ھەققانىي: ئېرىڭ ئۆيدە تۇرامدۇ؟

akkani

	ئېرىڭ ئۆيدە تۇرامدۇ؟ ( ئەزىز نىياز پاسىلنىڭ « خۇتۇن ئۆيدە تۇرامدۇ» ناملىق شېئىرىغا تەقلىت قىلىپ يېزىلدى) ئاپتۇرى: ئابدۇۋەلى راخمان ھەققانىي *** توك كەلمىسە مەنبەدىن لامپا يۇرۇق يانامدۇ؟ ئوت كۆيمىسە پولاغا ئاشپەز گۈرۈچ سالامدۇ؟ ئىللىق چىراي بولمىساڭ ساڭا بىركىم قارامدۇ؟ تەلەتى مۇز خوتۇنلار ئەرلىرىگە يارامدۇ؟ خۇشچىراي گۈل بولمىساڭ ئېرىڭ ئۆيدە تۇرامدۇ؟ *** نىمە ساڭا ھال-سۆلەت،ئاسماندا ئاي بولمىساڭ، ئېرىڭ كەلسە ئەمگەكتىن بىر چىنە چاي قۇيمىساڭ، قاتتىق ناننى ئەپ قويۇپ قاتار چايدا ئوينىساڭ، كۈندە ئۈچ ۋاخ يەڭگۈشلەپ يا كىيىمگە تويمىساڭ، كۆڭلى رەنجىپ،دەرت تارتىپ ئېرىڭ ئۆيدە تۇرامدۇ؟ *** ئېرىڭ ئىشلەپ پۇل تاپتى مىڭ مۇشاققەت-جاپادا، ھېرىپ كەلسە دوق قىلدىڭ يېتىۋېلىپ ساپادا، ئەسلى كەمتۈك ئىكەنسەن سۆيگۈ،مېھرى-ۋاپادا، گىرىمىڭگە ئۈچ مىڭ كوي كېتەر ئىكەن ھەر ئايدا، سەن بەدخەشتىن يالتىيىپ ئېرىڭ ئۆيدە تۇرامدۇ؟ *** كەلسە ئەگەر تۇققۇنۇڭ كۈن ئارىلاپ ئۆيۈڭگە، ئاپتاپ بولۇپ ئېچىلىپ باشلاپ تۇرساڭ تۆرۈڭگە، سەت كۆرۈندى ئېرىڭنىڭ تۇققانلىرى كۆزۈڭگە، ئۇلار كەلسە مابادا زەھەر تەپتى يۈزۈڭگە، بۇ تەڭسىزلىك دەستىدىن ئېرىڭ ئۆيدە تۇرامدۇ؟ *** ئەلپازىڭدىن ئەنسىرەپ ئاغىينىسى-دوستلىرى، كېلەلمىسە ئۆيۈڭگە،ئۇ بارمىسا كەچلىرى، ھەر چاغ سىنىڭ ئالدىڭدا يا ئۆتمىسە گەپلىرى، مۇنداق ئۆيدىن ئۆچمەمدۇ مۇھەببەتنىڭ ئوتلىرى، زورلاپ تاڭساڭ جېدەلنى ئېرىڭ ئۆيدە تۇرامدۇ؟ *** ئۇنىڭ تاپقان پۇلىنىڭ ھىساۋىنى قىپ تۇرساڭ، كەم كۆرۈنسە ئون بەش كوي چۇقان-سۈرەن سېپ تۇرساڭ، سەن ئۆزۈڭگە ھىساپ يوق نوركا پەلتو ئېپ تۇرساڭ، « خەقنىڭ ئېرى قانداق ئەر،جىق-جىق پۇل تاپ!» دەپ تۇرساڭ، ئاغرىپ قۇلاق-مېڭىسى ئېرىڭ ئۆيدە تۇرامدۇ؟ *** ھېچبىر ئارام بەرمىسەڭ سېغىزخاندەك شاراقلاپ، ھەممە ئىشقا كوتۇلداپ باش ئاغرىتساڭ ۋالاقلاپ، كەتسەڭ تېخى بەزىدە بىشەملەرچە سوراقلاپ، كۆڭلى سوۋۇپ ماجرادىن كەتمەمدۇ ئۇ يىراقلاپ، خاتىرجەملىك بولمىسا ئېرىڭ ئۆيدە تۇرامدۇ؟ *** ياۋاش ئەرنىڭ يۈزىنى نەچچە نۆۋەت مورلۇدۇڭ، ئەل-ئاغىنە ئالدىدا ئابرويىنى قويمۇدۇڭ، جېدەل تېرىپ ھەمىشە بۇ تۇرمۇشتىن تويمۇدۇڭ، ئايال ئىللىق بولاتتى،سەنچۇ، ئۇنداق بولمۇدۇڭ، تەمكىنلىكنىڭ چىكى بار،ئېرىڭ ئۆيدە تۇرامدۇ؟ ***

abugazi123

	ئەر ھەققىنى بىلمىسەڭ ياكى گېپىنى يېمىسەڭ، شۇ ئېرىڭنى ھۆرمەتلەپ ئاھ جەننىتىم دېمىسەڭ. قانداق ئايال سەن ئۆزۈڭ ئەر قەدرىنى بىلمىسەڭ، مۇھەببەتنىڭ بابىدا ئېرىڭ بىلەن يۈرمىسەڭ. ئېيتقىن زادى ئەي ئايال ئېرىڭ ئۆيدە تۇرامدۇ ؟ ئەگىشىپ قويدۇم مۇخەممەس يېزىپ باقمىغان . ھەققانىكا ئاللاھ رەھمەت قىلسۇن . سىزنىڭ كىنى كۆرەپ يۈرۈپ يىتىشىپ قالغۇدەكمىز جۇما ھى ھى

amanturk

	ھاھاھھھھھھھھھھ  ا   .ئەجەپ كەلتۈرۈپسىز.بەك ئېسىل چىقىپتۇ.    تەكلىۋىم:بەدخەش نى بەدخەج،مابادا نى مۇبادا.  ئون بەش كوي  نى  بەش ئون كوي  غا ئۆزگەرتىپ  قويسىڭىز تېخىمۇ بەلەن بولامىكىن دەيمەن.

قۇمۇش

	بۇ بەك ياخشى تەسۋىرلەش بوپتۇ! بەزى ئاياللار تەربىيە ئالسا بولاتتى؟؟ قەلىمىڭىزگە كۆز تەگمىسۇن!

akkani

	amanturk يوللىغان ۋاقتى  2014-3-29 12:21 PM ھاھاھھھھھھھھھھ  ا   .ئەجەپ كەلتۈرۈپسىز.بەك ئېسىل چىقىپت ... ئىلھام بەرگىنىڭىزگە رەھمەت.مەسلىھەتلىرىڭىزنى دۇرۇس كۆردۈم.تەھرىرلەي دىسەم مۇمكىن بولمىدى.

篮球美女

	كارامەت كەپ قوياپتۇ ، كۈلۈپ يېتۋالدىم دىسە غۇلجۇلۇقنىڭ كارامەت شئىرلىرىدىن ھوزۇر ئالدۇق مانا

masrura

	abugazi123 يوللىغان ۋاقتى  2014-3-29 12:16 PM ئەر ھەققىنى بىلمىسەڭ ياكى گېپىنى يېمىسەڭ، شۇ ئېرىڭنى ھ ... ‏سىزنىڭمۇ ئىنتايىن ياخشى چىقىپتۇ،‏تىرىشسىڭىز سىزمۇ شائىر بولۇپ قالغۇدەكسىز،ئىنشائاللاھ.

masrura

	‏بەك ياخشى يېزىپسىز،تىل ئىشلىتىشىڭىز ئۆزگىچە،تۇراق ،قاپىيەلەر شۇنداق ماسلاشقان،كۆز تەگمىسۇن،ئىلھاملىرىڭىزدىن دائىم بەھىرلەندۈرۈپ تۇرغايسىز،رەھمەت.

sabirjan

	ماۋۇ شېئىرنى خوشنامغا ئوقۇپ بەرسەم بولامدۇ نېمە؟ ئايالىنىڭ توي-چايغا ئامراقلىقىدىن. ئابرۇيپەرەسلىكىدىن كۈندە جىدەل.

hanam

	شىئىېرلىرىڭىز بەك ياخشى قاپىيەلشىپتۇ   ئەمما  سەل بىرتەرەپلىمە يۇزەكى بۇلوپ قاپتۇ .. ئۇنداق يۇمشاقباش ئەرلىرىمىز كوپ  ئەمەس ناھايتى ئاز بىر سانىلا ئىگىلەمىكىن، يۇۋاشنىڭ مۇگۇزى ئىچىدە دىگەندەكچۇ  ،قاراشدىن مۇلايىم كۇرۇنگەن ئەرلىرىمىز ۋاقتى كەلسە ئايالىرىنى چىمدىپ ئۇلتۇردىكەن ئەمەسمۇ ؟ ئەرلەرمۇ قىلىشمايدۇ  ...   بىر ئائىلىدە ئەر ئەردەك ئايال ئايالدەك بۇلغان ئائىلىگە بەخىت قۇچاق ئاچماي قالمايدۇ