش

太阳

	bilqut يوللىغان ۋاقتى  2014-4-13 11:48 AM سىز ئۆزىڭىز يازغان شېئىرمۇ؟ شۇنداق ئۆزەم يازغان....

zubayda0997

	ياخشى يېزىپسز

hutan.tawakkul

	رەھمەت سىزگە، ئېسىل شىئىردىن بىرنى يېزىپسىز، تېخمۇ ياخشى شىئىرلارنى يېزىشىڭىزغا تىلەكداشمەن.

بايقۇش

	ئەسسىلامۇ ئەلەيكۇم دۇسلار بايقۇشتن سىلەرگە ئوتلۇك سالام، ،،مەن يىڭى ئەزا بۇلدۇم سىلەرنىڭ سەرخىل تىماڭلادىن تەڭ بەھىرلىنەي دەپ ،،،،  بۇ شىئىر شۇنداك كاملىشىپتۇ داۋاملىك تىرشىڭ قىرىندىشىم

太阳

	bilqut يوللىغان ۋاقتى  2014-4-13 12:07 PM ماۋزۇ بىلەن شېئىر قاملاشمىدىمۇ قانداق؟ ئەمسە تۈزىتىش بىرىپ قويسىڭىز... قاملاشمىغان يەرلىرىگە..تەكلىپنى قوبۇل قىلىمەن ئەلۋەتتە

kalipdax007

	قەلىمىڭىز كۈچلۈككەن داۋاملىق تىرىشىڭ غەيرەت قىلىڭ ......

hasrat584

	بۇ بىر كۇنى دىگەن شېئىر غا  ئوخشىتۇلۇپ يېزىلىپتۇ ،     راس بۇ نىڭغا ماۋزۇ ماس كەلمەپتۇ .

dilbar

	ياخشى يېزىلىپتۇ..ئاتا -ئانا مېھرىگە نىمە يەتسۇن...نادىر تېمىلىرىڭىز ئۈزۈلمىگەي

danixman1

	دۇئا قىلغىن ئاتا –ئاناڭغا ھايات چاغدا ئاتا-ئاناڭ،دۇئاسىنى ئېلىۋال. قولدىن بەرمەي بۇرچۇڭنى چوقۇم ئادا قىلىۋال. ئۆمۈر تۈگەپ بىر كۈنى يىقىلغۇچە قەبرىگە ، قورۇق بېسىپ سارغايغان  يۈزلىرىگە قىنىۋال. كىردى داداڭ ئاتمىشقا،چېچى قاردەك ئاقىرىپ. ساغلام قىزىل چىرايى كەتتى تامدەك تاتىرىپ. مىڭ جاپادا ياشىدى سىنى ئادەم قىلغۇچە ، كەتمەن تۇتقان قوللىرى كەتتى نەچچە قايرىلىپ. پەرىشتىدەك ئاناڭمۇ ئاتمىش ياشقا ئۇلاشتى، ئەسلى نۇرلۇق كۆزلىرى بەلكىم ھازىر تورلاشتى. سىنى ئاياپ ھالىنى دىمىگەندۇ ئېھتىمال ، ئىشەنمىسەڭ قاراپ باق،گۈل چىرايى سۇلاشتى. زەن قويمىلىغاچ ئۇلارغا  ئەھۋالىنى بىلمەيسەن ، كىتىپ قالسا بىر كۈنى لەۋلىرىڭنى چىشلەيسەن. ئۆز كۆزۈڭگە ئىشەنمەي،رېئاللىق بۇ دىيەلمەي. پەقەت ئىچ-ئىچىڭدىن«مەن ۋاپاسىز،ئاھ» دەيسەن. سىنى قوشتى قاتارغا ئۆزى  ياشاپ  جاپالىق . ياخشى تەلىم بەرگەچكە بولالىدىڭ ياراملىق. ۋاقتىڭ بولسا يوقلاپ تۇر،قورسىقىنى توقلاپ تۇر، راھەت كۆرسۇن ئۇلارمۇ تاپسۇن بىر ئاز ئاراملىق. يالغۇزسىراپ قالمىسۇن كۆرۈپ تۇرغىن داۋاملىق. قۇلاق سالغىن سۆزىگە ،قىلما زىنھار يامانلىق . توغراق كەبى ئاتاڭغا،پەرىشتىدەك ئاناڭغا، نامىزىڭدا ،دۇئادا ، تىلەپ تۇرغىن ئامانلىق . شېئىرىڭىزنى   يۇقارقىدەك تۈزىتىپ ئوقۇپ  باقتىم  . قەلىمىڭىزگە    بەرىكەت  تىلەيمەن  . سلامەت  بولۇڭ .