تىرىشچان ئەزا
كەلدى نورۇز ، زىمىن ئاچتى كۆزىنى كەلدى نورۇز ئېتىز ئاچتى كۆزىنى دەل - دەرەخلەر باشلىماقتا سۆزىنى . قىر بېشىدا ھاردۇقىنى چىقىرىپ ، سەلكىن شامال قۇرۇتماقتا يۈزىنى . كەلدى نورۇز، ئېرىق ئاچتى كۆزىنى ، ئاپتاپ يالار باغنى ،تالا -تۈزىنى . يىقىنلاشقاچ ئاتلىق مېھمان يىراقتىن ، بارچە جانلىق تۈزەشتۈرەر ئۆزىنى . كەلدى نورۇز ، زىمىن ئاچتى كۆزىنى ، قۇياش ئېنىق كۆرسەتتى ئوت يۈزىنى . ئۈندىدارنى ئېچىۋالغان تولۇنئاي، لىرىكىدىن مىسال ئالار سۆزىنى . كەلدى نورۇز ،ئاچتى سازاڭ كۆزىنى ، مەست قۇلۇلە چوڭ سانايدۇ ئۆزىنى . تاللاپ دېكتۇر ھايۋاناتلار دۇنياسى ، تاللىۋالدى ئۆردەك بىلەن غېزىنى . كەلدى نورۇز ، يالپۇز ئاچتى كۆزىنى ، مامىكاپلار تونۇشتۇرار ئۆزىنى . ياغلىقىنى تۈزەشتۈرەر چىغرىتماق ، قىياق چۆپلەر پەپىلەيدۇ قىزىنى . كەلدى نورۇز ئاچتى بەخت كۆزىنى ، شەھەر كېلىپ سۆيدى ساددا يېزىنى. رەڭ ئىچىدە ئىدىيەلەر مارلىشىپ ، بېرىشىدۇ ئاق -قارىلار سىرىنى . كەلدى نورۇز ، ئاچتى بۇۋاق كۆزىنى ، ئېيتتى مانا ‹ ئانا › دىگەن سۆزىنى . ئوغۇزسىمان دەس تۇرغاندا ئورنىدىن ، قىياس قىلدى ئاتا باتۇر بۆرىنى . كەلدى نورۇز زىمىن ئاچتى كۆزىنى ، ھەر كىم بەخت سېزەر بۈگۈن ئۆزىنى . نورۇز ئېشى بىلەن ئالقان ماسلىشىپ ئاقساقاللار ئېيتتى تىلەك سۆزىنى . ئاپتۇرى : ئابلەت مۇھەممەت باغۋەن
پاش قىلىش
دىنىمنىڭ ئۇستۇن
ئاكتىپ ئەزا
يېتىلىۋاتقان ئەزا
ئۇيغۇر ئوغلى
پائالىيەتچان ئەزا
ئىنكاس يوللاش ئىنكاس قايتۇرۇپ بولغاندا ئاخىرقى بەتكە قايتىدۇ