رازۋېدكا خاتىرىسى— بىنادىن تاشلىنىش دېلوسى (12)

xamal1124

	بۇيەردە فاسەي بىلەن سىننى قويۇۋاتقان ساقچىدىن باشقا، ھېچكىم بۇنىڭ قانچىنچى توپ ئىكەنلىكىنى ئۇقمايتتى. جى لىڭ گې بىلەن جوۋ جۆ نىڭ نەزىرىدە، بۇ چوقۇم بىرىنچى توپ. فاسەي قويۇش كونۇپكىسىنى باستى، سىن قويۇلۇشقا باشلىدى: قىزىل كىيىم كىيگەن پۇتبولچى بىرنى كاللا توپ ئۇردى. توپمۇ ۋارتا تەرەپكە قاراپ ئۇچتى. كۆپچىلىكنىڭ ھەممىسى بۇنى چوقۇم بىرىنچى توپ دەپ قارىدى. ئەمما ئويلىمىغان يەردىن، توپ ۋارتا تۈۋرۈكىگە تېگىپ قاڭقىماستىن، بەلكى مەيدان سىرتىغا چىقىپ كەتتى. بۇ توپ كىرمىدىغۇ! ھۇجۇم قىلغان تەرەپ مۇداپىئەگە ئۆتتى. ۋارتامۇ توپنى ئېلىپ كېلىپ تېپىشقا تەمشەلدى. بۇ چاغدا فاسەي رازى بولغان ھالدا غادايغىنىچە ئىككى پۇتىنى مىنگەشتۈرۈپ ئولتۇردى. جوۋ جۆ جىددىيلىشىشكە باشلىدى. قارىماققا ئاخىرى مەسىلىنى بايقىغاندەك قىلاتتى. «بۇ...»دەپ سورىدى جى لىڭ گې چۈشەنمەي. فاسەي سىننى توختىتىپ، سۆزلەشكە باشلىدى: «توغرا. بۇ مۇسابىقە ئەسلا ئۇ كۈندىكى مۇسابىقە ئەمەس. بايىقى كاللا توپ ئۇرغان ئادەم—— ئۇ جوۋ جۆ نىڭ قېشىغا كېلىپ قۇلىقىغا يېقىن قىلىپ دېدى—— ئۇمۇ بالوف ئەمەس...» «ئۇنداقتا ...»جوۋ جۆ فاسەينىڭ دېلوغا ھېچقانداق چېتىشلىقى يوق سىننى نېمە ئۈچۈن قويغانلىقىنى دەماللىققا ئاڭقىرالمىدى. بۇ چاغدا فاسەي ئېيتتى: «جوۋ جۆ، سەن بىزگە ئۆزۈڭنىڭ نەق مەيدان خەۋىرى كۆرگەنلىكىڭنى ئېيتقان. بىراق بايا سەن نېمىشقا بىزگە ئۇ ئادەمنىڭ بالوف ئەمەسلىكىنى كۆرسىتىپ بەرمەيسەن؟ يەنە تېخى بۇنى بالوفنىڭ بىرىنچى كىرگۈزگەن توپى دەيسەن؟ » جوۋ جۆ ئويلىنىپ ئېيتتى: «ياق، مەن ئېنىق كۆرمەپتىمەن» «ئېنىق كۆرمەپتىمەن؟  مەن بايا كۆرۈنۈشنى قەستەن ئۇ پۇتبولچىنىڭ ئالاھىدە تەسۋىرىدە توختاتقان. سەن ئۇنىڭغا ئاز دېگەندىمۇ ئۈچ مىنۇت تىكىلىپ قاراپ تۇردۇڭ. بىر كۆرۈنۈشنى ئۈچ مىنۇت تىكىلىپ كۆرۈپ تۇرۇپ، يەنە تېخى ئېنىق كۆرمەپتىمەن دەۋاتامسەن؟ سەن چوقۇم ئېنىق كۆردۈڭ! بىراق نېمىشقا ئۇنىڭ بالوف ئەمەسلىكىنى تونالمايسەن؟! » «مەن، مەن ئۇنىڭ بالوف ياكى ئەمەسلىكىگە دىققەت قىلماپتىمەن.  .»دېدى جوۋ جۆ تەمتىرىگەن ھالدا. «ياق، سەن ئۇنى ئەسلا بىلمەيسەن. چۈنكى سېنىڭ كۆرگىنىڭ تەكرار قويۇلغىنى. ئەينى چاغدىكى نەق مەيدان قويۇلغىنىدا بالوفنىڭ ئالاھىدە تەسۋىرى بار ئىدى. ئەگەر سەن كۆرگەن بولساڭ چوقۇم ئېسىڭدە ئېنىق قالغان بولاتتى. بىراق تەكرار قويۇلغىنىدا بالوفنىڭ ئالاھىدە تەسۋىرى ئەسلا يوق!— دېدى فاسەي قولىنى جوۋ جۆ گە تەڭلەپ تۇرۇپ— شۇڭا، سەن ئەسلا بالوفنىڭ تەقى - تۇرقىنىڭ قانداق ئىكەنلىكىنى بىلمەيسەن! » «ياق، مەن نەق مەيدان مۇسابىقىسىنى كۆرگەن. مەن ئۇنىڭ ئالاھىدە تەسۋىرىنى كۆرگەن! سەن بايا مەندىن ئىزچىل بۇنىڭ قانچىنچى توپ ئىكەنلىكىنى سوراۋەرگەچكە، مەن توپقىلا قاراپ ئادەمگە تۈزۈلۈپ دىققەت قىلماپتىمەن! » «ئۇف .. سېنى ئورىغا يىقىتمىقىم مىجىپ تەسكە توختىدى دېسە» دېدى فاسەي بىرنى ئۇلۇغ تىنىپ. بايىقى گەپلەرنى ئاڭلاۋاتقان جى لىڭ گې يېزىشقا ئۈلگۈرۈپ بولالماي تىنالماي قالدى.ئۇ ئويلىدى، جوۋ جۆ مۇنداق دېسە تامامەن ئاقىدۇ. ئەمدى فاسەي قانداق قىلا؟ «قانداق قىلىسىز؟ ئۇ ئورەككە چۈشۈپ بولدىغۇ »دېدى فاسەي جوۋ جۆ نى كۆرسىتىپ تۇرۇپ. «ھە؟ نەدە؟ » «جوۋ جۆ، سەن بايا بالوفنىڭ ئالاھىدە تەسۋىرىنى كۆردۈم دېدىڭغۇ——دېدى  فاسەي سۆزلىگەچ ساقچىلارغا بىرقانچە پۇتبول چولپىنىنىڭ رەسىمىنى ئەكەلگۈزۈپ — ئۇنداقتا بۇلارنىڭ ئىچىدىكى قايسىسى بالوف؟ » جوۋ جۆ بىر پارچە بىر پارچىدىن كۆرگەندىن كېيىن ئېيتتى «كەچۈرۈڭلار، مېنىڭ پەقەتلا بالوفنىڭ ئالاھىدە تەسۋىرىنى كۆرگىنىم ئېسىمدە. بىراق تەقى—  تۇرق ئىسىمدە قالماپتۇ. » ...يەنە شۇ غۇۋىلاشتۇرۇش تاكتىكىسى! فاسەي سورىدى: «سەن راستلا ئۇنىڭ ئالاھىدە تەسۋىرىنى كۆرگەنلىكىڭنى جەزىملەشتۈرەلەمسەن؟ » «ھەئە» «خاتىرىلىۋىلىڭ— دېدى فاسەي جى لىڭ گې غا  قاراپ— نەق مۇشۇ جۈملىنى خاتىرىلەڭ. » جى لىڭ گې خاتىرىلەپ بولغاندىن كېيىن، فاسەي بوينىنى تولغاپ تۇرۇپ جوۋ جۆ گە ئېيتتى: «دېمەك سەن ئىقرار قىلدىڭ. سېنىڭ كۆرگىنىڭ تەكرار قويۇلغىنى. » ئۇ ئىقرار قىلدى؟ جى لىڭ گې ھەيران قالدى. ئۇ نەدە ئىقرار قىلدى؟ فاسەي ئېيتتى: «سەن نەق مەيدان مۇسابىقىسى بىلەن تەكرار قويۇلغىنىنىڭ ئوخشاش ئەمەسلىكىگە ئىشەندىڭ» جوۋ جۆ ھەيران قالدى. ئەجىبا ئوخشامدۇ؟! «سەن زادى بىلەمسەن بىلمەمسەن؟ نەق مەيدان مۇسابىقىسى بىلەن تەكرار قويۇلغىنى ئۆز ئەينى ئوخشاش ئەمەسمۇ! » بىراق توپ مۇسابقىسىنى كۆپ كۆرمەيدىغان جوۋ جۆ بۇنى ئەسلا ئۇقمايدۇ دە! جى لىڭ گې مۇ چۆچۈپ كەتتى. ئەجەبا فاسەينىڭ ئۇ ئىككىسىنى ئوخشىمايدۇ دېگىنى يالغان گەپما؟ «توغرا— دېدى فاسەي— ئۇ يالغان گەپ، سىلەرنى ئۇ ئىككىسىنى ئوخشىمايدىكەن دەپ ئويلاتقۇزۇش ئۈچۈن ئېيتقان گەپ. ئەمەلىيەتتە بولسا ئۇ ئىككىسى ئوخشاش بوپلا قالماي، ئەسلا بالوفنىڭ ئالاھىدە تەسۋىرى قويۇلۇپ باقمىغان .» ئەمىسە جوۋ جۆ نېمىشقا ئۆزىنى بالوفنىڭ ئالاھىدە تەسۋىرىنى كۆرگەنلىكىنى ئېيتىدۇ؟ «ئۇنىڭ سەۋەبى شۇكى، سەن نەق مەيدان مۇسابىقىسى بىلەن تەكرار قويۇلغان مۇسابىقىنى ئوخشىمايدۇ دەپ ئويلاپ قالدىڭ ئەمەسمۇ! سېنىڭ كۆرگىنىڭ تەكرار قويۇلغىنى، بىراق ئۇنى نەق مەيدان قويۇلغىنىغا ئوخشىمايدۇ دەپ ئويلىغىنىڭ ئۈچۈن يالغان ئىسپات بەردىڭ!» ئەسلى مۇنداقكەندە. جى لىڭ گې ئەمدى چۈشەندى. ئەڭ دەسلەپتە، جوۋ جۆ نىڭ «قايسى تۈۋرۈك ئىكەنلىكى ئېسىمدە يوق» دېگەن گېپىدە ئەسلى يوچۇق يوق. ئەمما فاسەينىڭ ئۇنىڭدا يوچۇق بار دەپ تۇرىۋېلىشىدىكى مەقسىدى بولسا پەقەتلا جوۋ جۆ گە «نەق مەيدان مۇسابىقىسى بىلەن تەكرار قويۇلغىنى ئوخشىمايدۇ» دەپ بىر ئورا تەييارلاش خالاس. ئاقىۋەت جوۋ جۆ ئۇنى راست دەپ ئويلاپ قېلىپ، فاسەينىڭ تەھلىلىگە ئەگەشتى. گەرچە ئۇنىڭ جاۋابىنىڭ ھەممىسى ئېنىق بولمىغان جاۋاب بولمىسىمۇ، فاسەي ئۇنى ئۇنى ئالاھىدە تەسۋىر كۆرۈنۈشىنى چىقىرىش ئارقىلىق ئېنىق قىلدى. «ياق ...ئۇنداق ئەمەس ..— جوۋ جۆ ئىنكار قىلىپ تۇرىۋالدى— مەن...مەن پەقەتلا ساڭا ئەگىشىپ تەھلىل قىپ كېتىپتىمەن. مەن ..مەن ئەسلى ھېچقانداق ئالاھىدە تەسۋىر كۆرمىگەن ...» «ئەمىسە نېمىشقا بايا سۈرەت قاتۇرۇلغان ئۈچ مىنۇتتا كۆرسىتىپ بەرمەيسەن؟ » «چۈنكى ...» «چۈنكى سېنىڭ نەزىرىڭدە، سۈرەتتىكىسى سەن كۆرۈپ باقمىغان نەق مەيدان مۇسابىقىسى— فاسەي ئۇلاپ سۆزلىدى—  سەن بالوفنىڭ چىرايىنى كۆرسىتىپ بېرەلمىدىڭ، بىراق بۇ ھېچگەپ ئەمەس. چۈنكى پۈتۈن مۇسابىقە جەريانىدا ئۇنىڭ چىرايى ئېنىق تارتىلىپ باقمىغان، ھەتتا ھېچقانداق ئالاھىدە تەسۋىرىمۇ يوق. بىراق سەن ئەسلى كۆرۈلۈپ باقمىغان ئالاھىدە تەسۋىرىنى كۆرەەنلىكىڭنى ئېيتتىڭ، بىراق نەق مەيداندا كۆرسىتىپ بېرەلمىدىڭ. دېمەك بۇنىڭ ئۆزىلا سېنىڭ تەكرار قويۇلغىنىنى كۆرگەنلىكىڭنى، ھەمدە نەق مەيدان مۇسابىقىسىدە ئۇنىڭ ئالاھىدە تەسۋىرى بار دەپ ئويلاپ قالغىنىڭنى چۈشەندۈرۈپ بېرىدۇ. » جوۋ جۆ دەماللىققا ئۈندىمىدى. ئۇ فاسەينىڭ ئورىكىدن ئېھتىيات بىلەن قېچىپ يۈرۈپ، ئويلىمىغان يەردىن يەنە چۈشۈپ كەتكەنىدى. جى لىڭ گې ئۇنىڭدىن بايا ئېيتقانلىرىنىڭ يالغان ئېغىز ئىسپاتىمۇ ياكى ئەمەسلىكىنى سورىغانىدى، ئۇ بىر ئېغىز جاۋاب بەرمەي، جىم تۇرىۋالدى. فاسەي جوۋ جۆ گە ئېيتتى: «سەن توپ مۇسابىقىلىرىنى ئاز كۆرىدىكەنسەن. مۇندىن كېيىن ئەمدى ئۆزۈڭ بىلمەيدىغان نەرسىلەر بىلەن يالغان گەپ توقىما» . جى لىڭ گې بىر نۇقتىنى چۈشىنەلمەي فاسەيدىن سورىدى: «بالوف ئىككى توپ كىرگۈزگەنغۇ؟ شۇنداق تۇرۇقلۇقمۇ ئۇنى تارتمىغانما؟ » «كىم شۇنداق دەيدۇ. بىراق ھەممىسى يىراقتىن تارتىلغان كۆرۈنۈشلەر. خەق كۆرگەندە ئاساسلىقى توپنىڭ قانداق كىرگىنىگە قارايدۇ، ئادەمنىڭ چىرايىغا ئەمەس. » «توغرا ئەمەس، بالوف توپ كىرگۈزگەندىن كېيىن چوقۇم ئۇنى يالغۇز تارتىدۇ! » «ۋاي قاپاق، تارتىشنى تارتىدۇ. لېكىن ئۇ توپ كىرگۈزگىنىنىڭ خۇشلۇقىدا يەدە تىزلىنىپ، كۆينىكىنى بېشىغا چۆمكەپ ئېغىناپ يۈرسە. كىم ئۇنىڭ چىرايىنى كۆرەلەيتتى ». ئەمدىكىسى چوقۇم جوۋ جۆ دىن ئۇكۈنى شۇۋاقىتتا نىمە ئىش قىلىۋاتقىنىنى سوراش.   ئۇلارنىڭ نەزىرىدە بايا كەتكۈزۈپ قويغان جوۋ جۆ نىڭ تەپەككۇرى چوقۇم قالايمىقان، شۇڭا ئەمدىكى سوراق تېخىمۇ ئاسانغا چۈشىدۇ. جى لىڭ گې جوۋ جۆ نى نەچچە قېتىم ئېسگە قايتىشقا دەۋەت قىلسىمۇ، جوۋ جۆ بىر ئېغىز ئۈندىمەي تۇرىۋالدى. «ھەي! سەن تېخى جىنايىتىڭنى ئىقرار قىلمىدىڭ!  جىنايىتىڭگە ئىقرار بوپتۇ بولۇپ ئاندىن ئۈندىمە! »دېدى فاسەي. كىم بىكارغا جىنايىتىنى ئىقرار قىلسۇن. جوۋ جۆ دەرۋەقە ئەقىللىق، مۇنداق قىلسا ئۆزىنى قوغداپ قالالايدىغانلىقىنى بىلىدىكەن. شۇڭا جى لىڭ گې قولىغا قەلەم قەغەز ئېلىپ فاسەيگە ئىشارە قىلدى: داۋاملىق قىلىۋېتىڭ. فاسەي دەلىللىدى: «بوپتۇ، سەن گەپ قىلمايسەن. شۇنداقمۇ؟ » جوۋ جۆ يەنىلا ئۈندىمىدى. «بوپتۇ ئەمىسە. ئەگەردە بىز سېنىڭ جىنايىتىڭنىڭ بارلىقىنى ئىسپاتلىيالمىساق، ئۇنداقتا ئېرىڭگە جىنايەت تۇرغۇزىمىز» . جوۋ جۆ بېشىنى كۆتۈرۈپ سورىدى: «نېمىشقا؟ » فاسەي قولىنى پۇلاڭلىتىپ تۇرۇپ ئېيتتى: «قۇرۇق گەپ، ئۇ جىنايىتىگە ئىقرار قىلغان تۇسا! بىز قاتىلنى تاپالمىساق، جىنايىتىگە ئىقرار قىلغاننى تۇتماي كىمنى تۇتىمىز؟ ». «بىراق ئۇنىڭدا نەق مەيداندا يوقلۇق ئىسپاتى بارغۇ! » «ئەمىسە ئۇ نېمىشقا جىنايىتىنى ئىقرار قىلىدۇ؟ ئۇ سېنى قوغداش ئۈچۈن جىنايىتىنى ئىقرار قىلغان، شۇڭا ۋاقىتلىق يالغان جىنايەت ئىقرار قىلدى دەپ بېكىتكەن ئىدۇق. — دېدى فاسەي— بىراق سەن جىنايەتچى ئەمەس ئىكەنسەن. شۇڭا ئۇنىڭ سېنى قوغداپ جىنايىتىنى ئىقرار قىلىشى يوق ئىش بولىدۇ. دېمەك جىنايەتچى ئۇ بولىدۇ» جى لىڭ گې ئەزەلدىن مۇنداق سوراق قىلغاننى كۆرۈپ باقمىغان ئىدى. فاسەي ئېنىقلا چىن جوڭ يۈەننىڭ ئىقرار قىلىشىنى پوپوزا قىلىپ جوۋ جۆ نى گەپ قىلىشقا قىستاۋاتىدۇ! «سەن ....سەن ئۇنىڭ يەنە باشقا سەۋەبىنىڭ بارلىقىنى بىلەمتىڭ؟ » «مەن بىلمەيمەنغۇ، بىلمىگەچكە سەندىن ئۇنىڭغا ۋاكالىتەن ئىسپات ئېلىۋاتمامدىم. لېكىن سەن مۇنداق ئۈندىمەي تۇرىۋالساڭ، بىز قانداق قىلىمىز؟ » جوۋ جۆ بىر ئاز ئويلاندى. ئەگەر ئۇ سوراقنى قوبۇل قىلمىسا، جىنايەت ئاخىرى يولدىشى بوپتۇ قالىدۇ. ئەگەر ئۇ ئىككىلىسىگە ئاققىدەك بىرەر سەۋەپ تاپالىسا، ئۇچاغدا ئىككىلەيلەن قۇتۇلالايدۇ. شۇڭا ...بۇۋاقىتتەن پايدىلىنىپ تىركىشىپ بېقىش كېرەكمۇ؟ جوۋ جۆ فاسەينىڭ ئۆزىنىڭ پىسخىكىسىغا ھۇجۇم قىلىۋاتقىنىنى ئېنىق بىلىپ تۇرسىمۇ، يەنىلا تىركىشىش قاتارىغا كەلدى. «بولىدۇ ...»دېدى ئۇ. جى لىڭ گې خاتىرىلەشنى باشلىدى. فاسەي بىر ئاز ئويلانغاندىن كېيىن ئۇنىڭدىن سورىدى: «ئۇ شەنبە كۈنى 23:07 ئۆتكەندە سەن زادى نەدە ئىدىڭ؟ » «كەچۈرۈڭلار، مەن پەقەتلا يولدىشىمنىڭ نېمىشقا جىنايەتنى ئىقرار قىلغانلقىنىڭ سەۋەبىنىلا ئېيتىمەن. » ئۇ ھېلھەم ھىيلىگەرلىك قىلىۋاتىدۇ. ئۇنى زادى قانداق ئىقرار قىلدۇرۇش كېرەك؟ «ئۇنداقتا سەن ئۇنى جىنايىتى بار دەپ قارامسەن؟ » قارىماققا فاسەيمۇ بىرقەدەم بىر قەدىمدىن كېلىشنى توغرا تاپقان ئوخشايدۇ . جوۋ جۆ بېشىنى چايقاپ تۇرۇپ ئېيتتى «ياق» «ئۇنداقتا ئېيتىپ باقە، ئۇ نېمىشقا جىنايىتىنى ئىقرار قىلىدۇ؟ » جوۋ جۆ خاتا سۆزلەپ قېلىشىدىن ئەنسىرىدى بولغاي، يەنە بىر ئاز سۈكۈتتە تۇرغاندىن كېيىن ئېيتتى: «بەلكىم ئۇ شۇنداق ئىش قىلغاندىن كېيىن، ئۆزىنى ماڭا، بالىمىزغا ھەمدە خىزمەتداشلىرىغا يۈز كېلەلمەيدىغاندەك ھېس قىلىغاچقا، ەنى كېلىپ ھېچكىم ئۇنىڭغا تەنبىھ بېرەلمىگەچكە ...شۇڭا ئۇ ئۆزلۈكىدىن ئادەم ئۆلتۈرگەنلىكنى ئىقرار قىلىپ، كۆپچىلىكتىن ئەپۇ قىلىشىنى سورىماقچى. » ئېنىقلا جۆيلۈگەنلىك. گەرچە جى لىڭ گې ئىچىدە شۇنداق ئويلىسىمۇ، يەنىلا ئۇنىڭ سۆزلىرىنى بىر بىرلەپ خاتىرىلىدى. «ئۇنداقتا سەن ئۇنىڭ لومەن بىلەن مۇناسىۋىتىنىڭ بارلىقىنى قاچان ئۇققان؟ » «مەن ئېيتتىم— دېدى جوۋ جۆ رەددىيە بېرىپ— مەن پەقەتلا يولدىشىمنىڭ نېمىشقا جىنايىتىنى ئىقرار قىلغانلىقىنى ئېيتىمەن. » ئۆلگۈر! ئەجىبا ئۇنىڭغا فاسەيمۇ ئامال قىلالماسما؟ فاسەي بۇ چاغدا سوراق خاتىرىسىنى ئېچىپ، ھېچقانداق ئىپادىسىزلا ئۆرۈپ ئۆرۈپ كۆرىۋەتكەندىن كېيىن، ئاخىرى بىرنى ئۇھسىندى. جى لىڭ گې فاسەينىڭ ئۇھسىنىشىنى ئۇنىڭ ئامالى قالمىغانلىقى دەپ چۈشەندى. ئەمما فاسەينىڭ ئۇھسىنىشى بولسا: قارىماققا مۇشۇ ئامال قاپتۇ دە....دېگەنلىك ئىدى. «سېنىڭ مۇنداق دېيىشكىمۇ ئىسپاتىڭ يوق. بىزمۇ دەماللىققا ھەقىقى قاتىلنىڭ كىملىكىنى بېكىتىشكە ئامالسىز. سەنچە بولغاندا چىن جوڭ گۇناھسىز بولسا، ھەقىقىي جىنايەتچى كىم؟ «مەن بىلمەيمەن»ۇېۇ «ئۇ شەنبە كۈنى ئىختىيارى پائالىيەت قىلغانلار ئاز ئەمەس ئىكەن. ئۇلارنىڭ ھەممىسىنىڭ ئادەم ئۆلتۈرۈش ئېھتىماللىقى بار. بىراق سەن نېمىشقا ئۇنى باشقىلارنىڭ جىنايىتىنى ياپتى دەپ ئويلىمايسەن؟ ئەمدى...— فاسەي ئۇنىڭ كۆزىگە قاراپ تۇرۇپ سوغۇق ئاۋازدا دېدى— سەن ئۇنىڭ دەل سېنىڭ جىنايىتىڭنى يېپىۋاتقىنىنى بىلگەچكە ...» «ياق، ئۇنداق ئەمەس—  دېدى جوۋ جۆ ئەستايىدىللىق بىلەن— ئۇلارنىڭ ئادەم ئۆلتۈرۈش ئېھتىماللىقى ياكى سەۋەبى بولمىغاچقا ...شۇڭا ...يولدىشىم پەقەتلا گۇناھىنى يۇماقچى. » «مەن ساڭا ئېيتتىم، ھەقىقىي قاتىل دېگەن مەۋجۇت نەرسە. چىن جوڭ يۈەن ئۇنداق دۆت ئەمەس. ئەگەر ئۇ سەن دېگەندەك قىلماقچى بوسا، بىزگە ئۆزلىكىدىن ماسلىشىپ بەرگەن بولاتتى. ھەرگىزمۇ جىنايەتچىگە چاپان ياپمايتتى. شۇنداققۇ؟ » «بىراق، يولدىشىممۇ قاتىلنىڭ كىملىكىنى بىلمىسە ...» «ياق، ئۇ بىلىدۇ — فاسەي ئۇنىڭ سۆزىنى بۆلىۋەتتى— بۇ دۇنيادا ئۇ پەقەت ئىككىلا ئادەمنىڭ جىنايىتىگە چاپان ياپىدۇ. بىرىنچىسى سەن. لېكىن بىز سېنىڭ جىنايىتىڭنىڭ بارلىقىنى ئىسپاتلىيالمىدۇق... ئۇنداقتا ئۇ پەقەتلا يەنە بىر ئادەمگە چاپان ياپىدۇ ...» كىم؟ فاسەي نازارەت ئۆيىنى كۆرسىتىپ تۇرۇپ سۆزلىدى: «ئۇنداقتا قاتىل پەقەتلا سەن! چىن چىمىڭ! » جوۋ جۆ بىلەن جى لىڭ گې ئىككىلىسى چۆچۈپ كەتتى. ئۇنداق ئەمەستۇ؟! «مۈمكىن ئەمەس!— جوۋ جۆ ئۈستەلگە شاپاللاپ ئورنىدىن تۇرۇپ ۋارقىراپ كەتتى— مېنىڭ ...مېنىڭ بالام ...مېنىڭ بالام قانداقسىگە قاتىل بولسۇن! ئۇ ئەسلا ھېلىقى لومەن دېگەننى تونۇمايدۇ! » «ئۇنداقتا چىن جوڭ يۈەن كىمگە چاپان ياپىدۇ؟ سەن بىلەن چىن چىمىڭ دىن باشقا ھېچكىمگە ئۇنىڭ چاپان يېپىشى مۈمكىن ئەمەس! » «ياق! مەن.....ئوغلۇم ئۇكۈنى ئوينىغىلى چىقىپ كەتكەن، شۇنداققۇ؟ ئۇنىڭمۇ چوقۇم نەق مەيداندا يوقلۇق ئىسپاتى بار!  ئۇ دوستلىرى بىلەن بىللە ئىدى! » «راسمۇ؟ » «چوقۇم شۇنداق! » فاسەي تەپ تارتماستىن ئالدىدىكى سوراق خاتىرىسىنى ئاچتى. ئۈستىدە چىن چىمىڭنىڭ سۆزلىرى خاتىرىلەنگەن ئىدى: ئۇ كۈنى 22 دە ئۆيگە قايتقان. فاسەي سەت كۈلۈپ تۇرۇپ سۆزلىدى: «ئۆلگۈچىنىڭ ئۆلگەن ۋاقتى 23:07 دە. بىراق چىن چىمىڭ 22:00 دىلا ئۆيگە قايتىپ بوپتىكەن. دېمەك ئۇ ئەينى چاغدا سىرتتا ئوينىماپتىكەن جۇمۇ! » بۇ خاتىرىنى كۆرۈپ، جوۋ جۆ نىڭ يۈرىكى «قارت» قىپ قالدى. ئۇ بۇنى يەنە فاسەينىڭ ئويناۋاتقان ئوينى دەپ گۇمانلىنىپ خاتىرىنى ئۆرۈپ قارىدى. ئەمما ئويلىمىغان يەردىن ئۇنىڭ ئۈستىدە چىن چىمىڭنىڭ ئىمزاسى تۇراتتى. «چىن چىمىڭ ئۆزىنى ئەينى، چاغدا ئۆيدە دېگەن. دېمەك ئۇنىڭدا نەق مەيداندا يوقلۇق ئىسپاتى يوق!  ئۇنىڭ ئۈستىگە سەن ساياھەتكە كەتكەن. مۇنداق قىلىپ ئېيتقاندا، چىن پۇل يۈەننىڭ ئۇنىڭغا چاپان ياپقانلىقىنىڭ ئېھتىمالى تېخىمۇ چوڭ ئىكەن!— فاسەي تېخىمۇ كەسكىن قىلىپ ئېيتتى— پەقەت جوۋ جۆ گۇناھسىزلا بولىدىكەن، ئۇنداقتا چىن جوڭ يۈەن بىلەن چىن چىمىڭدىن ئىككىسىدىن بىرسى چوقۇم قاتىل! » «سەن،  سەن بىلجىرلىما!— دېدى جوۋ جۆ سوغۇق ئاۋازدا— بوپتۇ، ساڭا مەن  ئۇ كۈنى كەچتە نەگە بارغىنىمنى ئېيتىپ بېرەي» «ئوۋ؟ قېنى سۆزلە» «مەن ئۆيگە نەرسە ئالغىلى بارغان» «ھە؟! » «ئۈكۈنى كەچتە مەن سۇ ئۈزۈش كىيىمىمنى ئېلىۋېلىشنى ئۇنتۇپ قاپتىكەنمەنب، شۇنى ئالغىلى بارغان. ئەينى چاغدا ئوغلۇم ئۆيدە ئىكەنتۇق! شۇڭا، ئۇنىڭغا مەن ئىسپات بوپتۇ بېرەلەيمەن! » «سەن ئۆيۈڭگە قايتىپ، ئەتىسى يەنە دېڭىز ساھىلىغا كەتتىڭ؟ » «شۇنداق» فاسەي خاتىرىنى ئېچىپ جوۋ جۆ گە كۆرسىتىپ تۇرۇپ سورىدى: «مايەردە، چىن چىمىڭ ئېنىق قىلىپ ئېيتقان، ئۆيدە ئۇ ۆشىر يالغۇزكەن. ئۇ ئەينى چاغدا سېنى كۆرمەپتىكەن » «ئۇ چاشافىئىي ئوغلۇم ئۆيدە يۇيۇنۇۋېتىپتىكەن، شۇڭا مېنى كۆرمەپتۇ. مەن ئۇنىڭ يۇيۇنۇۋاتقان ئېنىق ۋاقتىنى ساڭا ئېيتىپ بېرەلەيمەن» «قانچىدە؟ » «23:25، مەن دۇچ ئۈزۈش كىيىمىمنى ئېلىپلا كەتكەن .بۇنىڭغا بەش مىنۇتمۇ كەتمىگەن. ئۇ يۇيۇنۇۋاتقاچقا چوقۇم مېنىڭ ئۆيگە قايتقىنىمنى بىلمەيدۇ. مېنىڭچە بولغاندا ئوغلۇم 23:07 دە ئادەم ئۆلتۈرۈپ بولۇپلا ئۆيگە  قايتىپ بىكارچىلىقتىن يۇيۇنماس؟ » «مېنىڭچىمۇ ئۇنداق ئەمەس—  دېدى فاسەي— چىن چىمىڭنى چاقىرىڭلار! » چىن چىمىڭ سوراق ئۆيىگە ئېلىپ كىرىلدى. «كۆرۈشمىگىلى نەچچە كۈن بوپتۇ، تۈزۈكرەك گەپ قىلىشىڭنى ئۈمۈد قىلىمەن» فاسەي سۆزلىگەچ ئالدىنقى قېتىملىق سوراق خاتىرىسىنى ئۇنىڭغا كۆرسەتتى. ئۇ خاتىرە ئۈستىدە مۇنۇ خەتلەر يېزىقلىق ئىدى: مەن تەپتىش بولۇشقا ئىرادە باغلىدىم. «كىچىك تەپتىش، بۇ قېتىم مېنى نائۈمىد قويماسسەن ھە؟ »دەپ سورىدى فاسەي. گەرچە بايىقى سوراق جەريانىنى كۆرگەن چىن چىمىڭ شۇنچىلىك بىئارام بوپتۇ كېتىۋاتقان بولسىمۇ، يەنىلا بېشىنى لىڭشىتتى. فاسەي سورىدى: «ئىككى ھەپتە بۇرۇنقى شەنبە كۈنى، سېنىڭ يۇيۇنغان ۋاقتىڭ؟ » چىن چىمىڭ ئۆكۈنگەن ئاۋازدا جاۋاب بەردى: «ئالدىنقى مەيدان مۇسابىقە ئاخىرلاشقاندا، مەن كىيىملىرىمنى رەتلەپ يۇيۇنغان ...شۇڭا ئالاھەزەل 23:20 دىن 23:40 غىچە  ...» مۇنداقچە ئېيتقاندا، جوۋ جۆ نىڭ ئېيتقانلىرى راست گەپ. فاسەي سورىدى: «سەن ئۆزۈڭنىڭ يۇيۇنغانلىقىڭنى ھېچكىمگە ئېيتمىغانلىقىڭنى جەزىملەشتۈرەلەمسەن؟ ». «ھەئە، جەزىملەشتۈرەلەيمەن ...ئۇنىڭ ئۈستىگە ئۇ ۋاقىتمۇ مېنىڭ كۈندىلىك يۇيۇنىدىغان ۋاقتىم ئەمەس...» بۇ گەپنى ئاڭلىغان جوۋ جۆ ئىچىدىن خۇش بوپتۇ كەتتى. بۇنداق بولغاندا چىن چىمىڭنىڭ نەق مەيداندا يوقلۇق ئىسپاتى ئانىسىنىڭ توقۇغان گېپى بولمايدۇ. ھەمدە چوقۇم ئاقىدۇ. «ئاڭلىغانسەن؟— دېدى جوۋ جۆ مەغرۇرلانغان ھالدا— مېنىڭ ئۆيگە قايتقىنىم، ئوغلۇمنىڭ يۇيۇنۇۋاتقىنىنى كۆرگىنىم ئەمەلىيەتكە ئۇيغۇن بولامدىكەن؟  » «بولىدۇ» فاسەي جى لىڭ گې غا خاتىرىلەتكۈزدى. بولىدۇ؟ جى لىڭ گې ئويلىدى، بۇيەردىكى تۈگۈنمۇ بەك كۆپ بوپتۇ كەتتىمۇ قانداق؟ فاسەي نېمىشقا ئۇلاپ سورىمايدۇ؟! بىراق، جوۋ جۆنىڭ چىن چىمىڭنىڭ ئۆيدە يۇيۇنغان ۋاقتىنى ئېنىق ئېيتىپ بېرەلىشىىگە قارىغاندا ...ئۇ راستتىنلا ئۆيىگە قايتقان؟ «بۇ راست— فاسەي جى لىڭ گې غا مۇشۇنداق ئېيتقاندىن  كېيىن، ىن چىمىڭغا قاراپ ئەستايىدىللىق بىلەن ئېيتتى— ئۇكۈنى كەچتە، ئاناڭنىڭ سەن ئۆيدە يۇيۇنىۋاتقىنىدا كەلگەنلىكىنى سەن بىلمەمسەن؟ » چىن چىمىڭ بىرئاز ئەسلىگەندىن كېيىن ئېيتتى: «ياق، ئۇقمايمەن» «راست ئۇقمامسەن؟ » بۇچاغدا، فاسەي چىن چىمىڭنىڭ كۆزلىرىگە تىكىلىپ قاراپ تۇردى. ئۇنىڭ ئۇ قاراشلىرى خۇددى چىن چىمىڭغا: سەن دېگەن كەلگۈسىدىكى تەپتىش جۇمۇ، كاللاڭنى ئىشلىتىپ يەنىمۇ بەكرەك ئويلاپ باق!  دەۋاتاتتى. كەلگۈسىدىكى تەپتىش؟ ياخشىراق ئويلا؟ بۇ چاغدا فاسەينىڭ ئەينى چاغدا قىلغان سۆزى ئۇنىڭ قۇلاق تۈۋىدە ياڭرىدى—— ئەگەر يەنە كۆڭلۈڭنىڭ كەينىگە كىرىپ ئىش قىلىدىغان بولساڭ، تەپتىش بولىمەن دەپ خام خىيال قىلما! ئەجەبا.... تۇيۇقسىز، چىن چىمىڭ فاسەينىڭ مەقسىدىنى چۈشەنگەندەك بولدى. ئۇنىڭ بايىقى روھسىز كاللىسى سەگىگەندەكلا بولدى. ئۇ دېدى: «ئۇ كۈنى...» فاسەي ئۈمۈد بىلەن ئۇنىڭغا قاراپ تۇرماقتا ئىدى: قانداق بولدى؟ «ئۇكۈنى ...مەن ئانامنىڭ...ئۆيگە قايتقان....ئىزناسىنى بايقىغان  ئىدىم. » «راس دەپتىمەنمۇ؟ —  دېدى جوۋ جۆ—  مەن ئۆيگە قايتقان. ». ئەمما فاسەي ئۇنىڭغا ئازراقمۇ پەرۋا قىپ قويماي، چىن چىمىڭدىن ئۇلاپ سورىدى: «قانداق ئىزناسىنى؟ » چىن چىمىڭ ئېيتتى: «مەن يۇيۇنۇپ بولۇپ ...ئۆي ئىچىنىڭ قالايمىقان بوپ كەتكىنىنى بايقىدىم...شۇڭا، كىيىملىرىمنى كىيىپ، ئۆينى بىرقۇر تەكشۈرۈپ چىقتىم ... ئۆيدىن ...» نېمە بايقالغان؟! «ئۆيدىن بىر سۇ ئۈزۈش كىيىمىنىڭ يوقلىقىنى بايقىدى» دېدى جوۋ جۆ ئۇنىڭ گېپىنى ئۇلاپ. چىن چىمىڭ ئىنكار قىلدى: «ياق، مەن ئۆيدىن ...بىر تېلفون بىلەن زەرەتلىگۈچ بايقىدىم. » ئۇ ...ئۇ دېگەن ئۆلگۈچىنىڭ تېلفونى بىلەن زەرەتلىگۈچىسىغۇ! جوۋ جۆ نىڭ چىرايى بىردەمدە ئۆڭۈپ كەتتى. فاسەي پۇرسەتنى قولدىن بەرمەي دەرھال سورىدى: «جوۋ جۆ، سەن ئەينى چاغدا ئۆيگە نېمە قىلغىلى قايتقان ئىدىڭ؟ ئەسلى سەن ئادەم ئۆلتۈرۈپ، ئۆلگۈچىنىڭ تېلفونىنى ئېلىپ، قانداق قان تال قىلىشىڭنى دەماللىققا بىلەلمەي، نەگە قويساڭ ساقچىلار تەرىپىدىن بايقىلىپ قېلىشىدىن ئەنسىرەپ، ئۆيۈڭگە تىقىپ قويدۇڭ، شۇنداقمۇ؟! » «ياق، ئۇنداق ئەمەس!— دېدى جوۋ جۆ دەرھال— ئۇ ...ئۇ چوقۇم مېنىڭ تېلفونۇم بىلەن زەرەتلىگۈچۈم! مەن ئېھتىياتسىزلىقتىن ئېلىۋېلىشنى ئۇنتۇپ قاپتىمەن! » «سېنىڭ تېلفونۇڭنى بالاڭ تونۇيالماسما؟ » «ئۇ، ئۇنى مەن يېڭىدىن سېتىۋالغان! » «نېمە تىپلىق؟ » «Demen5002 !» «بۇ تىپ ...ئەجەپل توغرا كەپ قاپتىغۇ ...» «مۇشۇنداق توغرا كەپ قالدى شۇ  مەن ئۇ لومەن بىلەن ئوخشاش تېلفون ئالسام نېمە بوپتۇ؟! » جى لىڭ گې بىلەن فاسەي ئۇنىڭغا ئوخشاشلا قاراپ تۇرۇپ قالدى. ھېچكىم بىر ئېغىز ئۈندىمىدى. جوۋ جۆ تېخىچە نېمە بولغىنىنى بىلەلمەيۋاتاتتى: «نېمە جاۋابىمدىن رازى ئەمەسما؟ بۇ مۇشۇنداق توغرا كەپ قېلىش! » فاسەي بىرنى ئۇلۇغ تىنغاندىن كېيىن ئېغىز ئاچتى: «كەچۈرگىن، سەن چېنىپ قالدىڭ» جوۋ جۆ نىڭ بەدىنى تىتىرەپ كەتتى. چېنىپ قالدى؟ نەدە چاندى؟ فاسەي ئېيتتى: «ساڭا ھېچكىم لومەننىڭ تېلفونىنىڭ تىپىنىڭ Demen5002 ئىكەنلىكىنى ئېيتىپ بەرمىگەن بولغىيتتى. » «بۇ...» «سەن باشتا ئېيتقان، سەن ئۆلگۈچىنى تونۇمايسەن. ئۇنداقتا سەن قانداق قىلىپ ئۆلگۈچىنىڭ تېلفونىنىڭ Demen5002 تىپلىق ئىكەنلىكىنى بىلەلىدىڭ؟ » جوۋ جۆ ئۈندىمىدى. «چۈنكى سەن ئۇنىڭ ئۆيىگە بېرىپ ئۇنى ئۆلتۈرىۋېتىپ، ئاندىن يەنە تېخى ئۇنىڭ تېلفونىنىمۇ ئېلىپ كەتتىڭ  .شۇڭا سەن ۇنىڭ تېلفونىنىڭ تىپىنى ئۇقىسەن. » ئەمەلىيەتتە راستلا شۇنداق. ۋاقىتلىق ھېسسىياتىنى كونترول قىلالماي دەپ سالغان سۆزى ...ئۇنىڭ جىنايىتىنى ئىقرار قىلغىنى بىلەن باراۋەر بولدى. ئۇ بىرنى ئۇھسىنىپ قويدى ۋە ئويلىدى،ھەممىنى ئىقرار قىلاي بولدى. مۇنداق قىلغاندا يولدىشىمنىڭ بولسىمۇ ساقلاپ قالالايمەن. سوراق، ئاخىرى ئاخىرلاشتى. جوۋ جۆ چىنچىمىڭدىن سورىدى: «سەن يۇيۇنۇپ بولغاندىن كېيىن ئۇ تېلفون بىلەن زەرەتلىگۈچنى قانداق تاپتىڭ؟ » ئۇ ئەينى چاغدا تېلفوننى بەكلا چوڭقۇر تىقىۋەتكەنىدى.ئەمما ئوغلىنىڭ بايقاپ قېلىشىنى ئويلاپمۇ باقمىغان ئىدى. چىن چىمىڭ جايىدا قېتىپلا ئولتۇراتتى. «ئانا،سىز نېمىشقا ...— ئۇ بېشىنى چايقاپ، كۆزلىرىنى قىزارتقان ھالدا(ياش سەۋەبىدىن جۇمۇ)  ئېيتتى— مېنى كەچۈرۈڭ...مەن ئۇكۈنى مۇسابىقە كۆرۈش بىلەنلا بوپ كەتكەنىدىم. ئەمەلىيەتتە مەن....ئەسلا ېچقانداق تېلفون ياكى زەرەتلىگۈچ كۆرمىگەن ..» نېمە؟! جى لىڭ گې يەنە بىر قېتىم چۆچۈپ كەتتى. چىن چىمىڭ ئۇ...نېمە ئسپات بېرىۋاتىدۇ؟! ئۇ فاسەيگە بىرنى قاراپ قويدى. فاسەينىڭ بۇ چاغدىكى مۇغەمبەرلەرچە كۈلگەن كۈلكىسى ئۇنىڭغا ئېنىق جاۋاب بەردى. چىن چىمىڭ ئۇ...ئورا كولىغان. كىچىك تەپتىش سالاھىيىتىدىكى ئۇ ئانىسىنىڭ قاتىل ئىكەنلىكىنى ئاللىبۇرۇن بىلىپ يەتكەن. لېكىن  يەنە كۆڭۈلنىڭ كەينىگە قايتا كىرمەسلىك ئۈچۈن،  ھەقىقەت ئۈچۈن، فاسەي ئويلىغاندەك  قىلدى. ھېچكىم مۇنداق بولىشىنى ئويلىمىغان دە. چىن چىمىڭنىڭ ئورا كولىغان ھەقىقىي قاتىلى—— ئۆز ئانىسى بولدى. «ئەسكى بالا، ساڭا كىچىكىڭدىن تارتىپ يالغان گەپ قىلماسلىق توغرىسىدا  تەربىيە قىلاتتىمغۇ؟ »دېدى جوۋ جۆ ئۇنىڭغا مېھىر بىلەن. چىن چىمىڭنىڭ كۆزياشلىرى مەڭزىدىن سىرغىپ چۈشتى. ئەمما بۇ چاغدا فاسەي ئېغىز ئاچتى: «بولدى، بىزنىڭ كىچىك تەپتىشىمىز، بىردەم يىغلىماي تۇر. مەن قانۇن چۈشەنمەيمەن ، شۇڭا سەندىن سوراي: ئېيتە، ئاناڭنى نېمە جىنايەت ئۆتكۈزدى؟ » جى لىڭ گې نىڭ ئوغىسى قاينىدى: مۇشۇ گەپنىمۇ كىچىك بالىدىن سورىغان بارمۇ؟ بىراق فاسەي ئۇنىڭدىن سوراپ تۇرىۋالدى. چىن چىمىڭ چىشىنى چىشلەپ تۇرۇپ دېدى: «قەستلەپ ئادەم ئۆلتۈرۈش جىنايىتى» «ئۇنداقتا داداڭچۇ؟ » چىن چىمىڭنىڭ ئۇ تىتىرەپ چىققان ئاۋازىنى ئاڭلىغان جى لىڭ گې نىڭ فاسەينىڭ ئاغزىنى يۇمدۇرغۇسى كەلدى. بىراق فاسەي ۋارقىراپ سورىدى: «نېمە جىنايەت؟! » «جىنايەتچىنى يوشۇرغانلىق جىنايىتى ...» فاسەي ئورنىدىن تۇرۇپ چىن چىمىڭغا ئەستايىدىللىق بىلەن ئېيتتى:«مەن ئىشىنىمەن. سەن چوقۇم بىر ياراملىق تەپتىش بولالايسەن.» دېلو ئاخىرى ئاخىرلاشتى. بىر مەزگىلدىن كېيىن فاسەي جى لىڭ گې نىڭ ئىشخانىسىغا پۇل ئالغىلى باردى. جى لىڭ گې ئېيتتى: «سىزنىڭ ھېساباتىڭىزغا ئۇرۇپ بېرەي» . ئاندىن ئۇنىڭدىن بانكا ھېسابات نومۇرىنى سورىدى. كۆڭلىدە ئويلايتتى،ئەمدىغۇ ئۇنىڭ ئەسلى ئىسمىنى بىلەلەمەن. فاسەي ئۇنىڭغا بىر ھېسابات نومۇرى بىلەن بىر قىزنىڭ ئىسمىنى ئېيتىپ بەردى. «بۇ قانداقسىگە سىزنىڭ ئىسمىڭىز بولسۇن؟ »دەپ سورىدى جى لىڭ گې. «بۇ سىڭلىمنىڭ ھېسابات نومۇرى  » «نېمانداق ئىسمىڭىزنىمۇ مەخپىي تۇتىسىز؟ نېمىشقا سىڭلىڭىزنىڭكىەە ئۇرۇپ بەرگىدەكمەن؟ » فاسەي ئىشخانىنىڭ تېمىغا يۆلىنىپ،  تاماكا چىشلەپ تۇرۇپ سۆزلىدى: «مەن پۇل تېپىپ، سىڭلىمنىڭ ئوقۇش پۇلىنى تۆلەۋاتىمەن» جى لىڭ گې ھەيران قالدى. فاسەينىڭ ئاكا بولمىقى نېمانچە مۈشكۈل؟ ئاتا - ئانىسىنىڭ كارى يوقما؟ فاسەي بېشىنى لىڭشىتتى. ئونب مىڭ يۈەن، ھېلىمۇ مىڭخەي ئىنىستىتۇتىنىڭ ئىككى مەۋسۇملۇق ئوقۇش ھەققىگە يېتىدۇ. فاسەي كەينىگە بۇرۇلۇپ كەتمەكچى بولغاندا جى لىڭ گې ئۇنىڭدىن سورىدى: «سىز سوتنىڭ چىن جوڭ يۈەن ئەر ئايالغا قانداق يەكۈن چىقارغانلىقىنى بىلەمسىز؟ » «ياق» «ئۇلارنىڭ تەكلىپ قىلغان ئادوۋكاتى يامان ئەمەس ئىكەنتۇق. ئىككىسىنىڭ جىنايىتى يەڭگىللىتىلدى. شۇڭا چىن چىمىڭمۇ ئۇنداق بىچارە بول قالمىدى. » «ئوۋ؟ سىز مېنى بېرىپ ئۇ ئادوۋكاتنى جايلاڭ دېمەكچىمۇ؟ » «چاقچاق قىلىۋاتامسىز— دېدى جى لىڭ  گې— كېلەر قېتىم يەنە پېشكەللىككە يولۇقسام سىزنى يەنە ياردەمگە چاقىرتىمەن. فاسەينىڭ كېتىشىگە بىر سائەت بولماستا، بىرەيلەن جى لىڭ گې نى ئىزلەپ كەلدى. ئۇ دەل چىن چىمىڭ ئىدى. ئۇ قەتئىي نىيەتتە دېدى: «مەن بۇيەردە پىراكتىكا قىلىمەن! » «ھە؟ »جى لىڭ گې ئۇنىڭغا بۇ يەردە پىراكتىكا ئورڭنلاشتۇرمايدىغانلىقىنى ئېيتتى ۋە ئۇنىڭدىن سورىدى، پىراكتىكا قىلماقچى بولسا نېمىشقا تەپتىش مەھكىمىسىگە  (جىيەن چا  يۈەن) بارمايدىغانلىقىنى سورىدى. «مەن....مەن ھېلىقى ئادەمنى ئىزلەيمەن!—  ئۇ سۆزلىگەچ ئىشارە قىلىشقا چۈشتى— ھېلىقى ....چېچى غەلىتە ئادەمنى،ئۇنىڭ ئىسمىنىڭ نېمىلىكىنى بىلمەيمەن. » جى لىڭ گې ئۇنىڭ دەۋاتقىنىنىڭ فاسەي ئىكەنلىكىنى بىىلدى. شۇڭا ئىچى سىقىغان ھالدا ئېيتتى: «سەن ئۇنىڭ بىلەن پىراكتىكا قىلساڭ ھەرگىز بولمايدۇ. ئۇ يە ساقچى بولمىسا» «ئۇ ساقچى ئەمەسما؟! »چىن چىمىڭ خۇددى ئىمتىھاندىن ئۆتەلمىگەنلىك خەۋىرىدىنمۇ ئۆتە شۇم خەۋەر ئاڭلىغاندەك ھەيران قالدى. ئۇ ساقچى بولمىسا كىمگە ئەگىشىش كېرەك؟ «بولدى ماڭىلا ئەگەشكىن» دېدى جى لىڭ  گې  . ئۇ ئويلايتتى، ساقچى ئىدارىسى پىراكتىكا ئورۇنلاشتۇرمىسىمۇ، ئۆزىگە ئۆزى غوجا بولۇپ بىرەر ئوقۇغۇچىنى ئەگەشتۈرىۋالسا نەرى يامان؟ ئىشقىلىپ چىن چىمىڭنىڭمۇ خېلى يوشۇرۇن تالانتى باركەنغۇ. چىن چىمىڭ ئېيتتى، ئۇنىڭ ئەسلى فاسەينىڭ ئورا كولاش تاكتىكىسىنى ئۆگەنگۈسى بار. كېيىن سوتقا چىققاندا ئۇ ئادوۋكاتلارنى ، جىنايەتچىلەرنى بىر بىرلەپ ئورىغان تاشلاپ ئۆلتۈرسە ، قانچىلىك ئاقسا بوپتۇ كېتەر... «ئاناڭ ئېيتمىدىمۇ؟ ياخشى بالا دېگەن يالغان گەپ قىلمايدۇ. » «ياق، ياق، مەن ئۆز بېشىمدىن كەچۈرۈپ باقتىم. ھەمدە تېخى سىلەرنىڭ سوراق خاتىرەڭلانى قايتا قايتىلىپ كۆرۈپ چىقتىم ۋە ئاخىر تونۇپ يەتتىم... » «نېمىنى تونۇپ يەتتىڭ؟ » «يالغان گەپنى ياخشى دېيەلىسە ، بىر ئىنتايىن يامان قورالغا ئايلىنىدىكەن »دېدې چىن چىمىڭ باش بارمىقىنى چىقىرىپ، زور سالاپەت بىلەن.

xamal1124

	بىنادىن تاشلىنىش دېلوسى تولۇق ئاخىرلاشتى. ئەمدى قالدىسىنى يازلىق تەتىلدە ھوزۇرۇڭلارغا سۇنىمەن . ئەمىسە ۋاقىتلىق خوش دەيدىغان ۋاقتىم بوپ قالدى مۇنبەرداشلار، مەن ئالىي مەكتەپ ئىمتىھان تەييارلىقىغا يۈرۈپ كەتتىم ...

xamal1124

	تېلفوندا ئالدىراپ ئۇرغاچقا ئىملا خاتالىقلىرىدىن خالىي بولالمىدىم .ئەپۇ قىلارسىلە ھە .

yamgurlukk

	ياخشى يازمىدىن بەھەرلەندۈرگىنىڭىزگە تەشەككۈر ،،مەن ئالدىرماي ئوقۇي...باشتىكى قىسىملىرىنىمۇ شۇنداق ياقتۇرغاندىم،،بەك ئۇزاپ كەتمەي پات پات مۇنبەرنى يوقلاپ تۇراسىز

turpani004

	سەل ئۇزۇنراق ئىكەن، بېكار بولغاندا ئالدىرىماي ئوقۇي!

xamal1124

	yamgurlukk يوللىغان ۋاقتى  2014-3-29 09:51 PM ياخشى يازمىدىن بەھەرلەندۈرگىنىڭىزگە تەشەككۈر ،،مەن ئ ... ياقتۇرغىنىڭىزدىن خۇشالمەن. مۇنبەرنى يوقلايمەن .لېكىن قېتىم سانىنى ئازلىتىمەن دە....

Sersansoul

	ياخشى يېزلىپتۇ!

hiyalim1234

	رەھمەت تېما ئىگىسى ئېچىپلا مۇشۇ تېمىنى ئوقۇدۇم ،    ئىشلىرڭىزغا  ئۇتۇقلۇق بولغاي ، تەتىلگىچە ساقلاي ئەمدى ، سالامەت بولساملا ، ياخشى ئەسەرلەرنى يوللاپ تۇرۇڭ ۋاقىت يار بەرسە

xamal1124

	turpani004 يوللىغان ۋاقتى  2014-3-29 09:56 PM سەل ئۇزۇنراق ئىكەن، بېكار بولغاندا ئالدىرىماي ئوقۇي! شۇڭا ئادەتتە ئىككىگە بۆلۈپ يازىدىغاننى بىراقلا يېزىۋەتتىم.

گۆزەل

	ئالىي مەكتەپ ئىمتاھانىغا ياخشى تەييارلىق قىلىڭ . سىزگە ئامەت تىلەيمەن.