دېھقان -چارۋىچىلارنىڭ ھالىغا يىتىپ قويايلى!

wahpa

	ئەسسالامۇ ئەلەيكۇم بارلىق قېرىنداشلار! ھەممىڭلارنىڭ نەۋرۇز بايرىمىڭلارغا مۇبارەك بولسۇن!  بۇنداق خۇشاللىق كۈنلەردە مەن ئاشۇ جاپاكەش دىھقان-چارۋىچى قېرىنداشلارنىڭ بىر قانچە يۈرەك سۆزىنى  ئېلپ كەلدىم،تورداشلار مەنىۋى جەھەتتىن بولسىمۇ ئۇلارنىڭ ھالىغا يىتىپ قويايلى . مەن پاراكتىكا مۇناسىۋتى بىلەن قەشقەردە 8ئايلارچە پاراكتىكىدا بوپ قالدىم بۇ جەرياندا ئۇلارنىڭ نۇرغۇن جاپالىرىنى چۈشەندىم.تىرىكچىلىك يولىدا باللىرىنى بېقىپ قاتارغا قېتىش يولدا كۆرسىتىۋاتقان تىرىشچانلىقلىرنى كۆردۇم ئاڭلىدىم. نۆۋەتتە گۆش باھاسى شۇنداق يۇقىرى بولماقتا ھەم شۇ گۆش چققان قوي كالا باھاسىدىمۇ غايەت زور ئۆسۈش كۆرىلدى شۇ سەۋەپتىن دىھقانلار قوي كالا بېقىشقا بەكرەك ئەھمىيەت بەرمەكتە، قېرىشقاندەك قوي كالا قېممەت بولىۋاتقان بۇ ۋاقىتتا قوي كالىلاردا  ھەرخىل  يۇقۇملۇق كىسەللەر كۆرۈلۈپ دھققانلارغا ئېغىر ئىقتىزادى زىيان بولماقتا. بۇ يۇقۇملۇق كىسەل نىمە ئۈچۈن يامىراپ كىتىدۇ؟  كىسەل بولسا ساقايتقىلى بولدۇ بىراق دھققانلار نىمىشقا ئىقتىزادى زىيان تارتىدۇ بۇ ھەقتە توختۇلۇپ ئۆتەي. 1.ھەرخىل ۋاكسىنىلارنىڭ ئەملىنىشىنڭ ۋاقتىدا توغرا ئۈنۈملىك بولماسلىقى ھايۋانلاردا  يۇقۇملۇق كىسەل تارقىلىپ كېتىشىنڭ ئەڭ چوڭ سەۋەبى. ئەمدى ۋاكسىنا نىمە ئۈچۈن ۋاقتىدا ئۈنۈملىك ئۇرۇلمايدۇ؟ سەۋەپ، ۋاكسىنا ئەملىگۈچۈ يىتەرلىك بولماسلىق، سەۋيەسى چەكلىك بولۇش ، ۋاكسىنا ئەملىگۈچىلەرنىڭ تەمىناتىنىڭ تۆۋەن بولشى بىۋاستە شۇ خىل كىشىلەرنىڭ ئاز،ئىش ئۈنىمىنىڭ تۆۋەن ھەتتا خۇش ياقماي ئۇرماسلىق تەك ئاقىۋەتلەرنى كەلتۈرۈپ چىقارغان. يەنە شۇ سەۋەپتىن دھققانلارنىڭ ۋاكسىنا ئەملىتىشكە قارتا خاتا چۈشەنچە ھاسىل قېلىپ ۋاكسىنىا ئەملىسەم مېلىم ئۆلۈپ قالدۇ دەپ ۋاكسىنى ئەملەشنى رەت قىلىشنى كەلتۈرۈپ چىقارغان.نەتىجىدە ھازىرقىدەك يۇقۇملۇق كىسەل كوپۈيۈپ ماللارنىڭ ئۆلۈپ زىيان بولشىنى كەلتۈرۈپ چىقارغان دىيىشكە بولىدۇ. 2.ھەرقايسى ئورۇنلاردىن مال يۆتكۈگەندە كارانتىن خىزمىتىنىڭ ياخشى ئىشلەنمەسلىكى خالىغانچە توشۇپ يۆتكەش سەۋەپلىك شۇ مال يۆتكەلگەن ئورۇنلاردا ياكى شۇ مال يۆتكىلىش جەريانىدا ھاۋاغا قويۇپ بەرگەن كېسەللىك ۋىروسلىرنىڭ يامراپ ئىغىر ئاقىۋەتلەرنى كەلتۈرۈپ چىقارغان. 3.دھققان چارۋىچىلاردا يۇقۇملۇق كىسەل توغرىستا تەربىيەنىڭ ياخشى بولماسلىقى سەۋەپلىك كىسەللىك رايوندىكى چارۋىلار دەريا ئۆستەڭلەردە خالىغانچە سۇغۇرلۇپ  تۆۋەن ئېقىندىكى كىسەللەك رايۇنى بولمىغان رايۇنلارغا كىسەل ۋىروسنىڭ يامراپ بىرشىنى شۇنداقلا شۇ رايۇندىمۇ كىسەل كۆرلۈشنى كەلتۈرۈپ چىقارغان. ئەمدى نىمە ئۈچۈن دھققانلارنىڭ زېينى شۇنچە ئېغىر بوپ كىتىدۇ؟ مال دوخترى يىتەرلىك رايۇنلاردا داۋالىتىپ ساقايتىۋلىش ئارقىلىق كىسەللىك زىينىنى ئەڭ تۆۋەن چەككە چۈشۈرگىلى بولدۇ،بىراق بەزى يېزىلاردا 3،4يىزدا بىرمۇ مال دوختۇرى يوق.بولسىمۇ سەۋيەسى يىتەرلىك بولمىغان ،شۇ سەۋەپتىن ماللار ۋاقتىدا داۋلىنىشقا ئېرشەلمەي كۆپلەپ ئۆلشىنى كەلتۈرۈپ چىققىىپ دھققانلارغا ئېغىر زىيان ئېلىپ كەلگەن. مەنچە ھۆكىمەت ھازىر دھققان چارۋىچىلارنى بېيتىش ئۈچۈن شۇنداق كۈچەۋاتىدۇ،بىراق سەل قارلىۋاتقان چوڭ مەسىلە مال كىسەل بولسا كىمگە داۋالىتىش مەسىلسى بوپ قېلىۋاتىدۇ. بولسا ھەرقايسى دەرجىلىك رھبەرلەرنىڭ مۇشۇ مەسلە ئۈستىدە ئويلۇنۇپ كۆرشىگە ئەرزىيدۇ.چۈنكى مالنى ھالال قىپ بوغۇزلاپ ئۆزى يەپ قاسساپقا سېتىپ قاسساپ بىزگە ساتسا كېسەل قوينىڭ گۆشنى شۇ دھققان ،باشلىق،ۋە بىز يەپ ئاخىردا دوختۇرخانىىنڭ تەرەقىياتىغا تۆھپە قوشۇدىغان گەپ.شۇڭا مۇشۇ مال دوختۇرلۇق ۋە ۋاكسىنا كارانتىن ئىشلىرغا پارتىيمىزنىڭ كۆڭۈل بۆلۈپقويشىنى ئۆمۈد قېلىمەن. [ بۇ يازمىنى XERHAN تەھرىرلىگەن ۋاقتى 2014-3-20 02:42 PM ]

tuntaxvixi

	ئەتتىگەندىلا قۇلاققا ياققۇدەك ئىككى تېمىڭىزنى كۆرۈپ خوش بولدۇم...ھەر ئىككىلىسىنىڭ تەربىيىۋى ئەھمىيىتى زوركەن

ئالمىچى

	ھەييي نىمىسىنى دەي تىخى 2-ئاينىڭ ئوتتۇرلىرىدا چارۋىلىرىمىزگە كىسەللىكتىن مۇداپىئەلىنىش دورىسى دەپ بىر دورىنى ئۇرۇپ بەرگەنتى... مانا 3-ئاي 15-بولغىچە چوڭ كىچىك بولۇپ 5جان چارۋىمىز ئۆلۈپ قالدى...

nazli1314

	ئالمىچى يوللىغان ۋاقتى  2014-3-20 09:09 AM ھەييي نىمىسىنى دەي تىخى 2-ئاينىڭ ئوتتۇرلىرىدا چارۋىلىر ... شۇنى دەڭە، ئۇلاردا پەقەتلا مەسئۇلىيەت تۇيغۇسى يوق، 2 ئاينىڭ ئالدىدا بىزنىڭ  بىر بوغاز قويغا  ئۇكۇل ئۇرىۋېتىپتىكەن، ئۇزۇن ئۆتمەي تۇغۇلغان قوزىسىمۇ، قويمۇ ئۆلۈپ قالدى،

mustasna

	ئەسسالاممۇ ئەلەيكۇم .تىما ئىگىسى تىمىڭىز ئوقوپ شۇنداق سۇيۇندۇم.. دىمىسمۇ ھازىر يېزا كەنىتلەردە چارۋا-ماللارغا ۋاكسىنا ئەملەش ئەھۋالى ياخشى ئەمەس نىمە ئۇچۇن دىگەندە ھەر بىر كەنىتتە بىردىن يۇقۇمنىڭ ئالدىنى ئالدىغان ئادەم يۇق..ھازىر ۋاكسىنا ئەملەۋەتقانلار بۇلسا ھېچقانداق كەسپى بىلمى يۇق خادىملار.. ئۇلارغا ھەق بەرمەي پەقەت ھاششارغا ھەيدىمەيمىز دەپلە ئشلىتدۇ ..ئۇنداق بۇلغاندىكىن ئۇلار قانچىلىك ئشلەيدۇ.. كارانتىن قىلشقا كەلسەك ھەرقايسى يېزلار ئۆزلىرنىڭ بازار كۇندە بازارغا ئەپ ماڭغان كالا قۇيلارنى تۇسۇپ پەقەت كارانتىن پۇلى ئېلىش ئۇچۇنلا شەكىلگە تەكشۇرۇپ قۇيدۇ خالاس.. ...

nurjahan0997

	يەر دېھقاننىڭ جېنى، 360 كۈن ئىشلەيدۇ تاپقىنى قېنى؟ يىل ئاخىرىدا قولىغا ئاشقىنى قېنى؟؟؟؟......

uyghari

	ھازىر ئاساسى قاتلامغا چۈشكەن كادىرلار دېھقانلارنىڭ ھەل بولمىغان مەسىلىلىرىنى ھەل قىلىپ بېرىۋاتىدۇ، بۇ مەسىلىنىمۇ ئاساسى قاتلامغا چۈشكەن خىزمەت گورۇپپىلىرىغا ئىنكاس قىلىپ باقسا ، بەلكىم ھەل بۇلۇپ قېلىشى مومكىن.

XERHAN

	بىر قانچە يىل ئاۋۋال يېزا- كەنىتلەردە ۋاكسىنا ئۇرۇلسا ئۇرۇلمىسا ئېغىل - قوتاندا بار بولغان چارۋىنىڭ سانىغا ئاسەن پۇل ئالىدىغان ئىشلار بار ئىدى . بەزى ۋاقىتلاردا ئېغىر ئاياق چارۋىلارغا ۋە پاقلانلارغا ئۇرماڭ دىسىمۇ زورىغا ئۇرىدىغان ئاندىن ۋاكسىنا رىئاكسىيە قىلىپ بالا تاشلىۋىتىدىغان ياكى پاقلانلار ئاغرىپ قالىدىغان ئىشلارمۇ ھەم بار ئىدى . بەلكىم ھازىر تېىنىك خادىملار ۋە باشقا مۇناسىۋەتلىك خادىملارنىڭ مۇلازىمىتى ياخشى بولۇپ كەتكەن بولىشى مومكىن . چارۋا - ماللاردىكى تارقىلىشچان كىسەللىكلەرنىڭ ئالدىنى ئېلىش خىزمىتى زۆرۈر ، شۇنداقلا ئەملەيدىغان ۋاكسىنىلارنىڭ سۈپىتىگە كاپالەتلىك قىلىش ئۇنىڭدىن مۇھىم . بۇ يىل جەنۇبى شىنجاڭ تەرەپتە كەڭ كۆلەمدە مال - چارۋىلارغا يۇقۇملۇق كىسەل تارقىلىپ مال - چارۋىلار ئۆلۈش ۋە ئاغرىپ قېلىشتەك ئىشلار كۆرۈلدى ،  شۇنىڭدەك تىرىك مال - چارۋا بازىرى بىر مەزگىل تاقالدى ، بازارلاردا گۆش بىر ئاز قىس بولدى . بۇ جەرياندا قىسمەن مال - چارۋا سودىگەرلىرى زىيانلارنى تارىتتى ، ئىستىمالچى خەلقمۇ خاتىرجەم گۆش ئىستىمال قىلىشتىن ئەنسىرەشتى ، كىسەللىك كونترول قىلىنىپ بولغاندىن كىيىن ،  مۇناسىۋەتلىك ئىدارە - ئورۇنلارنىڭ يىقىندىن كۆڭۈل بۆلىشى بىلەن چارۋا - مال بازىرى ئېچىۋىتىلىپ نورمال سودا - سېتىق ، ئىستىمال مۇھىتى ئەسلىگە كەلدى .

nazakat07

	ئالمىچى يوللىغان ۋاقتى  2014-3-20 09:09 AM ھەييي نىمىسىنى دەي تىخى 2-ئاينىڭ ئوتتۇرلىرىدا چارۋىلىر ... چارۋىچىلىق پونكىتى مەسئۇلىيەتنى ئۈستىگە ئېلىشى كىرەكتۇ،  بەش چارۋا ئۆلدى دىسە دىخانغا قانچىلىك زىيان

1miskal

	XERHAN يوللىغان ۋاقتى  2014-3-20 11:58 AM بىر قانچە يىل ئاۋۋال يېزا- كەنىتلەردە ۋاكسىنا ئۇرۇلسا  ... مۇنبەر ئەزاسى ئالتۇنجان aa0998 دىگەن ئەزا تۈنۇگۇن نورۇز توغۇرلۇق ماقالگە شۇنداق ياخشى ئېنكاس يازغان نىمشقا چەكلەپ قويدۇڭلار  خاتالىق ئالتۇنجاندا يوق. بۆلەك تورداشلار شۇنداق ھاقارەت قىلسا سەۋەر قىلغان شۇڭا ئەزالىق سالاھىتنى ئەسلگە كەلتۇرسەڭلار تىمغا مۇناسىۋەتسىز ئىنكاس بولۇپ قالدى كەچۇرۇڭلار