چۈش مۇشۇ يەردىن باشلاندى (3)

شەمەر

	چۈش مۇشۇ يەردىن باشلاندى (3)     دەرس باشلانغىلى خىلى ۋاقىت بولغان بولسىمۇ ئۇنىڭغا بىرەر ئېغىز گەپ قىلىپ باقمىغان ئىدىم. بۇنداق كېتىۋەرسەم ھەرگىز بولمايتتى، بولمىسا ئازابلىنىۋىرىپ ئىچىمدىن تۈگىشىپ كىتەتتىم. يەنە ساقلاپ باقايمۇ، ياق ئۇ قىزغا چوقۇم گەپ قېلىشىم كىرەك، مەن دېگەن ئوغۇل بالىدە، بىر كۈنى كەچلىك تەكرار ۋاقتىدا ئۇنىڭ يىنىدىكى ئۈستەلنىڭ بوش تۇرغانلىقىنى كۆردۈم، دەررۇ كىتاب-دەپتەرلىرىمنى ئالدىمدە شۇ بوش ئورۇنغا بىرىپ ئولتۇردۇم. كۆزۈم كىتابتا بولسىمۇ خىيالىم ئۇنىڭغا قانداق گەپ قىلىشتا ئىدى. نىمە دېسەم بولار، «قەلىمىڭىزنى بېرىپ تۇرۇڭ» دەيمۇ؟ ياق، «كىتابىڭىزنى بېرىپ تۇرۇڭ» دەيمۇ؟ ياق. «سائىتىڭىز نەچچە بولدى» دەپ سورايمۇ؟ بۇمۇ بولمايدۇ. ھەي، «دۇنيادا تىپىش ھەممىدىن ئاسان نەرسە باھانە» دەۋاتاتتى، بۆگۈن بۇ قىزغا گەپ قىلىشقا ئوڭشاپ بىر باھانە تاپالمايۋاتاتتىم. -كەچۈرۈڭ، بۆگۈنكى تاپشۇرۇقنى نەدىن بەردى؟- قەيەردىندۇر كاللامغا كەلگەن بۇ سوئال ئاران تەستە ئېغىزىمدىن چىقتى. ئۇبىشىنى كۆتۈرۈپ ماڭا قارىدى. چىرايىدىن سەل ھودۇققانلىقى چىقىپ تۇراتتى، بىراق دەررۇ ئۆزىنى ئوڭشىۋالدى.     -خەنزۇچە سۆزلەرنى كۆچۈرمىزكەن، مەشىقنىڭ بەشىنجىسىنى ئىشلەيمزكەن. يەنە بۇ بىر قانچە يەرمۇ بار، ئەكىلىڭ كىتابىڭىزنى بەلگە ئۇرۇپ بىرەي. ئۇ كىتابىمنى ئىلىپ بەلگە ئۇرۇپ بەردى. شۇنداق قىلىپ ئۇنىڭغا گەپ قىلىۋالدىم. ئەمدى جىم بولىۋىلىشقا بولمايتتى. بىر ئازدىن كىيىن ئۇنىڭدىن يەنە «چۈشەنمىگەن» بىر قانچە يەرنى سورىدىم. ئۇ قىزغىنلىق بىلەن چۈشەندۈرۈپ قويدى. ئارىمىزدا يەنە جىمجىتىلىق باشلاندى. مەن بۇ جىمجىتلىقنى بۇزۇپ بىر ناخشىنى غىڭشىپ ئىيتىشقا باشلىدىم. -ناخشىغا قىزىقىدىكەنسىزدە، كەسپىڭىز سەنئەت ئوخشىمامدۇ،-دېدى ئۇ كىتابتىن بىشىنى كۆتۈرۈپ. -ياق كەسپىم تىل-ئەدەبىيات. بىر ناخشا ئىسىمگە كىلىپ قالغان، شۇنى ئىيتىۋاتىمەن. -تىشىڭىزغا چىقىرىپ ئېيتىڭە، بىزمۇ ئاڭلايلى. -راست ئاڭلامسىز، ئەمىسە زاڭلىق قىلماڭ ھە. مەن مۇڭلۇق ئاھاڭدا ئىيتىشقا باشلىدىم:                          قىچقىرىپ كەلگەن كاككۇكنىڭ                         ئۈنى ھەرجايدا غىرىپ.                         كەل كاككۇك ئاشىنا بولايلى،                           سەن مۇساپىر،مەن غىرىپ.                           ...    ئۇ پىسىڭڭىدە كۈلۈپ كەتتى. -راستىنلا ئەدەبىياتچى ئىكەنسىز جۇمۇ. -ئېلى خەلق ناخشىسى، ئسىمگە كېلىپ قالدى. -سىز غۇلجىدىنما؟ -ھەئە، غۇلجىدىن. ئۇ ئىشەنمىگەندەك بىردەم تۇرۇپ قىلىپ ئاندىن بېشىنى لىڭىشتتى. -شۇ غۇلجىنىڭ باللىرىنى شوقراق كىلىدۇ، دەپ ئاڭلىغان. -ياق ھەي، ھەممىسىلا ئۇنداق شوق ئەمەس. ياۋاشلىرىمۇ بار.ئالايلۇق مانا مەن. ئۇ كۈلۈپ كەتتى. -سىز شوق ئەمەسما، ئەمىسە غۇلجىلىقلارنىڭ ئىچىدە ياۋاش ئادەم يوقكەندە. ئۇنىڭ گىپىدىن مەنمۇ كۈلۈپ كەتتىم. -سىز قەشقەردىنما؟ -ھەئە،قانداق بىلدىڭىز؟ -گەپ-سۆزىڭىزدىن قەشقەرلىكلىكىڭىز مانا مەن، دەپ چىقىپلا تۇرمامدۇ. ئۇ قىزىرىپ كىتابىغا قارىۋالدى. ئارىمىزدىكى تارتىنىش سەل تارقىغاندىن كىيىن ئۇنىڭدىن چاقچاق ئارىلاش سورىدىم. -كەسپىڭىز ئۇسسۇلما؟ -ياق،-دېدى ئۇ كۈلۈپ،-كەسپىم تارىخ، قانداق ئۇسسۇلچىغا ئوخشامدىكەنمەن؟ -شۇنداق، قايسى كۈنى مەيداندا گىمناستىكا ئوينىغان ھالىتىڭىزگە قاراپ مەن تېخى كەسپى ئۇسسۇل ئوخشايدۇ، دەپ قاپتىمەن. -ئېسىڭىزدە باركەن ھە! -ھە...شۇ، ئۇدۇلۇمدا تۇرغان ئىدىڭىز.   گەپنى دەررۇ ئوڭشىۋالدىم. تاس قالدىم گەپتانلىق قىلىمەن دەپ ئارتۇقچە سۆزلەپ سالغىلى.   قانداقلا بولمىسۇن ئۇنىڭ بىلەن تونۇشۇپ، پاراڭلىشىپ دېگەندەك خىلى چىقىشىۋالدىم. شۇ تەرىقىدە ۋاقىتىنىڭ قانداق توشۇپ كەتكەنلىكىنىمۇ بىلمەي قاپتىمەن. -ماقۇل ئەمىسە، دېدى ئۇ سائىتىگە قارىغاچ ئورنىدىن تۇرۇپ،- ياتاقداشلىرىم ساقلاپ قالدى مەن چىقاي. -ماقۇل، خوش.     ئۇ چىقىپ كەتتى. لىكىن ئۇنىڭ باياتىنقى گەپ-سۆزلىرى، ئوماق كۈلكىلىرى ئۆز ئورنىدا-مېنىڭ يىنىمدا قالغان ئىدى. تاتلىق خىياللار بىلەن مەستخۇش بولۇپ ئولتۇرۇپ كېتىپتىمەن. بىر چاغدا سىنىپتا ئۆزۈمنىڭ يالغۇز قالغانلىقىمنى سەزدىمدە ماتىرياللىرىمنى يىغىشتۇرۇپ ياتىقىمغا يول ئالدىم.    شۇ كۈندىن كىيىن ئۇ مېنى يىقىن دوستى قاتارىدا كۆردىغان بولدى. بەزىدە يىنىمغا كېلىپ ئۆزىنىڭ قىززىق پاراڭلىرىنى قىلىپ بىرەتتى. ..

merry

	ئاخىرىچۇ؟؟

gulbelik

	شۇنداقلا تۈگەتىڭزما ھېكايڭزنى ...مەن تېخى ئاخىرى بار دەپ ئويلاپتمە ....................................................ياخشى باشلنش بوپ قېلشنى ئۈمۈد قلمەن

akula1

	داۋامىنى يازامسىز.

WENAS@

	چۈش مۇشۇ يەردىن باشلاندى (4) نى ساقلايمىز ئەمىسە.  ۋاقتىڭىز يار بەرسە كۆپرەك يوللىسىڭىز، بىزمۇ ياخشى ھەزىم قىلىپ، تېتىغۇدەك، ھاردۇقىڭىز چىققىدەك ئىنكاسنى بىراقلا يازساق.

قوزام

	ئاخىرىنى چاققان چاققان يوللاڭە

ana

	ھەر بىر بۆلەكنى ئايرىم تېما قىلىپ يوللىغاندىكىن جىقراقتىن يوللىسىڭىز بوپتىكەن ، سەل ئاز بوپقاپتۇ........

مۇكەرەم

	مۇشۇنداق ئاز يوللىسىڭىز سىزنىڭ تىمىڭىزنىڭ كۆرۈلۈش سانى بەلگىلىك تۆۋەنلەيدۇ جۇمۇ ،

شەمەر

	ماقۇل.

masrura

	ئاخىرى...........؟