مەن خوتۇن ئالالمايدىغان ئوخشايمەن

yoloqi99

	مەن خوتۇن ئالالمايدىغان ئوخشايمەن -كۆزۈمدىن يۇقال!~خۇتۇن ئالمىساڭ بۇ ئۆيدە تۇرما.. -سەنمۇ ئاپامنى 32 يېشىڭدا ئېلىپتىكەنسەنغۇ؟مەن ئاران 30 غا كىردىم،ھازىر خۇتۇن ئالسام خەقلەر مىنى دادىسىدىن بۇرۇن خۇتۇن ئېلىۋالغان دەپ مازاق قىلمامدۇ؟ -بولدى گەپ قىلمىسلا دادىسى،ئۆزلىرىنى ئايىسلا،ئالغىسى كەلگەندە ئالا،خۇدايىم بىزنىمۇ كىلىنسىز قويماس... -ھازىر ئالمىسا مىنىڭ كۆزۈم يۇمۇلغاندا ئالسۇن.. ئۆيىمىزدە مانا شۇنداق دەت - تالاشلار باشلانغىلى خېلى كۈنلەر بولدى،بىر باشلاندى ھازىرغىچە بېسىقمىدى،دىمىسىمۇ 30 نىڭ قارىسىنى ئالدىم،مەن دىمەتلىك باللارنىڭ ئالدى بالىسىنى ئالى مەكتەپكە ماڭدۇرۇش ئۈچۈن ئاي تۇقاچلارنى يېقىپ يىشىكلەرگە قاچىلاش بىلەن ئاۋارە،لىكىن مەن مانا شۇنداق ئاي پاتەمنىڭ ئەركىكى بۇلۇپ يۈرمەكتىمەن.. 17 ياش چاغلىرىم، تولۇق ئوتتۇرنى پۈتتۈرۈشكە بىر يىل قالغاندا«ئۇقۇغاندىن خۇتۇن ئالغان ياخشى»دەپ ئۆز-ئۆزۈمگە بىر پەتىۋا تۇقۇۋالدىمدە، ماڭا ئوخشاش تولۇق ئوتتۇرنى پۈتتۈرۈپلا قازان ئونۋېرسىتىتىغا بېرىشنى ئويلىغانلاردىن ئىزدەپ يۈرۈۋالماقچى بولدۇم.دىگەندەكلا ئۇزۇن ئۆتمەي بىر قىز بىلەن يۈرۈپ قالدىم،دەسلەپتە بىز ناھايىتى ياخشى ئۆتتۇق،ھەر ئىككىلىمىز« ئالى مەكتەپتە ئۇقۇماسلىق،تۇللۇق ئوتتۇرنى پۈتتۈرۈپلا توي قىلىش»ھەققىدە توختامنامە ئىمزالاشتۇق،مەكتەپ پۈتكەندىن كىيىن تەلىيىمىزگە ھەر ئىككىلىمىز ئالى مەكتەپكە ئۆتەلمىدۇق،«تۆمۈرنى قىززىقىدا سوق» دەپتىكەن كونىلار،قىززىقىدا سوقىۋىتەي دەپ دادام - ئاپاملارنى ئەلچىلىككە ئەۋەتسەم ھىچىكىم بىلمىگەن سىردىن بىرنى بىلىپ قالدىم، ئەسلى ئۇ قىز قىرغىز مىللىتىدىن ئىكەن ئەمەسمۇ؟ كىم بىلسۇن قىرغىزلارنىڭ باشقا مىللەتكە قىز بەرمەيدىغانلىقىنى،ھەي! دەپ دەردىمنى ئىچىمگە يۈتۈپ،ھۆنەر ئۆگۈنۈش نىيىتىگە كەلدىم،20 ياشقا كىرگەندە ھۆنەر دىگەننى پىششىقداپ، يېڭى كىرگەن شاگىرتلاردىن قېلىشمىغىدەك ھالغا يەتتىم،ئۆيدىكىلەرمۇ مەندىن پەخىرلەندى،ئۆزۈممۇ ئىككى يىل جەريانىدا بۇنداق يۇقىرى سەۋىيەگە يىتەرمەن دەپ ئويلىمىغاچقا خوشاللىقتا ئىككى كۈن يىغلىدىم. يەنە بىر يىل تىرىشىپ تىرمىشىپ ئاران دىگەندە مايلامچىلىقتىن ئىبارەت بۇ ھۆنەرنى تۇللۇق ئۆگۈنۈپ دىپلوم ئالدىم،بۇ ئاتا - ئانامغا مىنى خۇتۇن ئېلىشقا زورلايدىغانغا بىر باھانە بولدى. «پۇل تاپقىدەك بولدۇڭ،خۇتۇن ئال»«بىر ئۆينى باققىدەك بولدۇڭ،خۇتۇن ئال»«ئايقىمنى پارقىرتىپ يىپ يېڭى قىلۋىتىپسەن،خۇتۇن ئال» باھانە دىگەن جىق ئۆيدىكىلەرگە.ماقۇل،ئالسام ئالدىم،لىكىن ئۆزۈم تاپاي،دىگەن شەرتنى قۇيۇپ ئىككى ئايدىلا ناھايىتى چىرايلىق،ئىشچان،كۆيۈمچان قوشنىمىزنىڭ قىزى بىلەن تۇنۇشتۇم،ئۇزۇن ئۆتمەي تېخى مۇھابەتلىشۋالدىم، ئەمدى بۇنى كەتكۈزۈپ قويماي دەپ توي تەكلىپى قويسام ئاپىسى ئۇنماپتىمىش، سەۋەبى دىسەم،«ئۆيىمىز بەك يېقىن،توي كۆچۈرۈش ھەشەمەتلىك چىقمايدىكەن»دەپتىمىش.. قاچايلى-شۇنداق قىلايلى،دىيىشتۇق ۋە قاچتۇق،ۋاقىتلار ئۆتتى قېچىش بىلەن،قېچۋاتىمىز،ئۇنىڭ ئۆيىدىكىلىرى كەينىمىزگە چۈشۈپ قوغلاۋاتىدۇ،بىز ياش بولغاچقا قېچىپ ئۇلارنىڭ ئالدىدا ئۈتۈپ كەتتۇق،ئۇلار ئۇتتۇرغىنىغا تەن بىرىپ قوغلىمىدى،شۇنچە ۋاقىت يىمەي - ئىچمەي،توختىماي قېچىپ ئاران تەستە مەھەللىنىڭ ئېغىزىدىكى چوڭ يولغا چىققاندا ..ھەي،قىزلارنىڭ ۋىجدانسىزلىقى مۇشۇ يەردىن چىقىدۇ دە!~ «سىز قېچىپلا يۈرۈيدىغان بالىكەنسىز»دەپ باشقا بىرسى بىلەن قېچىپ كەتتى،تەقدىرگە تەن بىرىپ ئۆيگە يېنىپ كىردىم،دادام ھۆمىيىپ قويدى،ئاپام يىغلامسىراپ ئولتۇراتتى،ئاپامغا تەسەللى بىرىپ«ئەنسىرمەڭ ئانا،مەن زادى خۇتۇن دىگەننى ئالماي قويمايمەن»دىدىم،ئاپام گىپىمدىن تەسىرلەندى. كۈنلەر ئۆتتى،باشقىلاردىن«توردىكى مەۋھۇم مۇھەببەت بەك پەيزى بۇلىدۇ،ئەگەر ۋىسالىغا يىتەلىسە ئۆمۈرلۈك بۇلىدۇ»دەپ ئاڭلاپ شۇنىمۇ بىر سىناپ بېقىش مەقسىتىدە تورغا چىقىشنى ئۆگەندىم،تۇلىسى ۋاقىتلاردا ماراپ ئۆگىنەتتىم،ماراپ يۈرۈپ باشقا ئوغۇللارنىڭكىدىن قىزلارنىڭ كىيۇ كىيۇسىنى خېلى جىق قاچىلۋالدىم،تاللاپ-شالاپ دىگەندەك ئاۋازى شۇنداق چىرايلىق بىر قىز بىلەن تۇنۇشتۇم،ئەپسۇسلىنارلىقى ئۇ باشقا بىر شەھەردىن چىقىپ قالدى،بىز قىسقا ۋاقىتنىڭ ئىچىدە شۇنداق ئامراق بۇلۇشۇپ كەتتۇق،ئۇنى كەلتۈرۋالدىم تېخى ئۇ ماڭا مەن ئۇنىڭغا شۇنداق ئامراق ئىدۇقكى،ئىككى ئۈچ ئايدا بىر قېتىم تېلفۇن قىلىشمىساق چىداشمايتۇق. بىزنىڭ شەھەرگە كىلىڭ،دەيتى ئۇ ھەر بىر كۆرۈشكەندە،ماقۇل دەپلا پىشىمنى قېقىپ تىزەكتىن بىرنى چىشلەپ يات بىر شەھەرگە ئاتلاندىم،خىيالىمدائوغۇلبالادارچىلىقىمنى چىقىرىپ ئېلىپلا كىلەي ئۇنى دەپ ئويلىدۇم،ئەمما كۆرۈشۈش ئانچە ئوڭۇشلۇق بولمىدى،ئىككىمىز كۆرۈشۈپلا ئۇ مىنى«نىمانداق سېرىق بالا سىز،سېرىق سىردەكلا ئىكەنسىز»دىدى،مەنمۇ بوش ئەمەس،مەنمۇ ئۇنى ياراتمىدىم،«نىمانداق پىشانىڭىزگە قوۋرۇق چۈشۈپ كەتتى،خۇددى قېرى قىزدەكلا ئىكەنسىز»دىدىم مەن..شۇنداق قىلىپ بىر كۆرۈشۈپلا ئايرىلىپ كەتتۇق،شۇنچە يىراق يەردىن ئۇنىڭدىن ئايرىلىش ئۈچۈن بارغان بولدۇم. ھەي ! مانا شۇ ھەلەكچىلىكتە نەچچە يىل ئۆتۈپ 25 كە كىرىپ قاپتىمەن..دەرت ئەلەم ئىچىدە ھاراق - تاماكىغا،قىممارغا ئۆگەنگىچە لاتارىيەگە ئۆگۈنەي دەپ بەش مىليۇننىڭ كۇيىدا يۈردۈم،كەسىپىمنىمۇ تاشلاپ،ئۆيىدىكىلەر بىلەنمۇ كارىم بولماي كۈندە لاتارىيەخانىدىن چىقماي يۈرەتتىم بېشىمنى تاتلاپ. تۇرمۇش ئادەمگە سول كۆزىدە قاراۋەرمەيدىكەن،مانا بىر قېتىم ئوڭ كۆزىدە قارىدى،شۇنداق تەسلىكتە تاپقان بىر تۇتام پۇلۇمنىڭ ھەممىسىگە لاتارىيە ئېلۋەتتىم،ئىككى يۈەن بولغاچقا ئاران بىرسى كەلمەمدۇ،خەپ دەپ ئىككى كۈندىن كىيىن قارىسام يەتتە نۇمۇرنىڭ ھەممىسى ئوخشاش چىقمامدىغان ..خوشاللىقتا ئايىقىمنىڭ پىتىگى چۈشۈپ قالغىنىنىمۇ سەزمەي پۇلنى ئالغىلى يۈگۈردۈم،بەش مىليۇن دىگەننىڭ مەرى يامان ئىسسىق بۇلىدىكەن،.كۈندە نەچچە ۋاق ساناپ پۇلمۇ نىپىزلەپ كەتكىلى تۇردى،باشقىلارغا بىلىندۈرمەي دەپ نەچچە قات چامدانغا سېلىپ،چامداننى كىچىك ماشىنىغا سېلىپ،كىچىك ماشىنىنى توچەيلىك ماشىنىنىڭ توچىىيىگە بېسىپ ئاپارساممۇ نەدىن بىر تېلۋۇزۇغا چىقىپ قالدىم،ماڭا مۇكاپات چىققىنى ئەل مەھەللىگە پۇر كەتتى،ماۋۇ كارامەتنى كۆرسىلە،شۇ خەۋەر چىققاندىن باشلاپ مىنى تۇنۇيدىغان،مەن تۇنۇيدىغان قىز چوكانلار ئەرلىرىدىن ئاجىرشىپ مەن تەرەپكە ئېغىشقا باشلىدى،ھە! تويىڭە ئەمدى،مېڭڭە ھە،مېڭىشىڭە ھە،ئەينى ۋاقىتتا تېرىغىنى ئاران توققۇزمۇ يەر،ئۆزى بولسا بىر موزدوز ئەر ،دەپ ياراتمىغان ئۆزلىرىمۇ؟ئاستا ئەرلىرىڭىزنى تېپىۋېلىشىڭە..قايت..قايت، دىگىلى تۇردۇم،بىراق ئاتا ئانام بۇنىڭغا يول قويمىدى،بالام،پۇلۇڭنىڭ بارىدا خۇتۇن ئېلىۋال،دەيتى ئۇلار مىنى چىۋىق بىلەن ساۋاپ تۇرۇپ،بوپتۇلا،ئەمدى كىرگەنلەر ئىسمىنى يېزىپ قۇيۇپ چىقىپ كەتسۇن،تەستىقلىسام ئاندىن ماڭا تىگىدۇ، دەپ بۇيرۇقتىن بىرنى چۈشۈردۈم،كۈن بۇيى چوكان تىزىملاپلا ئۆتتۈم،جۇدۇنىمنى ئۆرلىتىپ ياش قىزلارنىڭ بىرسىمۇ تىزىملاتمىدى،بوپتۇ كۆڭلى ،دىدىم ئىچىمدە. نەچچە كۈندىن كىيىن،ھېلىقى مەن بىلەن نەچچە كۈن قېچىپ مەھەللە ئېغىزىدا تۇتۇلۇپ قالغان كونا مۇھاببىتىم تىزىملاتقىلى كەپتۇ،«نەچچىنچىسى ئىكەنمەن؟تىزىملاپ قۇيىڭە،تەلىيىمنى سىناپ باقاي»دىدى ئۇ كالچاراپ..«توي قىلدىڭىزمۇ؟ نەچچىگە كىردىڭىز؟قاچان ئاجىراشقان؟» بۇ سۇئاللارنى سورىۋالغاندىن كىين دەپتەرگە قارىسام شۇ مۇۋاپىق نامزات بولغىدەك،قىلىۋىتەييا بولدى مۇشۇنىڭ بىلەن.. توي باشلاندى،ئۇف ..29 كىرىپتىمەن،ئاتا - ئانامنىڭ ئۈمۈدىنى ئاقلايدىغان بولدۇم،دىگەن خىياللاردا خوشال ئۇ ياندىن بۇ يانغا مېڭىۋاتسام تۇيۇقسىز دادامنىڭ ئاۋازى ئاڭلاندى،«تۇرە ۋۇ ھۇرۇن،خۇتۇننى ئەسلا ئالما،مۇشۇنداق كۈن چۈشكىچە ياتساڭ خۇتۇن ئەمەس ئىشەكمۇ ئالالمايسەن»..نىمە دەيدۇ ماۋۇ دادام،توي بۇلىۋاتسا،ئۆرى تۇرۋاتسام يەنە تۇر دەيدىغۇ؟   يۈزۈمگە بىر نوگاي سۇ قۇيۇلغاندا ئاندىن چۈش كۆرگىنىمنى بىلدىم...خەپـــــــــــــــــــــــــــــــــــپ...كالىندارغا قارىسام دىگەندەك 29 ياشقا كىرىپتىمەن،قاچانلاردىن بىرى چۈش كۆرگەن بولغىتىم؟ ئۆز - ئۆزۈمگە سۇئال قۇيۇپ قاتتىق غەزەپلەندىم....ئاچچىقلاندىم،بەزىدە چۈشۈمنى ئويلاپ ئۆزۈمچە خوشال بۇلۇپ كەتتىم...يېساپلاپ باقسام 4 يىل ئۇخلاپتىمەن... شۇنىڭدىن باشلاپ بىزنىڭ ئۆيدە ئىككى كۈندە بىر يىغىن ئېچىلىدىغان بۇلىۋالدى،باش تېمىسى«ئوغلىمىز قاچان توي قىلىدۇ؟»  مانا بۇ يىغىن ئېچىلۋاتقىلى 1 يىل بوپتۇ... مەنبە:دوستۇمنىڭ خاتىرىسىدىن

wogzal

	تېۋىپ ئابدۇكىرىم ئابلىزنى ئىزدەپ بېقىڭ !

uygurjan09

	خە خە خە  بەك قىزىقارلىق

muslima3739

	قىزىقارلىق  چىقىپتۇ ...............

ئاقار

	تازا كۇلۋالدىم ....رەھمەت تىما ئىگىسى

ئەلقۇت511

	« ئۈچ يالغاندا قىرىق يالغان » دېگەن چۆچەكنى ئوقۇغاندەك بولدۇم. ياخشى يېزىپسىز.

تادۇ

	ئايال كىشىنىڭ نازى بار.

aluqa

	ناھايتى ياخشى يېزىلغان كۈلكىلىك ھەم يۇمۇرسىتىك ئەسەركەن، بىزنىڭ يۇرىتتىمۇ بار بۇنداق خۇتۇن ئالالماي يېشى 30غا باراي دېگەنلەر.

abugazi123

	مەنمۇ شۇنداق كۈلۈپ كەتتىم. قەلەم قۇۋۋىتىڭىز كۈچلۈككەن.

شرئەلى118

	ئەجەپ قىزىق يېزىپسىز