ھايات

كۆڭلۈم

	ھايات تۇنجى كۈنى تەڭرى سېغىن كالىنى يارىتىپتۇ . تەڭرى كالىغا : -سەن ھەركۈنى ئېتىزلىقتا ئىشلەيسەن ، ئاندىن يەنە سۈتۈڭدە موزايلىرىڭ بىلەن خوجايىنىڭنىڭ ئائىلىسىدىكىلەرنى باقىسەن ، ساڭا 60 يىل ئۆمۈر بەردىم ،- دەپتۇ . - بۇ دوزاختەك كۈنلەردە 60 يىل ئىشلەپ نىمە قىلىمەن ! - دەپتۇ كالا دەرغەزەپ بىلەن ،-ماڭا 20 يىل يىتەرلىك ، 40 يىلنى ئۆزىڭىز ئېپقېلىڭ  . تەڭرى كالىنىڭ تەلىپىگە قوشۇلۇپتۇ . ئەتىسى تەڭرى ئىتنى يارىتىپتۇ . تەڭرى ئىتقا: - سەن ھەركۈنى كىشىلەرنىڭ ئىشىكى ئالدىدا تۇرۇپ ، بىرەرسى كەلسە ۋاڭشىپ قاۋايسەن ساڭا 20 يىل ئۆمۈر بەردىم  ،- دەپتۇ . -  20 يىل ۋاڭشىپ قاۋىسام ، بۇ ۋاقىت بەك ئۇزۇنكەن ،- دەپتۇ ئىت ئۈمىتسىزلەنگەن ھالدا،- ماڭا 10 يىل يىتەرلىك ، قالغان ئون يىلنى قايتۇرىۋېلىڭ . تەڭرى ئىتنىڭ تەلىپىگىمۇ قوشۇلۇپتۇ . ئۆگۈنى تەڭرى ئادىمىزاتنى يارىتىپتۇ ۋە ئۇنىڭغا: - سېنىڭ ھەركۈنى قىلىدىغان ئىشىڭ تاماق يېيىش ، ئۇخلاش ، ئويۇن تاماشا قىلىش ، تۇرمۇشتىن لەززەتلىنىش ، ساڭا 20 يىل ئۆمۈر بەردىم ،- دەپتۇ . بۇنى ئاڭلاپ ئادەم نارازى بولغان ھالدا : -نېمە دىدىڭىز ماڭا ئاران 20 يىل ئۆمۈر بېرەمسىز ، تەڭرىم ؟ مەن ئۆزۈمنىڭ 20 يىلىنى كالىنىڭ سىزگە قايتۇرىۋەتكەن 40 يىلىنى يەنە ئىت ياراتمىغان ئون يىلنى ئالاي . 70 يىل خېلى بولىدۇ سىزنىڭچە قانداق ؟ - بوپتۇ، دېگىنىڭدەك بولسۇن ،- دەپتۇ تەڭرى خۇرسىنىپ .   نەتىجىدە بىز ئالدىنقى 20 يىلدا تاماق يەپ ، ئۇخلاپ لەززەتلىنىمىز ، كېيىنكى 40 يىلدا ئۆيدىكىلەرنى بېقىش ئۈچۈن (كالىدەك )جان تىكىپ جاپالىق ئىشلەيمىز ، ئەڭ ئاخىرقى ئون يىلدا ھەركۈنى ئىشىك تۈۋىدە ئولتۇرۇپ ئۆتكەن -كەچكەنلەر بىلەن سالام - سەھەت قىلىشىمىز . مەنبە :شىنجاڭ مەدەنىيىتى ژۇرنىلىدىن ئېلىندى . مۇنبەرگە يوللىغۇچى :كۆڭلۈم - (زۇلپىيە ئەھەت)

تەسەللى

	ئىنساننىڭ ئۆمرىنىڭ تېمىدا تىلغا ئېلىنغان رەۋىشتە بولىدىغانلىقىنى ئىپادىلەش ئۈچۈن ،بۇنىڭدىن باشقا ھېكايە تېپىلمىدىمۇ. اللە نامىدىن بۇنداق ھېكايە توقۇشتىن قورقمىدىڭىزمۇ؟؟؟؟

TanZiyla

	بۇ تمىغا نىمە دەيمىز ئەمدى . بۇ تىمىنى بۇنداق ئپادىلەنمەي باشقا بىر رەۋىشتە ئپادىلەنسىمۇ بولاتتتى ئەمەسمۇ

مسكىنÍÍ

	تەسەللى ئەپەندىم كۆپ ئويلاپ كەتمەڭ ، تىما يورۇتماقچى بولغان . ئىدىيەگە قاراڭ .

halpambag

	ھەي...ي، ئىنسان ھاياتى ھە!!!

aa0998

	مەن بۇ ماقالنى ھېچ نېمىنى چۈشۇنەلمىدىم.......ماقالە يازغان تورداش سىزمۇ مۇشۇ ماقالنى قانداق تەسىراتقا كەلگەن بولسىڭىز شۇنى ماقالنىىڭ ئاستىغا يېزىپ قويغان بولسىڭىز ياخشى بولاتىكەن.

yultuzay0997

	مەنمۇ سەل گاڭگىراپ قالدىم

1263318936

	راست ئىنسان ئەشۇنداق3باسقۇچتا ياشايدۇ

كۆڭلۈم

	تەسەللى يوللىغان ۋاقتى  2014-3-26 07:10 PM ئىنساننىڭ ئۆمرىنىڭ تېمىدا تىلغا ئېلىنغان رەۋىشتە بولى ... بۇ ئىنكاسىڭىز سەل چەكتىن ئېشىپ كەتتىمۇ قانداق ؟ ئەسەر ئوقۇغاندا كۆزىڭىزنى سەل يوغانراق ئېچىپ تەپسىلىيرەك كۆرەرسىز . بۇ ھىكايىنى مەن توقۇغان ئەمەس ، بۇ باشقا مەتبۇئاتلاردىن ئۈزۈندە  قىلىپ ئېلىنغان ئەسەر . باشقا تىلدىن تەرجىمە قىلىنغان ئىكەن . مەن پەقەت ئەسەرگە يوشۇرۇنغان پەلسەپىۋى ئىدىيەنى كۆزلەپلا مۇنبەرگە يوللاپ قويدۇم .- خالاس !يەنە كېلىپ مەن ‹‹تەڭرى ›› دىگەن سۆز بىلەن ‹‹ئاللاھ ›› دىگەن سۆزنى بىر يەرگە قويۇپ باغلاپ چۈشىنىدىغانلاردىن ئەمەس . بىلىپ قويۇڭ سۆزلىگۈچىدە ئەيىپ يوق ئاڭلىغۇچى تۈزەپ ئاڭلىۋالسا قىممەتلىك ۋاقتىڭىزنىڭ بىر قىسمىنى مىنىڭ تېمام ئۈچۈن ئاجراتقىنىڭىزغا كۆپ تەشەككۈر ! بۇ ئىنكاسىڭىز سەل چەكتىن ئېشىپ كەتتىمۇ قانداق ؟ئەسەر ئوقۇغاندا تەپسىلىيرەك كۆرەرسىز . بۇ ھىكايىنى مەن توقۇغان ئەمەس ،بۇ باشقا مەتبۇئاتلاردىن ئۈزۈندە قىلىپ ئېلىنغان ئەسەر . باشقا تىلدىن تەرجىمە قىلىنغان ئىكەن . مەن پەقەت ئەسەرگە يوشۇرۇنغان پەلسەپىۋى ئىدىيەنى كۆزلەپلا مۇنبەرگە يوللاپ قويدۇم خالاس ! يەنە كېلىپ مەن ‹‹تەڭرى ››دىگەن سۆز بىلەن ‹‹ئاللاھ ،› دىگەن سۆزنى بىر يەرگە قويۇپ باغلاپ چۈشىنىۋالىدىغانلاردىن ئەمەس . بىلىپ قويۇڭ سۆزلىگۈچىدە ئەيىپ يوق ئاڭلىغۇچى تۈزەپ ئاڭلىۋالسىلا بولدى ، گەپ سىزنىڭ قايسى تەرەپتىن چۈشىنىپ قايسى تەرەپىنى شاللاپ قايسى تەرىپىنى قوبۇل قىلالىشىڭىزدا . يەنە بىر جەھەتتىن ئېيتقاندا مەن پالەچ قېينىئاپامنىڭ ۋە بالامنىڭ ھالىدىن خەۋەر ئىېلىپ يولدىشىمنىڭ خىزمىتىنى قىلىپ ئولتۇرىدىغان ئاددىي بىر ئائىلە ئايالىمەن . شۇڭا بەلكىم سىلەردەك بىلىدىغانلىرىم كۆپ بولماسلىقى نەزەر دائىرەمنىڭ تار بولۇشى قاتارلىق سەۋەپلەر تۈپەيلى تېمىلىرىم مۈجمەل بولۇپ قالغان بولۇشى مۇمكىن ، بۇنىڭ ئۈچۈن ھەقىقەتەن ئۆزرە سوراشقا تىگىشلىكمەن . ئەدەبىيات ۋە يېزىقچىلىققا بولغان ئوتتەك قىزغىنلىقىمنىڭ تۈرتكىسىدە مۇنبەرگە قوشۇلغانمەن قېرىندىشىم .

كۆڭلۈم

	مسكىنÍÍ يوللىغان ۋاقتى  2014-3-26 08:19 PM تەسەللى ئەپەندىم كۆپ ئويلاپ كەتمەڭ ، تىما يورۇتماقچى ب ... شۈكرى ،تېمامنىڭ قەدرىگە يەتكۈدەك  سىزدەك غەرەز چۈشىنىدىغان ئادەمدىن بىرسى بولسىمۇ چىقتى .