ئادەمدە نېمە ئۈچۈن قورقۇنۇچ پەيدا بۇلىدۇ؟

hujayin1

	ئەسسالاممۇئەلەيكۇم؟ گەپنىڭ پوسكاللىسىنىلا قىلاي. مەن تۇلۇقسىزنى پۈتتۈرۈپ كەسىپ ئۆگۈنۈش ھەلەكچىلىكىدە، شەھەردە 5 يىلدەك تۇرۇپ يېقىندا يۇرتۇمغا قايتىپ كەلدىم، كەلگىلىمۇ يېرىم يىل بوپ قاپتۇ. 4 ئايدەك بوپ قالدى يېزا بازىرىدا تىجارەت قىلىمەن، ھەركۈنى كەشتە 9 يېرىم  10لار ئەتراپىدا دوكاننى تاقاپ  3 چاقلىق توكسىكلىتىم بىلەن ئۆيگە قايتىمەن. ئۆيۈم بىلەن بازارنىڭ ئارلىقى 5 كىلومىتىر كىلىدۇ. يولنىڭ ئىككى تەرەپىدە  قۇيۇق، بۆك  باراقسان تىرەكلىك يولغا سايە تاشلاپ تۇرىدۇ. ئۆيگە 1كىلومىتىر يول قالغاندا يول ياقىسىدىلا كۆلىمى چوڭراق بىر قەبرىستانلىق بار، بورۇنقى كونا قەبرىستانلىق ئىكەن، چوڭلاردىن ئاڭلىسام ئۇلۇغلىرىمىزنىڭ قەبرىسى ئىكەن. شۇ يەردىن ئۆتكەندە شۇنچىلىك قورقۇنىچ باسىدۇ، تىنىم شۈركىنىپ، بەكلا سۈر بېسىۋالىدۇ، شۇ قەبرىستانلىقنىڭ يېنىدىن ئۆتكەندە ئارقامىن بىرسى قوغلاپ كەلگەندەك بۇلۇپ بەك ئالاقىزادە بۇلۇپ كىتىمەن. بىر قېتىم خۇددى ئارقامدىن جىن - شاياتۇنلار قوغلاپ كەلگەندەك تۇيغۇدا بوپ قېلىپ قورقۇنۇش ئىچىدە ئارقامغا قاراپ مېڭىپ يول بۇيىدىكى ئۆستەڭگە چۈشۈپ كەتكىلى تاسلا قالدىم. ئۆيىمىزگىمۇ چوڭ يولنىڭ بۇيىدىكى بىر تار  كوچىدىن كىرىمىز، كوچىنىڭ ئۇزۇنلىقى 100مىتىردەك كىلىدۇ، ئىككى  كوچىنىڭ ئىككى تەرەپىدە قاپاق تېرەك، سۇۋادان، ئاكاتسىيە  دەرەخلىرى بار بولۇپ كوچىنى خۇددى تال بارىڭىدەكلا يېپىۋالغان  بەكلا سۈرلۈك، ھەم شۇنچىلىك قاراڭغۇ. شۇ يەردىنمۇ ئۆزۈم يالغۇز مېڭىشتىن بەكلا قورقىمەن. جىن - ئالۋاستىلار تەسۋىرلەنگەن فىلىملارنى كۆپ كۆرۈپ كەتكەنلىكتىنمۇ قانداق قاراڭغۇ يولدا ماڭسام شۇلار كۆز ئالدىمغا كىلىۋېلىپ مىنى بەكلا سۈر باسىدۇ، كىچىسى ھاجەتكە چىقساممۇ سىڭلىمنى ئەگەشتۈرۋالىمەن، سىڭلىم چېغىدا ھاجەتكە ئۆزى يالغۇز چىقالايدۇ بولمىسا. بۇرۇن چوڭلارنىڭ ئېغىزىدىن مەن مەھەللە دوقمىشىدا بىر جىننى كۆردۈم، ئاجايىپ بەتبەشىرە نىمىكەن، جىنلار كىچىسى ئاسماندىن يەر يۈزىگە چۈشەرمىش دىگەندەك گەپلەرنى كۆپ ئاڭلىغاچقىمۇ ، بۇ گەپلەر مىنىڭ قورقۇنچامنى تېخىمۇ ئاشۇرۋېتىدۇ. تورداشلار ماڭا مۇشۇ توغۇرلۇق پىسخىك مەسلەھەت بەرگەن بولساڭلار. رەخمەت..

yamgurlukk

	مىنىڭچە قورقۇنىچ ئاۋال كاللىدا پەيدا بولۇپ ئاندىن ئومۇمى بەدەنگە تارىشى مۇمكىن،،بىز كاللىمىزدا قانچە ئويلىغانسىرى ئادەمنى شۈنچە قورقۇنىچ باسىدۇ

nurjahan0997

	بەندە پەقەت ئاللاھتىنلا قورقىدۇ دەپ كاپشىپ كەتكىنىمىز بىلەن ۋاقتى كەلگەندە ئانچىكى بىر ئىشلاردىن ھەتتكى چۈمۈلىدەك نەرسىلەردىنمۇ قورقۇپ ئۈلگۈرىدىكەنمىز قېرىندىشىم،قورقۇپ كەتمەڭ،چۈنكى قورققان يەردە جىن بار،ئۆزىڭىزنى جانابى ئاللاغا تاپشۇرۇپ ئايىتەلكۇرسىنى ئوقۇپ مېڭىڭ،ئاللاھ پاناھىدا ساقلايدۇ.....

hujayin1

	nurjahan0997 يوللىغان ۋاقتى  2014-3-28 08:32 PM بەندە پەقەت ئاللاھتىنلا قورقىدۇ دەپ كاپشىپ كەتكىنىمىز ... بۇۇن ئۇزۇن مەزگىل شەھەردە تۇرغاچقا يېزا مۇھىتىغا تىزلا ماسلىشىپ كىتەلمىدىم،تىگى-تەكتىمغۇ سەھرادىن بولمىسا...بۇرۇن شەھەردە خىزمەت ئورنۇمدىن تارتىپ ياتاقنىڭ ئىشكى ئالدىغىچە كوچا چىرىغى بار ئىدى،يولار شۇنچىلىك يۇرۇق،تەڭ كىچىلەردىمۇ يالغۇز مېڭىپ قورقۇش ئۇياقتا تۇرسۇن خىيال سۈرۈپ كىتەتتىم،ئوغۇل بالا تۇرۇپ نىم بولدىكىن بىلمەيمەن،شۇنداق بىر قورقۇنچ بېسىۋالىدۇ كىچىلەردە؟

yfkopjfn

	كۆڭلىڭىزدەئاللاھ نى يادئىتىپ سىرتقاچىققاندا بىسمىللادەپ چىقىڭ   يەنەقاراڭغۇدائالۋاستىنى خىيال قىلىۋەرمەي باشقا ئىشلارغادىققىتىڭىزنى چېچىڭ

musapir01

	ئايتەل كۇرسنى ئۇقۇپ مېڭىڭ كەچلىرى جىنلا سىزگە يىقىن يوللىيالمايدۇ

مسكىنÍÍ

	قەبىرىستاندىن ئۆتكەندە ئۆلۈمنى ئەسلەڭ ھەم ئىبرەت ئىلىڭ ، ئۇ يەردىن ھىچ نىمە چىقىپ سىزنى ئاۋار قىلمايدۇ ، ھەممىسى ھىسابىنى بىرۋاتىدۇ ، جىنلارغا كەلسەك ، ئايتەل كۇرسىنى ئۇقۇپ ، پاكىزە بولۇپ ، ئىمان ئۇقۇپ مىڭىۋىرىڭ ، جىنلارمۇ پاكىز ئىمانلىق ئادەملەرگە چىقىلمايدۇ ، نەدىكى مەينەت ، پۇقى بار ، يول تاپالماي دەلدەڭشىپ يۈرگەنلەرگە چاپلىشىدۇ ،

kapitan2

	سىز دەرھال4-دوختۇرخانىغا بېرىڭ،تىزرەك بولمىسىڭىز ئۈلگۈرەلمەيدىغاندەك قىلىسىز.

qimaltak

	جىننىڭ بارلىقىغا ئىشىنىش ئىماننىڭ جۈملىسى .    ئەمدى سىزدىكى بۇ ئەھۋاللارغا قارىتا ، سىز ئايتەلكۈرسىنى مۇكەممەل ياتلىۋىلىڭ . شۇنداق يوللاردىن ئۆتكەندە ياكى قورقۇنۇچ ھېس قىلغان ۋاقىتلاردا چىن ئىخلاسىڭىز بىلەن ئايتەلكۈرسىنى تولۇق بىر قېتىم ئوقۇپ ئەتىراپىڭىزغا ھۈرۋىتىڭ بىر قېتىم. شۇ چاغدىلا سىزدىكى قورقۇنۇچ پەسلىگەننىڭ ئۈستىگە جىنلارمۇ ھەم سىزگە ئۆز مەيلىچە چېقىلالمايدۇ.

qimaltak

	مسكىنÍÍ يوللىغان ۋاقتى  2014-3-28 09:59 PM قەبىرىستاندىن ئۆتكەندە ئۆلۈمنى ئەسلەڭ ھەم ئىبرەت ئىلى ... چوڭلاردىن تولا ھاللاردا كېچىسى ئەڭ تېنىچ يەر قەبرىستانلىق ، ئەڭ تېنىچ ئەمەس يەر مەسچىت دەپ ئاڭلايدىغان. مەسچىتكە كېچىسى ئەرۋاھلار كېلىۋالارمىش. مۇشۇنىڭ تولۇق بىر جاۋابى بارمىدۇ؟