تۇتقۇنۇڭ بولاي.......

Gvlmisal

	تۇتقۇنۇڭ بولاي ئىللىق قۇياش تاغ ئارقىسىغا مۆكۈنۈپ،ئاتەش مېھرىنى زېمىندىن ئايىغان ،جۇدالىقنىڭ يېڭى بىر كۈيلىرى چېلىنغان دەملەردە تونۇشقان ئىكەنمىز."بىر يىغىنىڭ بىر كۈلكىسى بار...".سەن دەل شۇ چاغدا مىنىڭ قاغجىراپ كەتكەن كۆڭۈل بوستانىمنى  ئۆلۈم دەھشىتىدىن ساقلاپ،ئۈمىد سۈيى بىلەن سۇغاردىڭ.....مەنمۇ ھاياتقا كۈلۈمسىرەپ بېقىشنى ئۆگىنىۋالدىم. "ئۆتمۈش....قاپقاراڭغۇ كۈز كېچىسى"........ جىمجىت كېچىدە، ئەللەر ئۇيقۇغا كەتكەندە سىنىڭ خىيالىڭنى سۈرۈش ماڭا ئادەت بولۇپ قالدى.ھازىرمۇ گەرچە ھۇجىرا سوغۇق بولمىسىمۇ ئۆزۈمنى مۇزلاپ كەتكەندەك ھېس قىلماقتىمەن.ھۇجىرامنى پاكىز تازىلاپ ،رەتلەپ قويدۇم.ھەممە يەردىن ئىللىقلىق گۈپۈلدەپ تۇرسۇن دەپ.ئەممامەن تەقەززا بولغان ئۇ ئاتەش مىھىرنىڭ مەندىن يىراقلىشىپ كىتىۋاتقىنىنى ھېس قىلماقتىمەنيۇ ئىتىراپ قىلىشنى خالىمايمەن. بىلمىدىڭمۇ جېنىم؟ مەن بىز تۇنۇشقان ئاشۇ مىنۇتلاردىلا سىنىڭ قەلبىڭگە سۈرگۈن قىلىنغان  تۇتقۇنمەن. بۇ يەردىن چىقىپ كەتكۈم يوق.ئەبەدىي قالسام دەيمەن.يۈرىكىڭنىڭ سوقۇشىنى قانغۇدەك تىڭشىۋالاي،قەلبىمنىڭ مۇزلىرىنى ئېرىتكۈچى ئاتەش تەپتىڭنى تېخى تۇلۇق ھېس قىلغىنىم يوق....... تۇتقۇنۇڭ بولاي دەيمەن..........سېغىنىش ئازابلىرى يۈرىكىمنى تىلغاندا ،تېڭىرىقاشنىڭ رۇجەكلىرىدىن سەن تامان قاراپ قالىمەن. خاتا ۋاقىتتا ئۇچىراشقان ئىكەنمىز.تەقدىرگە نىمە دىگۈلۈك؟ بىلمىدىم جېنىم...بەخت تۇيغۇمنى يوقاتقاندا ،قەلبىم كۈلۈشنىڭ قانداق تۇيغۇ ئىكەنلىكىنى ئۇنتۇپ قالغاندا سىنى سۆيۈشۈم گۇناھمۇ؟ قۇياشنىڭ ئاخىرقى نۇرلىرى ئىچىدە سىنىڭ سىمايىڭنى قەلىب دەپتىرىمگە سېزىۋالماقچى بولىمەن.........ماڭا ئايانكى "خوش"دەپ كەتمىكىم قانچە قىيىن بولسا ،سەن تامان كەلمىكىم تېخىمۇ قىيىن.نومۇستىن كۆيىمەن.ئازابتا ئۆرتىنىمەن. خوش دىگەن دەملەردە ساڭاقاراپ كۈلمەكچى بولساممۇ  كۈلۈشۈممۇ يىغىغا ئوخشىشىپ قالىدۇ.... بەزىدە نە سىنىڭ يېنىڭدا قېلىشنى،نە جىمجىت جايدا ئولتۇرۇپ خىياللار قۇچىقىدا ئەللەيلىنىشنى  بىلمەي قالىمەن.لىكىن ماڭا شۇنىسى ئايانكى ئۆزۈم قەيەردە بولاي ،كۆڭلۈم سەندە.ئۆزۈم قەلبىڭنىڭ تۇتقۇنىمەن......         مۇھەببەت سەپىرىدە يۈرەك يۈرەككە قېنىشىپ ئۆتكەنمۇ جېنىم؟ سۆيگۈ شۇنداق بىر مۇڭلۇق كۈيكى كىممۇ ئۇنى ۋايىغا يەتكۈزۈپ چالالىغان؟سۆيگۈ ئۇلۇغ بىر داستانكى ،ئۇنىڭ ھەر بىر مىسرالىرىدىن ئۇلۇغ بىر ھېكمەت تۆكۈلۈپ تۇرىدۇ. ساڭا بولغان سۆيگۈم خۇددى سىم-سىم يامغۇرنىڭ تىۋىشلىرىدەك يېقىملىق،كۈز خازانلىرىنىڭ ئايىقىم ئاستىدا پىچىرلىشىدەك ئايانچلىق،باھار شامىلىنىڭ يۈزلىرىمىنى سىيپاشلرىدەك ئىللىق،تۈن نىسبىدە كۆزلىرىڭنى تاشلاپ كەتكەن ئۇيقۇدەك تاڭسۇق......... كۆز كۆڭۈلنىڭ ئەينىكى،كۆزلىرىڭگە ھەر بىر باققىنىمدا ئۇنىڭدىن ئۆزۈمنى ئەمەس باشقىلارنى كۆرىمەن.بىلىمەن،مەن سىنىڭ قەلىب خانەڭنىڭ ئىگىسى ئەمەس پەقەت مىھمانىمەن.ماڭا ئىچ ئاغرتىۋاتامسەن جېنىم؟ ئېسىڭدە بولسۇن......سۆيۈش،زورىغا سۆيۈش بەخىتسزلىك ۋە ئىپلاسلىق. شۇنداق بىر مۇھاببەت بار ، جەريان شىرىن ،ئەمما ئاخىرى بىرگە ئۈتۈش ئىمكانىيتى بولمايدىغان ...چۇقۇم ئۇنتۇش كېرەك ،لىكىن پۈتۈنلەي ئۇنتۇش بەكمۇ تەس بولغان ........"سىنى ئۇنتۇپ كىتىمەن"دىگەن دەملىرىمدە قەلبىم  سېغىنىشنىڭ يېڭى كۈيلىرىنى چالىدۇ."ساڭا ئۆچ بولدۇم"دىگەنلىرىمدە ئاسىي كۆزلىرىم ھەممىدىن سېنىڭ ئىزلىرىڭنى ئىزلەيدۇ.مەن سىنىڭ تۇتقۇنۇڭمەن.سىنىڭ قەلبىڭ مىنىڭ مەڭگۈلۈك ئارامگاھىم. مەن گۇناھكارمەن.ھەممىنى بىلىپ تۇرۇپ سىنى ھەم ئۆزۈمنى گۇناھكار قىلدىم.ساڭا بىئىختىيار قارىغان كۆزلىرىم كور بولسۇن! جېنىم،ئاخرىقى قېتىم مىنى"جېنىم..."دەپ چاقىرغىنىڭ قاچان؟بەلكىم ئۇنتۇپمۇ كەتكەنسەن؟شۇ ياخشى ،ئۇنتۇپ كەت....(مىنىڭ بىلىدىغىنىم بەك ،بەك ...ئۇزاق بولدى.)ھەر قېتىم "جېنىم.."دەپ چاقىرغىنىڭدا قانچىلىك سۆيۈنۈپ كىتىدىغىنىمنى سەن تەسەۋۋۇر قىلالمايسەن.ئەمما ئۆز نۆۋىتىدە شۇنچىلىك ئوڭايسىزلىنىمەنكىن.......خۇددى ئوغىرىلىق قىلىپ تۇتۇلۇپ قالغاندەك.چۈنكى مىنىڭ سىنى -سۆيمىگەن قەلىبنى سۆيۈشۈمنىڭ ئۆزى مىنىڭ جىنايىتىم.سۆيۈش جىنايەتكە ئايلانغان قەلىبتە تۇيغۇ نىمە قىلسۇن جېنىم؟ كۆزۈم قىيىمىسىمۇ  سەندىن يىراقلارغا كىتىشكەمەجبۇرمەن.سىنىڭ تۇرمۇش دائىرەڭدىن چىقىپ يىراقلارغا .....بىزنىڭ ئىزلىرىمىز بولمىغان باشقا بىر دۇنياغا كىتىمەن.بەلكىم بۇ يىراقلىشىش سىنى بەختلىك قىلار.ئەمما ئۆزۈم قەلبىڭنىڭ تۇتقۇنىمەن. "كۆڭلۈمنى ئۇتىۋالدىڭ"دىگەن ئىدىڭ.ئەمما شۇ مىنۇتتا نومۇستىن ئۆلدۈم.:سېنىڭ كۆڭلۈڭنى  ئۇتىۋالاي.."دەپ قانداقتۇ ۋىجدانىمغا مۇخالىپ كىلىدىغان ئىشنى قىلغان ئەمەسمەن.ئەمما شۇنىسى ئېنىقكى سىنىڭ مەڭگۈ ياخشى ياشىشىڭنى ،ئۆزۈڭدەك ياشىشىڭنى خالايدىغىنىم راست.سىنى يەرگە قاراپ قالمىسىكەن دەيمەن.............سەن بىئارام بولساڭ مىنىڭ بۇئاجىز يۈرىكىم لەختە-لەختە بوپ كىتىدۇ.سەن ئازابلانساڭ مەن بۇ جاھاندا يوق بوپ كىتىمەن.شۇڭا ئاخىرىقى ھېسابتا ئۆزۈم ئۈچۈن-سىنىڭ ئازابلىرىڭنى كۆرمىسەم دەيمەن. مەن كىتىمەن.بۇ تەكرارلىققا تولغان  ئالەمدە سىنى يالغۇز قالدۇرۇپ كىتىمەن.بەلكىم كۆزلىرىمنىڭ ساڭا ھايابىلەن باققانلىرىنى ئەسلەپ قالارسەن،كۆزلىرىم..........روھىم گۈلخانى ئۆچكەندە ساڭا بولغان سۆيگۈمنى كىرپىكلىرىمگە ئوراپ ساڭا سۇنىدۇ جېنىم. بەلكىم شەرقتىن ئىللىق شامال چىقىپ يۈزلىرىڭنى سۆيگەندە مىنى ئەسلەپ قالارسەن.شاماللار ساڭا مىنىڭ ھېكايەمنى سۆزلەپ بىرەر....باھار پەسلىدە ۋاقتسىز توزغان سېرىنگۈلنى كۆرگەندە مىنى ئويلاپ قالارسەن.گۈلنىڭ ھەر بىر بەرگىسى بىر يالقۇنلۇق مىسرا....مەن يۈرىكىمنى ئۇنىڭغا يىزىپ قويدۇم. ئۇزۇن-ئۇزۇن كېچىلەرمۇ تاڭغا ئۇلىشىدۇ.يېڭى ۋىسالنى باغاشلاپ كەلگەن يېڭى تاڭنى قەلبىمدىكى مۇڭلۇق لىرىكىلىرىم بىلەن قوشۇپ  ساڭا قالدۇرۇپ ،توزىغان ئارمانلىرىمنى ئېلىپ يىراقلارغا كىتەي دەيمەن. ماڭا تەۋە بولمىغىنى ساڭا قالسۇن جېنىم......... ئۆزلۈك ئىچىد ەيىتىرىقاپ قالغىنىمدا، سىرلىق خىياللىرىم ئىچىدە ئالغان لەززەتلىرىمنىڭ كۆپۈكتەك تارقاپ كەتمەسلىكى ئۈچۈن سىنى ئاخىرىقى بىر رەت "جېنىم"دەپ چاقىرۋالسام........تىلىم مەڭگۈ سىنىڭ نامىڭنى زىكىرى قىلسا...بەلكىم بۇ مىنىڭ كېيىنكى باھار رەڭگىنى يوقاتقان ھاياتىمنىڭ مۇڭلۇق لىرىكىسى بوپ قالار. گۈلمىسال يازمىسى 2014.3.23

aa0998

	ھەمە ياشلارنىڭ مۇشۇنداق گۇزەل ئۇنتالمايدىغان گۇزەل ئەسلىملىرى بولىدىكەن.........

turpani004

	بۇ مۇنبەردىمۇ با دەڭە مەن...

masrura

	تىل ئىشلىتىشكە ھەقىقەتەن ماھىركەنسىز.قايىلمەن.

Gvlmisal

	turpani004 يوللىغان ۋاقتى  2014-3-23 07:33 PM بۇ مۇنبەردىمۇ با دەڭە مەن... ئۇنداق قىلماي كىملىكلىرىنى مەلۇم قىلىۋەتمەملا؟ئەجەب بىلگۈم كەلدى......شىلەپىلىرىنى كۆزلىرىگەكىيىپ ئۇنداق سىرلىق بولىۋالماي

natunux^kiz

	مۇھەببەتكە تۇتقۇن بولسا ئازاپقا قالىدۇ كىشى...مۇڭلۇق لىرىكىڭىزنى بەكلا ياقتۇردۇم

Gvlmisal

	natunux^kiz يوللىغان ۋاقتى  2014-3-23 09:59 PM مۇھەببەتكە تۇتقۇن بولسا ئازاپقا قالىدۇ كىشى...مۇڭلۇق ل ... ياقتۇرغىنىڭىزغا كۆپ رەھمەت جانىم

Gvlmisal

	aa0998 يوللىغان ۋاقتى  2014-3-23 07:20 PM ھەمە ياشلارنىڭ مۇشۇنداق گۇزەل ئۇنتالمايدىغان گۇزەل ئە ... ياقتۇرغىنىڭىزغا كۆپ رەھمەت

turpani004

	Gvlmisal يوللىغان ۋاقتى  2014-3-23 08:55 PM ئۇنداق قىلماي كىملىكلىرىنى مەلۇم قىلىۋەتمەملا؟ئەجەب ... سىزنى بۇ مۇنبەردىمۇ باكەنسىز ھە؟   دىدىم   ئەمدى ئۆزەمگە كەلسەك مەن  ‹‹مىسكىن›› بولىمەن...

hanam

	مۇھەببەت سەپىرىدە يۈرەك يۈرەككە قېنىشىپ ئۆتكەنمۇ جېنىم؟ سۆيگۈ شۇنداق بىر مۇڭلۇق كۈيكى كىممۇ ئۇنى ۋايىغا يەتكۈزۈپ چالالىغان؟سۆيگۈ ئۇلۇغ بىر داستانكى ،ئۇنىڭ ھەر بىر مىسرالىرىدىن ئۇلۇغ بىر ھېكمەت تۆكۈلۈپ تۇرىدۇ   مۇنۇ   قۇرلارنى  بەكلا ياختۇردۇم   ، مۇڭلىنىپ ناخشا ئاڭلىغىنىمدا  شۇنچە ئىللىق بىلىنىدىغىنى يەنىلا شۇ مۇھابەتلىك كۇيلەر .....  بەك   ياخشى يىزىپسىز  سۇيگۇ داستانلىرى شۇنداق  ئىپادىلەنسە  قىمىتىنى تاپقاندەك  راس دەيسىز سۇيگۇ ئۇلوغ  بىر داستان   كىم كىملەريىزىپ تۇگىتەلمىگەن