ھەركىم ئۆز ھاياتىنىڭ تۆمۈرچىسى

Zirakk

	ھەركىم ئۆز ھاياتىنىڭ تۆمۈرچىسى مۇھاكىمە ماقالىسى         ئۆزلۈك ئەينىكى كامىل ئىنسان قەلبىدىكى ۋەھدەتتۇر .                                                                ----------ئابدۇشۈكۈر مۇھەممەتئىمىن           ھايات چىمەنزارلىقىدىكى رەڭگارەڭ گۈلشەنلەر مېنى مەستخۇش قىلدى ،  ماڭا ئارام بەخىش ئەتتى ، ئەمما يەنە ھاياتنىڭ بوران چاپقۇنلىرى مېنى يالغۇزلۇق گاڭگىرىشىلىرىدا قويدى . ھايات دېڭىزىنىڭ دولقۇنلىرى مېنى بىردە كۆككە كۆتۈرسە ، بىردە خاداتاشلارغا سوقۇلۇش خەۋىپىگە دۇچار قىلدى . مەندىكى ئىزگۈ ئىستەك مېنى توختاۋسىز قىمىرلىتىپ ئۆز تارىخىمنى يارىتىپ چىقىشقا تۈرۈتكە بولدى . مەن ئۇلۇغلىرىمىزنى ئۆزۈمگە ئۈلگە قىلدىم ، ئۇلاردىن ئۆگەندىم ، مۇۋاپىقىيەت قازانغانلارنى دورىدىم . ئۆزۈممۇ بىلمىگەن ئاساستا قېلىپ شەكىلەندۈردۈم ، ھايات رەڭداكىقىمنى سۇسلاشتۇردۇم . گەرچە مۇۋاپىقىيەت قازانغانلارنى دورىغان بولساممۇ ، يەنىلا مۇۋاپىقىيەت قازىنالمىدىم . بۇ چاغدا ھايات ماڭا :« سەن كىم ؟ سەن چوقۇم باشقىلارغا ئوخشاش بولىشىڭ كېرەكمۇ ؟» دەپ پىچىرلىدى . « مەن كىم ؟ مەن چوقۇم بۇ قېلىپ  ئىچىدە ياشىشىم كېرەكمۇ ؟ چوقۇم باقىلارغا ئوخشىشىم كېرەكمۇ ؟» دەپ سوئاللارنى قويدۇم ئۆزۈمگە . ياق ، مەن باشقىلاغا ئوخشىمىساممۇ بولىدۇ ، چۈنكى ھەر  ئىنسان ئۆز ھاياتىنىڭ تۆمۈرچىسى .                                                                                                                     « ئۆزىنى ئىزدەش بوسۇغىدا » ناملىق كىتابتا مۇنداق يېزىلغان :« كىملىك گۇۋاھنامىسىنى كۆتۈرۈپ يۈرۈشكەن ھالدا،ئۆزىنىڭ ھەقىقىي كىملىكىنى بىلمەسلىك ئادەملەردىكى گۇمرانلىقنىڭ تىپىك جۈملىسىدىندۇر .» . شۇنداق،مەن گۇمرانلىقتا  قالدىم ،ئۆزۈمنىڭ ھەقىقىي كىملىكىمنى يوقاتتىم . مەن چوقۇم ئۆزلىكىمنى تېپىشىم ، ھاياتىمنى قايتىدىن رەڭدارلىققا ئىگە قىلىشىم كېرەك . شۇنداق قىلىپ مەن ئارىفلىق يولىنى تاللىدىم ، كامالەتكە يېتىش ئۈچۈن ئىزدەندىم ، ھايات رەڭدارلىقىنى ئەسلىگە كەلتۈرۈش ئۈچۈن تىرىشتىم ، يوقاتقان ئۆزلىكىمنى تېپىش يولىغا ئاتلاندىم .ئەسلىدە كىشى ياخشى ئۈلگىدىن بىرنى تېپىپ ئۇنى دورىسىلا بولىدىكەن ئەمەس ، بەلكى ئۆزىنىڭ خاسلىقىنى جارى قىلدۇرۇش ئاساسىدا باشقىلارنىڭ ياخشى تەرىپىنى ئۆگىنىشى كېرەككەن . دۇنيادا ئوپمۇ -ئوخشاش ئىككى يوپۇرماقنى تاپقىلى بولمىغانغا ئوخشاش ، كىشىلىك ھاياتتا ئوپمۇ-ئوخشاش ئىككى كىشىنى ئۇچراتقىلى بولمايدۇ . بىر دانا مۇنداق دېگەن ئىكەن  :« سەن قولۇڭنى ئاسمانغا ئېگىز كۆتۈرۈپ ، دۇنيادا مەندىن پەقەت بىرسىلا بار دېيىشقا ھەقلىق سەن ». شۇنداق ، دۇنيادا بىزدىن پەقەت بىرسىلا بار . بىزگە ئوخشاش كىشىدىن ئىككىنجىسى چىقمايدۇ . ھازىر پەن تېخنىكا ئۇچقاندەك تەرەققىي قىلغان ،ئەمما ئۆزلۈك ئېڭى كەمچىل بولغان زاماندا كىشىلەر نېمىگە مۇھتاج ؟ دەل ئۆزىنى ھەقىقىي تونۇپ يېتەلىگەن ، خاسلىقىنى جارىي قىلدۇرارايدىغان كىشىلەرگە مۇھتاج . شۇڭا سىز باشقىلارغا ئوخشىمىسىڭىزمۇ بولىدۇ ، سىز يەنىلا سىز ، ئۆز ھاياتىڭىزنىڭ تۆمۈرچىسى .مېنىڭچە كىشى ھاياتىنىڭ رەڭدارلىق دەل ئۆزلۈك ئىڭىنى تونۇپ يېتىشتە . مۇنداق بىر شېئىر يادىمغا كېلىپ قالدى .            سەن بىر كامالەت ئىگىسى ئۆزلىكىڭ بىرلە ،            جاھان رەنالىرى گۈلشىنى خاسلىقىڭ بىرلە .           سەن ئىنسان ، ئۈستۈنسەن بارچە قانلىقتىن ،            ئىنساني پەزىلەت ، قەدىر-قىممىتىڭ بىرلە .          جاھان گۈلزارلىقى ئوخشىمىغان گۈللەرنىڭ بولىشى بىلەن گۈزەللىككە ئىگە بولغانغا ئوخشاش ، جەمىئيتىمىزمۇ ھەرخىل تەپەككۇر ئىگلىرى بىلەن رەڭدارلىققا ئىگە . « ئىنساننىڭ سىرلىرى ئۇنىڭ مۇناجەت ئىلاھى قۇببىسىدا ئەمەس ، بەلكى ئۆزلۈك شەجەرىيەت يۈكسەكلىكىدە.» ئالىم ئابدۇشۈكۈر مۇھەممەتئىمىن نىڭ بۇسۆزلىرى  ماڭا بەكلا تەسىر قىغانىدى .ئىنساننىڭ سىرلىرى ئۆزلۈك شەجەرىيەت يۈكسەكلىكىدە . ئىنسان ئۆزلىكىنى تونىغاندا ئۇ كامىللىق مۇقامىغا يېتىدۇ ، جاھان چىمەنزارلىقىدا ئۆزىگە خاس بولغان رەڭدار ھايات گۈللىرىنى يارىتىدۇ . ھەركىم ئۆز ھاياتىنىڭ  تۆمۈرچىسى . ھاياتىمىز دەل ئۆزىمىزنىڭ قولىدا . بىز گۆھەر دەسسەپ تۇرغان گاداي بولامدۇق ياكى كامالات ئېتىغا مىنگەن چەۋەنداز بولامدۇق ؟ بۇنى دەل بىزنىڭ ئۆزلۈك ئېڭىمىز بەلگىلەيدۇ  ...   (ماقالەمنىڭ ياخشى چىقمىغان ياكى كەم قالغان جايلىرىنى قېرىنداشلىرىمنىڭ كۆرسىتىپ بېرىشىنى سوايمەن  .)                                                                                                                                                                                                                                                                                                                                                                                                                                                      زىرەك

masrura

	ھەر بىر ئىنسان پەقەت ئۆزى بولغانلىقى ئۈچۈن پۇت تېرەپ تۇرالايدۇ،ھەممە ئادەم ئۆز خاسلىقى بىلەن گۈزەل،خاسلىق دۇنياغا رەڭدارلىق بېغىشلىغان،مېنىڭچە شۇ خاسلىق بولغاچقا دۇنيادا مېھىر-مۇھەببەت پەيدا بولغان،چۈنكى ھەر قانداق ئادەم ئۆزىگە يات شەيئى ھەم نەرسىگە قىزىقىدۇ،ئىنتىلىدۇ.

masrura

	كىملىك گۇۋاھنامىسىنى كۆتۈرۈپ يۈرۈشكەن ھالدا ئۆزىنىڭ ھەقىقى كىملىكىنى بىلمەسلىك گۇمراھلىق دىگەن بۇ ھېكمەت ئۈنچىسى بەكلا تەسىر قىلدى ماڭا.

مەتنياز

	مەن بۇ  ئەقلىيەنى ياقتۇرىمەن .ھەر كىم ئۆز ھاياتنىڭ تۆمۈرچىسى

Zirakk

	masrura يوللىغان ۋاقتى  2014-4-2 10:46 PM كىملىك گۇۋاھنامىسىنى كۆتۈرۈپ يۈرۈشكەن ھالدا ئۆزىنىڭ ھ ... مەنمۇ تۇنجى ئوقۇغاندا ماڭا بەكلا تەسىر قىلغان ، ئابدۇقادىر جالالىدىننىڭ « ئۆزىنى ئىزدەش بوسۇغىسىدا »ناملىق كىتابىنىڭ مۇقەددىمىسى .

masrura

	‏ئەمەلىي تەجرىبەمدىن قارىغاندىمۇ ئۆز خاسلىقىنى ساقلاپ قالغان مەيلى شەخىس ،مەيلى مىللەت،مەيلى دۆلەت بولسۇن باشقىلارنىڭ ھۆرمەتلىشىگە،قەدىرلىشىگە ئېرىشەلەيدىكەن،خاسلىقىنى يوقاتقان ھامان باشقىلار ئۇنى چەيلەيدىكەن،ئاخماق قىلىدىكەن.

abbasjan

	ئىملاغا كۆپرەك دىققەت قىلىشىڭىزنى، ئېتىبار بېرىشىڭىزنى تەۋسىيە قىلىمەن.

Zirakk

	abbasjan يوللىغان ۋاقتى  2014-4-3 12:18 AM ئىملاغا كۆپرەك دىققەت قىلىشىڭىزنى، ئېتىبار بېرىشىڭىز ... ماقۇل ، رەھمەت ، كېيىن چوقۇم دېققەت قىلىمەن .

malika1234

sanjay

	malika1234 يوللىغان ۋاقتى  2014-4-3 01:50 AM كىنوخانىدا  ئولتۇرغاندەك چاۋاك  چېلىپ كىتىپسىزغۇ سىز              ھەقىقىي چاۋاك  قولدىن ئەمەس   يۈرەكتىن  چىقسۇن جۇمۇ    بۇداقى  قېتىمدا  .