دانالار غەزىسىدىن تەرمىلەر

sargarda

	ئىنساننىڭ  خار ۋە زەبۇن بولمىقىغا  سەۋەب نېمەدۇر  ؟   ــــ  ئىككى  نەرسىدۇر . بىرى  جاھالەت  ۋە نادانلىق  ؛  ئىككىنچىسى  ، تەپرىق ۋە ئىختىلاپتۇر . ـــ  ئىززەت ـ ئابرۇي  نېمە  بىلەن  قۇۋۋەت بولىدۇ  ؟ ـــ  ئىلىم  ـ  مەرىپەت  ، ئىتتىپاقلىق  بىلەن  بولىدۇ . ئابدۇقادىر  داموللام .   ئاللاھ   ئىنسانغا   ئەقىل  ـ  ئەدەبتىن  ئارتۇقراق  تۇرىدىغان بىر  نېمەتنى  بەرگەن ئەمەس. ئەقىل  ۋە  ئەدەب  ياشلارنىڭ  جامالىدۇر .  ئادەمنىڭ  ئۇ  ئىككىسىدىن ئايرىلغاندىن كۆرە ھاياتىدىن  ئايرىلىشى  ياخشىراقتۇر . بىلىمنى ئاشۇرۇش بىلەنلا دۈشمەننى يەرگە قاراتقىلى  بولىدۇ . ئەمەلىيەتنىڭ ياخشى بولۇشى بىلىمنىڭ  ياخشى  بولغانلىقىنىڭ  ئىسپاتىدۇر . ئىنساننىڭ  قەدىر  ـ  قىممىتى  ، مەيلى  بىر  ئىشنى  كۆپ قىلسۇن ياكى ئاز  قىلسۇن ، ئىنسان ياخشى  قىلالايدىغان  نەرسىدىدۇر . شۈبىھسىزكى  :  ئادالەتپەرۋەر  بولغان  تەقدىردىمۇ كىشىلەرنىڭ  يېرىمى ھۆكۈم ئىشلىرىنى ئۈستىگە  ئالغان  كىشىگە  دۈشمەندۈر . دۇنيادا   ئارزۇلارنى  ئاز  قىل  ،  غالىپ  بولىسەن  ، ئارزۇلارنى ئاز  قىلىش ئاقىللىقنىڭ ئىپادىسىدۇر . قىلىچنىڭ   تىغىنى  نەزەردە   تۇت  ، غىلىپى  بىلەن  كارىڭ  بولمىسۇن . يىگىتنىڭمۇ پەزىلىتىنى ھىسابقا  ئال  ، كۆرۈنۈشىگە  قارىما  ! دوسىتلىرىڭنى ئۇزۇن  ـ  ئۇزۇندا يوقلا  ،  دوسىتلىقنى  كۈچەيتىسەن  . كىمكى بېرىش ـ كېلىشنى كۆپ  قىلسا  ،  ئاخىرى  زېرىكىش  ئۇنى  يىراقلاشتۇرۇپ  قويىدۇ . ھەر كۈنى  كەچتە  قۇياشنىڭ  پېتىشى  ئۇنىڭغا  زىيان  يەتكۈزەلمىگەندەك  ، كەمبىغەل بولۇشمۇ پەزىلەتكە   زىيان   يەتكۈزەلمەيدۇ . يۇرتۇڭدىلا   تۇرۇۋېلىشىڭ   ئۇپئۇچۇق  ئاجىزلىقتۇر .  باش  ئېلىپ  چىقىپ  كەت  . <<  يېڭى ـ  يېڭى  >>  ئۇرۇق  ـ  تۇغقانلارغا  ئۇچرىشسەن  . دېمەككى ،  سۇ  كۆلدە  ئۇزۇن  تۇرغانلىقتىن  سېسىپ  كېتىدۇ .  تۇلۇنئاي  كۆكتە ئۈزۈپ يۈرگەچكە  ، ئۇ  تۇلۇپ   ئون تۆت  كۈنلۈك  مۇكەممەل   ئاي  بولغان  . ئەي  ئوغلۇم  ، جانلىقلارنىڭ  ھەممىسىگە  رەھىم قىلغىن ، ئۇلارغا  كۆيۈنۈش  ۋە شەپقەت كۆزۈڭ  بىلەن  باق  .  ئۇلارنىڭ   چوڭلىرىنى  ھۆرمەتلە  ،  كىچىكلىرىگە  رەھىم قىل  . ھەر  بىر  ئىشتا   ھەممىنى  پەيدا  قىلغۇچىنىڭ   ھەققىگە  رىئايە  قىل  . ئەگەر   سەن   سۈيۈڭنى   ئەخلەت  چۈشكەن  دەپ  ئىچمىسەڭ  ، ئۇسسىز  قالىسەن . قانداق  كىشىنىڭ   سۈيىنىڭ  ھەممىسى   ساپ  بولغان  ؟  يەنە  قانداق  كىشىنىڭ ھەممە ئىشى  دۇررۇس   دەپ  قارالغان  ؟!  كىشىنىڭ  ئەيىبلىرىنىڭ  سانالغانلىقى  ئاشۇ كىشىنىڭ پەزىلەتلىك  ئىكەنلىكىگە  يېتەرلىك  ئىسپاتتۇر . ئىكرام  قىل  ،  شۇنداق  قىلساڭ   ياخشى  ئىش  قىلىشنى  ئادەتكە  ئايلاندۇرالايسەن  . .  قىسقىسى  سىىنى  ھۆرمەتلەيدىغان  بىر  ئادەمنى  پەقەت  سەن  باشقىلارنى ھۆرمەتلەش بىلەنلا   تاپالايسەن  .   ئەگەر ئەخلاق ياخشى بولمىسا كىشىلەرنىڭ  يۈزىنىڭ  چىرايلىقلىغى  مەنپەئەت  قىلامدۇ؟ شۇنىڭ ئۈچۈن چىرايلىقلىقنى ئوغۇل باللىقنىڭ ئىپادىسى قىلما  ،  چۈنكى پارقىرىغاننىڭ ھەممىسى  ئالتۇن  بولىۋەرمەيدۇ . ھەر  قانداق كېسەللىكنىڭ دورىسى  بولىدۇ .  پەقەت  ھاماقەتلىكلا  بۇنىڭدىن مۇستەسنا . داڭلىق   تېۋىپلارمۇ   بۇ  كېسەلنى  داۋالاشقا  ئاجىزلىق  قىلىدۇ . ئەگەر   تەدبىر   بىلەن  بايلىق   توپلىغىلى   بولسا  ،  مەن  بۇ  جەھەتتە  ئۈكەر يۇلتۇزغا قول  سۇنغان  بولاتتىم  .  لىكىن  ئەقىل  بىرىلگەنلەر  بايلىقتىن  مەھرۇم بولغان  . بۇ ئىككىدى  بىر  ـ  بىرىگە  زىت  بولغان  ئىككى  نەرسىدۇر  . ئەگەر   سەن  بىر بىتەلەي  دەريا  بويىغا سۇ ئىچكىلى  كېلىۋىدۇ  سۇ  سىڭىپ كەتتى دەپ ئاڭلىساڭ  سەن  بۇگەپكە  ئىشەن  .  بىر  تەلەيلىك  كىشى  قولىدا  ياغاچ  تۇتۇپ تۇراتتى. ياغاچ  كۆكلەپ  يۇپۇرماق  چىقاردىن  دېسە   ھەق  راسىت  دېگىن  . ئىلىم  ۋە  ئەدەبكە   ئۇنچىۋالا   ھېرىس  بولۇپ  كەتمىگىن  .  بەزىدە  كىشىگە  ئېلىم ۋە تەتقىقاتمۇ  زىيان  ئېلىپ  كېلىدۇ  .   پەزىلەت  ۋە  ئەدەب  ئىگىللىرىنىڭ  بازىرى  كاساتلىشىپ  نادانلارنىڭ  بازىرى چىقتى . دۇنيادا   بايلىققا  نادانلار  ئېرىشىپ  ، جاپانى   ئالىملار   تارتىدۇ  .  ناۋادا  رىزىق ئەقىلگە  قاراپ  بېرىلدىغان  بولسا  ، ئۇنداقتا  ئۆزىنىڭ  نادانلىقىدىن  ھايۋانلار ھالاك بولغان  بولاتتى . دۇنيادا  پەس  كىشىلەر  ئۇلۇغلاندى  ، ئۇلۇغلارنىڭ  بولسا  يەرگە ئۇرۇنغانلىقىنى كۆرىسەن دىمەك  دۇنيا   دېڭىزغا  ئوخشايدۇكى  :  ئۇنىڭ  تېگىدە  مەرۋايىتلار  چۆكۈپ  تۇرغان بولىدۇ  .  چىرىغان  جەسەتلەر   ئۈستىدە   لەيلەپ  تۇرىدۇ . دوسىتلۇق  ، ئېزىتقۇ  ،  ئەنقا   بۇ  ئۈچ  نەرسە  ئەزەلدىن  مەۋجۇد  بولۇپ باقمىغان . ھەم  مەۋجۇد  بولمايدىغان  شەيئىلەرنىڭ   ئىسمىدۇر  . مەن  كىشىلەرنى  سىنىدىم  .  ئۇلار  دىن   قىيىنچىلىققا  يولۇققان  چاغلاردا ئىشەنىچ قىلالىغۇدەك  دوسىت  بولۇشنى  تەلەپ  قىلاتتىم  . نەتىجىدە  مىنى  خاپا قىلغان ئىشلاردا  خۇشال  بولغۇچىدىن  باشقىنى  ،  مىنى  خۇشال  قىلغان ئىشلاردا ھەسەت قىلغۇچىدىن  باشقىنى  كۆرمىدىم . كىشىلەرنىڭ  قولىدىكى   نەرسىنى  تەلەپ  قىلغۇچى  بولما  !   دوسىتلار  ئۇچرىشىپ قېلىشتىن  قاچىدۇ  .  شۈبىھسىزكى  :  خارلىق  دېگەن  كىشىلەردىن  نەرسە سوراشتۇر . سېنىڭ  سورىغىنىڭ    يول  نەدە   دېگەن  سۇئال  بولسىمۇ   . باياشاتچىلىقتا   بۇرادارچىلىكنى  داۋا  قىلدىغانلار  ناھايتى  كۆپ  .  بۇرادەرچىلىكنى پەقەت  قىيىن  ھالقىلىق  پەيىتلەردىلا  بىلگىلى  بولىدۇ . پەسەندىلەرگە   ھەرگىز  مىھرىبانلىق  كۆرسەتمە  ، ئۇنى  ھەددىن  ئاشۇرۇپ  قويىسەن قۇپاللىق  قىل  ،  ئىتائەت  قىلىپ  باش  ئەگكەن  ھالدا  ئالدىڭغا  كىلىدۇ . شۈبىھسىزكى  :  تۆمۈرنى  پەقەت  ئوتلا   يۇمشىتىدۇ  ،  ئەمما  ئۇنىڭغا پۈيۈن دېڭىز سۈيىنى  قۇيساڭمۇ  يۇمشىمايدۇ . ئىنساندىكى   ئەڭ  يامان  ئىش  ئۆزىنىڭ  ئەيىبىنى  ئۇنتۇپ  قېلىش ۋە قېرىندىشىدىكى يېپىلىپ قالغان  ئەيىبلىرىنى تىلغا  ئېلىپ يۈرۈشتۈر  .  ئەگەر  ئىنسان  ئەقىل  ئىگىسى بولغان  بولسا  ،  ئۆزىگە  قارىسا   يېتەرلىك  ئەيىبلىرى  تۇرغان  يەردە  باشقىلارنى ئەيىبلىمىگەن  بولاتتى . ئەركىن  ئادەم زۇلۇم  ئاستىدا   سەۋىرچان  بولالمايدۇ .  زۇلۇمغا  سەۋىر  قىلدىغىنى پەقەت  ئېشەك ،  مېنىڭ  ئۆي  ـ  ماكانىم  بار  ئىدى  دېمە  !  ئىنسان  ئۈچۈن يۇرىت ۋەتەننىڭ  ھەممىسى  ئۆي  ـ ماكاندۇر . مەن  كىشىلەردىن  ۋاپادار   دوسىت  ھەققىدە  سورىسام  ئۇلار  ئۇنىڭغا  ئېرىشىشنىڭ يولى  يوق  دېيىشتى  .  ئەگەر  تاپالىساڭ  ئەركىن  ئادەملەرنىڭ  پىشىگە  ئېسىل . دۇنيادا   ئەركىن  ئادەملەر   يوق  دېيەرلىكتۇر  . مەنبە  :   ئەرەبچىدىن   تەرجىمە  قىلىنغان   :  ئەدەب  ئاچقۇچى ناملىق  كىتاب .

baron23

	ئىسىل تەرمىلەر ئىكەن ، ئەجىرڭىزگە رەھمەت .

qirakpay

	دانالار غەزىنىسىدىن قېرىنداشلىرىڭىزغا سۇنغان تەرمىلەردىن ئالاھىدە بەھىر ئالدىم.رەخمەت!

masrura

	رەھمەت ،ساقلىۋالدىم.