تارىخ بۈگۈن ئەمەس

mihribanmm

	كۈلگەن كۆزلەر ھەرگىزمۇ قەلىبلەرنىڭ ئەينەن ئىپادىلىنىشى ئەمەس.....                                                                                                         -خاتىرەمدىن مۇھەببەت ۋە تۇرمۇشتىكى ھەرخىل ئوڭۇشسىزلىقلار، ئائىلىلەردىكى كۆڭۈلسىزلىكلەر بىزنى چىرمىۋالغان تۇرسا يەنە نەدىمۇ باشقا ئىشلارنى ئويلىغۇدەك ھالىمىز بار ھە؟....    ئەپسۇس...تەرەققىيات ناھايىتى تىز سىڭىپ كىرگەن ، باشقىلارنىڭ ئىلغارلىقلىرىنى ئەمەس بەلكى ئۇلار ئەخلەت، قالاقلىق، ئۆزىنىڭ يېتىلىش جەريانىدا ئۆتكۈزگەن خاتالىق دەپ يەكۈنلەپ چىققان بىر قىسىم«مەدەنىيەت»لەر بىزگە ناھايىتى تىزلا سىڭىپ كىرىپ ئۆز-ئۆزىمىزنى ئازاپلاشقا، ئائىلىلەرنى بۇزۇشقا، ئوغۇللىرىمىزنى ئېغىزىدا چوڭ سۆزلەپ ئەمەلىيىتىدە ناشايان ئىشلارغا باشلاشقا، قىزلىرىمىزنى سىرتقى كۆرۈنۈشتە ھايا ۋە ئەدەپ-ئەخلاقنى تەكىتلەپ، ئەمىلىيىتىدە كىچىك خوتۇن بولۇشقا«مەدەت» بېرىۋاتقان بۈگۈنكى كۈندە چۈشكۈنلىشىپ كېتىۋاتقان ياشلىرىمىزنى كۆرگىنىمدە كۆزلىرىم، ئائىلىسىنى ۋەيران قىلىپ بالىلارغا ئۈلگە بولۇش تۈگۈل كۆڭلىدە نەپرەت پەيدا قىلىۋاتقان ئاتا-ئانىلارنى كۆرگىنىمدە يۈرۈگۈم قان يىغلايدۇ.     ئەلۋەتتە جەمىيتىمىزنىڭ ھەممە يەرلىرىنى قاراڭغۇلۇق باسقىنى يوق. بىر قىسىم ئالىم، دوكتورلىرىمىز ئۈزلۈكسىز تۈردە ئالغا ئىنتىلىپ يېڭىلىق يارىتىپ، دۇنيا تەرەققىياتىغا ۋە بىزنىڭمۇ قولىدىن ئىش كېلىدىغان بىر مىللەت ئىكەنلىكىمىزنى نامايان قىلىۋاتىدۇ. مىسرانىم ئەپەندىگە ئوخشاش بىر قىسىم ياشلىرىمىز نەخ مەيداندىن باشقا دۆلەتلەرنىڭ ئىلغارلىقلىرىنى، ئۆگىنىشكە تېگىشلىك تەرەپلىرىنى كۈندە دېگۈدەك نەخ ۋاقتىدا ھوزۇرىمىزغا سۇنۇپ كاللىمىزدا ئويلىنىش پەيدا قىلىشقا ئۈندەۋاتىدۇ. تەرەققىي قىلىۋاتقان مىللىي كارخانىلىرىمىز مىللىي سانائىتىمىزنى يۈكسەلدۈرۈش ئۈچۈن تىنىم تاپماي ئىزدىنىۋاتىدۇ. بىر قىسىم سىتودىنتلىرىمىز ئاتا-ئانىسىنىڭ يۈكىنى يېنىكلىتىش ئۈچۈن دەرستىن سىرتقى ۋاقىتلىرىدا ئۆز تۇرمۇش خىراجىتى ئۈچۈن جان تىكىپ ئىشلەۋاتىدۇ. مەن ئويلايمەن ئۇلارنىڭ ھېچقايسىبىرى«مەن ئەجەپ چارچاپ كەتتىم.» دېگىنى يوق.جەمىيەتنىڭ قاراڭغۇلۇقلىرىدىن مىسكىنلىشىپ، چۈشكۈنلىشىپ كېتىۋاتقىنى يوق. چۈنكى ئۇلار ئۈمىدكە تولغان، قەلبىدە شۇنداق بىر نىدا ئۈن-تۈنسىز مەدەت بېرىپ:«ئالدىڭغا باق، ئىللىق قۇياش سەن ئۈچۈن نۇر چاچماقتا. ئالدىڭغا باق، مىللىتىڭنىڭ ھەربىر ئۈمۈد-ئارزۇسىنى ئەمەلگە ئاشۇرۇش بۇرچى سېنىڭ زىممەڭگىمۇ يۈكلەنگەن. ئورنۇڭدىن تۇر!»دەپ ئۇلارنى ھەرىكەتلەندۈرىۋاتىدۇ. ئۇلار ۋەيران بولسىمۇ، يېڭىلسىمۇ ئورنىدىن دەس تۇرۇپ، خاتالىقلىرىنى يەكۈنلەپ، تېخىمۇ ياخشى قىلىشقا، ياخشى نەتىجىلەرنى قولغا كەلتۈرۈشكە تىرىشىۋاتىدۇ. تۇرمۇشنىڭ قاراڭغۇلۇقلىرى ۋەياكى بىرقىسىم كىشىلىرىمىز دۇچ كەلگەن ئوڭۇشسىزلىق ھەرگىزمۇ بىزنىڭ مەدەنىيىتىمىزنىڭ تۈگۈشۈپ كەتكەنلىكىدىن، ئەرلىرىمىزنىڭ ۋىجدانسىز، قىزلىرىمىزنىڭ پپۇلغا ھېرىسمەن نازاكىتىنى يوقاتقانلىقىنى، بالىلىرىمىزدا ئىنساپ، ئاتا-ئانىلىرىمىزدا مىھرى-مۇھەببەت تۈگەپ كەتكەنلىكىنى بىلدۈرمەيدۇ. روسىيە يازغۇچىسى ل.تولستوي ئېيتقاندەك، بەختلىك ئائىلىلەرنىڭ ھەممىسى ئوخشاش، بەخىتسىز ئائىلىلەر ئۆز ئالدىغا بەخىتسىز. ئەگەر بىزنىڭ كۆرگىنىمىز بەخىتلىك ئائىلىلەر بولسا، بىزنىڭ ئۇلارغا مەسلۈكىمىز كېلىدۇ. ئۆزىمىزنىمۇ بەخىتلىك قىلىشقا تىرىشقىمىز كېلىدۇ. كۆرگىنىمىز بەختىسىز ئائىلىلەرنىڭ ئاھۇ-پەريادى، قان-زار يىغلىشى بولسا، ياكى نەپرەتلىنىپ ھەممىلا ئادەم كۆزىمىزگە شۇنداق يىرگىنىشلىك كۆرىنىدۇ، ياكى دەل ۋاقتىدا ئۆزىمىزدە بار نۇقسانلارنى تۈزىتىپ ئۆزىمىزنىڭ بەخىتسىز بولۇپ قېلىشىنىڭ ئالدىنى ئېلىشقا يول ئالىمىز ۋەياكى ناھايىتىمۇ ئەپسۇسلۇق ئىچىدە باشقىلارنىڭ بەخىتسىزلىكى ئىچىدە ئۆزىمىزنى بۇرۇختۇم قىلىپ، ئۆزىمىزنىمۇ بەخىتسىز بولۇپ قالىغاندەك، تۇرمۇشنىڭ ھەممە يېرىنى، جاھاننى قارا بۇلۇتلار قاپلىغاندەك بولۇپ، ئۆز ھىسياتلىرىمىزنىمۇ ئۆلتۈرۈپ، ئۆزىمىزمۇ بەخىتسىز بولۇپ قالىمىز.    ئەلۋەتتە، تۇرمۇش ھاياتنىڭ ئەڭ مۇھىم قىسمى. بىراق، تۇرمۇشنىڭ ئىسسىق-سوغۇقۇدىن باشقىسىغا باش قاتتۇرماسلىق ئاخىرىدا شۇ بىر ئائىلىنىڭ، مىللەتنىڭ ھەتتا دۆلەتنىڭ ھالاكىتى بىلەن ئاخىرلىشىدۇ. ئەپۇچانلىقنى ئۆزىمىزگە دوست تۇتۇپ، تارىخنى تارىخ بەتلىرىدە قالدۇرۇپ، ئاياللار كەڭ قورساقلىق بىلەن يولدىشىمىز ۋە بالىلىرىمىزغا ئىللىق مىھرىمىزنى بەرگەندە، ئەرلەرمۇ ئەنە شۇ ئۆزىگە ھەقىقىي مۇھەببەتنى ھېس قىلدۇرغان ئىللىق ئائىلىسىگە ئۆزى تەبىئىي قايتىپ كېلىدۇ. ئاتىلار ئائىلىگە قايتىپ كەلگەندە بالىلارنىڭ قەلبىدىكى مىسكىنلىكنىڭمۇ «نەسلى قۇرۇيدۇ.» بىر ئائىلە كىشىلىرى ئەنە شۇ ئىللىق داستىخىانغا بىرگە داخىل بولغاندا قەلبلەر ئىللىيدۇ. ئاتا-ئانىلارمۇ بالىلىرىدا قانداق ئۆزگىرىش كۆرىلىۋاتىدۇ، قايسى تەرەپلەردىن تەربىيە قىلىش، نېمە ئىش قىلىشقا يىتەكلەش، بالىسىنىڭ ياراملىق ئادەم بولۇشىغا ئاساس سېلىشقا كۈچ چىقىرالايدۇ. ھايا، ئەخلاق، ۋىجدان، ۋاپانى ئاتا-ئانىسىدىن ھىس قىلغان پەرزەنتلەرمۇ ھەقىقىي ئادەم بولۇپ يېتىلىشكە يول ئالالايدۇ.     دېمەك، ھاياتتىكى ئوقۇشسىزلىقنى مەڭگۈلۈك دەپ بىلىپ، ئائىلىنى، ئاخىرىدا مىللەتنى ۋەيران قىلىش، ۋەياكى ئەپۇچانلىق بىلەن بەخىتلىك بۇلۇشقا يول ئېلىش ئۆز ئىختىيارلىقىمىزدا. ئەلۋەتتە، بۇنىڭدا قىز-ئاياللارنىڭ ۋەزىپىسى ناھايىتىمۇ ئېغىر. ئاياللار باراۋەرلىكنى تەكىتلىگەن شۇ مىنۇتتا ئاياللارنىڭ بىر قولىدا بۈشۈك تەۋرەتسە يەنە بىر قولىدا دۇنيانى تەۋرىتىدىغان مۇقەددەس بۇرچىمىزنىڭ بارلىقىنى ئەسكە ئالساق، ئەرلىرىمىزمۇ ئاياللارنىڭ ئۆزىنىڭ بىر تال ئاجىز قورۇغىسىدىن يارالغانلىقىنى، ئۇلارنىڭ ئۆزىنىڭ كۆڭۈل بۆلۈشىگە، ئاسرىشىغا، دىلىنى ئاياشقا...مۇھتاج ئىكەنلىكىنى ئېسىدىن چىقارمىسا ئۇنداقتا بىزنى كۈتىدىغىنى ئىللىق قۇياش نۇرى، ئىللىق ئائىلە، بەخىتلىك تۇرمۇش، ياراملىق ئىز-باسار، ھەممە ھەۋەس قىلغۇدەك پەخىرلىك مىللەت بولىدۇ...(ماۋزۇنى ھازىر دەرىسىم بولغاچقا مۇۋاپىق قويالمىدىم)

قوزىمال

	مەن قولايمەن

axek13999649893

	مەن ئويلايمەن ئۇلارنىڭ ھېچقايسىبىرى«مەن ئەجەپ چارچاپ كەتتىم.» دېگىنى يوق.جەمىيەتنىڭ قاراڭغۇلۇقلىرىدىن مىسكىنلىشىپ، چۈشكۈنلىشىپ كېتىۋاتقىنى يوق. چۈنكى ئۇلار ئۈمىدكە تولغان، قەلبىدە شۇنداق بىر نىدا ئۈن-تۈنسىز مەدەت بېرىپ:«ئالدىڭغا باق، ئىللىق قۇياش سەن ئۈچۈن نۇر چاچماقتا. ئالدىڭغا باق، مىللىتىڭنىڭ ھەربىر ئۈمۈد-ئارزۇسىنى ئەمەلگە ئاشۇرۇش بۇرچى سېنىڭ زىممەڭگىمۇ يۈكلەنگەن. ئورنۇڭدىن تۇر!»دەپ ئۇلارنى ھەرىكەتلەندۈرىۋاتىدۇ.                         چوقۇم  غەيرەتلىك بولۇش كىرەك  تىرىشىش  كىرەك

TAXNAI2

	ياخشى يېزىلپتۇ ،،،،،،، توختاپ قالماي يېزىپ تۇرۇڭ ...

sayam

	TAXNAI2 يوللىغان ۋاقتى  2014-4-8 05:39 PM ياخشى يېزىلپتۇ ،،،،،،، توختاپ قالماي يېزىپ تۇرۇڭ ... توغرا دەيسىلا

sanjay

	تىرىشىڭ   ياخشى چىقىپتۇ

sanjay

	بىر ئادەم ئەسەر يازغاندا   قوللاڭلار   مەدەت  بىرىڭلار  دوسلار          خەلىق كۈتۈرسە   يازغۇچىمۇ كۆكلەيدۇ    .

akula1

	رەھمەت،ياخشى يىزىپسىز،بىز ياخشى نەتىجە يارىتىۋاتقان تۆھپە يارىتىۋاتقانلارنى ئۈلگە قىلپ ئىجابى كۈچلەرنىڭ رولىدىن ياخشى پايدىلانساق،قولىمىزدىن كىلىدىغان ئاددى ئىشلار ئارقىلقمۇ ياخشى ئۈنۈم ھاسىل قىلالايمىز.

بانكىر

	ياخشى يېزىلپتۇ ،،،،،،، توختاپ قالماي يېزىپ تۇرۇڭ ...

TanZiyla

	ياخشى چىقىپتۇ.  كىيىنكى تىملىرىڭىزغا تەشنامىز.