نورۇز كۈيى

orhunogli

	نورۇز كۈيى گۈزەل ۋەتەن يىشىلىققا چۈمگەن ۋادا، تولغان ئىدى ھەجەپ شىرىن پۇراقلارغا. يايلاقلاردىن،گۈل باغلاردىن،شوخ ناخشىلار، كىتەر ئىدى دولقۇنلۇنۇپ يىراقلارغا. يول بويىدا قەد كۆتۈرگەن يىشىل ئورمان، كۆمۈش سۇلار ئۆستەڭلەردە ئاقار ئويناپ. چەكسىز كەتكەن ياپ-يىشىللىق ئېتىز-دالا، يىشىل دېڭز بويلىرىنى يۇردۇم ئارلاپ. 、ئويغانغاچ دەريالارمۇ،مۇزلار يېرىلىپ، چىقاردى قاراسلاپ ھەيۋەتلىك ئاۋاز. بىلدىمكى ئەي باھار بۇ سىنىڭ سازىڭ، سەن شۇنداق ئىنسانغا كۆيگەن ئىشقىۋاز. گۈلۈستان باھارىم،سالقىن ناھارىم، گىياھلار ئاينىدى سېنىڭ مىھرىڭدىن. لاتاپەت بابىدا يوق سەندەك جانان، تولۇن ئايمۇ خىجىلكەن سىنىڭ چېھرىڭدىن. تۇرنىلار ئۇچۇشقاندا يىزا بويلاپ، گۈدەكلەر «باھار»دىدى بۆك ئېتىشتى. يۇرتىمىز ياپ-يىشىل بوپ تون كىيىشىپ، چىچەك ئاچتى خەۋەر قىلىپ مول-ھۇسۇلدىن. سۇلىرىڭدىن بەھىر قانسا ئېتىزلىرىڭ، مىۋىللىرى شەربەت بۇلۇپ تىل يارىدۇ. سەن گۈل چەككەن يىشىل كىمخاپ كەڭ دىياردا، ۋەتەن قىزى-يىگىتلىرى توي تارتىدۇ. كەلدى زىبا قوللىرىدا گۈلدەستىسى، كەلدى نەۋرۇز چولپانلاردەك نۇرلۇنۇپ. تولدى سۆيگۈ شەربىتى دىل جامىغا، سايرىدى بۇل-بۇل چىمەندە زوقلۇنۇپ. كەتسە كەلمەسكە شۇ جۇدالىق كۈنلىرى، كەتسە مەڭگۈ جوت-زىمىستان قوغلۇنۇپ. ئالدىمىزدا زور چېلىشلار بەيگىسى، ئۇچىمىز مەنزىلسىرى تۇلپار بولۇپ. شەھىرى قەشقەرى ئوسمانجان مۇھەممەد ئورخۇنئوغلى.

tuntaxvixi

	قەشقەر راسلام شىرىڭىزدا دىيىلگەندەك تۈسكە كىرىپ بولغاندۇ...بىزنىڭ بۇ تەرەپتە ئەسەرمۇ يوق

aa0998

	شۇنداق ياخشى، يېزىپسىز مۇنبەردىكى ئاكا-ئۇكا-ئاچا سىڭلار، ھەمىڭلارنىڭ نورۇز بايرمىڭلارغا مۇبارەك بولسۇن.........

ilim-pen

	گۈزەل ۋەتەن يىشىلىققا چۈمگەن ۋادا، تولغان ئىدى ھەجەپ شىرىن پۇراقلارغا. يايلاقلاردىن،گۈل باغلاردىن،شوخ ناخشىلار، كىتەر ئىدى دولقۇنلۇنۇپ يىراقلارغا. بىرىنچى كۇبلىتى تولىمۇ ساز چىقىپتۇ، قەشقەر خەلقىنىڭ نورۇز بايرىمىغا مۇبارەك بولسۇن.

sardor0908

	ما قوشنام قەشقەرگە بارغانداقلا بولدۇم دىسە...ئالامەت يىزىپسىز ..ئەتىكى نەۋرۇز(يىڭى يىل بايرىمىمىزغا)مۇبارەك بولسۇن.

babur99

	كەلدى نورۇز كۈلدى جاھان ،كۆڭۈل يايرىدى گۈل ئىشقىدا خەندان ئۇرۇپ بۇلبۇل سايرىدى نەۋرۇز مۇبارەك ،يېڭى باھار -يېڭى كۆكلەم مۇبارەك !

زەردار007

	ياخىشى يىزىپسىز.

ayxolisi

	ھەممىڭلارنىڭ نوۋرۇز بايرىمىغا مۇبارەك بولسۇن .

boratigin

	newruz mubarek

kaqvr

	ayxolisi يوللىغان ۋاقتى  2014-3-20 03:38 PM ھەممىڭلارنىڭ نوۋرۇز بايرىمىغا مۇبارەك بولسۇن . بىرگە بولسۇن .