«پەرەڭ» نەدە؟

matimatika

	بىزنىڭ نۇرغۇن ئەسەرلىرىمىزدا دائىم «پەرەڭ»دېگەن ئاتالغۇ ئۇچرايدۇ، بۇ سۆز تارىخىي يەر نامى بولۇش سۇپىتى بىلەن چاغاتاي ئۇيغۇر تىلىدىكى كىلاسسىك ئەسەرلەردە تولىراق ياۋرۇپانى كۆرسىتىپ كىلىدىكەن. لىكىن بەزى ماتىرىياللاردا خاس فرانسىيە كۆزدە تۇتىلىدىكەن، «تارىخي ھەمىدى» دە بولسا  ئەنگىلىيەنى كۆرسىتىدىكەن ، ھەمدە ئەنگىلىيە ئايال پادىشاھى «مەلىكەئى پەرەڭ» دېگەن نام بىلەن ئاتىلىپتۇ. كۆپچىلىك بىلگىنىڭلارنى دەپ باقساڭلار : 1) پەرەڭ زادى قايسى يەرنى كۆرسىتىدۇ. 2)پەرەڭ سۆزى ئۇيغۇرچىمۇ ياكى كىرمە سۆزمۇ؟

qaraxani

	پەرەڭ پارىسچە ھەم ئەرەپچە سۆزدىن قوشۇلۇپ ياسالغان ،ئۇنىڭ قىپقىزىل دىگەن رەڭنى بىلدۈرىدىغان مەنىسى ھەم فرانسىيەلىك ۋە غەرپلىكنى كۆرسىتىدىغان مەنىسى بار...

ئالمىچى

	مىنىڭ شەخسى ئويۇمچە (پەرەڭ) ئاق تەنلىكلەرگە قارتىلغانمىكىن سۆزمىكىن دەيمەن..

ب.ئا.ئۇ

	مەنچە  بولغاندا پەرەڭلەر م، ئاساسەن پۇرتۇگالىيە   قاتارلىق ئاق تەنلىك ياۋرۇپا دۆلەتلىرىگە قارىتىلغانمىكىن !!!

قورغان

	ياۋرۇپانى كۆرسىتىدۇ پارىس تىلىدىن كىرگەن

syawush

	ئەسلىسى «فەرەنگ» بولۇپ، تار مەنىدىن فىرانسىيەنى، كەڭ مەنىدىن ياۋروپانى بىلدۈرىدۇ. ئېھتېمال فىرانسىيەنىڭ ئاساسىي ئاھالىسى،  گېرمانلاردىن ئاجرالغان تارماق قەۋمنىڭ نامى ھېسابلىنىدىغان «فىرانك» دېگەن ئاتتىن ھاسىل بولغان ئاتالغۇدۇ.

ئەلچۈن

	«پەرەڭ» دىگەن سۆز قانداقتۇ ياسالغان سۆز ئەمەس، بەلكى ئەسلى تىل ئاتالغۇسىدىكى «فەرەنىسى» دىگەن سۆزنىڭ بىزنىڭ تىلىمىزغا تەبئى ئۆزلىشىشى خالاس.   «پەرەڭ» دىگەن سۆز ئەسلى مەنىسىدە (ئەنئەنىۋى تىلىمىزدا) ئادەتتە فىرانسىيە دۆلىتىنىڭ يەر نامى ۋە فىرانسوز مىللىتىنىڭ مىللەت نامىغا ۋەكىللىك قىلىدۇ، يەنى «پەرەڭ»، «پەرەڭلەر» دىيىلگەندە مىللەت نامىنى، «پەرەڭگە بارغان»، «پەرەڭدىن كەلگەن»، «پەرەڭنىڭ ئۇ تەرىپىدە»....دىگەندەك ئاتالمىلاردا يەر نامىنى ئىپادىلەيدۇ. ئېغىز تىلىدا بەزىدە كەڭ مەنىدە ياۋروپا ئەللىرى ۋە خەلىقلىرىنىمۇ كۆرسەتكەن بولۇشى مۆمكىن، بۇ پەقەت ئاشۇ ئاتىغۇچىلارنىڭ ئۇقۇمىدىكى خاتالىق بولۇپ، ئاساسى ئېقىمغا ۋەكىللىك قىلمايدۇ.

ئەلچۈن

	مېنىڭ باش رەسىمىمدىكى بۇ مېۋىنىڭ ئەسلى كېلىش ماكانى فىرانسىيە بولۇپ، خەلقئارادىكى ئورتاق نامى «فەرەنسى»، يەنى مېۋە كېلىپ چىققان يەر نامى بىلەن ئاتالغان. جوڭگوغا كىرگۈزۈلگەندىن كىيىن كەڭ مەنىدا «西梅»، سورت نامىدا «法兰西»دەپ ئاتالغان. رايونىمىزغا كىرگۈزۈلگەندىن كىيىن بىز بۇ مېۋىنى «پەرەڭ ئەينولىسى» دەپ، قىسقارتىپ «پەرەڭ» دەپ ئاتىدۇق.

Qabiljan

matimatika

	ئىنكاس قالدۇرغانلارنىڭ ئۇچۇرلىرىغا تەشەككۇر !