يوقالماي كۆپىيىپ بارامدۇ مەزھەپ؟

qaraxani

	يوقالماي كۆپىيىپ بارامدۇ مەزھەپ؟ قاراخان ‹‹مۇسۇلمانلار بىرلىشىڭلار!›› دەپ، قىلغان ئىدى رەسۇل چاقىرىق. بىرلىشىش نە كۆپىيىپ مەزھەپ، باش كۆتەردى ئىسلامدا تەپرىق. ۋىدالىشىپ ئەمىن بىز بىلەن، ۋارىس بولدى ئەلگە خەلىپە. چىقتى دانىش،كۈشەندە دۈشمەن، خەلىپىلىك بولدى سۇلالە. مەدىنىلىك دىيىلدى بىرى، ھەم دىيىلدى بىرى مەككىلىك. ئۈستۈن كەلدى شەيتان  كىبىرى، يوق مۇھاجىر، ئەنساردا بىرلىك. دىن بايرىقى ئابباس قولىدا، لەپىلدىدى بەش ئەسىر مەغرۇر. لېكىن ‹‹بەگلىك ››ئۇنىڭ ھۇلىغا، بۇلۇت بولۇپ قۇيدىغۇ يامغۇر. موغۇل ،تېمۇر،ۋە ئوسمان تۈرك، ئۆز ئالدىغا تۈزدى ئىمپېرىيە. دىلدا ھاكىم ھەسەت ۋە خۇدۈك، دىندا ھاكىم غەپلەت  مىلودىيە. بۆلۈنمىسە ئەگەر خاۋارىج، شىئە،سۇنئى بولسا تەن پىلەك. ئۆتمەسمىدۇق دۈنيادىن تېنچ، كۈلۈپ باقار ئىدى كېلەچەك. يەھۇدى ۋە ناسارا كەبئى، دىندا نىزا قىلغان ياخشىمۇ؟ يەتمىش ئىككى مەزھەپتە بەنى، ئىسرائىللار بولدى پاخشىغۇ؟ يەتمىش ئۈچتىن ئاشىدۇ دىگەن، ئۈممىتىنى رەسۇل مەزھەپتە. غېمىمىزنى زادى كىم يىگەن، تۇرالامسەن بىرلا تەرەپتە؟ سۈنئى مەزھەپ ئىدى كۇپايە، نەدىن چىقتى شىئە،خاۋارىچ. ئىگەم بىلەن رەسۇل نىشانە، كۆرسەتكەنگە يېپىشايلى زىچ! بىر زاماندا ئاق ،قارا تاغلىق، قىلدى يورۇق كۆڭۈلنى زاۋال. بىزگە ئورۇن ،كۆڭۈل تارچىلىق، قىلسا مۆمىن تاپارمۇ ۋىسال؟ 2014-يىلى 3-ئاپېرىل تولۇقلىما مەزمۇن (2014-4-7 04:11 PM): قوشنا تۇرۇپ ئىران ئىراقتىن، بېسىلمىدى ئون يىل ئىس-تۈتەك. مىسىر ،ئالجىر ،لىۋان، پەلەستىن، ئەرەپتە بار قانداقچە ئىستەك؟

sardor0908

	مەنچە مەزھەپ كۆپەيمىدى.‹بىلەمەنلەر›،‹ئاللاھتىن قورۇقمايدىغان›ئىمانلىق مۇسۇلمانلار كۆپەيمەكتە

abdurrahman

	مەزھەبتە گۇناھ يوق، مەسىلە ئۆزىمىزدە. بەزى كىشىلىرىمىز ئالىملار مەزھەب قۇرمىغان دىيىشىدۇ.ئالىملارنىڭ مەزھەب قۇرمىغانلىقى راست ئەمما ئۇلارنىڭ قۇرئان ۋە ھەدىس ھەمدە ئەمەلىي ئەھۋالغا قارىتا بەرگەن ئوخشىمىغان كۆز قاراشلىرى كىيىنكى مەزھەبلەرنىڭ شەكىللىنىشىگە تۈرتكە بولدى. بۇ يەردە بىز مەزھەب تۇتۇش بىلەن مەزھەبچىلىك قىلىش دىگەن ئىككى ئۇقۇمنى كاللىمىزدا ئېنىق ئايرىۋىلىشىمىز كىرەك. ئەلۋەتتە، قۇرئان ۋە ھەدىستە ھۆكمى ئېنىق بولغان مەسىلىلەر ۋە ئەقىدە مەسلىلىرىدە بارلىق مۇسۇلمان كىشىلەر ئوپمۇ-ئوخشاش، ئەمما قۇرئان ۋە ھەدىستىن بىۋاستە چىقمايدىغان ئەمما تۇرمۇشىمىزغا زۆرۈر بولغان بەزى مەسىلىلەردە بەلكىم قۇرئان ۋە ھەدىستىكى مۇناسىۋەتلىك بىلىملەرنىڭ ھەممىسىنى يىغىپ ئاندىن ئەمەلىيەت بىلەن بىرلەشتۈرۈپ كۆرگەندە ئاندىن نەتىجىسى چىقىدىغان مەسىلىلەردە، چوقۇم مەخسۇس دىنى ئالىمنىڭ شۇ توغۇرلۇق نەتىجىسىگە تايانمىغاندا، ئۆزىمىز شۇ مەسىلىنى دەپ  بەلكىم نەچچە ئون يىل ئوقۇيدىغان ئىش كىلىپ چىقىدۇ. مەزھەب مانا مۇشۇنىڭدىن پەيدا بولغان. ئىسلام دىنىدا يۈزەكى بىلىمى بار كىشىلەرگە نىسبەتەن ھەممە كىشى ھەتتا بىر خۇداغا ئىشىنىمەن دىگەن كىشىنىڭلا ھەممىسى ئوخشاش كۆرۈنىشى مۇمكىن. ھالبۇكى، يەھۇدى ناسارالارمۇ بىر خۇداغا ئىشىنىمىز دەپ قويىشىدۇ. ئۇنداق بولسا كىشىلەرنىڭ قانداق ۋاقىتتا مەزھەبكە ھاجىتى چۈشىدۇ؟   كۆپىنچە ئەھۋاللاردا بىر مەسىلىنىڭ بىر نەچچە خىل ھەل قىلىش چارىسى بولىدۇ، سىز بۇ چارىلەرنىڭ ھەممىسىنىڭ توغرىلىقىنى بىلىسىز ئەمما ئەمەلىيەتتە سىز پەقەت بىر چارىنىلا ئىشلىتىشىڭىز بىلەن مەسىلە ھەل بولىدۇ. شۇڭا سىز بۇ چارىلارنىڭ ئىچىدىن بىرنى تاللاپ مەسىلىڭىزنى ھەل قىلىسىز مانا بۇ سىزنىڭ مەزھەب تۇتقانلىقىڭىزدۇر. بۇنىڭ ئەخلاقى بولسا:باشقىلار يۇقارقى چارىلەردىن خالىغىنىنى تاللىسا توغرا بولىدىغانلىقنى بىلىسىز ۋە باشقىلارنىڭ تاللىشىنى ھۆرمەت قىلىسىز. ھالبۇكى، مەزھەبچىلىك دىگىنىمىز يۇقارقى تاللاشنى تاق تاللاشقا ئايلاندۇرىۋىلىپ يۇقارقى چارىلارنىڭ پەقەت بىرسىلا توغرا قالغانلىرى خاتا دەپ قاراپ، باشقا چارىلەرنى تاللىغانلارنىمۇ خاتا تاللىدى دەپ قاراپ ئۇلارنى ئازدىغا ياكى ئازغۇنغا چىقىرىۋىتىشنى كۆرسىتىدۇ.   قارايدىغان بولساق بىر مەسىلىنىڭ ئوخشىمىغان چارىلىرى پەيغەمبىرىمىز دەۋرىدىلا مەۋجۇد بولۇپ، ساھابىلەر ھەرگىزمۇ بۇنى ئاللاھنىڭ ئارغامچىسىدىن يىراقلىشىش ئەمەس، دىننىڭ ئەمەلى تۇرمۇشتىكى جانلىق ئىشلىتىلىشى دەپ قارىغان.

پادىشاھ

	مەزھەپ ئىسلام دىنىغا چۈشكەن بىر مىتە،ئۇيغۇر مۇسۇلمانلىرىدا يېقىنقى زاماندىن بۇيان مەزھەپكە بۆلۈنۈش خاھىشلىرى يوق دىيەرلىك ئىدى.بىراق يېقىنقى يىللاردىن بۇيان،ئىشان مەزھىپى،ۋاھابى مەزھىپى دېگەنلەر پەيدا بولدى.ئەگەر قانۇن بولمايدىغان بولسا ئۇلار بىر-بىرىنى ئۆلتۈرۈشكەن بولاتتى.....

nurjahan0997

	قارايدىغان بولساق بىر مەسىلىنىڭ ئوخشىمىغان چارىلىرى پەيغەمبىرىمىز دەۋرىدىلا مەۋجۇد بولۇپ، ساھابىلەر ھەرگىزمۇ بۇنى ئاللاھنىڭ ئارغامچىسىدىن يىراقلىشىش ئەمەس، دىننىڭ ئەمەلى تۇرمۇشتىكى جانلىق ئىشلىتىلىشى دەپ قارىغان. ماۋۇ سۆزنى ئويلىنىپ قالدىم مەن........

heyrani

	شەيخى مازاردىن قورقماس، موللا خۇدادىن، دىگەن گەپ پەيدا بولاي دىدى ھازىر....

uqkun555

	پەيغەمبەر ئەلەيھىسسالام مۇنداق دىگەن يەھۇدى ناسارالار يەتمىش ئىككى پىرقىگە بۆلۇندۇ مىنىڭ ئۇممىتىم يەتمىش ئۇچ پىرقىگە بۆلۇندۇ يەتمىش ئىككىسى دەۋزەختە بىر پىرقىسى جەننەتكە كىردۇ دىگەن.

abdurrahman

	پادىشاھ يوللىغان ۋاقتى  2014-4-3 02:38 PM مەزھەپ ئىسلام دىنىغا چۈشكەن بىر مىتە،ئۇيغۇر مۇسۇلمانل ... مەزھەب ئىسلام دىنىغا چۈشكەن بىر مىتە ئەمەس، بەلكى مەزھەبچىلىك قىلغۇچى ئىسلام دىنىغا چۈشكەن مىتىلەر.

malika1234

	مەزھەپ  نەچچە بولسىمۇ  ھەمىسى  ئوخشاشلا  ئاللاقا  ئىبادەت  قىلىدىغۇ !

مسكىنÍÍ

	ۋاھھابى مەزھىبى ، ئىشان مەزھىبى .......  ئىسىم دېگەننى قۇياپ ساپتىغۇ . مەزھەب مەسىلسىنى ئابدۇراخمان ئەپەندىم بەك ياخشى چۈشەندۈرۈپتۇ ، مەزھەبتە ھىچ گۇناھ يوق ، دىن ھەققىدە بىرە ۋاراق ۋاراقلىمايلا ، مەزھەب دىسە قوقۇپ ، ئاتا ئانىسىنىڭ تامغىنى ينمەيدىغانلا كۆز ئالدىغا كىلۋالدىكەن ... بىر مەسىلگە نىسبەتەن قاراش دەلىل ئوخشىمىسا ، مەزھەب شىكىللىنىدۇ ، لىكىن ھىچ قايسىسى ئاساستىن چەتنىمەيدۇ ، ئادەم كۆڭلى ئارام تاپقان قاراشنى تاللىسا بۇلدۇ .. دەپ قارايمەن . قالايمىقان جۆيلىسەك پىتنە چىقىدۇ ،