NASA: مارس ئۈستىدە چىراق نۇرىغا ئوخشاش يورۇقلۇق بايقالدى

bilimxumar

	مارس ئۈستىدە چىراق نۇرىغا ئوخشاش يورۇقلۇق بايقالدى بىلىمخۇمار 2014-يىلى 8-ئاپرېل ناسا مەركىزى ج پ ل باشقۇرىدىغان «ھەۋەسكار» ناملىق مارسنى تەكچۈرۈش ماشىنىسى 2014-يىلى 3-ئاپرېل كۈنى تارتقان بىر پارچە رەسىمدىكى تاغ باغرىدا خۇددى بىر چىراق نۇرىغا ئوخشايدىغان جاي بايقالغان بولۇپ، بۇ رەسىم پۈتۈن دۇنيادىكى «ئۇچار تەخسە» ھەۋەسكارلىرىنى باشقىچە روھلاندۇرىۋەتتى.   بەزىلەر بۇ يورۇق نۇقتىنى كامېرادىكى بىر كىچىك نۇر سېزىش ئېلېمېنتىنىڭ ئىشلىمەس بولۇپ قالغانلىقىدىن پەيدا بولغان، دەپ قارىسىمۇ، «ئۇچار تەخسە» ھەۋەسكارلىرى بۇ ھادىسە ھەققىدە باشقىچە پاراڭلارنى باشلاپ كەتتى.  «ئۇچار تەخسىنى بايقاش كۈندىلىك خەۋىرى» (UFO Sightings Daily) تور بېتىنىڭ باشقۇرغۇچىسى سكوت ۋارىڭ مۇنداق دەپ يازغان: «بۇ ئەھۋال مارسنىڭ يەر ئاستىدا ئەقىللىق ھاياتلىق مەۋجۇت بولۇپ، ئۇلارمۇ بىزگە ئوخشاش چىراق ئىشلىتىدىغانلىقىنى كۆرسىتىپ بېرىشىمۇ مۇمكىن.» بۇ رەسىمنى تارتقاندا «ھەۋەسكار» دىكى ئوڭ-تەرەپ ۋە سول-تەرەپتىكى ئىككى كامېرا ئىشلىتىلگەن بولۇپ، ئوڭ-تەرەپتىكى كامەرا بىر كۈن ئالدىدا تارتقان رەسىمدىمۇ ئاشۇنداق يورۇق جاي بايقالغان.  ئەمما سول-تەرەپتىكى كامېرادا تارتىلغان رەسىمدە بۇنداق يورۇق جاي يوق ئىكەن. بۇ رەسىم ھەققىدە ناسا تېخى رەسمىي خەۋەر تارقاتمىغان بولۇپ ج پ ل دە ئىشلەيدىغان ئىككى مۇتەخەسسىسنىڭ دېيىشىچە، بۇ يورۇق جاي كائىنات نۇرى سوققان (cosmic ray hit) جاي بولىشى مۇمكىن ئىكەن.   پايدىلىنىش ماتېرىيالى ۋە رەسىملەر: [1] Bright Blips on Mars Pictures Spark a Buzz Among UFO Fans <http://www.nbcnews.com/science/s ... ufo-fans-n74261> [2] UFO Sightings Daily http://www.ufosightingsdaily.com/

dinar

	بۇ دۇنيا تىلسىمات بىلەن تۇلغان يېشىلمىگەن سىرلار نۇرغۇن

Taxnayurak005

	بۇنىڭ سىرىمۇ كىيىنچە مەلۇم بولار!

konafilim

	بۈگۈن يەنى 2014-يىلى 4-ئاينىڭ 9-كۈنى كەچ  مارس ،قۇياش ، يەرشارى ، بىر تۈز سىزىققا توغرىلىنىدۇ كۈن پاتقان ھامان مارس شەرق تەرەپتىن  كۆرۆنىدۇ تېلېسكوپ ھەۋەسكارلىرى تەييار تۇرۇڭلار

zulyar-apandi

	رەسىمدىكى مارىسمىكەن؟ ھەجەپ بىزنىڭ ئۆينىڭ ئارقىسىدىكى دۆڭلۈككە ئوخشايدىكىنا...

سۈرخان1

	edrek يوللىغان ۋاقتى  2014-4-9 10:09 AM ئۇچار تەخسە ،تاشقى پىلانت ئادىمى دىگەن مەۋجۇت ئەمەس،ك ... ‹بىز سىلەر بىلىدىغان بىلمەيدىغان نۇرغۇن مەۋجۇداتلارنى ياراتتۇق›- قۇرئان كەرىمدىن بەكمۇ مۇتلەقلەشتۈرىۋەتمەيلى، بەلكىم باردۇر بەلكىم يوقتۇر.

بانكىر

	بۇ دۇنيا تىلسىمات بىلەن تۇلغان يېشىلمىگەن سىرلار نۇرغۇن

qaraxani

	يورۇق كۆرۈنگىنى ئۇ يەردە بىرەر ئالامەت ياكى بىر سىر يوشۇرۇنغانلىغىدىن دېرەك

yadikar.j

	edrek يوللىغان ۋاقتى  2014-4-9 10:09 AM ئۇچار تەخسە ،تاشقى پىلانت ئادىمى دىگەن مەۋجۇت ئەمەس،ك ... سەن باشقىلارنى ئازدۇرۋاتقان !قاچانلا ئىنكاسىڭغا قارىسا باشقىلارغا نادانلىقنى خۇراپاتلىقنىلا تاشۋىق قىلىپ ھەم ئۇيغۇرلارغا ئۇنداق قىلساڭ بولمايدۇ بۇنداق قىلساڭ دوزاققا چۈشىسەن دەپ ھەممىسىگە قوقاق سالىدىغان ‹ئافاق خوجىنىڭ› مۇرتىكەنسەن ھەي پاخ-پاخ ئۇيغۇرلارنىڭ كاللىسى ئېچىلىپ دەۋىرنىڭ ئالدىغا ئۆتۈپ ئۆزى ئۈچۈن ئويلايدىغان بولۇپ قالسا سېنىڭ قانداق ئىشلىرىڭغا ۋە پىلانلىرىڭغا توسالغۇ بولار كاندىدات ئەزا

ablimitt

	ئەگەر شۇ ئۇچقۇغا بارىدىغان سىگنالغا كۆپ ۋاقىت كەتمىگەن بولسا خېلى ئىنىقلىنىپ قالاتتى ئۇ نۇر تارقاتقان نەرسە...