رازۋېدكا خاتىرىسى— بىنادىن تاشلىنىش دېلوسى (11)

xamal1124

	ساقچىلار ئىزچىل چىن جوڭ يۈەن بىلەن لومەننىڭ مۇناسىۋىتىنىڭ بارلىقىنى تەكشۈرگەن بولسىمۇ، ھەممە ئادەم ئۇنىڭغا گۇۋاھچى بولۇپ ئاقلاپ بەرگەچكە، جوۋ جۆ نىڭ دېلو بىلەن ھېچقانداق ئالاقىسى قالمايدۇ.ئەمما ئادەم ئۆلتۈرمىگەن چىن جوڭ يۈەن ھەقىقىي قاتىلنىڭ جوۋ جۆ ئىكەنلىكىنى بىلگەچكە، كۆپچىلىكنىڭ ئۇنىڭغا بەرگەن نەق مەيداندا يوقلۇق  ئىسپاتىدىن پايدىلىنىپ ئىزچىل يالغان سۆزلىگەن. ئەمما ئاخىرىدا  ئۇ ئۆزىنىڭ بۇ نەق مەيداندا يوقلۇق ئىسپاتىنى ئۆزىنىڭمۇ ئىنكار قىلالمايدىغانلىقىنى ئويلاپ باقمىغان بولغىيتتى. دېمەك بۇ دېلو ....ئىشىق دېلوسى؟ «سىز بۇنى قانداق بايقىدىڭىز؟ »سورىدى جى لىڭ گې ھەيران بولۇپ. «ئەگەر ھەققى قاتىل چىن جوڭ يۈەن بولغان بولسا، ئۇ ھەرگىزمۇ مېنىڭ كولىغان تېلفون تېپىلىش ئورىكىمگە چۈشمىگەن بولاتتى. چۈنكى ھەقىقىي قاتىل ئۆلگۈچىنىڭ تېلفونىنى ئاللىبۇرۇن بىر تەرەپ قىلىۋەتكەن بولىدۇ. ھەرگىزمۇ ساراڭلىق قىلىپ ئۆزىنىڭ ئۆيىدە ساقلاپ ئولتامايدۇ. چىن جوڭ يۈەننىڭ ئۇنىڭغا ئىشىنىپ قېلىشتىكى سەۋەبى بولسا، ئۇ ھەقىقىي قاتىلنىڭ ئۆز ئۆيىدە ئىكەنلىكىنى بىلگەچكە، ئۇنى تېخى بىر تەرەپ قىلىۋەتمىگەن ئوخشايدۇ دەپ ئويلاپ قالدى. »دېدى فاسەي چۈشەندۈرۈپ. ئەگەر ھەقىقي قاتىل دەل جوۋ جۆ بولسا، ئۇنىڭ ئادەم ئۆلتۈرۈپ بولۇپ ئۆلگۈچىنىڭ تېلفونىنى ئېلىپ كېتىشىمۇ ساقچىلارنىڭ تېلفون خاتىرىسىدىن پايدىلىنىپ چىن جوڭ يۈەننى تېپىۋېلىشىدىن ئەنسىرىگەنلىكى. چۈنكى مۇنداق بولسا، ساقچىلار ئېنىقلا ئۇنىمۇ  چېتىۋالىدۇ. شۇڭا ھازىر  ئۆلگۈچىنىڭ تېلفونىنىڭ نەگە كەتكىنىنى تاپقىلىمۇ بولمايدۇ. چىن جوڭ يۈەن ئۈندىمىدى. جى لىڭ گې مۇ چۈشىنىپ يەتتى. ھازىرى ئۇ ھېچنىمە دېيەلمەيدۇ. نازارەت ئۆيىدە ئولتۇرۇپ بۇلارنى ئاڭلاۋاتقان جوۋ جۆ چوقۇم قايغۇردى ھەقىچان. بەلكىم ئۇ تېلفوننىڭ بۇرۇنلا ئۆزى تەرىپىدىن بىر تەرەپ قىلىۋېتىلگەنلىكىنى ئۇقسىمۇ، بۇنى يەرگە يۈگۈرۈپ كىرىپ چىن جوڭ يۈەنگە ئۇلارنىڭ ئۇنى ئالداۋاتقانلىقىنى ئېيتالمايدۇ دە! بۇلاردىن سىرت يەنە چىن چىمىڭمۇ بار. بۇلارنى ئاڭلىغاندىن كېيىن قانداق ھېسسىياتتا بوپتۇ كەتكەندۇ ... «سەن يەنە داۋاملىق ئاڭلامسەن؟ »سورىدى جى لىڭ گې نازارەت ئۆيىدە يالغۇز قالغان چىن چىمىڭدىن. شۇتاپتا چىن چىمىڭنىڭ چىرايى تاتىرىپ كەتكەن بولۇپ كەتكەنىدى .قارىماققا ئۆزىنىڭ ئاتا - ئانىسىنىڭ ئۇنداق ئىش قىلىدىغانلىقىغا ئىشەنمىگەن بولسا كېرەك. ئۇ ئېغىزىنى كىچىك ئېچىپ، ئۈندىمەستىن بېشىنى لىڭشىتتى. جوۋ جۆ تۇتۇپ ئەپ كىرىلدى. نۆۋەتتىكىسى ئەمدى فاسەينىڭ جوۋ جۆ نى سوراق قىلىشى.بىراق، ساقچى تەرەپتە بۇ توغرىلىق ھېچقانداق ئىسپات يوق. ئۇلارنىڭ ئۇنىڭ  ھەتتاكى ئۆلگۈچى بىلەن مۇناسىۋىتىنىڭ بار يوقلىقىمۇ بىلمىكىمۇ  تەس. جى لىڭ گې سوراق خاتىرىسىنى بىر بەت بىر بەتتىن ئۆرۈپ تەپسىلىي كۆرۈۋاتقان فاسەيگە قاراپ قويۇپ كۇسۇداپ قويدى: «بۇ ئەھۋالدىمۇ فاسەي ئۇنى جىنايىتىگە ئىقرار قىلدۇرالامۇ؟ » ئۇ ھۆججەت خالتىسىنى كۆتۈرۈپ سوراق ئۆيىگە كىرىپ، جوۋ جۆ نىڭ فاسەينىڭ ئۇدۇلىدا ئولتۇرۇپ بولغانلىقىنى كۆرۈپ، سوراق خاتىرىسىنى ئېچىپ، قەلىمىنى ئېلىپ باشلانسا بولىدىغانلىقىنى ئېيتىش بىلەن بىرگە ياندىكى نازارەت ئۆيىگە بىرنى قاراپ قويدى. «سەن دەل چىن جوڭ يۈەننىڭ ئايالى جوۋ جۆ بولامسەن؟ »دېدى فاسەي. «ھەئە» «بىز سېنى لومەننى ئۆلتۈردى دەپ گۇمانلىنىۋاتىمىز. سەن بۇنىڭغا ئىقرار قىلامسەن؟ » جوۋ جۆ بېشىنى چايقاپ تۇرۇپ ئېيتتى: «سىلەر مېنى ئۆلتۈردى دەمسىلەر؟ مەن بۇنى ئىقرار قىلمايمەن. چۈنكى مەن ئەزەلدىن يولدىشىمنىڭ ئاشنىسى بارلىقىنى بىلمەيتتىم. مەن ئۇنى ئەسلا تونۇمايمەن.» جى لىڭ گې ئۈندىمەستىن خاتىرىلىمەكتە.ئۇنىڭچە بولغاندا بۇيەردە جوۋ جۆ نى نۆلدىن باشلاپ سوراق قىلىش بىر مۈشكۈل ئىش. چۈنكى ئۇلاردا ھېچقانداق پاكىت يوق. جوۋ جۆ تامامەن ھېچنىمىنى ئىقرار قالماي تۇرۇۋالالايدۇ. نېمىلا دېگەن بىلەن ئۇلار بۇ نەچچە كۈندىن بۇيان ئۇ توغرىلىق ھېچقانداق تەكشۈرۈش ئېلىپ بارمىغان. ھەقىچان فاسەيمۇ ئۇنىڭ قاتىل ئىكەنلىكىنى بايىلا ئويلاپ تاپتى. ھازىرقى ئۇ، تامامەن ھېچقانداق تەييارلىقسىز ئۆزىنى بىۋاستە جارىي قىلدۇرىۋاتىدۇ. بىراق جى لىڭ گې مۇ بىلىدۇ. گەرچە فاسەي ئۆزىنى تەييارلىقسىزلا جارى قىلدۇرىۋاتقان بولسىمۇ، ئۇ ھەرگىزمۇ بوش ئەمەس.ئېھتىمال ئۇ مۇشۇنداق ھېچقانداق تەييارلىقسىزلا جوۋ جۆ نى ئىقرار قىلدۇرالىشى مۈمكىن. «ھېلىقى شەنبە كۈنى 23:07 دە، يەنى ئۆلگۈچى ئۆلگەن ۋاقىتتا سەن نەدە ئىدىڭ؟ » «مېھمانساراينىڭ ياتىقىدا توپ مۇسابىقىسى كۆرۈۋاتاتتىم. » «بىراق ئەينى چاغدا ياتاققا قايتقان چىن جوڭ يۈەن سېنى كۆرمەپتىغۇ؟ » «مەن باشقا ياتاقتا ئىدىم. » «قايسى ياتاقتا؟ » «ئېنىق ئېسىمدە يوق. ئىشقىلىپ باشقىلار بىلەن بىللە كۆرگەنىدىم» . جى لىڭ گې ھېس قىلدى. جوۋ جۆ تامامەن يالغان سۆزلەۋاتىدۇ. لېكىن بۇنى قانداق بابلاش كېرەك؟ «ئۇنداقتا ئەينى چاغدا كۆرگەنلىرىڭ ئېسىڭدە بارمۇ؟ » «غۇۋا ئېسىمدە بار» قۇرۇق گەپ، ئويلىدى جى لىڭ گې، چىن جوڭ يۈەن تېخى بايىلا ئېيتقان تۇرسا، ئۇنىڭ ئۈستىگە ئۇ يەنە تامامەن تەكرار قويۇلغىنىنى كۆرەلەيدىغان تۇرسا. «ئۇنداقتا 23:07 دىلى مۇسابىقە ئەھۋالىنى ئېيتىپ باقە. » جوۋ جۆ ئويلىنىپ ئېيتتى: «ھېلىقى ..قىزىل كيىملىك بالوف بىر توپ سولىدى ». «قانداق سولىدى؟ » «ئۇ ...بىر كاللا توپ ئۇرغاندەك قىلغانتى، توپ ۋارتانىڭ بىر تۈۋرۈكىگە تېگىپ قاڭقىپ كەتتى. شۇنىڭ بىلەن ئۇ بىرنى تېپىپ سولىۋەتكەندەك قىلغان ». ئۇ تامامەن ئېنىق بولمىغان گەپلەر بىلەن جاۋاب بېرىۋاتىدۇ. دېمەك ئۇ بىزگە: مەن بەك ئېنىق بىلمەيمەن، دېمەكچى. جوۋ جۆ ئىنتايىن ئەقىللىق، ھەم ئىنتايىن ھىيلىگەر ئىكەن. چۈنكى ئۇ ئىزچىل مۇشۇنداق ئېنىق ئەمەسلا جاۋاب نەرسە، فاسەينىڭ ئۇنىڭ گەپلىرىدىن تۇتۇۋالمىقى تەس. خاتا چىققان تەقدىردىمۇ ئۈچ پۈتۈنلەي ئېسىمدە خاتا قاپتۇ دەپلا ئۆتكۈزىۋېتەلەيدۇ. بۇنداق بولغاندا ئۇنىڭ يالغان گەپلىرى پۈتۈنلەي يوچۇقسىز بولىدۇ! ئەمدى قانداق قىلىش كېرەك؟ ... فاسەي بىرئاز ئويلىنىپ تۇرۇپ قالدى. جوۋ جۆ نىڭ بۇ غۇۋىلاشتۇرۇش تاكتىكىسى ئۇنىڭ بېشىنى ئاغرىتقان ئىدى. ئۇ بېشىنى كۆتۈرۈپ بىرنېمىنى مۇلاھىزە قىلغاندىن كېيىن سوراق خاتىرىسىنى قايتا ئېچىپ بىرەر بۆسۈش نۇقتىسى بار يوقلىقىنى ئىزلىدى. ئاندىن ئۇ بىرنەرسىنى بايقىدى بولغاي، خاتىرىنى قويۇپ جوۋ جۆ دىن سورىدى: «بالوفنىڭ كاللا توپى ۋارتانىڭ تۈۋرۈكىگە تېگىپ قاڭقىپ كەتتى، شۇنداقمۇ؟ » «ھەئە» «قايسى تەرەپتىكى تۈۋرۈككە تەگدى؟ » قايسى تۈۋرۈككە؟! ...بۇ قانداق سوئال ئەمدى؟! «سول تەرەپتىكىسىمۇ ياكى ئوڭ تەرەپتىكىسىمۇ؟ »سورىدى فاسەي قىستاپ. جى لىڭ گې ئويلىدى، بۇندىن بۇرۇنقى سوراق قىلىنغانلارنىڭ ھەممىسى توپنىڭ ۋارتانىڭ سول تۈۋرۈكىگە تېگىپ قاڭقىغانلىقىنى تىلغا ئالغان. توغرا، ئېنىقلا سول تەرەپتىكى تۈۋرۈك! بىراق جوۋ جۆ ئېنىق قىلىپ ئوڭ ياكى سول دېسە بولمايدۇ. چۈنكى ئۇنداق دېسىلا چېنىپ قالىدۇ. چۈنكى ئېنىق ئېسىدە يوق ئادەم قانداق قىلىپ مۇنچە ئېنىق قىلىپ ئېيتالايدۇ؟ دەرۋەقە، ئۇ ئويلىغاندەكلا جاۋاب بەردى: «بۇ ...ئېنىق ئېسىمدە يوق. » «ئو...— دېدى فاسەي بىرنى سوغۇق كۈلۈپ— سېنىڭ جاۋابىڭدا يوچۇق بوپ قالدى» جى لىڭ دەماللىققا گاڭگىراپ قالدى. ئېسىدە ئېنىق قالمىسىمۇ يوچۇق قالغان ھېسابلىنامدۇ؟ «بۇنى كۆرۈپ باققىن— دېدى فاسەي سوراق خاتىرىسىنى كۆرسىتىپ—  بۇ جاۋ فېي بىلەن چىن جوڭ يۈەننىڭ ئېغىز ئىسپاتى» «نېمە بوپتۇ؟ » «ئۇلارنىڭ ھەممىسى ئېنىق قىلىپ <سول تۈۋرۈكىگە> دېدى دەيمەن! بۇ نېمىشقا ئۇلارنىڭ ئېسىدە شۇنچە ئېنىق قالىدۇ؟ » «بۇنى مەن نېمە بىلەي؟ ئۇلارنىڭ ئېسىدە قالغان بىلەن مېنىڭ ئېسىمدە يوق» «ياق، ياق ياق، ئەگەر سەن راستتىنلا ئۇ توپنى كۆرگەن بولساڭ چوقۇم ئېسىڭدە قالاتتى. چۈنكى ئۇ مەنزىرە كاللاڭدا قالىدۇ» «ئۇنداق ئەمەس— جوۋ جۆ ئىنكار قىلدى— ئۇ مەنزىرە كاللامدا قالغان تەقدىردىمۇ، ۋارتانىڭ تۈۋرۈكى ئەسلا ئوڭ سول دەپ ئايرىلمايدۇ. ۋارتانىڭ نەزىرىدىكى سول تەرەپ، توپ تەپكۈچىنىڭ نەزىرىدىكى ئوڭ تەرەپ بولىدۇ. ئەگەر مەن ۋارتا تۇرغان تەرەپتە تۇرۇپ كۆرسەم، ئۇ چاغدا يەنە بىر تەرەپ ۋارتا تۈۋرۈكى بولىدۇ ». «ئېيتقانلىرىڭ توغرا، بىراق بۇ دەل سېنىڭ يوچۇقۇڭ—  دېدى فاسەي— سەن ئەسلا ئۇكۈنى كەچتىكى نەق مەيدان مۇسابىقىسىنى كۆرمىگەن، سېنىڭ كۆرگىنىڭ تەكرار قويۇلغىنى! » «قانداقسىگە؟ » «چۈنكى سەن ئۇ تۈۋرۈكنىڭ ئوڭ ياكى سول ئىكەنلىكىنى ئېيتىپ بېرەلمىدىڭ! » «مەن ئېيتتىم، ۋارتانىڭ تۈۋرۈكى ئوڭ - سول دەپ ئايرىمايدۇ ...» «ئايرىيدۇ! — دېدې  فاسەي بارمىقىنى چىقىرىپ— ئەگەر ئايرىمىسا ئۇ ئىككىسى نېمىشقا ئېنىق قىلىپ <سول تەرەپتىكى تۈۋرۈك >دەپ ئېيتالايدۇ؟ » «ئۇلارنىڭ قانداق ئويلىغىنىنى مەن نەدىن بىلەي؟ بەلكىم ئۇلار ئوخشاش بىر نۇقتىدىن قاراپ ئېيتقاندۇ» «ئۇنداق ئەمەس، ئۇنداق بولىشىدىكى سەۋەب شۇكى ...— دېدى فاسەي بىرنى مۇغەمبەرلەرچە كۈلگەندىن كېيىن— ئۇ كۆرۈنۈش يان تەرەپتىن تارتىلمىغان، بەلكى بالوفنىڭ كەينىدىن تارتىلغان! » ھۇجۇم قىلغۇچىنىڭ كەينىدىن تارتىلغان بولسا ...ئۇنداقتا تېلىۋىزور كۆرگۈچىلەرمۇ ۋارتانى ئۇدۇلدىن كۆرەلەيدۇ - دە، ئاسانلا تۈۋرۈكنىڭ ئوڭ ياكى سول ئىكەنلىكىگە ھۆكۈم قىلالايدۇ. «جوۋ جۆ، سەن دەماللىققا ئۇنداق ئايرىيالمىدىڭ، بۇنىڭ سەۋەبى نېمە؟ » چۈنكى ئۇ غۇۋىلاشتۇرۇش تاكتىكىسىنى ئويناۋاتىدۇ، دەپ ئويلىدى جى لىڭ گې. «بۇنىڭ سەۋەبى شۇكى، سېنىڭ كۆرگىنىڭ تەكرار قويۇلغىنى!— دېدى فاسەي— تەكرار قويۇلغان مۇسابىقە بىلەن نەق مەيدان بىۋاسىتە قويغان مۇسابىقە ئەسلا  ئوخشىمايدۇ، ئۇنىڭدا چۈشەندۈرگۈچىنىڭ ئېيتقان سۆزلىرىلا ئەمەس، سۈرەت تارتىلغان ئورۇنمۇ ئوخشاشمايدۇ. تەكرار قويۇلغان مۇسابىقىدە، ئۇ توپ كىرگەن مەنزىرە يان تەرەپتىن تارتىلغان.شۇڭا سېنىڭ ئوڭ - سولنى ئايرىيالماسلىقىڭنىڭ سەۋەبى ...سېنىڭ كۆرگىنىڭنىڭ تەكرار قويۇلغان مۇسابىقىنى كۆرگەنلىكىڭدە! » جوۋ جۆ نىڭ غۇۋىلاشتۇرۇش تاكتىكىسى، فاسەي تەرىپىدىن پايدىلىنىلدى! دەرۋەقە، جوۋ جۆ ئېنىق جىددىيلەشتى. «ياق، مەن تەكرار قويۇلغىنىنى كۆرمىدىم، مەن نەق مەيدان مۇسابىقىسىنى كۆرگەن! پەقەتلا شۇ ...ئېنىق ئېسىمدە قالماپتۇ ...» فاسەي بىرنى ئۇھسىنىپ قويۇپ، ئامالسىز ئېيتتى: «ئۇنداقتا باشقا مەزمۇن ئېسىڭدە بارمۇ؟ » «بۇ ...» «ماڭا ھەرگىزمۇ ئىككىنچى توپنىڭ قانداق كىرگىنىنىمۇ ئۇنتۇپ قالغىنىڭنى ئېيتما» «ئىككىنچى توپ...بەلكىم ئېسىمدىدۇ ...» «ئۇنداقتا ئىككىنچى توپنى سۆزلە» .فاسەي مۇنداق دېگەچ ساقچى خادىمىدىن بىرنى چاقىرىپ ئۇ مۇسابىقىنىڭ سىنىنى  قويۇشقا بۇيرۇدى. شۇنداق قىلىپ، سوراقخانىدا ئۇ مۇسابىقە سىنى قويۇلۇشقا باشلىدى. «ياخشى قارا، بۇ دەل ئۇكۈنكى نەق مەيدان مۇسابىقىسىنىڭ سىنى» دېدى فاسەي. سىندا،  بىر قىزىل رەڭلىك توپ كىيىمى كىيگەن ئادەم بىر كاللا توپ ئۇرۇشىغا، فاسەي سىننى قاتۇرۇپ، ئۇ قىزىل كىيىم كەيگەن ئادەمنىڭ ئالاھىدە تەسۋىرى ئۈستىدە توختاتتى. «ئەمدى ماڭا كېيىن قانداق بولغىنىنى  ئېيتىپ بەر، توپ قانداق كىرگەن؟ » ئورەك! جى لىڭ گې بىلدى، بۇ ئېنىقلا فاسەينىڭ ئورىكى.  ئەينى چاغدىكى مۇسابىقە ئەھۋالى 2:0، بالوف ئالدىنقى مەيداندا بىر توپ، كېيىنكى مەيداندا بىر توپ كىرگۈزگەن. بۇ ئىككى توپنىڭ ئوخشاشلىقى شۇكى، ئىككىلىسى ئوخشاشلا ئاۋۋال كاللا توپ بىلەن باشلانغان.  شۇڭا جى لىڭ گې ئويلىدى، سۈرەتتىكىسى ھەرگىزمۇ ئىككىنچى توپ ئەمەس بەلكى بىرىنچى توپ! فاسەي بۇ ئارقىلىق جوۋ جۆ دىن ئىككىنچى توپنىڭ ئەھۋالىنى ئاڭلىغاندىن كېيىن، ئاندىن ئۇنىڭغا بۇنىڭ بىرىنچى توپ ئىكەنلىكىنى ئېيتىش ئارقىلىق، ئۇنىڭ ئۇ كۈنى كۆرگىنىنىڭ نەق مەيدان مۇسابىقىسى ئەمەسلىكىنى بەلكى ئۇنىڭ كېيىن كۆرگەن تەكرار مۇسابىقە ئىكەنلىكىنى ئاشكارىلىماقچى! چۈنكى نەق مەيدان مۇسابىقىسى بىلەن تەكرار قويۇلغان مۇسابىقە ئوخشاش بولمىغاچقا، ئۇمۇ دەماللىققا بۇنىڭ قايسى توپ ئىكەنلىكىنى پەرق ئېتەلمەيدۇ. مۇنداق بولغاندا ئۇنى بىۋاستە چاندۇرۇپ قويالايدۇ! بىراق جى لىڭ گې بۇ ۋاقىتتا جوۋ جۆ نىڭ بىرنېمىنى بايقاپ قالغانلىقىنى ھېس قىلدى. ئۇ سۈرەتكە سىنچىلاپ قاراپ، بىرنېمىلەرنى ئەسلەۋاتاتتى  . ئۇنىڭ ئېسىدە بۇ ئىككىلا توپنىڭ كاللا توپ بىلەن باشلانغانلىقى بار. شۇڭا ئۇمۇ ئېغىر - بېسىقلىق بىلەن ئويلىدى، قارشى تەرەپ نەق مەيدان مۇسابىقىسى بىلەن تەكرار قويۇلغان مۇسابىقىنىڭ ئوخشىماسلىقىدىن پايدىلىنىپ بىرىنچى توپنى ئىككىنچى توپ دەپ ئۆزىنى قىلتاققا دەسسىتىۋاتامدۇ؟ فاسەينىڭ ئورا كولىشى، بىرخىل ئېزىقتۇرۇش. ئۇ كۆرۈپ باققان. شۇڭا ئۇ ئويلىدى، مەيدان مۇسابىقىسى بىلەن تەكرار قويۇلغان مۇسابىقە ئوخشاش بولمىسىمۇ، ئەسلى مۇسابىقە ئوخشايدۇ. بۇ توپ...ئېنىقلا بىرىنچى توپقۇ! ئۇ سىرلىق بىرنى كۈلۈپ قويدە ۋە فاسەينىڭ ئۆزىنى ئالداۋاتقىنىنى جەزىملەشتۈردى . «كەچۈرۈڭلار، بۇ دېگەن بىرىنچى توپتۇ؟ »دېدى ئۇ سوغۇق قىلىپ. جى لىڭ گې چۈچۈپ كەتتى  . جوۋ جۆ ئورەككە يىقىلمىدى! جى لىڭ گې نىڭ چىرايىنىڭ ئۆزگەرگەنلىكىنى بايقىغان جوۋ جۆ تېخىمۇ جەزىملەشتۈردى: توغرا! ئېنىقلا بىرىنچى توپ. ئالدىمدىكى ماۋۇ سوئال سوراۋاتقىنى ئەسلى كەسپىي ئالدامچىكەن! جى لىڭ گې جىددىيلەشتى، ئۇنىڭغا تاقابىل تۇرۇش چىن جوڭ يۈەنگە تاقابىل تۇرۇشتىنمۇ تەسكەن. ئۇ راستلا بەك ھىيلىگەر ئىكەن. ئۇ ئورەككە يىقىلمىدى، ئەمدى قانداق قىلىش كېرەك؟ «بىرىنچى توپ؟ ياق، بۇ چوقۇم ئىككىنچى توپ» دېدى فاسەي. «ياق، بۇ بىرىنچى توپ— دېدى جوۋ جۆ ئۆزىنىڭ يەكۈنىگە ئىشەنگەن ھالدا— بۇ ئېنىقلا بىرىنچى توپ. توپ ۋارتانىڭ بىر تۈۋرۈكىگە تېگىپ، قاڭقىيدۇ، ئاندىن ئۇ يەنە بىر تەرەپكە تېپىپ سولايدۇ. شۇنداقتۇ؟ ئەلۋەتتە، مەنمۇ تولۇق جەزىملەشتۈرەلمەيمەن، بەلكىم بۇ ئىككىنچى توپتۇ. » جى لىڭ گې نىڭ نەزىرىدە بۇ ئېنىقلا بىرىنچى توپ. بۇ چوقۇم بىرىنچى توپ، ئەگەر ئۇ ئىككىنچى توپنى قويسا، نېمە ئەھمىيىتى بولسۇن؟ ئۇنىڭ ئۈستىگە جوۋ جۆ مۇ غۇۋىلاشتۇرۇش تاكتىكىسى ئويناپ بۇنىڭ قانچىنچى توپ ئىكەنلىكىنى جەزىملەشتۈرمەي تۇرىۋاتسا. بىراق فاسەي يەنە مۇغەمبەرلەرچە كۈلدى. «ئەمدى ئۆزۈڭمۇ شۇنداق دېدىڭ ...ناھايىتى ياخشى، ئۇنداقتا بىز بۇنى داۋاملىق قويايلى» دېدى فاسەي.

ana

	ۋاي خۇدايىم ، مەن ئوقۇپ ئاران يېتىشتىم ، ھەجەپ جىق يوللىنىپ بوپتۇ تۈنۈگۈننىڭياقى..... داۋامىنىمۇ مۇشۇ سۈرئەتتە يوللىسىڭىز بوپتىكەن.......

xamal1124

	ئاللاھ خالىسا ئەتە بۇ دېلونى تولۇق تۈگىتىمەن

xamal1124

	ana يوللىغان ۋاقتى  2014-3-28 04:58 PM ۋاي خۇدايىم ، مەن ئوقۇپ ئاران يېتىشتىم ، ھەجەپ جىق يول ... تېلفونۇم يوق چاغدا ئۇزاق ساقلىتىپ قويدۇم. ئەپۇ قىلارسىز ھە

ana

	xamal1124 يوللىغان ۋاقتى  2014-3-28 05:03 PM تېلفونۇم يوق چاغدا ئۇزاق ساقلىتىپ قويدۇم. ئەپۇ قىلارس ... ھېچقىسى يوق ، سەۋىرچانلىق بىلەن ساقلايدىغانلىقىمنى بىلدۈرۈپ ئىنكاس يېزىپ قويغانغۇ دەيمەن شۇ چاغلاردا ، شۇڭا بۇ تېمىغا بەك دىققەت قىپمۇ كەتمەپتىكەنمە ، تۈنۈگۈندىن باشلاپ ھەجەپ جىق يېزىپ بوپسىز ، ئىككى بۆلۈمنى بىراق ئوقۇدۇم،رەھمەت جۇمۇ

xamal1124

	ana يوللىغان ۋاقتى  2014-3-28 05:08 PM ھېچقىسى يوق ، سەۋىرچانلىق بىلەن ساقلايدىغانلىقىمنى ب ... شۇڭىمۇ سەۋر قىلىپ ساقلىغىنىڭزغا كۆپ تەشەككۈر ئېيتىمەن. ھېلىمۇ تېلفونۇم بۇزۇلۇپ قېلىپ شۇنچە ساقلاتقىنىم  يېتىپ ئاشا،يەنە ساقلاتسام ماڭا بۇ يۈزۈمنىڭ نېمە كېرىكى . شۇڭىمۇ بار سۈرئىتىم بىلەن ئۇرىۋاتىمەن .ئىمكان بار ئەتە تۈگىتىۋېتىمەن .

amannisa

	ھارمىغايسىز، شۇنداق قىزىقىپ قالدىم بۇ فاسەينىڭ كولىغان ئورىسىغا...ھى ھىى ھى

xamal1124

	amannisa يوللىغان ۋاقتى  2014-3-28 05:46 PM ھارمىغايسىز، شۇنداق قىزىقىپ قالدىم بۇ فاسەينىڭ كولىغا ... ئۇزاق ساقلىتىپ قويغىنىمنى ئەپۇ قىلغايسىز.

rabbey

	يانفوندا قانداقمۇ بىسىپ بولغانسىز ھە

xamal1124

	rabbey يوللىغان ۋاقتى  2014-3-28 06:45 PM يانفوندا قانداقمۇ بىسىپ بولغانسىز ھە ئىلگىرىكى ھەقىقەتەن كۆنەلمىگەن ئىدىم. ھازىر كۆنۈپ قالدىم .سۈرئىتىممۇ خېلى تېزلىشىپ قالدى دەڭە تېخى.