كۆيۈنۈش(بۆجەنچاق)

bojanqak

	ناھايىتى  شەپقەتلىك ۋە مىھرىبان  ئاللاھنىڭ  ئىسمى  بىلەن                                 باشلايمەن ئاللاھقا  ھەمدۇ-سانا   ۋە  پەيغەمبەرگە  دۇرۇت  يوللايمەن.                                  كۆيۈنۈش مۇسۇلمان  كۆيۈمچان، كۆيۈنۈش  ئەخلاقى،  كۆيۈنۈش  روھى  پاكلىقىدىن  ئايرىلالمايدۇ. مۇسۇلماننىڭ  ياخشى  ئىشلارنى  قىلىشى،  ياخشى  ئەمەللەر  بىلەن  بۇلىشى،  يامانلىقتىن  يىراق  بولىشى،  بۇزۇقچىلىقتىن  يىراق  بۇلۇشى،  روھى  پاكلىقنى  بارلىققا  كەلتۈردۇ.  روھى  پاكلىق  بار  قەلىپتە  كۆيۈنۈشمۇ  ھەم  مەۋجۇد  بولىدۇ.  شۇنىڭ  ئۈچۈن  مۇسۇلمان  كىشى  كۆيۈنۈشنى  ياخشى  كۆرىدۇ،  باشقىلارغا  كۆيۈنىدۇ  ۋە  باشقىلارنى  شۇنىڭغا  تەۋسىيە  قىلىدۇ،  چاقىرىدۇ.   ئاللاھ تائالا   مۇنداق   دىگەن:[  شۇنىڭ  بىلەن  بىللە  ئىمان  ئېيتقانلاردىن، ئۆز ئارا  سەبىر قىلىشقا  تەۋسىيە  قىلىشقانلاردىن  بولماقتۇر.  ئەنە  شۇلار  (يەنى  يۇقىردىكى  ئىشلارنى  قىلغان  كىشىلەر)  سائادەتمەن  كىشىلەردۇر.]    پەيغەمبەر  سەللاللاھۇ ئەلەيھى  ۋەسەللەم  مۇنداق   دىگەن:  { ئاللاھ  ئۆز  بەندىلىرى  ئىچىدىكى    كۆيۈمچان  بەندىلىرگە   كۆيىنىدۇ.}  يەنە  مۇنداق  دىگەن:{ زىمىن  ئەھلىگە   كۆيۈنۈڭلار،  سىلەرگە  ئاسمان   ئەھلى  كۆيۈنىدۇ.} يەنە  مۇنداق   دىگەن:  {  كۆيۈنمىگەن  ئادەم  كۆيۈنۈشكە  ئىرىشەلمەيدۇ}  يەنە  مۇنداق  دىگەن:{  كۆيۈنۈش  پەقەت  شەقى  بەندىنىڭ  قەلبىدىن  تارتىلىپ  كىتىدۇ.}  يەنە  مۇنداق  دىگەن:{  مۆئمىنلەر  ئۆز  ئارا  دوست  بولۇش،  ئۆز  ئارا  كۆيۈنۈش،  ئۆز  ئارا  غەمخورلۇق  قىلىشتا  بىر  جەسەتكە  ئوخشاش  بولۇپ،  ئەگەر  ئۇنىڭ  بىرەر  ئەزاسى  ئۇيقىسىزلىق  ،  قىزىتما  بىلەن  ئاغرىپ  قالسا  باشقا  ئەزالار  ئۇنىڭغا  دورا  ئىزدەيدۇ.}   كۆيۈنۈش  ماھىيەتتە  دىلنىڭ  يۇمشاقلىقى،  كەچۈردىغان  ۋە  ياخشىلىق  قىلدىغان  روھى  غەمخورلۇق  بولسىمۇ،  ئۇنىڭ  بۇنىڭدىن  سىرىت  سىرىتقى  تەسىرلىرى،  ھەرىكەت  ئالىمىدە  ئۆز  ئىپادىسنى  تاپىدىغان  كۆرۈنۈشلىرى  بار.  بۇلار  سەۋەنلىكنى  ئەپۇ  قىلىش،  خاتالاشقۇچىنى  كەچۈرۈش،  ھاجەتمەننىڭ  ھاجىتىدىن  چىقىش،  ئاجىزغا  ياردەم  بىرىش،  ئاچقا  تاماق،  يالىڭاچقا  كىيىم  بىرىش،  كىسەلگە  دورا  ئىزدەش، غەمكىننىڭ  كۆڭلىنى  ياساش  قاتارلىقلار.تۆۋەندىكىلەردىن  كۆيۈنۈشنىڭ  ئەمەلىي  كۆرۈنۈشلىرى  نامايەن  بولىدۇ: 1-بۇخارى  ئەنەس  ئىبنى  مالىك  رەزىيەللاھۇ  ئەنھۇدىن  رىۋايەت  قىلىپ  ئەنەس  مۇنداق  دەيدۇ: پەيغەمبەر  ئەلەيھىسالام  بىلەن  بىز  ئەبى  يۈسۈفىل  قەيىننىڭ  يېنىغا  كىردۇق، ئۇ  ئىبراھىمنىڭ  قارىغۇچىسى  ئىدى،  پەيغەمبەر  ئەلەيھىسالام  ئوغلى  ئىبراھىمنى  ئېلىپ  سۆيدى  ۋە  پۇرىدى.  بىز  يەنە  ئۇنىڭدىن  كىيىن  قايتا  كىردۇق.  ئىبراھىم  جان  تەسلىم  قىلىۋاتقان  ئىكەن،  پەيغەمبەر  ئەلەيھىسالامنىڭ  كۆزى  ياشلاندى.  ئابدۇراھمان  ئىبنى  ئەۋف  رەزىيەللاھۇ  ئەنھۇ  ئۇنىڭغا : يا  رەسۇلۇللاھ  سەللاللاھۇ  ئەلەيھى  ۋەسەللەم  !  سەن  ياش  تۈكىۋاتىسەنغۇ؟  دەپتى.  پەيغەمبەر  ئەلەيھىسالام  مۇنداق  دىدى: ئى  ئىبنى  ئەۋف!  ئۇ  كۆيۈنۈش.  ئاندىن  مۇنداق  دىدى: كۆز  ياش  تۆكىدۇ  قەلىپ  قايغۇرىدۇ، بىز  پەرۋەردىگارىمىز  رازى  بولىدىغان  گەپنى  دەيمىز، ئى  ئىبراھىم!  بىز  سەندىن  ئايرىلغانغا  قايغۇرىمىز.   <پەيغەمبەر  ئەلەيھىسالامنىڭ  ئىنىك  ئانىسىنىڭ  ئۆيىدىكى  ئوغلىنى  كۆرگىلى  بېرىشى،    ئۇنى  سۆيىشى   ،پۇرىشى، كىين  ئۇ  جان  تەسلىم  قىلىۋاتقاندا  ئۇنى  يوقلىغىلى  بېرىشى، قايغۇ  يېشىنى  توختىتالماسلىقى  قەلپتىكى  كۆيۈنۈشنىڭ  سىرىتقى  ئىپادىسى. شۇنداق  بايان  قىلىنغان : ئەلىنىڭ  ئوغلى  زەينۇل  ئابىدىين  رەزىيەللاھۇ  ئەنھۇ  مەسچىتكە  كىتىۋاتقاندا  ئۇنى  بىر  ئادەم   تىللىدى. ئۇنى  ئۇرۇش  ۋە  ئەدەپلەش  ئۈچۈن  زەينۇل  ئابىدىيننىڭ  خادىملىرى  ئۇنىڭ  قېشىغا  يىتىپ  كەلدى.  زەينۇل  ئابىدىين   ئۇلارنى توسۇپ  توختىتىۋالدى. ئاندىن،  ئى  كىشى!  مەندە  سەن  دىگەندىنمۇ  جىق  ئىش  بار، مەن  توغۇرلۇق  بىلگىنىڭدىن  بىلمىگىنىڭ  كۆپ، كېرەك  بولسا  دەپ  بىرىمەن  دىدى،  ھېلىقى  كىشى  قاتتىق  خىجىل  بولۇپ  كەتتى.  زەينۇل  ئابىدىين  ئۆز  رىدايىنى  سېلىپ  ئۇنىڭغا  بەردى  ۋە  ئۇنىڭغا  مىڭ  دەرھەم  بىرىشكە  بۇيرىدى.   بۇ  ئەپۇ  قىلىش  ۋە  بۇ  ياخشىلىق  پەقەت  پاك  قەلىپتىكى  كۆيۈنۈشنىڭ  كۆرۈنۈشلىرىدىن  بىرى. مەنبە: مۇسۇلمانلار  يولى  ناملىق  كىتابتىن  قىسقارتىپ ئېلىندى.

yultuzay0997

	ياخشى يېزىپسىز

ayxolisi

	بۇ دۇنيا مىھرى - مۇھەببەتكە تولسىكەن دەيمەن .

rabbey

	مىھرىبانلىق ، كۆيۈنۈش، ئىماننىڭ جۈملىسىدىندۇر..

Ddilnur