نەنجىڭ ئۇنۋېرسىتىدا بەس-مۇنازىرە

intilguchi

	نەنجىڭ ئۇنۋىرسىتىدا بەس-مۇنازىرە    ئانا يۇرتىمىزدىن نەچچە مىڭ كىلومېتىر يىراق بولغان زېمىندا تۈرلۈك قىينچىلىقىلارغا باش ئەگمەي بىلم ئىشقىدا كۆيۈپ گۈزەل كەلگۈسى ئۈچۈن ھارماي-تالماي تىرىشىۋاتقان ئوت يۈرەك ياشلىرىمىز ئۇقۇشتىن چارچىغان چاغدىكى ۋاقتنىڭ بىھۇدە ئۆتۈپ كەتمەسلىكى  ئۈچۈن ئۆز مەكتىپىدە "قۇد بىلگە ئوقۇرمەنلەر كۇلۇبى" نى قۇرۇپ، ھەر ھەپتىسى ئىككى-ئۇچ سائەت ۋاقت چىقىرىپ جەم بۇلۇپ ئانا تىلىمىزدا ھەرخىل پائالىيەتلەرنى قىلىپ كەلمەكتە. بۇ قىتىملىق پائالىيەتكە20دىن ئارتۇق نەنجىڭ ئۇنۋېرسىتېتىڭ ئوقۇغۇچىللرى "ھازىرقى ئالىي مەكتەپ ئىستۇدىنتلىرى لاياقەتلىك ئۇيغۇر زىيالىيلىردىن بۇلالامدۇ" دېگەن تىمىنى چۆرىدەپ بىر مەيدان قىزغىن مۇنازىرە ئىلىپ باردى. مەن تۆۋەندە بالىلار ئوتتۇرغا قويغان مەزمۇنلارنى نەچچە نۇقتىغا ئىخچاملاپ كۆپچىلىككە سۇنىمەن. 1، زىيالىي ئۇقۇمدىن چىقىپ قارىغاندا ئۇيغۇرلار ئىچىدە زىيالىيلار قانچىلىك نىسبەتنى ئىگەللەيدۇ، بۇنىڭ ئىچىدە خەلقىمىزنىڭ ھازىرقى مۇھتاجلىقىنى قاندۇرالايدىغان لاياقەتلىك  زىيالىيلار قانچىلىك. 2،ھازىر ئالىي مەكتەپ ئوقۇغۇچىللرىدا بەزىبىر قاملاشمىغان 'ئىمتىيازلارغا' بېقىنۋالىدىغان، ئۆزنى باشقا مىللەت كىشلىردىن تۆۋەن كۆردىغان، ئۆزىگە ۋە مىللەتنىڭ كەلگۈسىگە بولغان ئۈمۈد ئىشەنچى تۆۋەنلەپ بوشىشىۋاتقان، تىرىشمايدىغان، زىيادە شەخسىيەتچى بۇلۇپ كېتىۋاتقان باشقا ھىچقانداق ئىشقا كۆڭۈل بۆلمەيدىغان ھەتتا ئوقۇشقىمۇ، ۋە ئاددىي بولغان ساپالارمۇ كەمچىل بۇلۇشتەك ئەھۋاللارنىڭ مەۋجۇتلۇقى، بۇنىڭ ئەكسىچە يەنە كىشىنى خۇشال قىلدىغان يۇقارقى ئەھۋاللادىن يىراق، ھەممە ئىشلارنى ياخشى ئىلىپ كىتىۋاتقان ھەتتاكى باشقا مىللەت كىشلىردىن ئىشىپ چۈشىۋاتقان، ئۈلگىلىك جۇشقۇن ساۋاقداشلارنىڭ خېلى بارلىقى ۋە كۆپىيىۋاتقانلىقى توغرىسىدا. 3،بىز ئالىي مەكتەپ ئوقۇغۇچسى بولۇش سالاھىتى بىلەن لاياقەتلىك ئۇيغۇر زىيالىيسى  بولۇشنىڭ شەرتللىرنى قىلالاۋاتىمىزمۇ، بۇنىڭ ئۈچۈن قانداق قىلشىمىز كېرەك.  بىز گۈزەل ئارزۇ-غايىلەرنى تىكلەپ ئۇنى ئەمەلگە ئاشۇرۇش ئۈچۈن توختامسىز ياخشى تىرىشىپ ئۆگىنىش بىلەن بىرگە جەمئىيەتنىڭ، بەزىبىر چوڭلارنىڭ ۋە باشقا ھەرخىل ناچار تەسىرلەردىن يىراق تۇرىشىمىز قۇلىمىزدىن كىلىشىچە ئۇلارنى تۈزىتىشكە ھەركەت قىلىشمىز، ھەرۋاقىت ھەر جايدا ئانا تىلىمىزنى ۋە ياخشى مەدەنىيەتلىرىمىزنى قوغدىشىمىز، ئۇيغۇرغاخاس مىللى روھ ياشللارغا خاس جۇشقۇنلۇق بىلەن ئالغا ئىنتىلدىغان، مىللەتكە،يۇرت-ماكانغا پايدىلىق ئۇيغۇر ئوقۇغۇچىللرىدىن بۇلشىمىز كېرەك.   بۇ قىتىملىق بەس-مۇنازىرە ئاساسلىقى يۇقارقى نوقتىلارنى مەركەز قىلىپ 2 سائەتتىن ئارتۇق ۋاقت ناھايىتى قىزغىن كەيپىياتتا داۋاملاشتى، ئوقۇغۇچىلارنىڭ ياخشى پىكىرلەرنى ئوتتۇرغا قۇيۇپ ئۆز-ئارا ئۆگىنش ۋە قۇبۇل قىلىش نەتىجىسىدە ياخشى ئاياغلاشتى. بۇنداق ئىلمى پائالىيەتلەر بالىلارنىڭ شەخسىيەتچىلىكنى تۆۋەنلىتىپ ئۆز-ئارا مىھرىبان بۇلۇشى كوللېكتىپ روھنىڭ كۈچىيىشىگە پايدىلىق بۇلۇپلاقالماستىن، بالىلارنىڭ ئەتراپلىق تەپەككۇر قىلىش ئادىتىنى يىتىلدۈرشىكە، مىللەت، ۋەتەن-خەلقىنىڭ مەنپەئەتىنى ئاۋال ئويلايدىغان بۇلىشىغىمۇ پايدىلىق. بۇ بالىلارنىڭ ئىشلىرىغا ئوڭۇشلىق تىلەيمەن ۋە بۇنىڭدەك ياخشى ئىشلارنى داۋاملاشتۇرشىنى ئۈمۈد قىلىمەن. ئاخىردا بارلىق قېرىنداشلارنىڭ ياخشى ئىشلارغا بىرلىكتە ئاۋاز قۇشۇپ تەڭ ھەركەتكە كىلىپ مىللەتنىڭ كەلگۈسى ئۈچۈن داۋاملىق تىرىشىشنى ئۈمۈد قىلىمەن، .ئۇلۇغ ئاللاھ ھەممىزنى سالامەت قىلغاي، ئىشلىرىمىزغا ئاسانلىق بەرگەي. مەن شۇنىڭغا ئىشىنىمەنكى  بىزئەقلىلق ئۇيغۇرلار بىر نىيەتتە ياخشى تىرىشساقلا كەلگۈسىمىز پارلاق. يازمىنى تەھرىرلەشكەياردەم قىلغان نەنجىڭ ئۇنۋېرسىتېتى ئاخبارات فاكۇلتېتت ئوقۇغۇچىسى 'باھار'غائالاھىدە رەھمەت ئېيتىمەن. ئىنتىلگۈچى،نەنجىڭ 2014.4.1

Qarmuch

	ياخشى باشلىنىش، ئاللاھتىن ئىشلىرىڭلارنىڭ ئوڭۇشلۇق بولۇشىنى تىلەيمەن

مارشال

	مەن ئالىي مەكتەپتە ئوقۇۋاتقان ئىستۇدىنتلارنىڭ بولسا مۇشۇنداق ئىلمىي مۇنازىرىنى كۆپرەك ئۇيۇشتۇرۇپ ئۆز ئارا سۆھبەتلىشىش،پىكىرلىشىش ئارقىلىق تەپەككۇرىنى ئېچىشىنى،پۈتۈن دىققەت مەركىزىنى تۆمۈر تاۋاققا مەركەزلەشتۈرمەي ئۆزىنىڭ يۇشۇرۇن تالانتىنى ۋاقتىدا بايقاپ رېئال دۇنيادا جارى قىلدۇرىشىنى،ئوقۇش ھاياتىنى قەدىرلەپ مىللەتنىڭ روھىيەت بايلىقىغا زۆرۈر بولغان بىلىملەرنى ئۆگىنىش ئۈچۈن كىتابلارنى كۆپرەك ئوقۇپ بېرىشىنى،ھەربىر يەردە ئۆز ئەخلاقى،پەزىلىتى،گۈزەل ئەنئەنىسى،ئۆرپ-ئادىتى،ئېتىقادى  بىلەن  ياشاپ باشقا مىللەتلەرگە ياخشى تەسىر قالدۇرىشىنى  ئۈمىد قىلىمەن. ئالىي مەكتەپتىكى ئىستۇدىنتلار،سىلەرنىڭ خەنسۇچە سەۋىيەرىڭلار ياخشى.بولسا تىلماچلىق كەسپىنى ۋايىغا يەتكۈزۈپ ھازىرقى ئۇچۇرلاشقان بىر دەۋردە خەنسۇ تور بەتلىرىدىكى ياخشى خەۋەر،ماقالە-ئوبزۇر،كىشىلىك ھايات،ئىجتىماھىي تۇرمۇش،ئېقىم مەسىللىرى ...قاتارلىق خەلقىمىزگە زۆرۈر بولۇۋاتقان  ياخشى تېمىلارنى ئۇيغۇر تىلىغا تەرجىمە قىلىپ ئۇيغۇر مۇنبەرلىرىدە تەرجىمە ساھەسىدە كۆرۈلىۋاتقان بوشلۇققا خاتىمە بېرىش ئۈچۈن تىرىشىپ بېقىشىڭلارنى سەمىمىي ئۈمىد قىلىمەن. ئېنتىرنىتنىڭ دەۋىتى زاكاتتۇر.زاكاتنى شۇنداق ئايرىساڭلار-مەنپەئەت ئۈچۈن ئەمەس،ئەقىدە ئۈچۈن كۆرەش قىلدىغان ئۇيغۇر زىيالىيلىرىدىن بولالايسىلەر. ئاخىرىدا ھەممە ئىستۇدىنتلارنىڭ تېنىنىڭ سالامەت،ئوقۇشىنىڭ كۆڭۈللۈك،قىلماقچى بولغان ئىشلىرىڭلارنىڭ ئۇتۇقلۇق بولۇشىغا تىلەكداشمەن.

رەئىس

	Qarmuch يوللىغان ۋاقتى  2014-4-2 10:02 PM ياخشى باشلىنىش، ئاللاھتىن ئىشلىرىڭلارنىڭ ئوڭۇشلۇق بو ... مىللەت پەرۋەر ، داھى سۈپەت مۇشۇ بالىنىڭ ئىنكاسى مەيلى توغرا بولسۇن ياكى خاتا بولسۇن ئىشقىلىپ مۇشۇ ئىنكاسقا ئەگىشەي ، بولمىسا مىنى ئا - تېمىدىكى ئىنكاسىغا ئوخشاش ئۇيغۇر ئەمەس ياكى خائىنغا چىقىرىپ تىللاپ شەرمەندە قىلىۋەتمىسۇن بۇ - ئاكام .

azrat705

	ھازىر ئىچكىردىكى ئالىي مەكتەپلەردە مۇنداق بىر «مىللىيلارنى كەمسىتىش» ئەھۋالى مەۋجۇت: نۇرغۇنلىغان ئالىي مەكتەپلەر شىنجاڭلىق ئاز سانلىق مىللەت ئوقۇغۇچىلىرىنى « تىل جەھتتە قىيىنچىلىىقى بار ، تۇلۇقسىز ۋە تۇلۇق ئوتتۇرىدىكى ئاساسى ياخشى ئەمەس ، تۇرمۇش بېسىمى يۇقىرى ....» دېگەندەك سەۋەپلەر تۈپەيلى ئۇلارغا مەۋسۇملۇق ئىمتىھاندا تەلەپنى تۆۋەنلىتىپ ئىتىبار بېرىشتىن ئىبارەت بىر خىل تۈزۈم بار ، بۇ خىل تۈزۈم مۇتلەق كۆپ ساندىكى ئالىي مەكتەپلەردە مەۋجۇت . مۇتلەق كۆپ ساندىكى ئالىي مەكتەپلەر مللىي ئوقۇغۇچىلارنىڭ ئىمتىھان نەتىجىسىڭ كۇۋادىرات يىلتىزىنى 10 غا كۆپەيتىپ ئومۇمىي نومۇرنى ھېساپلايدۇ ، بۇنداق بولغاندا مىللىي ئوقۇغۇچىلار 36 نومۇر ئالسىلا لاياقەتلىك بولىدۇ يەنە بەزىلىرى مىللىي ئوقۇغۇچىلارنىڭ ئىمتىھان نەتىجىسىگە بىۋاستە 18 نومۇرنى قوشۇپ بېرىپ ھېساپلايدۇ ، بۇنداق بولغاندا مىللىي ئوقۇغۇچىلار 42 نومۇر ئالسىلا لاياقەتلىك بولىدۇ بىزنىڭ سىتودېتنىلىرىمىز (مەن تۇرىۋاتقان ئالىي مەكتەپتىنى مىسال قىلدىم) بۇنى بىزگە قارىتىلغان كەمسىتىش ۋە ھۆرمەتسىزلىك دەپ قارىماستىن بەلكى بۇنى ئۆزىنىڭ بەختى دەپ قارايدۇ بىز بىرقانچىمىز گەرچە بىر نەچچە قېتىم فوكولتىت رەھبەرلىرى بىلەن سۆھبەتلىشىپ بىزگە قارىتىلغان بۇ «ئالاھىدە ھوقۇق» نى بىكار قىلىشنى ئويلاشقان بولساقمۇ ، لېكىن بىز بۇنداق قىلساق مەكتەپتىكى 200 نەچچە شىنجاڭلىق مىللىي ئوقۇغۇچىنىڭ بىز بىلەن جىدەل چىقىرىشى ئېنىق ، شۇڭا بىز پەقەت ئۆزىمىز ئۆزىمىزگە تەلەپنى قاتتىق قويۇشنى لايىق تاپتۇق . مېنىڭ دوسىتلىرىمدىن سۈرۈشتۈرىشىمچە ، شىنجاڭ ئىچىدىكى ئالىي مەكتەپلەردە مىللىي ئوقۇغۇچىلارغا بۇنداق ئالاھىدە نەتىجە ھېساپلاش ئۇسۇلى ئىشلىتىلمەيدىكەن ، ئۇلارغا قويۇلىدىغان تەلەپ خەنزۇ ئوقۇغۇچىلارنىڭ تەلىپى بىلەن ئوخشاش ئىكەن .شۇنچە ئۇزاق يولنى بېسىپ شۇنچە كۆپ جاپانى تارتىپ ئىچكىرگە ئوقۇشقا كەلگەنگە لايىق بىرەر نەرسە ئۆگىنەي دېمەي بىز دېگەن بەرىبىر ئىمتىھاندىن بىر كۈن بۇرۇن مۇنداقلا كىتاپ كۆرۈپ قويساق ياكى ئەتە ئىمتىھان دېگەن كۈنى ئۇقۇتقۇچىنى ئىزدەپ ئۇنىڭغا مەن دەرىسلەرنى ئاڭلاپ چۈشىنەلمەيمەن دىسەكلا بىر ئىككى سۇئالنى دەپ بېرىدۇ ، شۇنىڭ بىلەن ئۆتۈپ كېتىمىز دەپ ئويلايدىغان ئوقۇغۇچىلارنى ماڭدامدا بىر ئۇچراتتىم ، ئەلۋەتتە ، ئىچكىرىدىكى سىتودېنىتلارنىڭ ئىچىدە قېتىرقىنىپ ئۆگىنىۋاتقانلارمۇ ئاز ئەمەس. مەن ئويلايمەن ، ئاتا ئانىمىزنى ، ئۆزىمىزنىڭ ئالداپ  نېمە قىلارمىز ؟

masrura

	azrat705 يوللىغان ۋاقتى  2014-4-2 10:22 PM ھازىر ئىچكىردىكى ئالىي مەكتەپلەردە مۇنداق بىر «مىللىي ... توغرا بۇ (ئالاھىدە ھوقۇق )،بىكار قىلىنىشى كېرەك،ئىمتاھاندا مەسىلەن نازارەتچى جاۋابى تەييار ماتىريالنى بەرگەن تەقدىردىمۇ ئۇنىڭغا قارىماسلىق كېرەك،مانا بۇ مېنىڭ ئوقۇغۇچىلىق ھاياتىمدىكى پېرىنسىپىم،،بۇ پەقەت ئۆز-ئۆزىنى ئالدىغانلىق،ئۆزىنى قەدىرلىمىگەنلىك بىلەن باراۋەر.

malika1234

	ھاياتقا  كۈلۈپ باقايلى  باشقىلارنىڭ  بىزنى  كەمسىتىشىگە ھەرگىز يول قويمايلى .

قۇمۇش

	ياخشى ئىشتىن بىرنى باشلاپسىلەر! ئىشلىرىڭلار ئۇتۇقلۇق بولغاي! بولسا باشقا مەكتەپلەردىكى ئوقۇغۇچىلارمۇ مۇشۇنداق ئۈنۈملۈك پائالىيەتكە ئاۋاز قوشۇپ تەڭ رەۋىشتە ئىلىپ بىرىپ مىللىتمىزنى دۇنياغا تونۇتۇشقا بىر كىشلىك تۆھپە قوشساڭلار بولاتتى!

babur99

	azrat705 يوللىغان ۋاقتى  2014-4-2 10:22 PM ھازىر ئىچكىردىكى ئالىي مەكتەپلەردە مۇنداق بىر «مىللىي ... سىزدەك ئويلايدىغان غايىلىك ،ۋىجدانلىق ياشلىمىزغا ئاللادىن مىڭ-مىڭ ئەجىر تىلەيمەن . 15يىل بۇرۇن بۇ« ئىتىۋارلار» شىنجاڭ ئىچىدىكى ئالىي مەكتەپلەردىمۇ باتى ، ھېلىمۇ ئېسىمدە ئانالىز خمىيەدىن ئېلىنغان ئىمتىھاندا مىللىي ئوقۇغۇچىلارغا ئىتىۋار قىلىپ 45نى ئۆلچەم قىپتۇ،شۇنداق تۇرۇپمۇئۈچتىن بىر بالا ئۆتەلمەپتۇ.بۇبالىلار ئىنىستۇتىمىزنىڭ مۇئاۋىن باشلىقىنىڭ ( ياپونىيدە دوكتۇرلۇق ئوقۇغان ئۇيغۇر)ئىشخانىىسغا يەنە ئازراق ئىتىۋار قىلىشنى ئىلتىماس قىلىپ ئەرز قىلىپ كىرشىپتۇ ،بۇلارنىڭ ئاساسى ئۆتكەن يىلقى ئوقۇغۇچىلارغا 30نومۇر ئۆلچەم قىلنىپتىكەن ،دوكتۇر قەتئىي قوشۇلماي ئۇلارنى چقرۋېتىپتۇ،ئۇزاق ئۆتمەي بىر يىغىندا ئۇ ئۆزى نۇتۇق سۆزلەپ:« بۇندىن كېيىن ئىنىستىتۇتمىزدا مىللىي -خەنزۇئوقۇغۇچىلاردىن ئېلىنغان بارلىق كەسپىي  پەن ئىمتىھانلاردا بىردەك 60نۇمۇر ئەڭ تۆۋەن ئۆلچەم ،ئىتىۋار يوق ! چىدىمايدىغانلار ئىجتىمائىي پەندە ئوقۇڭلار »دەپلا گەپنى كېسىۋەتتى . شۇنىڭ بىلەن ئىنىستۇتىمىزدا بۇ خىل ئاتالمىش ئىمتىياز كەلمەسكە كەتكەنىدى .