ئۆزلۈك گىرۋەكلىرىدىن ئۈزۈندىلەر

شاكىرە320

	ئۆزلۈك گىرۋەكلىرىدىن ئۈزۈندىلەر                                                     ئۆزلۈك ئۆزىمىزنىڭ نەزىرىدە ،باشقىلارنىڭ كۆزىدە ۋە ئۆزىمىزنىڭ ياشاۋاتقان جەمئىيەتتە كىم ئىكەنلىكىمىز ھەققىدىكى نىسپىي مۇقىم بولغان تۇنۇشىمىزدۇر. ۋۇجۇدۇڭدا بىر زەھەر بار، ئۇ ھۈجەيرە _ ھۈجەير لىرىڭگە تاراپ كەتكەن ! ئۇنى تازىلا! ئۇنىڭ بىلەن كۈرەش قىل! ھەممە ئادەمگە ئىشىنىپ كەتسەڭ بەلكىم ئالدىنىپ قېلىشىڭ مۇمكىن، ئەمما ھېچكىمگە ئىشەنمەي ئۆتكەن ھايات بەكمۇ لەززەتسىز.（فرانك كرايىن） خىيال ئارزۇغا تەڭ ئەمەس، ئارزۇ نەتىجىگە تەڭ ئەمە س، بۈگۈن ۋاقىتنى خارلىشىڭ ،ئەتە ئۆزۈڭنىڭ خارلىققا قېلىشىڭدىن دېرەك بېرىدۇ. مەسلىنى ئوتتۇرىغا قويماسلىق ئۇنىڭغا جاۋاب بېرەلمەسلىكتىن، ھەل قىلىش كۈنتەرتىپىگە قۇيۇلماسلىقتىنمۇ يامان.（زىگمۇند باۋمەن） ئۆز قارىشىدا جاھىللىق بىلەن چىڭ تۇرۇۋېلىش ئەمەلىيەتتە ئاڭقاۋلىقنىڭ( گالۋاڭلىق ) ئىپادىسى. ئۇقۇغۇچىلار كۈتكەن نەرسىنى بېرەلمەيۋاتغقان ھازىرقىدەك شارائىتتا بىز مۇراجىئەت قىلىدىغان يەنە بىر يول ＿ ئۆزلىكىدىن ئۆگىنىش. كىتاب كىشىگە خۇشاللىق ،ساپا ۋە ئىقتىدار ئاتا قىلىدۇ. كىتاب ئۇقۇشنىڭ لەززىتىنى يالغۇز قالغاندا، كىتاب ئۇقۇش داۋامىدا يېتىلگەن ساپانى پاراڭ قىلغاندا، كىتاب ئۇقۇشتىن كېلىدىغان ئىقتىدارنى ئىشلارنى بىر تەرەپ قىلغاندا ئەڭ ئاسان كۆرۈۋالغىلى بۇلىدۇ. ناچار كىتاب ＿ روھقا سېلىنغان زەھەر. ئىلىم ساختىپەزلىكى ＿بىرەر تىلنى بىلىشتەك ئارتۇقچىلىقى بىلەن باشقا تىللاردىن تەرجىمە قىلىنغان نەرسىلەرنى ئۆزىنىڭ قىلىۋېلىش. ئىنساندىكى تەن ＿ بىر ئاتتۇر، روھ＿ چەۋەندازدۇر ، چەۋەنداز قاياققا باشلىسا ئات شۇياققا ماڭىدۇ.                                                 （جالالىدىن رۇمى） ھەقىقىي مېيىپلىك تەندە ئەمەس روھتا، روھىي مېيىپلىك ئەڭ دەھشەتتۇر. بەدەننىڭ رولى ئەمەلىيەتتە ئىرادىنىڭ رولىدۇر،بىر خىل ئىرادە بىلەن يەنە بىر خىل ئىرادە تىركەشسە ئازابتۇر، ئۇنىڭ بىلەن بىر يەردىن چىقسا ھۇزۇردۇر، خۇشاللىقتۇر….  ئادەم ئىرادىسىنىڭ كۈچىگە تايىنىپ رەزىللىكنى ئاجىزلىتالايدۇ. زىيادە ئۇچۇر ئادەمنى دۆتلەشتۈرۈپ تەپەككۇرنى گاللاشتۇرىدۇ. بىر ئادەمنىڭ قۇلدىن خوجايىنغا ئايلىنىش جەريانى ئامېرىكىلىق بۇلۇش جەريانىدۇر. بىلىمدىن ئۆزگە ئەڭ ياخشى كونتىرول قورالى بولمايدۇ. بۇزۇلغان ئىجتىمائىي ھاۋانى ئۆزگەرتىشنىڭ ئەڭ ياخشى ئۇسۇلى ＿ ياشلارنى تەربىيلەش ئارقىلىق ،ئادەتلىنىپ قالغان ئىدىيە ۋە ئارزۇ _ ئىستەك مودىللىرىنى كۆزدىن يوقىتىش. ياشاش ＿ مەسلە ھەل قىلىش جەريانى . قىيىنچىلىق ＿ ھايات يولىدىكى ھەل قىلىشىمىزنى كۈتۈپ تۇرغان بىر مەسلە. قىيىنچىلىق＿  ئارزۇ ، غايە بىلەن قوشكېزەك. سەن ئەڭ كۈرۈشكە تېگىشلىك ئىش ＿ ئۆزۈڭنى ئۆزگەرتىش .        （گەندى) ئادەمنىڭ مۇۋەپپىقىيەت قازىنىشى% 15 بىلىمدىن، %85 پوزىتسىيەدىن. ناۋادا تېلىۋۇزۇر ياكى تور ئالدىدا ئولتۇرغان ۋاقتىڭىز ئىككى سائەتتىن ئېشىپ كەتسە< مەن ئۆزۈمنىڭ ئىدىيىسىنى باشقىلارنىڭ پېتىقدىشىغا قۇيۇپ بېرىپتىمەن > دەپ ئويلاڭ. بىھۇدە ئۇچۇردىن نېرى تۇرغىن، چارچىمايسەن، يېڭى ساغلام ئىدىيەلەرگە ئەگەش، چىرىپ قالمايسەن. بىر ئادەمنىڭ كىم بۇلۇشىنى ئۇنىڭ ئەتراپىدىكى ئىجتىمائىي مۇھىت بەلگىلەيدۇ. ئەسلىدىنلا ئۆزۈڭگە مەنسۇب بولمىغان رېئاللىققا ۋە شۇ رېئاللىق ئاتا قىلغان ۋاقىتلىق مەنپەئەتكە ئالدانساڭ، ئۆزۈڭدىن ئايرىلىپ قالىسەن. مەدەنىيەت ئەندىكىشى ＿ يات بىر مۇھىتتىكى روھىي بىئارامچىلىقتۇر. قاچ! بىر تۈرمە سېنىڭ كاللاڭنى ، روھىڭنى ، ھەتتا قېنىڭنى ئىسكەنجىگە ئالماقتا . تېرەن ھېسلىرىڭ ، ئوتلۇق ئارمانلىرىڭ ، ساغلام سەزگۈلىرىڭ شۇ تۈرمە ئىچىدە ئۈن تىنسىز غايىب بۇلۇش ئالدىدا تۇرىدۇ. ئۆزۈڭنى ئۆزۈڭ قۇتقۇزغىن ، تۈرمىنى پاچاقلاپ تاشلا! بۇ تۈرمە سېنى پاسسىپلىققا، ئەبگاھلىققا ، چۈشكۈ نلۈككە ۋە نامراتلىققا چىللاۋاتقان ئادەت تۈرمىسى.   مەنبە: زۇلپىقار بارات ئۆزباش ئاكىمىزنىڭ 《ئۆزلۈك گىرۋەكلىرىدە 》 ناملىق كىتابىدىن ئېلىندى.

alip-ar

	مەن بۇ كىتابنىڭ تەرىپىنى كوپ ئاڭلىدىم گەپنىڭ راستىنى دىسەم بىزنىڭ ئۇيغۇر يازغۇچىلىرمىزدىن مۇنداق مىللەتكە ۋە ئادەمگە ئىلھام بەخىش ئىتىدىغان نوۋەتتىكى ئەھۋالىنى توغرا تونۇپ يىتىپ ئاندىن تەدبىر كورۇشكە ئۇندەيدىغان مۇنداق ياخشى كىتابنى يىزىپ چىقالايدىغانلىقىدىن گۇمانلىناتتىم شۇڭا مەن كوپىنچە ئامرىكا ، ياۋرۇپا يازغۇچىلىرنىڭ ئادەمگە ئىلھام بىرىدىغان ، مۇۋاپىقيەتكە قازنىشقا ئۇندەيدىغان ۋە ئۇنىڭ ئۇسۇللىرىنى ئۇگۇتىدىغان ئەسەرلىرىنى ئوقۇشنى ياخشى كورەتتىم مەسىلەن ؛ مۇۋاپىقيەت دەستۇرى ، باھانە ئىزدىمەڭ ، بۇيۇك ئىلھام ، مىليۇنىرلارچە تەپەككۇر قىلىڭ ، بايقىساڭ توپىمۇ ئالتۇن ، دۇنيادىكى ئەڭ ئۇلۇغ مال ساتقۇچى دىگەندەك . مەن بۇ ئوزلۇك گىرۋەكلىردە دىگەن كىتابنى كىتابخانىدىن تاپالمىدىم . مۇقاۋا سۇرتى بولسا ئەۋەتىپ بىرىڭە .

Acura

	ئادەم داۋاملىك تاكاماللىشىشى كېرەككەن ، شۇنداق بولغاندا مىللىتىنى زاماننىڭ شاللاشلىرىدىن ساقلاپ قالغىلى بولۇدىكەن .

شاكىرە320

	alip-ar يوللىغان ۋاقتى  2014-3-19 02:57 PM مەن بۇ كىتابنىڭ تەرىپىنى كوپ ئاڭلىدىم گەپنىڭ راستىنى د ... كەچۈرۈڭ، تېلىفۇندا تور بەتكە  رەسىمنى قانداق يوللاشنى بىلەلمىدىم، بۇ 2014-يىل 4- ئايدا شىنجاڭ ئۇنۋېرسىتىتى نەشىرىياتى تەرىپىدىن نەشىر قىلىنغان كىتابكەن. قايتا نەشىر قىلىنمىغان بولسا تېپىش سەل تەس بۇلۇشى مۇمكىن.   ئابدۇقادىر جالالىدىن ئاكىمىزنىڭ كىتابلىرىمۇ بەك ياخشى، ئۆزىنى ئىزدەش بۇسۇغىسىدا قاتارلىق بىر نەچچە قايتا ياكى يېڭىدىن نەشىر قىلىنغان كىتابلىرىنى يېقىندا كىتابخانىدا كۆرگەن ئىدىم، ھەقىقەتەن قايتا - قايتا ئۇقۇپ چىقىشقا ئەرزىگۈدەك كىتابلار.

شاكىرە320

	شۇنداق ، يەنە ئادەم ئۆزىگە ھەيدەكچىلىك قىلىپ تۇرۇشى زۆرۈر. مەكتەپتىكى چېغىمدا يوللىغانلىرىمنىڭ ئارىسىدىكى     ۋۇجۇدۇڭدا بىر زەھەر بار، ئۇ ھۈجەيرە _ ھۈجەيرلىرىڭگە تاراپ كەتكەن ! ئۇنى تازىلا! ئۇنىڭ بىلەن كۈرەش قىل! خىيال ئارزۇغا تەڭ ئەمەس، ئارزۇ نەتىجىگە تەڭ ئەمە س، بۈگۈن ۋاقىتنى خارلىشىڭ ،ئەتە ئۆزۈڭنىڭ خارلىققا قېلىشىڭدىن دېرەك بېرىدۇ. مۇشۇ ئىككى پارچىنى چوك بىر پارچە قەغەزگە رەڭلىك قەلەمدە يېزىپ كارىۋىتىمنىڭ بېشىغا چاپلاپ قويغانتىم، ئۈنۈمى خېلى ياخشى بولغان ئىدى.

nomu

	مەن ئۇقۇغانتىم! بەك ياخىشى كىتابكەن

uyol

	زۇلپىقار بارات ئۆزباش ئەپەندىنىڭ بۇ كىىتابىنى ھەر بىر ئۇيغۇر بىر ئۇقۇپ قۇيۇشقا ئەرزىيدۇ. ئۆزلۈك ھەققىدە تولىمۇ ئەستايدىل ۋە چۇڭقۇر مۇھاكىمە قىلىنغان. زۇلپىقار بارات ئەپەندى ئۇيۇشتۇرغان « ئىلىم-چېيي» مۇ شۇنداق ياخشى ئېلىپ بېرىلىۋاتىدۇ. زۇلپىقار بارارت ئەپەندىنىڭ ئىشلىرىغا ئۇتۇق تىلەيمەن

subat786

	بۈگۈن ۋاقىتنى خارلىشىڭ ،ئەتە ئۆزۈڭنىڭ خارلىققا قېلىشىڭدىن دېرەك بېرىدۇ. ھەقىيقەتەن.مەزمۇنلۇقكەن

hanam

	ھەممە ئادەمگە ئىشىنىپ كەتسەڭ بەلكىم ئالدىنىپ قېلىشىڭ مۇمكىن، ئەمما ھېچكىمگە ئىشەنمەي ئۆتكەن ھايات بەكمۇ لەززەتسىز.（ئەسلىدىنلا ئۆزۈڭگە مەنسۇب بولمىغان رېئاللىققا ۋە شۇ رېئاللىق ئاتا قىلغان ۋاقىتلىق مەنپەئەتكە ئالدانساڭ، ئۆزۈڭدىن ئايرىلىپ قالىسەن. بۈگۈن ۋاقىتنى خارلىشىڭ ،ئەتە ئۆزۈڭنىڭ خارلىققا قېلىشىڭدىن دېرەك بېرىدۇ.  مۇنۇ  قۇرلارنى   بەكلا ياقتۇردۇم رھمەت قېرىندىشىم يەنەبىر ئىسىمگە سالغىنىڭىزغا رھمەت    بەزىدە پەندە-نەسىھەتلەرگە ئائىت كىتابلارنى كۇروپ بۇلغان، كۇرمىسەكمۇ كۇرگەندەك دەيمىز  ئەمما شۇ كىتابلارنى كۇرۇپ تۇرغانغا ياتمەيدۇ