 |
 |
 |
 |
ئۇيغۇرنىڭ ئۆزلۈكى، كىملىكى دوپپا
(5-ماي خەلقئارالىق ئۇيغۇر دوپپا بايرىمىغا بېغىشلاپ)
ئاپتورى: قاراخان
قىرلىساممۇ، پارلىساممۇ‹‹ تار›› كەلمىگەن دوپپامنى،
ئالدىمغا مەن قويۇپ تۇرۇپ تالاي ئىشنى ئويلايمەن.
دوپپا چىققان گۈل زېمىندىن ئالغان تۇرسا توپامنى،
ئۆزگىلەرگە ئوخشىماققا نىچۈن مايمۇن دورايمەن.
ئىككى يۈزدىن ئاشىدىكەن دوپپا- تۇماق تۈرلىرى، بۇ بېشىمنىڭ ئەزىزىلىگى ئايان ئۇندىن بىلگەنگە.
بادام دوپپا، چىمەن دوپپا، گىلەم دوپپا ھۈنىرى،
ياراپ كەتتى باش، ئاياغقا قارىغان دوست-دۈشمەنگە.
بىر چاغلاردا ئۇزۇن قالپاق دوپپىدىن باش تالىشىپ،
يۇقتۇرغاندى بېشىمىزغا ساقايماس نەس تېزىنى.
بۈگۈن دوپپا خەلقىمىزگە خۇددى تاجدەك يارىشىپ،
مەمنۇن قىلدى روھىمىزنىڭ خىيالچان قىش- يېزىنى.
ئالتۇن يىڭنە، زەر يىپىڭدىن، ئۆرنىكىڭدىن ئۆرگىلەي،
مېھنىتىڭنى نەقىش قىلغىن خەلقىم دوپپا-تەلپەككە.
بەزمە مەشرەپ ھازىمىزدا بولما ھەرگىز سەن‹‹ ئۆگەي››،
بەزمە نىمە كىيىپ چىقاي سېنى خاس ئىش- ئەمگەككە.
ئاتا-ئانا، ئۇستازىمغا، بالامغىمۇ كىيدۈرەي،
دوپپا ئۆزلۈك، دوپپا كىملىك، دوپپا مىراس ئەڭگۈشتەر.
ئۇنى تاشلاپ خار ئەيلىگەن قېرىنداشقا ھەسسىنەي،
قەدىرلىگىن ئۇيغۇر ئۇنى بولساڭمۇ شاھ- قەلەندەر!
2014-يىلى 8-ئاپېرىل بۇ يازمىنى ئاخىرىدا hokumran تەھرىرلىگەن. ۋاقتى 2014-4-8 10:33 PM
|
 |
 |
 |
 |
|
يوللىغان ۋاقتى 
يوللىغان ۋاقتى 
