FBI كىنودىكىدەك ئۇنداق سىرلىق ئەمەس

تارىم

	FBI كىنودىكىدەك ئۇنداق سىرلىق ئەمەس ئامېرىكا «دۇنيا كۈندىلىك گېزىتى» نىڭ خەۋەر قىلىشىچە، يېقىندا FBI دا خىزمەت قىلغىنىغا 27 يىل بولغان، FBI مەركىزى ئورگىنى زوراۋانلىق تەشكىلاتى جىنايەت ئورگىنىدىن پىنسىيىگە چىققان، ئىككىنچى ئەۋلاد جۇڭگولۇق مۇھاجىر گېئورگې فوڭ ئۆزىنىڭ FBI كەچمىشىنى ئورتاقلاشتى. گېئورگې فوڭنىڭ FBI بىلەن بولغان تەقدىرى ناھايىتى كۈتۈلمىگەندە يېتىپ كەلگەن بولۇپ، 1970-يىلى ئۇ تېخى ئەمدىلا ئالىي مەكتەپنىڭ مالىيە كەسپىنى پۈتتۈرگەن ئىدى، ئەينى ۋاقىتتا FBI دا دەل مۇشۇنداق مالىيە كەسپىنى پۈتتۈرگەن ئىختىساس ئىگىلىرى كەمچىل بولۇپ، ئىقتىساد دېلولىرىنى تەكشۈرۈش خىزمىتىگە جىددىي ئېھتىياجلىق ئىدى. گېئورگې فوڭ FBI دىن پىنسىيىگە چىققان بىر خادىم بىلەن پاراڭلىشىۋاتقاندا، بۇ خادىم ئۇنىڭغا FBI غا بېرىشنى تەشەببۇس قىلغان، شۇنىڭ بىلەن ئۇنىڭ ھاياتى FBI بىلەن زىچ باغلىنىپ كەتكەن. ئىقتىساد دېلولىرىغا قارىغاندا، گېئورگې فوڭ زوراۋانلىق دېلولىرىغا تېخىمۇ بەكرەك قىزىقاتتى، ئۇندىن باشقا ئىشپىيونلىق ئۇنىڭغا نىسبەتەن ناھايىتى ئاسان بىر ئىش ئىدى، بىراق ئەمەلىيەتتىكى ئىشپىيونلار ھوللىۋود كىنولىرىدىكى ۋە ياكى ئامېرىكا كۆپ قىسىملىق تېلېۋىزىيە تىياتىرلىرىدىكى ئىشپىيونلار بىلەن سېلىشتۇرغاندا ئاسمان-زېمىن پەرقلىنەتتى. ئۇ مۇنداق دېدى:«FBI نىڭ ئىشپىيونلىق قىلىشى دېگەنلىك ۋەزىپە ئورۇنلىغاندا ۋە ياكى دېلو پاش قىلىش جەريانىدا ئۆزىڭىزنىڭ سالاھىيىتى بىلەن پەقەتلا ئوخشىمايدىغان ئىشپىيون بولۇش دېگەنلىك ئەمەس، سىز يەنىلا سىز، شۇنداق بولغاندا تېخىمۇ بەكرەك ئەمەلىيەتكە ئۇيغۇن كېلىدۇ ھەمدە قارشى تەرەپنىڭ ئىشەنچىسىگە ئاسان ئېرىشەلەيسىز.» بىر قېتىملىق قاتىل ياللاش دىلوسىنى تەكشۈرۈش جەريانىدا، گېئورگې كەسپى قاتىل سىياقىغا كىرىۋېلىپ نىشانغا يېقىنلىشىشقا بۇيرۇلغان. ئۇ مۇنداق دېدى:«مەن ئۇ ۋاقىتتا ھەرگىزمۇ كىنولاردىكىدەك ئۇنداق كۆپ ياسىنىپ، قورال-ياراق توپلاپ كەتمىدىم، مەن قىلىشقا تېگىشلىك ئىش پەقەت ئۆزۈمنىڭ قاتىل ئىكەنلىكىمنى ئىسپاتلاش ۋە قارشى تەرەپنى مېنىڭ ئادەم ئۆلتۈرەلەيدىغانلىقىمغا ئىشەندۈرۈش خالاس.» دەسلەپكى قەدەمدە قارشى تەرەپ بىلەن مۇناسىۋەت باغلىۋالغاندىن كېيىن، مەن قارشى تەرەپ بىلەن خۇددى ئادەتتىكىدەك ئادەم ئۆلتۈرۈش پىلانى ئۈستىدە پاراڭلاشتىم، شۇنىڭ بىلەن ئۇنىڭ ئادەم ياللاپ قاتىللىق قىلىدىغانلىقىنى ئىسپاتلىدىم. ئادەتتە دېلو پاش قىلغاندا تەلەي بىلەن پۇرسەت بىرلا ۋاقىتتا كېلىۋەرمەيدۇ. 1999-يىلى پۈتۈن ئامېرىكىنى زىل-زىلىگە سالغان قاتىل كارىي سىتەينېر (Cary Stayner) كەينى-كەينىدىن ئىككى جايدا ئىككى كىشىنى ئۆلتۈرۈۋەتتى، ئەينى ۋاقىتتا FBI گېئورگې فوڭمۇ دەلىل-ئىسپات توپلاش خىزمىتىگە قاتناشقان بولۇپ، قولغا چۈشۈرگەن دەلىل-ئىسپاتلار كۆپ بولمايلا قالماي يەنە ئىككى كىشى دىلوغا مۇناسىۋەتلىك بولمىسىمۇ گۇمانلىق دەپ قارالغان، شۇنىڭ بىلەن بۇ دېلودا تېخى كۆپ قالايمىقانچىلىق ۋە ئاۋارىچىلىقلار كېلىپ چىققان، بەش ئايلىق تەكشۈرۈشنىڭ ھېچقانچە زور نەتىجىسى بولمىغان، بۇ قاتىل ئۈچىنچى قېتىم يەنە بىر كىشىنى ئۆلتۈرگەندىن كېيىن ھەتتا FBI غا دېلو يۈز بەرگەن جاينىڭ ئادرىسىنى ئەۋەتىپ بەرگەن. شۇنىڭ بىلەن FBI تېخىمۇ ئوسال ئەھۋالغا چۈشۈپ قالغان. پەقەت بۇ قاتىل تۆتىنچى قېتىم دېلو سادىر قىلغاندا نەق مەيداندا كۆپ قىسىم دەلىل-ئىسپاتلارنى قالدۇرۇپ قويغانلىقى ئۈچۈن، FBI بىر ئاي ۋاقىت سەرپ قىلىپ تەكشۈرۈش ئارقىلىق ئۇنى قولغا چۈشۈرگەن. 2010-يىلى FBI دىن پىنسىيىگە چىققاندىن كېيىن، گېئورگې فوڭ ئۆزىنىڭ كەچمىشلىرى توغرىسىدا كىتاب يېزىپ چىقىشنى ئويلاشقان، كىتابىنىڭ بىرىنچى قىسىمدا ئۆزى بىر تەرەپ قىلغان بىر كىچىك قىزنىڭ تۇتقۇن قىلىنىش دىلوسى يېزىلغان بولۇپ، بۇ يىل 2-ئايدا نەشىر قىلىندى. ئىككىنچى قىسمى دەل يۇقىردىكى قاتىللىق دىلوسى توغرىسىدىكى ئەسلىمە بولۇپ، تېخى يېزىلىش باسقۇچىدا ئىكەن. ئۇنىڭ دېيىشىچە، بىر قىسىم مەخپىيەتلىكلەرنىڭ ئاشكارلىنىپ كەتمەسلىكى ئۈچۈن ئۇ كىتابىدا يالغان ئىسىم ئىشلەتكەن. مەنبە:مەركىزى خەلق رادىيو ئىستانسىسى ئۇيغۇرچە چاستوتىسى(جۇڭگۇ ئۇيغۇرچە رادىيو تورى)

tibbi-karwan

	كىنولاردا ئالامەت سىرلىق بىلىندۇ جۇ .... كىنو دىگەن كىنودە

karehu

	بىراق بوش چاغلاپمۇ قالمايلى

SaBa_002

	FBIنىڭ     تولۇق    ئاتىلىشى   نىمىكىن  ؟

kudiratjan

	SaBa_002 يوللىغان ۋاقتى  2014-4-11 07:34 PM FBIنىڭ     تولۇق    ئاتىلىشى   نىمىكىن  ؟ 美国联邦调查局Federal Bureau of Investigation

SaBa_002

	kudiratjan يوللىغان ۋاقتى  2014-4-11 07:48 PM 美国联邦调查局Federal Bureau of Investigation رەھمەت    .  بىلىۋالدىم   .....  چەتنىڭ  كىنولىرىنى  كۆرمىگەچكە       بىلمەيدىكەنمە     ئۇندا  يەلەنى

kudiratjan

	ئامىرىكىنىڭ رازىۋىتكا ھەركەتلىك فىلىملىرىدا تۇلا ئۇچرايدۇ ئەمەسمۇ   ئۇلارمۇ  بۇلارنى قەبھ تەسۋىرلەپ ئېشلەپ قۇيىدۇ     دۆلىتىمىزدەcia 中央情报局     بىلەنKGB  روسىيە    情报机 构  نىڭ خىزمەت پېرىنسىپى ئاساسەن ئامىرىكا فىدراتسىيسى تەكشۈرۈش ئىدارسىنىڭكىگە ئوخشىشىپ كىتىدۇ

mercury

	فېدىراتسىيە تەكشۈرۈش ئىدارىسى

SaBa_002

	kudiratjan يوللىغان ۋاقتى  2014-4-11 08:04 PM ئامىرىكىنىڭ رازىۋىتكا ھەركەتلىك فىلىملىرىدا تۇلا ئۇچ ... كىنو    دىگەن   نەرسىنى  بەك   كۆرۈپ    كەتمەيتىم      ،  كۆرۈپ    قويسام  بولامدۇ نىمە  ........

kulak

	دۇنيادا  سىسىق نامى پۇركەتكەن فىدىراتسىيە تەكشۇرۇش ئىدارىسى ئەمەلىيەتتە دۆلەت زىمىن بىخەتەرلىك ئىدارىسىنىڭ بىر تارمىقى خالاس .دۆلەت زىمىن بىخەتەرلىك ئىدارىسى فىدىراتسىيە تەكشۇرۇش ئىدارىسى بىلەن مەركىزى ئاخپارات ئىدارىسىنى ۋاستىلىق كونتىرۇل قىلىپ تۇرىدۇ .      ئۇنىڭدىن باشقا ئىشپىيۇنلۇق ۋە جاسۇسلۇق تەشكىلاتىدىن «ئىسرائىلىيە موساد ئىشپىيۇنلۇق ئورگىنى» ئوتتۇرا شەرقتە قەستلەپ ئۆلتۇرۇش جەھەتتە داڭ چىقارغان .1997-يىلى پەلەستىن يۇقىرى دەرىجىلىك ھەربى ئەمەلدارنى قەسلەپ ئۆلتۇرۇش جەھەتتىن ئادەمنى ھەقىقەتەن ھەيران قالدۇردىغان ئىپلاسلىقلارنى دەل «موساد ئىشپىيۇنلۇق ئورگىنى »پىلانلىغان .