2014 خەلقئارالىق ئۇيغۇر دوپپا بايرىمى

uyghari

	2014 خەلقئارالىق ئۇيغۇر دوپپا بايرىمى         يېقىندا ئۈندىدارىمغا "2014 خەلقئارالىق ئۇيغۇر دوپپا بايرىمى" دىگەن تىمىدا بىر خەنزۇچە ئۇچۇر كەلدى. مەن بۇ ئۇچۇرنىڭ مۇئەييەن ئەھمىيىتى باركەن دەپ قاراپ، ئۇنىڭ ئاساسى مەزمۇنىنى تۆۋەندىكىچە تەرجىمە قىلىپ، تورداشلارنىڭ بەھىرلىنىشىگە سۇندۇم:         ئەسسالامۇ ئەلەيكوم، يىلدا بىر كېلىدىغان خەلقئارالىق ئۇيغۇر دوپپا بايرىمى-"5-ماي" يىتىپ كېلىش ئالدىدا تۇرماقتا. داۋالغۇش بۇلۇپ تۇرغان بۇ يىلدا مىنىڭچە بىزدە بىر ئىجتىمائىي مەسئۇلىيەت ۋە مىللى بۇرچ بۇلۇشى كېرەك، دەپ قارايمەن. پائالىيەتنىڭ ئاساسى تىمىسى: "دوپپا سىزگە ھەمراھ، دوستلۇقنىڭ دۆلەت چىگرىسى يوق."         مىللەت كۆپ خىللاشقان، مەدەنىيەت كۆپ مەنبەلەشكەن بۇ دەۋردە، مەن ھەربىر كىشىنىڭ يېنىدا ئوخشىمىغان مىللەتتىن بولغان، تۇرمۇش، ئۆگىنىش ۋە خىزمەتتە سىزگە ياردەم بېرىدىغان، سىزنىڭ سىردىشىڭىزغا ئايلانغان بىر-ئىككى دوستىڭىزنىڭ بارلىقىغا ئىشىنىمەن. بۇنداق دوستلۇق مىللەت، دۆلەت، ياش-قورام ئايرىمايدۇ، بۇنداق دوستلۇق مەڭگۈ قەلبىمىزدە ساقلىنىپ قالىدۇ.         دوپپا مېھىر-مۇھەببەت تارقىتىدۇ. سىز دوپپىڭىزنى كىيىپ يېنىڭىزدىكى ئوخشىمىغان مىللەتتىن بولغان ياخشى دوستلىرىڭىز بىلەن بىللە سۈرەتكە چۈشۈڭ. بۇ يىلقى پائالىيەتنىڭ ئاساسى شۇئارى: "دوپپىنى، تېنچلىقنى سۆيۈش." سۈرەتنى تارقىتىدىغان چاغدا، دوستىڭىزنىڭ مىللىتى، ئىسىم-فامىلىسى، يۇرتى، دۆلەت تەۋەلىكى قاتارلىقلارنى قىسقىچە تونۇشتۇرۇپ قويۇڭ.         مەيلى سىز قايسى دۆلەتتە، قايسى شەھەردە بولماڭ، دوپپىنى سۆيىدىغان، دوپپىسى بولغان، دوپپىنى چۈشىنىشنى ئارزۇ قىلىدىغان بارلىق دوستلىرىڭىزنى چاقىرىپ، دوپپا ۋە سىلەرنىڭ گۈزەل مىنۇتىڭلارنىڭ خاتىرىسى ئۈچۈن بىرلىكتە سۈرەتكە چۈشۈڭلار، سۈرەتنى بىزنىڭ ئېلخەت ئادىرىسىمىزغا يوللاپ بېرىڭ.         سىزنىڭ ياخشى دوستلىرىڭىز ئۇيغۇر تىل-يېزىقىغا قىزىقامدۇ؟ ئۇنداقتا سىز ھەركەتكە كېلىپ يېنىڭىزدىكى دوستىڭىزغا بىر جۈملە ئۇيغۇرچە سۆز ياكى ئۆزىنىڭ ئىسمىنى ئۇيغۇرچە يېزىشنى ئۆگىتىڭ، ئاندىن بۇ مىكرو كۆرۈنۈشنى خاتىرلىۋېلىڭ.         بىزنىڭ "دوپپا سىزگە ھەمراھ، دوستلۇقنىڭ دۆلەت چىگرىسى يوق" دىگەن ئاساسى تىمىمىزنى تېخىمۇ ياخشى تارقىتىش ئۈچۈن، بىز ھەر بىر كىشىنىڭ ياخشى دوستلىرى ئوتتۇرىسىدىكى كىچىك ھىكايىلەرنى بىزنىڭ ئېلخەت ئادىرىسىمىزغا يوللاپ بېرىشىنى ئۈمىد قىلىمىز. بىز سىلەرنىڭ ئەسىرىڭلارنى كۈتىمىز. بىزنىڭ ئېلخەت ئادىرىسىمىز: cooldancer@126.com         يوقۇرقى مەزمۇننىڭ خەنزۇچە ئەسلى تولۇق تېكىستى ۋە ئۇنىڭغا قوشۇمچە قىلىنغان دوپپىغا دائىر سۈرەتلەرنى تۆۋەندىكى ئادىرىسنى چېكىپ كۆرگەيسىلەر.                                                                                                                                                                                                                                    http://mp.weixin.qq.com/s?__biz=MjM5NTE1Mjg1Mg==&mid=200106704&idx=1&sn=60a35e6a4255c5e152c7344e440fa2ff&scene=1#rd

uyol

	مەن ئەدىگەن دوسلار چەمبىرىكىدە كۆرگەن ئىدىم. ئاللاھ خالىسا، بۇ پائالىيەتكە چوقۇم كۈچ چىقىرىمەن

yulghun997

	ياخشى تېما. بۇ تېما دوپپا بايرىمىدىن بىر ئاي بۇرۇن يوللىنىپتۇ. بۇ مۇناسىۋەت بىلەن ئەگەر بىز دوپپا بايرىمىمىزنى ياخشى كۈتۈۋالىمىز دېسەك، تۇلۇق تەييارلىق قىلىۋالالىغىدەكمىز.     مەنىلىك ۋە ئەھمىيەتلىك بىر دوپپا بايرىمى ئۆتكۈزۈش ئىمكانى بار قېرىنداشلار ، بولسا ھازىردىن باشلاپ تەييارلىقنى باشلىسا بەك ياخشى بولغىدەك.

ئەرتۇرا

	 ئۇيغۇرگۈزەللىكى دوپپىنىڭ تۈرلىرى ئۇيغۇرلار ئەزەلدىن باش كىيىمىگە ناھايىتى ئەھمىيەت بېرىپ كەلگەن بولۇپ بۇ جەھەتتىن ئۆزىگە خاس باش كىيىم مەدەنىيىتى ئەنئەنىسى ۋە تارىخىغا ئېگە. باش كىيىملىرىنىڭ تۈرىنىڭ كۆپلىكى ھەم ئۇيغۇر باش كىيىملىرىنىڭ گۈزەللىكى  جەھەتتە ئۇيغۇرلارغا يىتىدىغان مىللەت بولمىسا كىرەك!.... ،تۆۋەندە ئۇيغۇر باش كىيىملىرىدىن دوپپىنىڭ تۈرلىرى ھەققىدە قىسقىچە توختىلىمىز: 1>گۈل غۇنچە دوپپا-بۇ بالىلارغا خاس تۆت تالالىق دوپپا بولۇپ،گۈللىرى قېنىق يېشىل يىپەك يىپ بىلەن ،يوپۇرماقلىرى سۇس يېشىل يىپ بىلەن تىكىلىدۇ. 2>بادام مارجان دوپپا.چوكان ۋە ئوتتۇرا ياشلىق ئاياللارغا خاس تۆت تالالىق، گۈللىرى پىستە بادام شەكىلدە يوغان-يوغان قىلىپ چېكىلىدۇ.ھەم يىپقا تىزىلغان ماجان بىلەن بىزىلىدۇ. 3>ئەرەنچە چىمەن دوپپا.ئەرلەرگە خاس ،ئىسمى جىسمىغا لايىق تولىمۇ چىرايلىق بېزىلىپ تىكىلىدۇ.دوپپا دۈگلەك شەكىلدە بولسىمۇ تۆت تالاسى توق يېشىل يېپەك يىپ بىلەن ئاجىرلىپ تۇرىدۇ.دوپپىنىڭ تېگى يېشىل يىپ بىلەن تىكىلىپ،گۈل غۇنچىلىرى قوشماق بادام بىلەن سىزىلىدۇ. 4>گۈلشەن چىمەن دوپپا.ياش يىگىتلەر ۋە ئوتتۇرا ياشلىق ئەرلەرگە خاس.تۆت تالالىق بولۇپ،گۈللىرى ناھايىتى ئوچۇق رەڭلىك يېپەكلەردىن تىكىلىدۇ.دوپپىنىڭ تېگى ئاق رەخىتتىن بولۇپ،گۈللىرى ئۈچ لىنىيىگە بۆلۈپ ئورۇنلاشتۇرلىدۇ. 5>گۈل قىياق دوپپا.ئەرلەرگە خاس ،دۈگلەك شەكىلدە بولۇپ،سۇس يېشىل رەڭلىك تەگلىككە ھەر خىل يىپلاردىن گۈل تىكىلىدۇ.گۈللىرى قارا يېپەك چېكىتلەر بىلەن تكت تەرەپكە ئايرىلىپ تۇرىدۇ. 6>چىمەنگۈل دوپپا.تۆت تالالىق ئەرلەرگە خاس دوپپا بولۇپ،سۇس يېشىل ،مايسىرەڭ تەگلىككە ھەر خىل گۈل غۇنچىلار چېكىلىدۇ.گۈللىرى جىيىكى ئاق ،قارا يىپلار بىلەن گويا ھەرىنىڭ چىشىغا ئوخشاش ئاجىرلىپ سىزىلىدۇ. 7>قىزىل گۈل دوپپا.تۆت تالالىق،يىگىتلەر ۋە ئاياللار كىيىشكە بولىدۇ.توق يېشىل تەگلىك،ئاق، ساغۇچ يىپ بىلەن گويا ئۆمۈچۈك تورىدەك بېزىلىدۇ. 8>توقۇلما گۈللۈك دوپپا.تۆت تالالىق قۇمۇل ،تۇرپانلاردا كەڭ ئومۇملاشقان تۈر بولۇپ،گېلەمگە ئوخشايدۇ، ھەممە يېرىگە چىرايلىق رەڭلىك يىپلار بىلەن گۈل چېكىلىدۇ. 9>گۈللۈك مانچىستىر دوپپا.بۇخىل دوپپا ھەر خىقل رەڭدىكى مەخمەل مانچىستىرلار دىن تىكىلىدۇ.گۈللىرى قىزىل ،كۆك، ھال،يوپۇرماقلىرى يېشىل،غۇنچىلىرى ئوچۇق شاپتۇل چىچىكى رەڭلىك يىپلار بىلەن تىكىلىدۇ. 9>مارجانگۈل دوپپا.تۆت تالالىق،ئەرلەر ،قىزلارۋە چوكانلارغا خاس .تېگى ئاق رەخىتتىن بولۇپ،گۈللىرى يوغان -يوغان ،دانە-دانە قىلىپ چېكىلىدۇ.ئكزىگە خاس ئالاھىدىلىكى:پۈتۈن گۈل يوپۇرماقلارنىڭ ئەتراپى ئاق سەدەپ مارجان بىلەن چۆرىدىلىپ بىر قاتاردىن تىكىلىدۇ. 10>سەدەپ يۇلتۇز گۈللۈك دوپپا.دۈگلەك شەكىلدە بولۇپ،قىزلارغا خاس.كۆك مەخمەل تەگلىككە توق سېرىق يېكەك يىپ بىلەن گۈللەر پۈتۈن،يوغان سىزىلىپ،ئاندىن ئۇنىڭ ئۈستى ئاق سەدەپ مارجان بىلەن بېزىلىدۇ. 11>ئانار گۈللۈك مارجان دوپپا.دۈگلەك شەكىلدە بولۇپ تېگى قېنىق بېغىررەڭ مەخمەلدىن،گۈللىرى توق سېرىق ئالتۇنر ەڭ يىپتا ،ئاق ئۇششاق سەدەپ مارجاندا چېكىلىدۇ. 12>چەكمە قىزىلگۈل دوپپا.دۈگلەك شەكىلدە ،قىزلار ۋە چوكانلارغا خاس.تو ق سېرىق زەر رەختكە باشقا دوپپىلارغا گۈل تىكىش قائىدىسىدىن ئالاھىدىرەك قىلىپ،يوغان قىزىل گۈللەر چۈشۈرىلىدۇ. 13 >ئاق گۈلچىمەن دوپپا.تۆت تالالىق،ئەرلەرگە خاس.گۈللىرى ئاق گۈل-غۇنچىلاردىن تەركىپ تاپىدۇ.چوڭ گۈللىرى بېغىررەڭ يىپتا،قالغان گۈل-غۇنچىلىرى ھاۋارەڭ يىپتا چېكىلىدۇ. 14>گۈل يوپۇرماقلىق چىمەن دوپپا.تۆت تالالىق ئەرلەرگە خاس بولۇپ،كۈلرەڭ تەگلىك رەختكە ئاق يىپ بىلەن سىزىقلار چېكىلىدۇ. 15>گۈل دوپپا.تۆت تالالىق،ياش بالىلار ۋە يىگىتلەرگە خاس دوپپا بولۇپ،كۆك مەخمەلدىن تىكىلىدۇ،ئۈستىگە بىرلا يەرگە گۈل چېكىلىدۇ. 16—ئاي دوپپا. ئۇيغۇرلار ئەزەلدىن ھىلال ئاينى ياخشى كۆرۈپ كەلگەن. شۇڭا مەسچىدلەر مۇنبىرى ۋە دوپپىلارغا ھىلال ئاي شەكلىنى چىقىرىپ ئۇنىڭدىن ئۆزىگە خوشاللىق تاپقان. ئۇيغۇر دوپپىلىرىنىڭ تۈرى بۇنىڭ بىلەنلا چەكلەنمەيدۇ ئەلبەتتە ،تەرەققىياتقا ئەگىشىپ نۇرغۇن دوپپىلارنىڭ پاسۇنى ئالاھىدىلىكىدە ئىسلاھات ئېلىپ بېرىلىپ،زامانغا ماسلاشتۇرۇلسا،يەنە بىر قىسىملىرى سەپتىن چۈشۈپ قىلىۋاتىدۇ. ئەنئەنىۋىي كىيىملەرنى ساقلاپ قىلىش بىز بىر ئەۋلاد ياشلارنىڭ زىممىسىگە يۈكلەنگەن مۇقەددەس ھەم شەرەپلىك ۋەزىپە شۇڭا بىز ئەنئەنىۋىي كىيىم-كېچەكلىرىمىزنى قوغدىشىمىز،،ئەۋلادلارغا يەتكۈزۈشىمىز كېرەك. مەنبە؛ تور دۇنياسى. 2014—يىل 4—ئاي

elyas721

	دوپپام باشىمدا.

wogzal

	دوپپىنىغۇ كىيىش كىرەك ، ئەمما دوپپا كىيىش بىلەن بىرگە يەنە ئەنئەنىۋى ئەخلاققىمۇ دىققەت قىلىش كىرەك . بىر دوپپىنى كىيۋالغىلا ھىساپ ئەمەس ، دوپپىنى كىيۋىلىپ ھېلى قاۋاقخانىدا ، ھېلى ھاراقخانىدا ، ھىلى باشقا بىر يەرلەردە يۈرۈشكەندە دوپپىسدىن ئسمىنى بىلمىگەن بىلەن ئۇيغۇركەن دەپ بىلىدۇ كىشى ...

55sawr

	ئاللا خالىسا بۇ بايرامنى ئەھمىيەتلىك خاتىرلەيمەن . بىز ئەجدادلىرىمىزنىڭ قولىدىكى مەشئەلنى ئەۋلادلارغا تېخىمۇ نۇرلۇق ھالەتتە يەتكۈزۈپ بېرىشىمىز كىرەك .ھەممىمىز شۇ كۈنى يارىشىملىق دوپپىلىرىمىزنى كەيسەكمۇ  ئوخشاشلا تەبرىكلىگەن بولىمىز ،دوپپا بىزنىڭ پەخىرىمىز .

rabbey

	بۇ دوپپا بايرىمىنى ياغلىقىم بىلەن چىرايلىق كۈتىۋالىمەن...

wogzal

	دوپپا بەكمۇ يارىشىدۇ جۇمۇ !..... رەسىم  بەيدۇ تورىدىن ئېلىندى .

شرئەلى118

	ئاتايىتەن دوپپا بايرىمى دەپ بايرام چىقىرۋېلىپ بىر كۈن دوپپا كىيىپ قويغانغا بولمايدۇ جۇمۇ زىيالىلار ، دوپپىمىز دائىم بېشىمىزدا بولسۇن