دوكتۇر شۆھرەت مۇتەللىپتىن يەنە خۇشخەۋەر

bilgejan

	بىلگەجان ئامېرىكىدىن خەۋەر قىلىدۇ:   ئامېرىكا ئورىگون ساغلاملىق پەنلىرى ئۇنىۋېرستېتى پىرافىسورى، پەخىرلىك ئۇيغۇر بىئولوگىيە ئالىمى دوكتۇر شۆھرەت مۇتەللىپنىڭ ئەڭ يېڭى تەتقىقات نەتىجىسى تۈنۈگۈن (2014-يىلى 3-ئاينىڭ 26-كۈنى) «تەبىئەت» ژورنىلىدا ئېلان قىلىندى. «تەبىئەت» ژورنىلىدا ماقالە ئېلان قىلىش دۇنيادىكى مۇتلەق كۆپ قىسىم ئالىملارغا نېسبەتەن پەقەت بىر يېتىش تەس بولغان غايە بولسىمۇ، بۇ ئىش دوكتۇر شۆھرەت مۇتەللىپكە نېسبەتەن دائىملىق ئىش بولۇپ قالدى. بىلگىنىڭلاردەك ئۆتكەن يىلى «تەبىئەت» ژورنىلى تەرىپىدىن يىللىق «دۇنياغا ئەڭ زور تەسىر كۆرسەتكەن 10 ئالىم» نىڭ بىرى بولۇپ باھالانغان ئالىمىمىز دوكتۇر شۆھرەت مۇتەللىپ 2007-يىلى «تەبىئەت» ژورنىلىدا تۇنجى پارچە ئىلمىي ماقالىسىنى ئېلان قىلغاندىن باشلاپ ھەر يىلى ئۈزلۈكسىز «تەبىئەت»، «ھۈجەيرە» قاتارلىق دۇنيا ئىلىم-پەن ساھەسىدىكى ئەڭ نوپۇزلۇق ژورناللاردا ماقالە ئېلان قىلىپ كىلىۋاتىدۇ. ئۇنىڭ بۇ ئىلمىي قىممىتى ئالاھىدە يۇقىرى ماقالىلىرى دۇنيا مىقياسىدا غايەت زور تەسىرلەرنى قوزغاپ، ئىلىم-پەن ساھەسىدىن ھالقىپ جەمئىيەتتە كىشىلەر بەس-مۇنازىرە قىلىدىغان ئىلمىي پاراڭ تېمىسىغا ئايلاندى. دوكتۇر شۆھرەت مۇتەللىپنىڭ بۇ يېڭى نەتىجىسىگە مۇبارەك بولسۇن! بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @7 D6 Z/ b- }% C ئۇنىڭ بۇ قېتىمقى يېڭى ماقالىسىمۇ ئالاھىدە بىر بايقاشنى ئوتتۇرىغا قويغان. ئۇنىڭ بايقىشىچە، ئىلگىرى مۇمكىن بولمايدۇ دەپ قارالغان ئىككى ھۈجەيرە باسقۇچىدىكى تۆرەلمىنىڭ ھۈجەيرە دەۋرىيلىكىنىڭ بۆلۈنۈش ئارىلىق مەزگىلىدە تۇرۋاتقان سىتوپلازمىسى خۇددى بۆلۈنۈش مەزگىلىگە كىرگەن ئۇرۇقلانمىغان تۇخۇم ھۈجەيرىسىدەكلا چوڭلارنىڭ بەدەن ھۈجەيرە يادروسىنى قايتا پىروگراممىلاش ئارقىلىق مۇتلەق تولۇق پوتىنسىئاللىق تۆرەلمە غول ھۈجەيرىسىگە ئايلاندۇرالايدىكەن. ئاددىيلاشتۇرۇپ ئېيتساق، ئىلگىرى تۆرەلمە غول ھۈجەيرىلىرىنى يېتىشتۈرۈش ئۈچۈن چوقۇم بۆلۈنۋاتقان ئەمما تېخى ئۇرۇقلانمىغان تۇخۇم ھۈجەيرىسىنىڭ سىتوپلازمىسى بولمىسا قەتئىي بولمايتتى، ئەمدى بۇ يېڭى نەتىجە ئاللىقاچان ئۇرۇقلىنىپ ئىككى ھۈجەيرىلىك تۆرەلمە ھالىتىدىكى سىتوپلازمىنىڭمۇ ئوخشاش ئىقتىدارغا ئىگە ئىكەنلىكىنى ئىسپاتلاپ ئالىملارنىڭ ئىلگىرىكى قاراشلىرىغا جەڭ ئېلان قىلدى. بۇ تەتقىقات چاشقان ئۈستىدە ئىشلەنگەن بولۇپ، پات ئارىدا دوكتۇر شۆھرەت مۇتەللىپ ئوخشاش تەجىرىبىنى ئىنسانلاردىمۇ ئىشلەپ چىقماقچى ئىكەن. ئەگەر ئىنسانلاردا مۇۋاپىقىيەتلىك بولسا، ئۇ ھالدا غول ھۈجەيرە يېتىشتۈرۈشتىكى تۇخۇمغا بولغان مۇتلەق ئېھتىياج ئازىيىپ دوختۇرخانىلاردا تاشلىۋىتىلىدىغان تۆرەلمىلەرنى ئىشلىتىش ئارقىلىق تۆرەلمە غول ھۈجەيرىلىرىنى يېتىشتۈرۈش مەقسىتىگە يەتكىلى بولىدىكەن. ئەسلى ماقالىنىڭ قىسقىچە مەزمۇنىنى ۋاقىت چىقىرىپ ئۇيغۇرچىغا تەرجىمە قىلىپ ھوزۇرۇڭلارغا سۇنىمەن. ھازىرچە ماقالىنىڭ ئۇلىنىشىنى قالدۇراي، قىزىققانلار ئوقۇپ بېقىڭلار: بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @% N: D; H- _( X6 B! [http://www.nature.com/nature/jou ... ll/nature13134.html

uyol

	مۇبارەك بولسۇن!! شۇنداق خۇشال بولىۋاتىمەن ھەم  پەخىرلىنىۋاتىمەن،  شۆھرەت مۇتەللىپ ئەپەندىنىڭ كېيىنكى ئىشلىرىغا ئۇتۇقلۇق تىلەيمەن

مارشال

	ئىلىمپەندىكى يېڭى بايقاش ھەمدە يېڭى بۆسۈش بوپتۇ. بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @5 D% e) M2 B5 j2 rقىممەتلىك ۋاقتىڭىزنى چىقىرىپ پەخىرلىك ئالىمىمىز شۆھرەت مۇتەللىپنىڭ ئەڭ يېڭى تەتقىقات نەتىجىسىنى قېرىنداشلارغا ئۆز تىلىمىزدا يەتكۈزگىنىڭىزدىن كۆپ خۇرسەن بولدۇق. سىزنىڭمۇ خىزمىتىڭىزگە ئۇتۇق،كۈنلىرىڭىزنىڭ خوشال-خورام ئۆتۈشىگە تىلەكداشمەن بىلگەجان ئاكا.

Qabiljan

	بىز مانا شۇنداق ئۇلۇغ ئالىملىرىمىز بولغانلىقىدىن پەخىرلىنىمىز.ئۇلار ئۆزلىرىنىڭ ئەجىر مېھنىتى ئۇلۇغ بايقاش ۋە ئىختىرالىرى بىلەن ئۆزىنىلا ئەمەس مىللىتىمىزنىمۇ دۇنياغا تونۇتىۋاتىدۇ.بارلىق ئىشلىرى ئۇتۇقلۇق بولغاي!

tohuwaz

	ھەجەپ مۇرەككەپ گەپلەرغۇ بۇ، پەقەت چۇشەنمىگەن بولساممۇ نەتجە قازانغانلىغىنى ماۋزۇسىدىن بىلدىم قىزغىن تەبرىكلەيمەن مەنمۇ.

Qarmuch

	مۇبارەك بولسۇن،  ئالىمىمىز شۆھرەت مۇتەللىپنىڭ بۇندىن كىيىنكى تەتقىقاتىغا ئۇتۇق، تېنىگە سالامەتچىلىك، ئائىلىسىگە بەخىت - ئامەت تىلەيمەن. شۇنداقلا تېما ئىگىسىنىڭ بىزگە مۇشۇنداق خۇش خەۋەر لەر بىلەن تەمىنلىگىنىگە تەشەككۈر ئېيتىمەن ،،  رەھمەت.

gulbaxikar

	مۇبارەك بولسۇن بەك ياخشى خەۋەركەن ، ئەگەر ئىنسانىيەت  ئۈستىدە تەجرىبە قىلىپ نەتىيجە قازانسا،  ئىنسانىيەت ئۈچۈن  چوڭ تۆھپە قۇشقان بولغۇدەك ،  تارىخ بەتلىرىگە  ئىسمىي يېزىلىپ  نەچچە ئەسىرگىچە  ئەۋلاتلىرىمىز تىلغا ئىلىپ يۈرسە بۇنۇڭدىن كاتتا ئىش بارمۇ؟ ئالىمىمىزغا  نوبىل مۇكاپاتى نىسىپ بولغاي ئىلاھىم!

YAZR

	شۆھرەتكا ، سالامەت بۇلۇڭ ، ھارماڭ !

قۇمۇش

	بىزنى مۇشۇنداق ئىسىل خەۋەر بىلەن تەمىن ئەتكىنىڭىزگە كۆپ رەھمەت. بارلىق ئالىملىرىمىز ئامان بولسۇن. قىلغان ئىشلىرى نەتىجىلىك  بولسۇن. تىنى سالامەت بولسۇن. ئنشائاللا.

Nimjan

	مۇبارەك بولسۇن! تېنىڭىزگە ئاللاھ ساغلاملىق، ئەقلىڭىزگە ئاللاھ  ئوچۇقلۇق بەرسۇن! ئائىلىڭىز شاد-خۇراملىققا تولسۇن!