رازۋېدكا خاتىرىسى— بىنادىن تاشلىنىش دېلوسى (10)

xamal1124

	چۈشتىن كېيىن سائەت 12:50 دە، مىڭخەي شەھەرلىك ساقچىخانىنىڭ سوراقخانىسىدا، جى  لىڭ گې، فاسەي ۋە ساقچى خادىملىرى ئۇزاق ئۆتمەيلا باشىلىنىدىغان سوراقنىڭ تەييارلىقىنى قىلىپ تۇرماقتا. قىسمەن ساقچى خادىملىرى بۇنى دېلونىڭ تەكشۈرۈلۈش ئەھۋالىنى بىلىش ئۈچۈن جى لىڭ گې  دىن سوراپ باقتى: «جى خانقىز، قاتىل دەل چىن جوڭ يۈەن مىكەن؟ » «بەلكىم شۇدۇ..» جى لىڭ گې بۇچاغدا فاسەيگە قاراپ قويدى. ئەمما فاسەي ھېچقانداق ئىپادىسىزلا ئولتۇراتتى. ئۇ فاسەيدىن قانداق قارايدىغانلىقىنى سورىدى. فاسەي يەنىلا ئۆزىنىڭ باشتىكى قارىشىنى ئەسكەرتتى: «ئەگەر چىن جوڭ يۈەن قاتىل بولمىسا، نېمىشقا ئۆزىنىڭ لومەن بىلەن مۇناسىۋىتى بارلىقىنى ئىقرار قىلمايدۇ؟ گەرچە ئۇنىڭ پولاتتەكلا نەق مەيداندا يوقلۇق ئىسپاتى بولسىمۇ، ئۇلارنى يوشۇرۇشنىڭ ھاجىتى يوققۇ. » «بەلكىم ئۇ ئۆزىنىڭ لومەننى تونۇيدىغانلىقىنى ئىقرار قىلسا،و نام - ئابرويىنىڭ تۆكۈلۈپ كېتىدىغانلىقىنى كۆزدە تۇتقاندۇ؟ مۇنداق بولغاندا ئۇ چوقۇم ئىقرار قىلمايدۇ. » فاسەي بېشىنى چايقىدى. قارىماققا ئۇ بۇ  قاراشقا قوشۇلمايدىغاندەك قىلاتتى. نېمىلا دېگەن بىلەن، ھازىر ساقچى تەرەپ ئۇ ئىككىسىنىڭ مۇناسىۋىتى بارلىقى توغرىسىدا ئىسپاتقا ئېرىشتى. قالدىسىنى چوقۇم سوراق قىلىش ئارقىلىق ئېنىقلاش كېرەك. دېمەك، ھەممە تۈگۈن يېشىلىش ئالدىدىلا. بۇچاغدا ساقچى خادىمى كىرىپ كەلدى ۋە سىرتتا نەچچەيلەننىڭ بۇ سوراق جەريانىنى كۆرىشى كېرەكلىنى تەلەپ قىلغانلىقىنى ئېيتتى. جى لىڭ گې ئۇلارنىڭ كىمىلىكىنى سورىۋىدى، ساقچى خادىمى جاۋابەن ئېيتتى: «چىن جوڭ يۈەننىڭ ئۆيىدىكىلەر ئىكەن. » قارىماققا چىن جوڭ يۈەننىڭ سوراققا تارتىلىدىغىنى ئۆيىدىكىلرىنىڭمۇ قۇلىقىغا يېتىپ بوپتۇ دە. جى لىڭ گې ئۇلارنى «كۈتۈۋېلىش» ئۈچۈن ئۇلارنىڭ ئالدىغا چىقتى. سىرتتا  چىن چىمىڭ دىن باشقا يەنە بىر ئوتتۇرا ياش ئايال تۇراتتى. سوراش كەتمەيدۇ، ئۇ چوقۇم چىن جوڭ يۈەننىڭ ئايالى جوۋ جۆ. «بۇ ئىش راستمىكەن؟ ئۇنىڭ ...ئۇنىڭ راستا ئاشنىسى بارمىكەن؟ »دېدى جوۋ جۆ ئەنسىزلىك بىلەن. جى لىڭ گې بېشىنى لىڭشىتىپ قويدى. كۆڭلىدە بولسا بۇ ئىشنىڭ ئۇنىڭغا قانچىلىك ئېغىر كەلگەنلىكىنى، قوبۇل قىلىشقا جۈرئەت قىلالماي بۇ يەرگە كېلىپ چىن جوڭ يۈەننىڭ ئۆز ئاغزىدىن ئاڭلاشنى توغرا تاپقىنىنى ئويلاپ يەتتى. گەرچە ھازىر ساقچىلار گۇۋاھچى تېپىپ بولغان بولسىمۇ، چىن چىمىڭنىڭمۇ ئۇ گۇۋاھچىلارغا ئىشەنگۈسى كەلمەي، سوراقخانا سىرتىدىكى نازارەت ئۆيىدە تۇرۇپ ئۇ گۇۋاھچىلارنىڭ گۇۋاھ سۆزلىرىنى ئاڭلاپ باققۇسى كەلگەن ئىدى. جى لىڭ گې ئۇنىڭ كەسپىنى نەزەردە تۇتۇپ، سوراق خاتىرىسىنى بىر نۇسخا كۆپەيتىپ ئۇنىڭغا بەرگەندىن كېيىن، ئۇ ئىككەيلەننى سوراقخانا سىرتىدىكى نازارەت ئۆيىدە ئولتۇرۇپ ئۇزاق ئۆتمەيلا باشلىنىدىغان سوراقنى كۆرۈشكە يول قويدى. چىن چىمىڭ ئۇ خاتىرىلەرنى كۆرۈۋېتىپ لېۋىنى چىشلىدى. چۈنكى بۇنىڭدا خاتىرىلەنگىنى ئۇ ئەزەلدىن ئاڭلاپ باقمىغان، دادىسىنىڭ قىلغان ئىشلىرى ئىدى. ئۆزىنىڭ دادىسى ...قانداقسىگە مۇنداق ساراڭلارچە ئىش قىلغاندۇ؟! «كەچۈرۈڭلار—  دېدى جى لىڭ گې—  بىراق ھەممە ئەھۋال مۇشۇنداق. بىز چوقۇم چىن جوڭ يۈەننى جىنايىتىگە ئىقرار قىلدۇرىشىمىز كېرەك. » «ساقچى خانقىز ...—  دېدى جوۋ جۆ يىغا ئارىلاش ئاۋاز بىلەن— ئۇنىڭغا كەڭچىلىك قىلساڭلار، ئۇ راستتىنلا بىر ياخشى ئادەم. » جى لىڭ گې پەقەتلا بېشىنى لىڭشىتىپ قويدى. ھەممەيلەن ئۇنى ياخشى ئادەم دەپ ئاتاۋاتىدۇ. جى لىڭ گې مۇ ئۇنىڭ شۇنداق بولىشىنى ئۈمۈد قىلىدۇ. لېكىن ئۇمۇ سوراقنىڭ ئاخىرقى نەتىجىسىنىڭ قانداق بولىدىغانلىقىنى بىلمەيدۇ  . ئۇلارنى نازارەت ئۆيىگە ئورۇنلاشتۇرۇپ بولغاندىن كېيىن، جى لىڭ گې سوراق ئۆيىگە قايتتى. سائەت ئىستىرىلكىسى«1»رەقىمىنى كۆرسەتكەن چاغدا، بىر ئوتتۇرا ياش، بەستلىك ئادەم ساقچىلار تەرىپىدىن باشلاپ ئېلىپ كېلىندى ۋە ئۇلارنىڭ ئۇدۇلىدا ئولتۇردى. ئۇ دەل چىن جوڭ يۈەن ئىدى. گەرچە جى لىڭ گې ئۇنى بۇرۇن بىر قېتىم سوراق قىپتۇ باققان بولسىمۇ،بۇ  فاسەينىڭ ئۇنى تۇنجى قېتىم كۆرۈشى. «جى خانقىز، يەنە قايتا كۆرۈشتۇق »دېدى چىن جوڭ يۈەن تۆۋەن ئاۋاز بىلەن. «كەچۈرۈڭ چىن ئىدارە باشىقى، بىز سىزنىڭ لومەن بىلەن مۇناسىۋىڭىزنىڭ بارلىقىغا ئائىت ئىسپات تاپتۇق» دېدى جى لىڭ گې قولىنى پۇلاڭلىتىپ قويۇپتۇ. «شۇنداقمۇ؟ بۇنى، مەنمۇ ئېتراپ قىلىمەن» ئۇ بىۋاسىتە  ئېتراپ قىلدى؟ بۇ غەلىتىلىك ئەمەس. چۈنكى ئۇمۇ ئۆزىنىڭ ئەمدى يوشۇرۇپ بولالمايدىغانلىقىنى ھېس قىپ يەتكەن بولسا كېرەك. جى لىڭ گې نىڭ ئازراق ئىچى ئېچىشتى. شۇ تاپتا نازارەت ئۆيىدىكى ئىككىيلەننىڭ ھېسسىياتى قانداق بوپتۇ كەتكەندۇ ... «ئۇنداقتا، جى خانقىز، يەنە باشقا سورايدىغان ئىش بارمۇ؟ » «چىن ئىدارە باشلىقى، بۇ قېتىم مەن پەقەت خاتىرىلەشكىلا مەسئۇل. سوراق قىلىشقا  ئەمەس—— دېدى جى لىڭ گې دەماللىققا  چۈشىنەلمەي ھەيرانلىق   بىلەن قاراپ تۇرغان چىن جوڭ يۈەنگە يېنىدىكى پۇتىنى مىنگەشتۈرۈپ ئولتۇرۇپ بېشىنى قاشلاۋاتقاندا فاسەينى كۆرسىتىپ— سىزنى بۇ قېتىم سوراق قىلىدىغىنى ئۇ» فاسەي ئۆزىنىڭ ئاخىرى ئىش باشلايدىغانلىقىنى ئاڭلاپ، سەۋىرسىزلىك بىلەن ئۆزىنى تۈزلەپ سۆز ئاچتى: «تېز بولايلى. ئىش تۈگىسىلا پۇلنى ئالىمىز» . شۇنداق قىلىپ، سوراق باشلاندى. «چىن جوڭ يۈەن، سەن بايا ئۆزۈڭنىڭ ئۆلگۈچى بىلەن مۇناسىۋىتىڭنىڭ بارلىقىنى ئېتراپ قىلدىڭ ھە؟ »دېدى فاسەي بىرنى كېرىلىۋېتىپ. «ھەئە » «قانداق مۇناسىۋەتتە؟ » «مەن ئۇنىڭ بىلەن،بىر قەدەر يېقىن» «ئۇدۇل دېسەڭچۇ! جىننى قىرقىتماقچىمىدىڭ يا ...» «ئۆلگۈچى ...ھېسابتا مېنىڭ ...كونا سۆيگىنىم» فاسەي بىرنى ھۆتىلىپ قويدى. جى لىڭ گې نىڭمۇ فاسەينىڭ بىنورمال سوئاللىرىدىن بېشى ئاغرىۋاتاتتى. ئۇنىڭ سورىغانلىرى بويىچە خاتېرىلەش كېرەكمۇ ياكى سىپايىلەشتۈرۈش كېرەكمۇ؟ بولدىلا، ئەسلى پېتى خاتېرىلەي. كېيىنچە تۈزىۋالارمەن ... ئەگەر سوراقنى جى لىڭ گې قىلغان بولسا، كېيىنكى سوئالى چوقۇم: «سەن ئۇنى ئۆلتۈردۈڭمۇ؟ »بولاتتى، ئەمما فاسەي ئۇنداق سورىمىدى: «سەن بىلەمسەن ياقمۇ؟ ئۆلگۈچى سەندىن پايدىلىنىپ نۇرغۇن پارە ئاپتۇ! » جى لىڭ گې بۇ سوئالدىن فاسەينىڭ ئورا كولاشقا باشلىغانلىقىنى ھېس قىلدى. «كەچۈرۈڭلار، مەن ئۇقمايدىكەنمەن» ھازىر ساقچىلارنىڭ قولىدا پەقەتلا لومەننىڭ پارە يېگەنلىك ئىسپاتى بار، ئەمما ئۇ ئىككىسىنىڭ شېرىكلىشىپ پارە ئالغانلىقى توغرىسىدا ئىسپات يوق. شۇڭا، بۇ نۇقتا دەل ئۇلارنىڭ ئىسپاتىنىڭ كەمچىل نۇقتىسى. شۇڭا فاسەي ئېيتتى: «ئۇنداقتا سەن ساھىبجاماللارنىڭ ھىيلىسىگە چۈشۈپ ئىش بېجىرىپسەن، بۇ جىنايىتىڭگە ئىقرار قىلامسەن؟ » چىن جوڭ يۈەن بىر ئاز ئويلىنىپ ئېيتتى: «مەن ...مەن دەرۋەقە ئۇنىڭغا مەھلىيا بولغان، بۇنىڭغا ئىقرارمەن. بىراق بۇ پەقەتلا مېنىڭ باشقىلارنىڭ گېپىنى ئاڭلىغانلىق خاتالىقىم خالاس، ھەرگىزمۇ جىنايەت ئۆتكۈزگىنىمدىن دېرەك بەرمەيدۇ» «بىراق ئىككىڭلار شېرىكلىشىپ پارە ئالدىڭلارغۇ؟ » «ياق، بۇ پارە ئېلىش ھېسابلانمايدۇ» دېدى چىن جوڭ يۈەن ئىنكار قىلىپ. جى لىڭ گې فاسەينى ئەسكەرتىپ: پارە ئېلىش پەقەتلا باشقىلارنىڭ پۇل - مېلىنى ئالسا ئاندىن پارە ھېسابلىنىدىغانلىقىنى، بۇ يەردىكى چىن جوڭ يۈەننىڭ ئەھۋالنى ئۇقمايدىغانلىقىنى ، پەقەتلا لومەن تەرىپىدىن ئالدانغانلىقىنى ئېيتتى.  . «بۇ جىنايەت ھېسابلانمامدۇ؟! »سورىدى فاسەي ئىچى سىقىلىپ. «ياق، ھېسابلانمايدۇ. ھېچيەردە ساھىبجاماللارغا مەستانە بوپتۇ قالسا جىنايەت ھېسابلىنىدۇ دەيدىغان قانۇن يوق» «ۋاي ..قاملاشمىغان »دېدى فاسەي پېشانىسىنى تۇتۇپ ئىچى سىقىلغان ھالدا. جى لىڭ گې ئەھۋالنى سەل چاتاق ھېس قىلدى. چۈنكى فاسەي قانۇن ئۇقمايدۇ. ئەمما چىن جوڭ يۈەن ئوبدان ئۇقىدۇ. بۇنداق ئەھۋال ئاستىدا فاسەي ئۇنى يەنە ئىقرار قىلدۇرالامدۇ؟ «سىزگە قارايمىز ئەمىسە » دېدى جى لىڭ گې . «ھېچقىسى يوق. يەنە بىر تالاي سوئاللارنى سورىمىدىم تېخى— دېدى فاسەي—— چىن جوڭ يۈەن، سەن ھەر ئايدا لومەنگە قانچىلىك پۇل بېرەتتىڭ؟ » چىن جوڭ يۈەن ئەستايىدىللىق بىلەن بېشىنى لىڭشىتتى «مەن ئۇنىڭغا بىر پۇڭمۇ پۇل بېرىپ باقمىغان. » مۈمكىن ئەمەس——— بۇ جى لىڭ گې نىڭ بىرىنچى ئىنكاسى. لېكىن، كولاپ سورىغاننىڭمۇ پايدىسى يوق .چۈنكى ئۇلاردا ئىسپات يوق دە! «ئۇنداقتا لومەندە شۇنچە كۆپ پۇل تۇرسا، سەن ئەزەلدىن ئۇنىڭدىن گۇمانلىنىپ باقمىغانما؟ » «ياق، مەن ئەزەلدىن ئۇنىڭدىن ئۇنىڭ ئىشلىرىنى كۆپ سورىمايتتىم» . جى لىڭ گې بىر تەرەپتىن خاتىرىلىگەچ بىر تەرەپتىن ئويلىدى. چىن جوڭ يۈەن مۇنداق ھېچنىمىنى بىلمەس بولىۋالسا، ئاخىرىنى سۈرشتۈرۈش تەسكە توختىمامدۇ. ئۇ فاسەيگە قاراپ قويدى. ئەمما فاسەي يەنىلا ھېچقانداق ئىپادىسىزلا ئولتۇراتتى. بىرنەرسە سوراپ ئالالمىغاندىكىن، ئورا كولاشنى باشلايدىغۇ ئەمدى؛ دەپ ئويلىدى جى لىڭ گې. بىراق، قانداق ئورا كولاش كېرەك؟ يالغاندىن لومەننىڭ قلمىىغان ئىشلىرىنى توقۇش كېرەكمۇ؟ جى لىڭ گې بۇ خىيالى ئارقىلىق فاسەينى ئەسكەرتتى. لېكىن فاسەي بۇنى رەت قىلدى. چۈنكى مۇنداق قىلسا بەكلا يالغان بوپ قالىدۇ .چىن جوڭ يۈەن بىر قاراپلا بىلىپ قالسا ئىش چاتاق. دەل مۇشۇ چاغدا، سىرتتىن بىر ساقچى خادىمى كىرىپ كەلدى ۋە بىر ئاخباراتى ئۇقتۇردى: «تەكشۈرۈش گۇرۇپپىسىدىن ئۇچۇر كەلدى. ئۇلار چىن جوڭ يۈەننىڭ ئۆيىدىن ئۆلگۈچىنىڭ يان تېلفونى بىلەن زەرەتلىگۈچىسى بايقىلىپتۇ» . جى لىڭ گې قاتتىق چۆچۈپ كەتتى. ئۇنىڭ يان تېلفونى بايقالدى؟! ياق ....ئادەمنى ھەيران قالدۇرىدىغىنى ....ئۇ ئەزەلدىن تەكشۈرۈش گۇرۇپپىسىنى چىن جوڭ يۈەننىڭ ئۆيىنى تەكشۈرۈشكە ئەۋەتمىگەن ئىدىغۇ؟! فاسەينىڭ بىر ئېغىز«رەھمەت» دېگەن گېپىنى ئاڭلىغاندىن كېيىن، ئۇ ئاندىن چۈشەندى. بۇ ئەسلى فاسەينىڭ كولىغان ئورىكى! ئۆلگۈچىنىڭ يان تېلفونى قاتىل تەرىپىدىن ئېلىپ كېتىلگەن. شۇڭا، ئەگەر ئۆلگۈچىنىڭ تېلفونى چىن چوڭ يۈەننىڭ ئۆيىدە بايقالسا، ئۇنىڭ گۇمانلىقلىقى تېخىمۇ ئاشىدۇ. «چىن جوڭ يۈەن، ئۆلگۈچىنىڭ يان تېلفونىغا قارىتا دەيدىغانلىرىڭ بارمۇ؟ »فاسەي سوراش بىلە بىر ۋاقىتتا ئۇنىڭ چىراي ئىپادىسىگە سەپە سالدى. چىن جوڭ يۈەن گەرچە يەنىلا ھېچ ئىش بولمىغان قىياپەتتە بولسىمۇ، ئۇنىڭ پېشانىسىدىن ئۆرلەشكە باشلىغان تەر تامچىلىرىدىن ئۇنىڭ جىددىيلەشكەنلىكىنى بىلىۋالغىلى بولاتتى. «لومەننىڭ يان تېلفونى مېنىڭ ئۆيۈمدىن تېپىلىپتىما؟ »دېدى ئۇ  بىر قېتىم جەزىملەشتۈرۈش ئاساسىدا. «شۇنداق» «خاتالىشىپ قالمىغانسىلەر؟ نېمە تىپلىق ئىكەن؟ باشقىلارنىڭ تېلفونىمىكىن؟ » ئۇ ئورەككە يىقىلمىدى. ساقچى خادىمى تېلفون تېپىلغانلىق دوكىلاتىنى فاسەيگە بەرگەندىن كېيىن، فاسەي ئۇنىڭغا بىرنى كۆز يۈگۈرتىۋىتىپ چىن جوڭ يۈەنگە بەردى «لومەننىڭ يان تېلفونى مۇشۇ تىپلىقمۇ؟ » چىن جوڭ يۈەن كۆرگەندىن كېيىن ئۈندىمەي، پەقەتلا بېشىنى لىڭشىتتى. جى لىڭ گې فاسەيدىن يوشۇرۇنچە سورىدى: «ئۆلگۈچىنىڭ يان تېلفونىنىڭ تىپىنى قانداق ئۇقتىڭىز؟ » «قاپاق، بىز ئۇنىڭ ئۆيىگە بارمىدۇقمۇ؟ ئۆيدە تېلفونىنىڭ قېپى بىلەن چۈشەندۈرۈلۈشى باركەن. » بۇيەردىن كەتكۈزۈپ قويغان چىن جوڭ يۈەننىڭ ئورىغا سەكرىمەي باشقا ئامالى قالمىدى. «بوپتۇ ...مەن ئىقرار، لومەن ئۆلۈشتىن ئىككى كۈن ئىلگىرى، ئۇنىڭ يان تېلفونى سومكامدا قالغان ئىدى» دېدى چىن جوڭ يۈەن. «يالغان سۆزلىمە!؛— دېدى فاسەي— زەرەتلىگۈچىسىنىمۇ قوشۇپ ساپ قويغانمىدىڭ؟ » «ھەئە!— دېدى چىن جوڭ يۈەن لېۋىنى چىشلەپ— ئۇ ماڭا تېلفوننى ئوڭشىتىشقا ھاۋالە قىلغان ئىدى. ئوڭشىتىپ بولغاندىن كېيىن تېخىچە قايتۇرۇپ بەرمىگەن ئىدىم» «ناھايىتى ياخشى. سەن مۇنداق دېگەندىكىن، بىزمۇ ئەمىسە ھازىرلا سېنىڭ بۇ يالغان گېپىڭنى ئېچىپ تاشلايمىز. بىلىشىڭ كېرەك، بىز ھازىرلا ئۇنىڭ تېلفون ئالاقە خاتىرىسىنى تەكشۈرەلەيمىز. ئەگەر بۇ بىرقانچە كۈن ئىچىدە، ئۆلگۈچىنىڭ تېلفونىدا سىرتقا ئۇرۇلغان تېلفون خاتېرىسى تېپىلسىلا، سەن يالغان گەپ قىلغان بولىسەن» چىن جوڭ يۈەن ئامالسىز قوشۇلىدىغانلىقىنى بىلدۈردى. «راستتىنلا مەسىلە يوقمۇ؟ »سورىدى فاسەي. «....يوق. » «بىز يەنە تېخى تېلفون ئوڭشىغان جايىڭدىن نۇر تېلفوننى ئوڭشاشقا خاتىرىسىنىڭ بار—  يوقلىقىنىمۇ تەكشۈرەلەيمىز» فاسەي مۇشۇنداق  قىستاۋەردى. ئەمما چىن جوڭ يۈەن ئۈندىمىدى. جى لىڭ گې نىڭ ئىچى سىقىلدى ...چۈنكى ئۇلاردا ئەسلا ئۇ تېلفون بولمىسا، ئۇلار نەگە بېرىپ، نېمىنى تەكشۈرىدۇ؟   ئەمما بۇ چاغدا ساقچى خادىمى يەنە تۇيۇقسىزلا لومەننىڭ تېلفونىنىڭ تېلفون خاتىرىسى جەدۋىلىنى كۆتۈرۈپ كىردى. ئۇنىڭدا ئۇ شەنبە كۈنى ئۇنىڭ چىن جوڭ يۈەنگە تېلفون قىلغانلىقى خاتىرىلەنگەنىدى. جى لىڭ گې ئۇقتى. بۇ دېگەن قىلتاق! «نېمە؟— دېدى فاسەي— سەن ئەسلا بۇ تېلفوننى ئوڭشاتماپسەن! ئەينى چاغدا تېلفون ئىزچىل لومەننىڭ قولىدا ئىكەن.  ھەر قانچە بولسىمۇ سەن ئۇنىڭ تېلفونىنىڭ كۆتۈرۈپ ساياھەتكە بېرىپ، ئاندىن ئۆزۈڭگە ئۆزۈڭ تېلفون قىلماسسەن. » چىن جوڭ يۈەن بىرنى ئۇھسىنىپ دېدى: «بولىدۇ. مەن الشان سۆزلىگەنلىكىمنى ئىقرار قىلىمەن. گەرچە ئۇ كۈنى ئۇنىڭ ماڭا تېلفون قىلغىنى ئېسىمدە بولمىسىمۇ ..» ئېتراپ قىلدى؟ بۇ ياخشى ئىشمۇ؟ جى لىڭ گې ئۇنداق قارىمىدى. چۈنكى ئۇنىڭ نەزىرىدە، فاسەي ئورا كولاپ، قارشى تەرەپنى يالغان سۆزلىتىپ، ئاندىن يەنە يالغان گەپنى چىرايلىق قىلدۇرۇش ئۈچۈن يەنە يالغان سۆزلىتىپ، ئاخىرى يۇغۇشتۇرالمايدىغان قىلىپ قويۇش. بىراق چىن جوڭ يۈەن يالغان سۆزلىگەنلىكىنى ئېتراپ قىلدى ...مۇنداق قىلغاندا فاسەينىڭ قول سالمىقىمۇ تەسكە توختايدۇ ئەمەسمۇ! بۇ چىن جوڭ يۈەن ھەقىقەتەن ئېغىر - بېسىق ئىكەن. فاسەي بوش كەلمىدى: «ئۇ شەنبە كۈنى كەچتە، ئۇ ساڭا تېلفون قىلدى. ئاندىن كېيىنلا ئۆلۈپ قالدى. ئۇنىڭدىن كېيىن ئۇنىڭ تېلفونى ئۆيۈڭدىن تېپىلدى ..» ئەلۋەتتە، بۇلار فاسەينىڭ ئۇنى قورقىتىدىغان پوپوزىسى. جى لىڭ گې ئويلىدى، نېمىلا بولمىسۇن فاسەينىڭ ئورىكىگە يىقىلغاندىكىن، چوقۇم جىنايىتىڭنى ئىقرار قىلىدىغان ۋاقتىڭ بارغۇ. «نېمە دېمەكچى؟ سىلەر مېنى ئادەم ئۆلتۈردى دەۋاتامسىلەر؟ مېنىڭ ئۇچاغدا نەق مەيداندا يوقلۇق ئىسپاتىم بار! » مۇ بىۋاسىتە ئۆزىنىڭ نەق مەيداندا يوقلۇق ئىسپاتىنى تارتىپ چىقتى!  بۇ دەل جى لىڭ گې نىڭ ئەڭ ئەنسىرەيدىغان ئىشى ئىدى. ئەگەر ئۇ نەق مەيداندا يوقلۇق ئىسپاتىنى چىشلىۋىلىپ تۇرىۋالسا، ئۇلارنىڭ ئۇنىڭغا ھېچقانداق ئامال قالمايدۇ - دە! دېمەك، چىن جوڭ يۈەن ھازىر فاسەينىڭ ئورىكىدن تامامەن چىقىپ كەتتى! فاسەي سورىدى: «سېنىڭ راستلا نەق مەيداندا يوقلۇق ئىسپاتىڭ بارما؟ » چىن جوڭ يۈەن پۇرسەتنى غەنىيمەت بىلىپ، ئۇلارنىڭ ئۇ كۈنكى پائالىيىتىنى سۆرەپ ئەپ چىقتى ۋە ئورگاندىكى ھەممەيلەننىڭ ئۇنىڭغا ئىسپات بولالايدىغانلىقىنى ئېيتتى. «ئۇنداقتا ئۇكۈنى كەچ سائەت 21:00 دىن باشلاپ سەن نېمىلەرنى قىلدىڭ؟ » چىن جوڭ يۈەن ئۇكۈنى 21:00 نىڭ  ساليۇرت كۆرۈش ۋاقتى ئىكەنلىكىنى، ئۇ، ئايالى ھەمدە دا كەننىڭ بىللە پاراڭلاشقاچ ھوزۇرلانغانلىقىنى،بۇنىڭغا دا كەننىڭ گۇۋاھچى بولالايدىغانلىقىنى ئېيتتى. «ئاندىن كېيىن 22:30 ساپ بىز قايتىپ توپ مۇسابىقىسى كۆردۇق. بۇچاغدا ئايالىم چارچاپ كەتكەنلىكىنى ئېيتىپ ياتاققا قايتىپ كەتتى. مەن توپ مۇسابىقىسى كۆردۈم. ئارىلىقتا بىر قېتىم قايتىپ ئۇنى كۆرۈپ چىقتىم ...» «سائەت قانچىدە؟ » «تەخمىنەن 22:45 دە. » «كېيىنچۇ؟ » «مەن 3021ـ ياتاققا قايتتىم، قارىسام ئايالىم ئۆزى يالغۇز مۇسابىقە كۆرگىلى تۇرۇپتىكەن، مەن ئۇنىڭغا ھەمراھ بولۇپ بىر ئاز كۆرگەندىن كېيىن كۆپچىلىكنىڭ قېشىغا قايتىپ چىقتىم. » «سېنىڭ بۇ ۋاقىتتا كۆپچىلىكتىن ئايرىلىشىڭنىڭ ھەممىسى ئايالىڭ ئۈچۈن؟ » «ئۇ ئويناپ ھېرىپ قاپتۇ. مەن بېرىپ ھەمراھ بولدۇم. نەرى خاتا؟ » «ئۆلگۈچىنىڭ ئۆلگەن ۋاقتىدا، يەنە 23:07 ئۆتكەندە سەن نېمە قىلىۋاتقان؟ » «ئايالىمغەم ھەمراھ بولۇپ توپ كۆردۈم شۇ. ھەر قانچە بولسىمۇ يېرىم سائەت ئىچىدە ئۇ يەرگە بېرىپ ئادەم ئۆلتۈرۈپ كەپ بولالماسمەن» «ياق، ئۇنداقتا سەن كۆرگەنلىرىڭنى ماڭا ئېيتىپ بەر» دېدى فاسەي. چىن جوڭ يۈەن ئويلانمايلا ئېيتتى«بالوف بىر توپ كىرگۈزدى. ئۇ مەنزىرە ئېنىق يادىمدا» ئۇمۇ توپ كىرگەننىڭ كۆردى؟ مۇنداقچە ئېيتقاندا چىن جوڭ يۈەن ئايالىغا ھەمراھ بولۇپ مۇسابىقە كۆرگەن. شوڭا ئادەم ئۆلتۈرىشى مۈمكىن ئەمەس. ياق، مۇنداق بېكىتىشكىمۇ بولمايدۇ. چۈنكى كېيىن مۇسابىقىنىڭ تەكرار قويۇلغىنىنى كۆرگەن بولسىچۇ؟ «توپ قانداق كىرگەن؟ »دېدى فاسەي. «بالوف بىر كاللا توپ ئۇرغانىدى، توپ ۋارتانىڭ سول تۈۋرۈكىگە تېگىپ قاڭقىپ كەتتى، بۇ چاغدا قارشى تەرەپنىڭ ۋارتاسىمۇ سول تەرەپنىڭ مۇداپىئەسىنى كۈچەيتكەنىدى بالوف شۇئان ئوڭ تەرەپكە تېپىپ توپنى كىرگۈزىۋەتتى. » جى لىڭ گې نىڭ تېخىمۇ ئىچى سىقىلدى. چۈنكى ئۇ شۇقەدەر ئېغىر - بېسىق بوپلا قالماي، نەق مەيداندا يوقلۇق ئىسپاتىمۇ شۇنچە مۈكەممەل ئىكەن! ....بىراق، ئۇ يەنە فاسەينىڭ سوغۇق كۈلىۋاتقىنىنى بايقىدى! نېمە؟ ئەجەبا چىن جوڭ يۈەن بىرنېمىنى چاندۇرۇپ قويدىمۇ؟ «دەرۋەقە، چىن جوڭ يۈەن— دېدى فاسەي قولىنى ئۇنىڭغا تەڭلەپ تۇرۇپ—  سەن يالغان سۆزلىدىڭ! » «نەدە يالغان سۆزلىدىم؟ » «سەن ئايالىڭ بىلەن بىللە مۇسابىقە كۆردۈڭ، شۇنداقمۇ؟ » «ھەئە، مۇسابىقە باشلانغاندىن تارتىپ ئۇ ياتاقتا مۇسابىقە كۆرگىلى تۇرۇپتىكەن. » فاسەي يەنە بىر جەدۋەل چىقىرىپ ئېيتتى: «بىزدە يەنە ئۇ مېھمانخانىنىڭ تېلىۋىزور ھەق ئېلىش خاتىرىسى بار .بۇمۇ بىر ھەق ئالىدىغان پروگرامما بولغاچقا، ئۇلارمۇ چوقۇم ھەممە ياتاقنىڭ نومۇر قانىلىنى خاتىرىلەيدۇ. مېنىڭ  بۇنىڭدىن كۆرگىنىم بولسا ئۇ شەنبە كۈنى 3021- نومۇرلۇق ياتاقنىڭ قويغان قانىلى ...» جى لىڭ گې تۈكۈرۈكىنى يۈتۈۋەتتى، چىن جوڭ يۈەنمۇ ھاڭۋېقىپ قالدى. «22:51 دىن 23:10 غىچە  قويۇلغان. جەمىي 20 مىنۇت— فاسەي بۇ جەدۋەلنى چىن جوڭ يۈەنگە كۆرسەتكەندىن كېيىن داۋاملىق سۆزلىدى— ئەگەر سەن دېگەندەك بولغان بولسا، سىلەرنىڭ ياتىقىڭلاردىن 23:30 دىلا نومۇر قويۇلۇشقا باشلىنىپ  0:00 دە ئاخىرلاشقان بولىدۇ! » دەرۋەقە شۇنداق. «چىن جوڭ يۈەن!— دېدى فاسەي ئۇنىڭغا يەنە قولىنى تەڭلەپ تۇرۇپ— سەن راستتىنلا ياتاققا قايتىپ ئايالىڭ بىلەن بىللە مۇسابىقە كۆردۈڭمۇ؟! » «ھە..ھەئە! ...مەن مۇسابىقە مەزمۇنىنى ئېيتىپ بېرەلەيمەن! » «مەن سېنىڭ مۇسابىقە كۆرگىنىڭگە ئىشىنىمەن. لېكىن ..—  فاسەي يەنىلا ئۇنىڭغا قولىنى تەڭلىمەكتە— سەن ئايالىڭنى كۆرمىدىڭ! » چىن جوڭ يۈەن بۇ گەپتىن چۆچۈپ كەتتى. تېلىۋىزورنىڭ ھەق ئېلەش خاتىرىسى 22:51 دىن 23:10 غىچە بولغاچقا، چىن جوڭ يۈەننىڭ ياتاقتا ئايالى بىلەن بىللە مۇسابىقە كۆرگەن بولۇشى مۈمكىن ئەمەس. بۇ ھەق ئېلىش خاتىرىسى چوقۇم چىن جوڭ يۈەننىڭ ياتاققا قايتىپ تېلىۋىزورنى ئۆزى ئاچقان ۋە ئۆچۈرگەن خاتىرىسى. «سەن نېمىشقا ئايالىڭنى كۆرگەن بولىۋالىسەن؟ »فاسەي قىستاپ سورىدى. «مەن يالغان سۆزلىدىم» ئۇ يەنە ئىقرار قىلدى . «ئىم؟ »بۇ ئەھۋال فاسەينى يەنە ئوسال قىپ قويدى. ئاقىۋەت چىن جوڭ يۈەن ئويلىمىغان يەردىن دېدى: «بولدى، ئادەمنى مەن ئۆلتۈرگەن. مەن جىنايىتىمنى ئىقرار قىلىمەن ». «ھا  ھا ھا، سەن جىنايىتىڭنى ئىقرار قىلىسەن؟ »دېدى فاسەي كۈلۈپ كېتىپ. چىن جوڭ يۈەن بېشىنى ساڭگىلىتىپ تۇرۇپ ئالدىرىماي  ئېيتتى: «ھەئە ...مەن ئىقرار قىلىمەن ». «ئۇنداقتا نەق مەيداندا يوقلۇق ئىسپاتىڭچۇ؟— دېدى فاسەي— سەن بۇنى ئىنكار قىلالامسەن؟ » «مەن ئۆزۈمنىڭ لومەننى ئۆلتۈرگىنىمنى ئىقرار قىلساممۇ بولمامدا؟ » فاسەي بوينىنى بىرنى كەرگەندىن كېيىن ئېيتتى: «بوپتۇ. ئۇنداقتا سەن ئۆزۈڭنىڭ قاتىل ئىكەنلىكىڭنى ئىقرار قىلساڭ، ئەمىسە ماڭا قاتىلنىڭ نەق مەيداندا ئەمەسلىك ئىسپاتىنى ئۆرۈپ بەرگىن» . «بۇ....» توغرا، ئەينى چاغدا چىن جوڭ يۈەن ئۇ ساياھەت كەنتىدىن ئايرىلغىنى يوق. ئارىلىقتا پەقەتلا 30 مىنۇت ئايرىم سەركەردە قىلغان. لېكىن بۇ 30 مىنۇتتا بېرىپ ئادەم ئۆلتۈرۈپ قايتىپ كېلەلىشى مۈمكىن ئەمەس. بۇنى ئۇنىڭ ئۆزىمۇ ئىنكار قىلالمايدۇ. «شۇڭا سەن مۇنداقلا جىنايىتىڭنى ئىقرار قىلساڭ، مەن پەقەتلا سېنى جىنايەتچىنى يوشۇردى دەپ بېكىتىمەن .چىن جوڭ يۈەن، سېنىڭ نەق مەيداندا ئەمەسلىك ئىسپاتىڭ ئاقىدۇ. شۇڭا سەن ھەرگىزمۇ قاتىل ئەمەس ». جى لىڭ گې چۆچۈپ كەتتى ۋە فاسەيدىن قاتىلنىڭ كىملىكىنى سورىدى. «ۋاي قاپاق، تېخىچە بىلەلمىدىڭىزما؟— دېدى فاسەي چىن جوڭ يۈەنگە قاراپ تۇرۇپ سۆزىنى داۋام قىلغاچ— نېمىشقا سەن ئادەم ئۆلتۈرگەن قاتىل ئەمەس تۇرۇقلۇق، يەنە تېخى چىرايىق نەق مەيداندا ئەمەسلىك ئىسپاتىڭ بار تۇرۇقلۇق، نېمىشقا ئۆلگۈچى بىلەن مۇناسىۋىتىڭنىڭ بارلىقىنى ئىقرار قىلغىلى ئۇنىمايسەن؟ ئەمەلىيەتتە بولسا—— سەن ساقچىلارنىڭ سېنى تەكشۈرۈشىدىن قورقتۇڭ. ئەگەر ساقچىلار سېنى تەكشۈرۈپلا قالسا ئېنىقلا يېنىڭدىكى يەنە  بىر ئادەمنى سۆرەپ چىقىدۇ. سەن پەقەت ئۇ ئادەمنى قوغدىماقچى. شۇڭا سەن ئورگاندىكى ھەممەيلەننىڭ ساڭا بولغان ئىشەنچىدىن پايدىلىنىپ،نەق مەيداندا يوقلۇق ئىسپاتىڭنى مۇكەممەللەشتۈردۈڭ.  شۇنداق قىلىپ ساقچىلاردىن قۇتۇلماقچى بولدۇڭ ». چىن جوڭ يۈەن ئۈندىمىدى. «پەقەتلا ھەممەيلەن ساڭا بىردەك ئىسپات بولالىغاندىكىن، سەن چوقۇم ياخشى ئادەم. شۇڭا سېنىڭمۇ باشقىلارغا نەق مەيداندا يوقلۇق ئىسپاتىڭ بار. سېنىڭ بايامقى سۆزلىرىڭ تامامەن يەنە بىر ئادەم ئۈچۈن نەق مەيداندا يوقلۇق ئىسپاتى ياسىغانلىقىڭ! شۇنداقمۇ، چىن جوڭ يۈەن؟ » جى لىڭ گې بۇلارنى ئاڭلاپ ھەتتا خاتىرىلەشنىمۇ توختىتىپ قويدى. ئەجەبا ...ھەقىقىي قاتىل   ... «  بىرىنىڭ ئاشنىسى قەستلەپ ئۆلتۈرۈلسە، بىرىنچى بوپتۇ گۇمانلىنىدىغىنى زادى كىم؟ ھەرگىزمۇ بىراۋ ئۆزى ئەمەس، بەلكى ...—— فاسەي سوراقخانا سىرتىدىكى نازارەت ئۆيىنى كۆرسىتىپ تۇرۇپ ئېيتتى—— ئۇنىڭ ئايالى! »

banuay

	بەك ياخشى تەرجىمە قىلىپسىز ئۇكام ،،،،لېكىن ئۆگىنىشىڭىزگە قەتئىي تەسىر يەتكۈزۈپ قويماڭ ھە!!!مەن سىز دەپ بەرگەن بويىچە توردىن ئىزدەپ ئاخىرىنى ئوقۇغان ،لېكىن تولۇق ئەمەسكەن ،،بەك ئوقۇغۇم باتتى ،مەكتەپنىڭ كۇتۇپخانىسىغىمۇ نەچچە قېتىم كىردىم بۇ كىتاپنى ئىزدەەەەەەپ !

تەسەللى

	يەنە يوللاپسىزدە. ئوغۇل بالا ئەركەك. مەن ئويلىغاندەك ئىككىسىزڭ جېڭى خېلى قىزىپتۇ. بېشىنى ئوقۇپ. فاسەي مەغلۇپ بولىدىغان بولدى دەپ ئويلىغانتىم. ئويلىمىغان يەردىن يەنە قىلتاققا دەسسەتتى   زادى يامان نىمىكەن. رەھمەت. داۋامىنى يەنە ساقلايمىز.

xamal1124

	banuay يوللىغان ۋاقتى  2014-3-28 12:35 AM بەك ياخشى تەرجىمە قىلىپسىز ئۇكام ،،،،لېكىن ئۆگى ... بۇ كىتاپنى يازغۇچى تېخى ئانچە بەك نامى چىقمىغان يازغۇچى بولغاچقا، بۇ كىتاپ بىزنىڭ ئۇ تەرەپلەردە تېپىلمايدۇ. ئاساسەن چاڭ شا تەرەپلەردە تېپىلىدىغۇ دەيمەن. مەنمۇ كىتاپىنى توردىن ئېلىپ ئوقۇپ تەرجىمە قىلىۋاتىمەن .

xamal1124

	تەسەللى يوللىغان ۋاقتى  2014-3-28 01:47 AM يەنە يوللاپسىزدە. ئوغۇل بالا ئەركەك. مەن ئويلىغاندەك ئ ... ھېلىمۇ شۇنچە ساقلاتقىنىم يېتەر. ئەمدى يەنە ساقلاتقىم يوق .

xamal1124

	banuay يوللىغان ۋاقتى  2014-3-28 12:35 AM بەك ياخشى تەرجىمە قىلىپسىز ئۇكام ،،،،لېكىن ئۆگى ... ئاخىرقى سوتتا، فاسەي ھېلىقى قويۇلىۋاتقان فىلىمنى ئەسلى ئۆزىنىڭ dvdئارقىلىق قويغانلىقىنى، نەق مەيداندا تېپىلغان بارماق ئىزلىرىنىڭ ئەسلى ئۇنىڭ ھەقىقىي قاتىلنى تۇتۇش ئۈچۈن قەستەن قالدۇرۇپ قويغانلىقىنى ئاشكارىلاپ، ھەقىقىي قاتىلنى ئىقرار قىلدۇرىدۇ؛ ئوت قويۇش دېلوسىدا ساقچى باشلىقىنى سوراق قىلىپ سولىتىۋېتىدۇ؛ ئۇ ساقلاۋاتقان ھېلىقى مۇسابىقە بولغاندا ئۇ دادىسىنى ئۆلتۈرگەن ۋە سىڭلىسىنى گاچا قىپ قويغان بىر كورىيەلىكنى ئۆلتۈرۈپ، جىنايەتنى ئۇ كورىيەلىكنىڭ شېرىكىگە دۆڭگەپ قويۇپ تۈرمىگە سولىتىۋېتىدۇ.مانا بۇ پۈتۈن كىتاپنىڭ ۋەقەلىكى. بۇ كىتاپىنى تاپالمىسىڭىز 福尔摩斯全集(ھولمىس توپلىمى)دەيدىغان دۇنياغا داڭلىق بىر كىتاپىنى تەۋسىيە قىلاي. ھەقاچان ئاسانلا تاپالايسىز. مەن ئارام كۈنۈمدە ئازراق ئوقۇپ باققان ئىدىم، قارىسام بۇنىڭدىن بەكراق قىززىيدىغاندەك قىلىدۇ. شۇنى كۆرۈپ بېقىڭە.

★umiD

	ئاخىرىنى دەۋەتمەي تۇرىڭە دەۋەتسىڭىز قىزىقىپ ئوقۇۋاتقان ئادەم سوۋۇپ قالىدىكەن ....

xamal1124

	★umiD يوللىغان ۋاقتى  2014-3-28 01:47 PM ئاخىرىنى دەۋەتمەي تۇرىڭە دەۋەتسىڭىز قىزىقىپ ئوقۇۋاتق ... OK

hutan.tawakkul

	xamal1124 يوللىغان ۋاقتى  2014-3-28 02:07 PM OK ئاخىرىنى قاچان يوللايسىز؟

xamal1124

	hutan.tawakkul يوللىغان ۋاقتى  2014-3-28 03:42 PM ئاخىرىنى قاچان يوللايسىز؟ 11 نى يوللاپ بولدۇم .  ئاخىرقى بىر باب قالدى. مۇشۇ ئىككى كۈن ئىچىدە بىنادىن تاشلىنىشى دېلوسىنى تولۇق ئاخىرلاشتۇرىمەن .قالغان قىسمىنى تەتىلدە ئۆيگە قايتقاندا تەرجىمە قىلىمەن