مېنى «يىغلىما!»دىمىگىن.....

Gvlmisal

	مېنى" يىغلىما!"دىمىگىن....... مېنىڭ يىگانە ئاشىقىم،مېنى"يىغلىما!"دىمىگىن.... مەڭزىمنى سۆيۈپ تاراملاپ چۈشىۋاتقان كۆز ياشلىرىم ،مىنىڭ يۈرەك سىرلىرىم...مەن كۆكسۈڭگە باش قويغاندا ياشلىرىم يۈرىكىڭگە سىڭىپ كىرىپ،مىنىڭ پىنھان سىرلىرىمنى ساڭا سۆزلەپ بىرىدۇ.شۇ دەقىقە مەنمۇ كۆز ياشلارغا ئايلىنىپ كەتسەم دەيمەن جېنىم،كۆز ياشلىرىم باغرىڭغا سىڭىپ كەتسە كەتسۇنكى ھەرگىز مەڭزىمدە قېتىپ قالمىسۇن.بىلسەڭ مەڭزىمدىكى ياش  ئۇ ھىجراننىڭ دېغى......... مېنى "يىغلىما!"دىمىگىن.... ياش تۆككىنىمنى كۆرۈشنى خالىمايسەن.بىلىمەن،مىنىڭ كۆزلىرىم ياش تۆكسە سىنىڭ يۈرىكىڭ ياش تۆكىدۇ.ئۇنۇتمىغىنكى ئىچكى ھېسسىياتىم كۆز ياشلىرىم ئارقىلىق ئۆز ئىپادىسىنى تاپقان. كۆز ياشلىرىم-ئۇ مۇھەببەت ئېقىنى....كۆز ياشلىرىم- ئۇ يۈرىكىمنىڭ پىچىرلاشلىرى...كۆز ياشلىرىم-ئۇ قەلبىمنىڭ ئۈنسىز غەلىيانى... مېنى "يىغلىما!"دىمىگىن.... يىغلىشىمنى خالىمايسەن جېنىم،لىكىن ئاشۇ كۆز ياشلىرىمنىڭ ئىچىمگە چۈشۈپ كىتىپ يۈرىكىمنى مۇز بۇلۇپ توڭلىتىشدىن ئەنسىرىمەسسەنمۇ؟ مېنى "يىغلىما!"دىمىگىن.... بىلىسەن...ساڭا ئېيتىپ تۈگىتەلمەيدىغان سۆزلىرىم بار.ئەمما شۇنىڭغا ھەيرانمەنكى ھەر قېتىم سەن بىلەن ئۇچىراشقاندا مەن گاچىغا ئايلىنىمەن.دىمەكچى بولغنالىرىمنى تىلىم بىلەن  ئەمەس كۆزۈم بىلەن ساڭا بىلدۈرمەكچى بولىمەن.لىكن كۆزلىرىم سىنىڭ تىكىلپ قاراشلىرىڭغا بەرداشلىق بىرەلمەي يەنىلا باش ئېگىدۇ.مەن يەنىلا ئۈنسىز ھالدا ياش تۆكىمەن. مېنى "يىغلىما!"دىمىگىن.... بۇ جاھاندا مىنىڭ ساڭا بولغان سۆيگۈمدىنمۇ يېقىملىق كۈينىڭ بولۇشىغا ئىشىنىشكە ئامالسىزمەن جېنىم.....مېنى "يىغلىما!"دىگەن شۇ دەقىقىدە كۆزلىرىمگە قاراپ باقساڭ قارىچقۇمدا مۇقەددەس كۈينىڭ بالقىپ تۇرغىنىنى كۆرىسەن. مېنى "يىغلىما!"دىمىگىن.... سىنىڭ مەيدانىڭدا تۇرۇپ ئويلاپ،سىنىڭ تۇيغۇڭدا تۇرۇپ ھېس قىلىپ باقمىغىنىم ئۈچۈن شۇنچىلىك پۇشايمانغا قالدىمكىن......قەلبىمدىكى ھەسرەتنى كۆزياشلىرىم بىلەن تازىلىماقچى بولىمەن. مېنى "يىغلىما!"دىمىگىن.... بىلەمسەن؟سېنى سېغىنغان نازۇك تۇيغۇلىرىم ھامان يىتىمسىرايدۇ.مەن پەقەت سىنىڭ ئىسمىڭنى زىكرى قىلىشتىن،ساڭا يىراقتىن ئىنتىزارلىق بىلەن تەلپۈنۈشتىن باشقىنى قىلالمايمەن.دەل بۇچاغدا مېنىڭ كۆزياشلىرىم ماڭا ھەمراھ بولىدۇ.ئۇ ماڭا ئەڭ سادىق ،مىنىڭ پىنھان سىرلىرىمنى ھېچكىمگە ئېيتىپ قويمايدۇ،ئۈستۈمدىن كۈلمەيدۇ،ماڭا ئارتۇقچە ئىچ ئاغرىتىپمۇ يۈرمەيدۇ.ئۈنسىز ماڭا ھەمراھ بولىدۇ خالاس......... مېنى "يىغلىما!"دىمىگىن.... قەلىب بېغىمنىڭ ئاچقۇچلىرىنى ساڭىلا تاپشۇرغىنىم بىلەن بەخىتلىكمەن.بېغىمدىكى نازۇك چىمەنلەر سۇلاشقاندا مەن ئۇنى كۆز ياشلىرىم بىلەن سۇغىرىمەن جېنىم. تاڭ سەھەردە باھار چېچەكلىرىنىڭ بەرگىدىكى شەبنەم مىنىڭ كۆز ياشلىرىمدۇر......... چېچەكلەرنىڭ تۆكۈلگىنىنى كۆرگەندە مىنى ئەسلىگىنىڭ بىلەن بەخىتلىكمەن....... گۈلمىسال يازمىسى 2014.4.2

gadankax010

	ئەمىسە ئۆكسۈپ ئۆكسۈپ كەت جېنىم.

sahiba33

	شۇنداق ياخشى يېزىلىپتۇ!

bozyigit

	ھەرھالدا ئۆزىڭىزنى پاكىز جايغا تاشلاپسىز...

Gvlmisal

	ياقتۇرغىنىڭزدىن كۆپ خۇرسەن بولدۇم.

Gvlmisal

	sahiba33 يوللىغان ۋاقتى  2014-4-4 11:20 AM شۇنداق ياخشى يېزىلىپتۇ! ياقتۇرغىنىڭىزغا كۆپ رەھمەت

Janbar

	ئەستىن چىقماس ئېسىل قۇرلارغا بۆلەپ قويىسىزدە ئادەمنى. لىرىكىلىرىڭىزغا تەشنا بولۇپ تۇرماقتىمەن، يەنە بارمۇ دەپ قالدىم... يەنە بارمۇ؟

WENAS@

	گۈزەل رومانتىكىغا تويۇنغان لىرىكىلىق نەسىرىڭىز مېنى مەپتۇن قىلدى. ئاشىقنىڭ ناخشىسى مۇڭلۇق چىققىنىدەك، سۆيۈلگەن ، سۆيگەن يۈرەكتىن چىققان نىدامۇ گۈزەل بولىدىكەن.

magrurjan

	قەلىمىڭىزگە كۆز تەگمىسۇن، ئىنتايىن چىن ھىسيات بىلەن يىزىلغان ئىسىل لىرىكا بوپتۇ ياقتۇردۇمئىلھاملار بولسا داۋاملىق يىزىپ تۇرغايسىز! ئۇتۇق، بەخىت سىزگە مەڭگۈ يار بولسۇن قىرىندىشىم

Gvlmisal

	Janbar يوللىغان ۋاقتى  2014-4-4 04:33 PM ئەستىن چىقماس ئېسىل قۇرلارغا بۆلەپ قويىسىزدە ئادەمنى.  ... داۋامىنى سىزدىن ئاڭلامەنمىكىن دىسەم..... بەك دەپ تۇرۋالسىڭىز دۋاملاشتۇرۇپ باقارمەن ئەمدى...ئىلھام پەرىشتىسى يوقلاپ كەپ قالسا،كاپپىدە تۇتىۋېلىپچۇ؟