كىچەلمەسمەن

kirimjanyasin

	كىچەلمەسمەن. كىچەرمەن ئاھ،جانۇ-تەندىن ،لىكىن سەندىن كىچەلمەسمەن، گۈزەل جانان،ئاھۇ كۆزلەر،سۆزى قەندىن كىچەلمەسمەن. كۈرۈپ ئۆتتۈم،بۇجاھاندا نى گۈزەللەر جامالىنى، سىنىڭ سۆيگۈڭ،مىنىڭ جانىم،لىۋى بالدىن كىچەلمەسمەن. نازاكىتىڭ،سالاپىتىڭ مىنى قىلدى ئەجەپ شەيدا، ئاشۇ قارا،ھىلال ئايدەك،قەلەم قاشتىن كىچەلمەسمەن. بارچە گۈللەر ئاراسىدىن كۈرۈنىدۇ سىنىڭ ئەكسىڭ، بېقىپ ئۆتسەم ئۈمۈر بۇيى،جامالىڭدىن كىچەلمەسمەن. مىنىڭ كۈلكەم خۇشاللىقىم،مۇجەسسەمدۇرساڭا ئەي يار، مىنى مەۋجۇت قىلىپ تۇرغان،پاناھىدىمن كىچەلمەسمەن. ئۇۋال ماڭا كىتىپ قالما مىنى تاشلاپ  يىراقلارغا، تۈگەشكىنىم شۇ ئىرۇردۇر،پىغانىمدىن كىچەلمەسمەن ئاپتۇرى:كىرىمجان ياسىن(زەپەر)

kirimjanyasin

	ھورۇن بىلەن پىخسىق باينىڭ سۆھبىتى ( ھەزىل شىئىرلار) ھۇرۇننىڭ سۇئالى: كىچە-كۈندۈز ئىشلەيلا،ھارمايدىغان پىخسىق باي، ئوخلىسىمۇ پۇل –مالنى چۈشەيدىغان پىخسىق باي، ئايلاپ-يىللاپ يارتا گۆش يىمەيدىغان پىخسىق باي يىگىنىنى بىرھەپتە كۆشەيدىغان پىخسىق باي، ئاغزىدىكى گەپنىمۇ تىجەيدىغان پىخسىق باي. تۇرۇپ شۇنچە پۇللىرى،ئېتىزدىن كىرمەيدىلا، ئۇچىلىرى بەتبەشرە يا تۈزۈك كەيمەيدىلا، ياكى تويۇپ باققۇدەك ئاش-تائام يىمەيدىلا، بىزدەكلەرنى كۆرگەندە ھال نىچۈك دىمەيدىلا. قىلنى قىرىق بىرقېتىم يارىدىغان پىخسىق باي. يول يۈرگەندە ئىڭىشىپ،باش كۈتەرمەي ماڭىلا، ئۇچراپ قالسا يىپ،تۈگمە ئۇيالماستىن ئالىلا، قىلىنغان شۇسالامنى ئىلىك ئالماي ماڭىلا، تاس قالىلا سالامغا ياكى باجمۇ ئالىلا، ھېچكىشىنى كۆزىگە ئىلمايدىغان پىخسىق باي. يۈتۈپ كەتسە بىرداچەن ئاھ ئۇرۇپ يىغلايدىلا، كاتتىكى بۇغداينىمۇ بىرمۇ-بىرتاسقايدىلا، تېپىلمىسا مەزلۇمغا ھەركۈنى قاقشايدىلا، ئەركىلىسە بالىلىرى قاپاقنى ئاچمايدىلا، ھەسەلنڭمۇ قىلىنى ئىلغايدىغان پىخسىق باي. پىخسىق باينىڭ جاۋابى: قۇرسىقى ئاچ ئاپتاپتا ئوخلايدىغان ئەي ھورۇن، كۈندۈزمۇ ؟تاڭ ئاتتىمۇ ئۇقمايدىغان ئەي ھۇرۇن، پىتلاپ كەتكەن ئۇۋاڭدىن چىقمايدىغان  ئەي ھۇرۇن، ھېچبىرئىشنىڭ پىشىنى تۇتمايدىغان ئەي ھۇرۇن، ئاچ قالغانغا چىدىماي كىشنەيدىغان ئەي ھۇرۇن. مىنىڭ بىلەن قالغۇچە يېتىشىڭنى ياتساڭچۇ، ياتقان ئاۋۇ يىرىڭگە قېنى قاراپ باقساڭچۇ، قارىغىلى بولمايدۇ ئىت ياتقۇزۇپ باقساڭچۇ، ئۇچاق قاسماق مەينەتكەن،سۇغاموللاق ئاتساڭچۇ، تاقىر،قاسماق بېشىنى تاتلايدىغان ئەي ھۇرۇن. ئۆزۈڭ ئىشلەپ تاپمايسەن بەكلا ئامراق تەييارغا، چىرايىڭمۇ ئوخشايدۇ گۇيا كەمەك ھەييارغا، ئىزدەپ-سوراپ تاپىسەن زىياپەتنى ھەرجايدا، تۇرسامۇشۇ تۇرقىڭ،گۇيا ئوخشار جەددالغا، چىكىسىدىن تامچە تەر ئاقمايدىغان ئەي ھۇرۇن. بىساتىم بار شۇنچە كۆپ ئۇنى بۇزۇپ –چاچمايمەن، كۈندە ئىشلەپ ھارمايمەن،ساڭا ئوخشاش ياتمايمەن، پەتىلەرگە ئالدىراپ،ئىزدەپ بۇراپ تاپمايمەن، ئىش-ئەمگەككە بارئىپىم سەندەك نېرى قاچمايمەن، ئۆرۈلسىمۇ تاغۇ-تاش قاچمايدىغان ئەي ھۇرۇن. ھۇرۇننىڭ جاۋابى: مەن بىلىمەن شۇنچە كۆپ،مال-دۇنيا  ئۇلاقلىرى، ۋەلىكىن خارۇ-زاردۇر قاراكۆز قۇمچاقلىرى، مەن تۇغۇلسام بارئىكەن شۇئەسكى تۇماقلىرى، دانلاپ كىرگەن توخۇغا تەيياركەن چۇماقلىرى، ئۆزى تويسا كۆزلىرى تويمايدىغان پىخسىق باي. زىيان بولسا بارمايلا قىچقىرىلغان پەتىگە، بولسا پايدا بارىلا قويمايدىلا ئەتىگە، سازلىرىنى تەڭشەيلاھىيلە-مىكىر پەدىگە، ئايلاندىلا ئاۋامنىڭ كۆزلىرىنىڭ سەتىگە. باي-غۇجامنىڭ شەنىنى بۇلغايدىغان پىخسىق باي. شەيتان دەرس بەرگەنمۇ ئىشلەيدۇ كاللىلىرى، پىشايۋانلىق بولمىدى شۇئەسكى چەللىلىرى، مەزلۇملىرى بەك خاراپ،بولغاچقا جاھىللىرى، ھەريۇرىتتابارئىكەن شۇسۈپەت،سايىللىرى، چىقىم بولسا بۇيۇننى تولغايدىغان پىخسىق باي. ئاڭلىسام بىرىپتىلا ئۆينىمۇ ئىجارىگە، قالسىلىمۇ مەسخرە،كۈلكىگە كىنايىگە، بارماق پۈكۈپ يۈرۈپلا كۈن پۈتەرھېساۋىگە، بەكمۇ ئىچىم ئاغرىدى سىلىدەك بىچارىگە، قۇرساق ئاچسا چۆپلۈكتە ئوتلايدىغان پىخسىق باي. باينىڭ جاۋابى: ۋاي پىتنىخور ئالجىما بۇيۇرىتتا مەن ياشاي، ئىجارىنىڭ پۈتۈشكە قالدى پەقەت نەچچە ئاي، نەكىرەك بۇلۇر ماڭا كاتتا ئۆي،ئايۋان-ساراي، ماڭا ئوخشاش بەرىبىرمەيلى مەن نەدەياتاي، پۇل تېپىشنىڭ ئىپىنى تاپمايدىغان ئەي ھۇرۇن. مىنى زاڭلىق قىلغۇچە پۇل تاپساڭ بولماسمىدى، زارلىمايتىڭ ئاچلىقتىن قۇرسىقىىڭ تويماسمىدى، ياكى بۇنداق قىلىشقا مەزلۇمىڭ قويماسمىدى، ھورۇن خەقنىڭ يەنە ھالى نىچۈك بولماقچىدى، ئوخلاپ يېتىپ كۆزىنى ئاچمايدىغان ئەي ھۇرۇن. پۇل مېلىم تۇرىۋىرەر خەجلىمەيمەن كۆڭلۈم توق، ئەڭ يامىنى بىلىۋالال ئېچىنىشلىق، قولدايوق، مەنسىتمەيدۇھەركىشى  سەندەكلەرگە قىلىپ دوق، ئاخىرىغاچىقمايدۇ قىلغان ئىشىڭ قېلىپ چوق، زامان نەدە سەن نەدە باقمايدىغان ئەي ھۇرۇن. توغرىسىنى بىلىۋال باي ئاڭاڭنى كۈنلىمە، نىمە كەلسەئاغزىڭغا ئاق دەمدەردەك ئۈنلىمە، خۇدابەرگەن بايلىقنى بۇزغىنى دەل دۆت نىمە، ئوخلاپ يېتىپ چۈشۈڭدە پولو،گىردە جۆيلىمە، خۇدابەرگەن ئۆمۇرنى چىتلايدىغان ئەي ھۇرۇن. ئاپتۇرى: كىرىمجان ياسىن(زەپەر)

qaraxani

	غەزەل يەڭگىل ۋە ھېسسىياتلىق چىقىپتۇ...

قورغان

	ھورۇن بىلەن پىخسىق باينىڭ سۆھبىتى ياخشى چېقىپتۇ،  تەربىيىۋى ئەھمىيىتىمۇ يۇقۇرىكەن

kirimjanyasin

	مۇھەببەت شۇنچە ئاقىل ئىنساننى ساراڭ قىلدى مۇھەببەت، ھۇشى بارنى ئازدۇرۇپ گالۋاڭ قىلدى مۇھەببەت، ياخشىنىمۇ گەپ يىمەس قاشاڭ قىلدى مۇھەببەت، قەلبىلەرگە ھىجراننى ئالۋاڭ قىلدى مۇھەببەت. قۇدرىتىدىن جاھاننى ھاڭ-تاڭ قىلدى مۇھەببەت. جانو-تەننى كۆيدۈرۈپ،قىينىدى ئاھ ئۆرتىدى، بىغەم دىلغا ئازاپنى ئالماشتۇردى يۆتكىدى، ھەسرىتىگە پايلىماي قايسى كۆزياش تۆكمىدى، ئىشتىھالىق كانايدىن پۇچۇق نانمۇ ئۆتمىدى، ئاھۇ كۆزنى ئۇيقۇدىن ۋاشاڭ قىلدى مۇھەببەت. قىز تالىشىپ يىگىتلەر يول-يوللارنى تۇسۇشتى، رەقىپ بولۇپ ئۆز-ئارا ،بىر-بىرىنى نۇقۇشتى، بىر-بىرىنىڭ ئۈستىدىن يالغان غەيۋەت تۇقۇشتى، كۈرەلمەستىن يامانلاپ،قەرغىش،لەنەت ئوقۇشتى، كوچا-كويدا تۈگىمەس پاراڭ قىلدى مۇھەببەت. قوشاق قېتىپ،قىز-يىگىت سالام، مەكتۈپ يوللىدى، يالغاننى دەپ ھەتتاكى بىر-بىرىنى گوللىدى، كۈندۈز،ئوخلىماي سېغىنىشتى ئويلىدى، نىمە چارە پىراققا پايلىغىلى بولمىدى، سۆزلەرنى بال ،يېقىملىق ئاھاڭ قىلدى مۇھەببەت. تالايلارنى يىغلىتىپ،مۇز ياغدۇردى ئەپتىدىن، جۇدا بولدى نەچچىسى ئىست پارلاق بەختىدىن، كەچتى ھەتتا نەچچىسى يارئۈچۈن بارۋەسلىدىن، بىزدە بارغۇ «جانان» دەپ جاندىن كىچىش ئەسلىدىن، شۇنچە بەرچەس تەننىمۇ بوشاڭ قىلدى مۇھەببەت. يىگىتلەرگە ياراشقا قىزلار بوينى ياساشتى، قارابولسا يۈزلىرى ئوپا بىلەن ئاقارىتتى، زىبو-زىننەت ياسىتىپ قۇلاقلارغا تاقاشتى، ئۇنىمىسا ئانىسى يىگىت بىلەن تەڭ قاچتى، قېرى-جۇۋان قىزنىمۇ ياشاڭ قىلدى مۇھەببەت. كۆرمەك بولۇپ يارىنى پۇتلار تالدى سوكولداپ، يېغىربولدى باش-كۆزلەر تام-شورىدىن مارىلاپ، ئوخلاتمىدى ھەم ئىشىك توختىماستىن توكولداپ، ھاردى ئاتا-ئانىمۇ ئاچچىقىدا كوتولداپ، ئارام بەرمەي قۇلاقنى گاس-پاڭ قىلدى مۇھەببەت. ئاشىق بولۇپ پەرۋانە شىرىن خىيال ئەيلىدى، پۇل دىگەننى ئايىماي شاراقلىتىپ خەجلىدى، بوپتىلادەپ ئۆكۈنمەي ئۆز-ئۆزىنى بەزلىدى، مەجنۇنلىقتا،بىھوش بوپ ھېچنىمىنى سەزمىدى، كاتتاباينى ھايالسىز سالتاڭ قىلدى مۇھەببەت. پاسىبان بوپ سەۋدالىق ئىشلىرىدىن ئازدۇردى، ئەقلى –ھۇشى يوقالدى،ئەل-ئاۋامغا چاندۇردى، نىشانىنى شەيتاننىڭ ماكانىغا ماڭدۇردى، ئەڭ يامىنى  ئاتاھەم ئانىدىنمۇ تاندۇردى، تۈزيولنىمۇ ئىگىز-پەس كاتاڭ قىلدى مۇھەببەت. ئايرىمىدى چوڭ-كىچىك،قېرى-ياش دەپ زادىلا، بىرى-بىرىنى باغلىتىپ كۆرۈشتۈردى دالدىدا، توسالمىدى ئۇنى ھەم ئىختىلاپ،ئاچچىق نىدا، تەڭ بولالماس ھېچنىمە شۇمۇھەببەت ئالدىدا، مەيدە ئۇرۇپ ھەرجايدا داۋراڭ قىلدى مۇھەببەت. ئاپتۇرى:كىرىمجان ياسىن(زەپەر)

kirimjanyasin

	ئازاپ........ كۆزئالدىمدا تۇنۇش بىرگەۋدە، ناز-كەرەشمە قىلۇر نايناقلاپ. خىياللىرىم بەزلەر ئەركىلەپ، تىلسىملىرىم كۈلەر قاقاقلاپ. يەنىلا شۇ تاتلىق سىزىملار، ئەمما ئۇنى تىلغايدۇ شەيتان. غەرق قىلىپ مىنى ئازاپقا، تويغۇلىرىم چېچىلارھەريان. يەنىلا شۇ تۈگىمەس ۋەدە، پىچىرلايدۇ تىتىرەپ لەۋلەر. يىتىمسىراپ شۇئوتلۇق تىلەك، قىيامەتكە قىلىدۇسەپەر. يەنىلا شۇ يېقىملىق كۈلكە، ئەمما ئۇندا زەرە شاتلىق يوق. مارىلايدۇ ھەسرەتلىك يىغا، ئەۋىج ئالار ئازابلىق تۇيۇق. يەنىلا شۇ يومران قوللار، ئىللىق ئەمەس يوقتۇر مىسلى ئوت. يۈزلىرىمنى سىلايدۇ ئەمما- شۈركەندۈرەر قەلبىمنى بىرجۇت. يەنىلا شۇ تونۇش پۇراقلار، دىماقلارغا ئۇرۇلارھامان. ئەمما ئۇندىن ھوزورلىنىش يوق، گۇمانلىرىم ياسايدۇ قىيان. يەنىلا شۇ يۈرەكتە سۆيگۈ، ئەمما بىررەت تاتلىق سۈيۈش يوق. يەنىلا شۇ ئوتلۇق مۇھەببەت، ئەمما يۈرەك  يېنىپ كۈيۈش يوق. ئاپتۇرى:كىرىمجان ياسىن (زەپەر)

sanjay

	يازغۇچى    كىرىمجان  ئەپەندىم     شىېر  ئەسەرلىرىڭىز     ياخشى  چىقىۋاتىدۇ        ھارمىغايسىز   .     كۆپ  تەشەككۈر