نورۇز ئېشى ئىتىش ئۇسۇلى

uyol

	نورۇز ئېشىنى ئېتىش ئۇسۇلى 1.  نورۇز ئېشى ئتىش  ئۈچۈن كېتەرلىك خۇرۇچلار ( 10 كىشىلىك ) قوي قوۋۇرغا گۆشى  1كلو ، قوي باڭزىسى 2 دانە ، قوينىڭ لوق گۆشى 300 گرام ، بۇغداي 1كلو ، كۆكباش قوناق 200گرام ، نوقۇت 200 گرام ، گۈرۈچ 100 گرام ، كۆكپۇرچاق  100گرام ، ماش 100 گرام ، تېرىق 100گرام ، ئارپا 100گرام ، قىزىلپۇرچاق 100 گرام  .    سۇ ماي  200 گرام ، قىزىلمۇچ  500 گرام، سەۋزە 1باش ، پىياز 1 باش ، پەمىدۇر 2 دانە ، ئاش كۆكى 100 گرام ، چانغۇر  500 گرام ، تۇرۇپ 200 گرام ، زەنجىۋىل 50 گرام ، سامساق 100 گرام ،   تۇز يېتەرلىك ، ئاچچىقسۇ  100 گرام ، قېتىق 50 گرام ، ئاقمۇچ 20 گرام ، شېكەر  30 گرام 2. تەييارلاش  جەريانى : 1. سائەت بۇرۇن  بۇغداري ، پۇرچاقلار ، نوقۇت ، ئارپا ، تېرىق ، ماش قاتارلىقلارنىڭ  ھەممىسى ئايرىم ئايرىم قاچىغا سېلىنىپ يۇيۇلغاندىن كېيىن ئىلىمان سۇغا چىلاپ قويۇلىدۇ .   كۆكتاتلار پاكىز يۇيۇلىدۇ. 2.   بىر چوڭ قازانغا قوۋۇرغۇلۇق گۆش بىلەن  باڭزىلار سېلىنىپ  يېتەلىك سۇ  ( 10 كلو ) قۇيۇلۇپ كۈچلۈك ئوتتا قاينىتىپ كۆپۈگى ئېلىنغاندىن كېيىن ، ئوت پەسلىتىلىپ سۇس ئوتتا گۆش پىشقىچە قاينىتىلىدۇ . ئاندىن قوۋۇرغۇلۇق گۆش سۈزىۋېلىنىپ 10 بۆلەككە بۆلىنىدۇ . 3. شورپا قايناۋاتقان ۋاقىتتا   ، سەۋزە ، چامغۇر ، قىزىلمۇچ ، پەمىدۇر ، تۇرۇپلار  كىچىك  چاسا شەكىلدە توغرۇلۇدۇ ،   سامساق ، پىياز ، زەنجىۋىللەر  چانىلىدۇ ، ئاشكۆكى  2 سانتا ئۇزۇنلۇقتا توغرۇلىدۇ .  لوق گۆش ئۇششاق چاسا شەكىلدە توغرۇلىدۇ 4.   قازاندىكى شورپىغا  چىلانغان  بۇغداي قاتارلىقلار  ۋە گۈرۈچ ، چامغۇر ، سەۋزە ، تۇرۇپ قاتارلىقلار سېلىنىپ بوش ئوتتا قاينىتىلىدۇ ، قازاننىڭ تېگىگە تارتىپ  كېتىشتىن ساقلىنىش ئۈچۈن  پات - پات  ئارىلاشتۇرۇپ تۇرۇلىشى كېرەك .   5. يەنە بىر قازاننى ئوتقا قويۇپ ، ماي قۇيۇپ قىززىغاندا  توغرالغان گۆشنى سېلىپ قورۇپ ئاقارغاندىن كېيىن  ، پىياز ، سامساق  ، زەنجىۋىل ، تۇز قىزىلمۇچ ، تۇز ، شېكەر ، ئاقمۇچ ، ئاچچىقسۇ   ، سۇ قۇيۇپ تەمىنى تەڭشەپ قىيما ( يۈزلۈك ) قىلىنىپ ، تەييار قىلىنىدۇ . 6. قازاندىكى  بۇغداي قاتارلىقلار  پىشقاندا تۇز سېلىپ تەمىنى تەڭشەپ ، قېتىقنى قۇيۇپ ، قاچىلارغا ئۇسۇلۇ پ  ئۈستىگە قورۇۋالغان قىيما  ۋە ئاش كۆكى سېلىنىدۇ .   ئالاھىدىلىكى :    بۇ تۈركى ، تاجىك مىللەتلىرىنىڭ جەم بولۇپ باھارنى كۈتىۋېلىشتا ئىستىمال قىلىدىغان كاتتا تامىقى بولۇپ  ،  بۇنىڭ خۇرۇچلىرى كۆپ ، ئوزۇقلۇق قىممىتى يۇقۇرى ، تۇزلۇق ، تاتلىق ، ئاچچىق ، چۈچۈك ، مەززىلىك ، پۇراقلىقتىن ئىبارەت ھەممە تەملەر تولۇق.                                                       مەنبە: ئۇيغۇر تائاملىرى رىسالىسى

sanjay

	قىزلار يوقما  ،ما مۇنبەردە   ئۇنداق ھۇرۇنلۇق قىلماي كۈرۈپ قۇيۇڭلا دەيمە  ، بىر ئۆيدىن تۈتۈن چىقاغاندا  ئەسقاتىدۇ .

nazli1314

	sanjay يوللىغان ۋاقتى  2014-3-19 02:25 AM قىزلار يوقما  ،ما مۇنبەردە   ئۇنداق ھۇرۇنلۇق قىلماي كۈر ... ھۇيت،نىمە دەۋاتىسىز غۇجام، بىزلەنى بوش چاغلىماڭ جۇمۇ،

hokumran

	ھازىرقى جەمىيىتىمىزدە نورۇز ئېشىنى قىزلار ئەمەس، خېلى ياشتىكى ئانىلارمۇ ئېتەلمەيدىغان بولۇپ كەتتى. بۇنىڭغا پەتىۋالالارنىڭ قۇشۇلۇشى بىلەن نۇرغۇن ئورپ-ئادەتلىرىمىز يوقۇلۇپ كېتىشى مۇمكىن.

ئالمىچى

	hokumran يوللىغان ۋاقتى  2014-3-19 04:20 AM ھازىرقى جەمىيىتىمىزدە نورۇز ئېشىنى قىزلار ئەمەس، خېلى ... مىنىڭچە بەزى ئۆرىپ ئادەتلەرنىڭ يوقىلىپ كىتىشىنى پەتىۋالاردىنلا كۆرسىڭىز سەل قاملاشماي قالامدۇ قانداق؟ سىزنىڭچە شۇ ئۆرىپ ئادەتلەر زامان تەرەقىياتىنىڭ تەسىرگە ئۇچۇرمىغانمىدۇ؟ ۋە ياكى ئۇچۇرماسمۇ؟

UYGUR==DOLAN

	ئالمىچى يوللىغان ۋاقتى  2014-3-19 09:08 AM مىنىڭچە بەزى ئۆرىپ ئادەتلەرنىڭ يوقىلىپ كىتىشىنى پەتى ... توغرا دەيسىز، بەزى ئۆرۈپ-ئادەتلىرىمىز ئىسلامغا زىت ياكى بىدىئەت بۇلسا شاللىنىپ كىتىشى تەبىئىي،  ئەمما ئىسلامغا زىت بولمىسا   چۇقۇم داۋاملىق تىرىشىپ ساقلاپ قېلىشىمىـز  زۆزۈرغۇ؟

xopur

	نورۇز كۇنى نوۋرۇز ئىشى ئىتىشكە سىزنى تەكلىپ قىلدىم . قاتنىشىپ بىرەرسىز ، ئورنى : شوپۇرلۇق كەسپىي مەكتەپ يىغىن زالى.

Gvljahan

	تېمىنى چۈشۈرۈپ ، پېرىنتىردا بېسىپ سومكامغا قاچىلىۋالدىم ، ئاللا خالىسا ئەتىلا ئىتىمەن ، بۇ رىسالىنى بالامدىن بالامغا ، ئۆمرۈم بولسا ئەۋرەمگىچە ئۆگىتەرمىنا .... رەھمەت جۇمۇ ئۇيۇل ئەپەندى .       نۇرۇز ھەرگىز ئەمەلدىن قالمايدۇ ۋە ھىچكىمنىڭ ھىچنىمىسىگە مۇخالىپ ئەمەس ، مىنىڭ ماتىرىياللاردىن بىلىشىمچە بۇ كۈن  توپان بالاسى بېسىقىپ ، زىمىننىڭ سۈيى تارتىلىپ ، نوھ ئەلەيھىسسالام بالا-چاقىسى   ۋە  بىرقىسىم مۆمىنلەرنى ئېلىپ كېمىدىن زىمىنغا قايتا دەسسىگەن كۈننىڭ خاتىرىسى دىيىلگەن ئىكەن ، دەرھەقىقەت شۇنداق بولسا - بىلگۈچى ئاللاھ - بۇنداق يەرزىمىن ياشارغان ، زىرائەتلەر كۆكەرگەن، كائىنات ئىللىشقا باشلىغان  ، ئادەملەرنىڭ كۆڭلىمۇ تەڭ ئىللىيدىغان خاسىيەتلىك كۈننى تەبرىكلىمەسلىككە ئاساسىمىز يوق ، ئاللاھنىڭ پەيغەمبىرى مۇھەممەد سەللەللاھۇ ئەلەيھى ۋەسسەللەممۇ (ئاللاھ ئالى مەرتىۋە ئاتا قىلسۇن )-يەر يۈزىدىكى ھەر ئۈممەتنىڭ ئۆزىنىڭ تەنتەنە قىلىدىغان بايرىمى بولىدۇ دىگەن ئىكەن ، نۇرۇز بايرىمى ھەرگىزىمۇ ئىنسانىيەتنىڭ ئەڭ ئالى  مەدەنىيىتى ۋە جەۋھىرى بولغان ئىسلامغا مۇخالىپ ئەمەس بەلكى بۇنىڭغا جان قوشىدىغان ، ئاللاھنىڭ ياراتمىشلىرىغا تەشەككۈر -شۈكرى سانا ئېيتىدىغان ياخشى كۈن  ، ئىنسانلارنى ياخشىلىققا ئۈندەيدىغان ، قەۋم قېرىنداشلارنى ئىتتىپاقلىققا ئۈندەيدىغان ، تەبىئەتنى ئاسراشنى ، جانلىقلارنى قوغداشنى تەشەببۇس قىلىدىغان قۇتلۇق كۈن ،بىر كۈنلەردە موماي بۇلۇپ كەتسەممۇ  بالىلىرىمغا مانا شۇنداق تەربىيەت قىلىمەن ،كۆمسەم پىشارمۇ ياپسام پىشارمۇ دەيدىغان ئىش يوق .

Gvljahan

	masrura يوللىغان ۋاقتى  2014-3-19 11:18 AM پەتىۋانى سىز بىزدەك مۇنداقلا بىرەر كىتاپ ياكى بېرەر م ... مىنىڭ بۇيەردە دىگەن گىپىم ھەرگىزمۇ مىنىڭ دىگەنلىرىمگە ئەگىشىڭ دىگەن تەشەببۇسنى بىلدۈرمەيدۇ قېرىندىشىم ، پەقەتلا سەمىمىلىك بىلەن دىدىم خالاس ، ئەمما يەنە شۇنى ئەسكەرتسەم ھەقىقى پەتىۋانى دەل سىز دىگەندەك ئالىملارنىڭ چىقىرىدىغىنىنى مەنمۇ سىزدەكلا ئوبدان چۈشىنىمەن ، بىراق ئارىمىزدا يىراق تارىخى بىلىملاردىن خەۋەرسىز ، دىنى كىتاپلار بىلەن بىللە ، پەننى كىتاپلارنى بىر يولدا مۇتائىلە قىلىشقا ئادەتلەنمىگەن ، بىر بۆلەك ئادەملىرىمىزمۇ يانپاشقا بىرنى قۇيۇپلا «پەتىۋا توقۇش»قا خېلى ئۇستا ، سىز ئەنسىرىگەندەك نەۋرۇز بۇرۇنلاردا بەلكىم دىنسىز قەۋملەرمۇ ئىشتىراك قىلغان بايرام بولىشى مۇمكىن ، بىراق سىزگە شۇنى ئېيتىپ قۇيايكى ، ئىنتايىن يىراق قەدىم زامانلاردىن بىرى خەلقىمىز خاتىرىلەپ كىلىۋاتقان بايرام قانداقتۇ باشقا دىندىكىلەرنىڭمۇ باشقا مەزھەپتىكىلەرنىڭمۇ قاتنىشىپ بىز بىلەن بىر كۈندە خاتىرىلىشى بىلەن قارا سانىلىپ قالمايدۇ ، بىز پەقەت بىزنى ياراتقان ئاللاھنىڭ نىمەتلىرىگە شۈكرى سانا ئېيتىش بىلەن ئاندىن بۇ كۈننى خاتىرىلەيمىز دەپ قارايمەن خالاس ، ئۇشۇق سۆزلىسەم بولماس ، گەپنىڭ قىسقىسى سىز بۇ يەردە مەندىن «سىزگە ئەگىشەمدۇق ياكى مۇجتەھىد ئالىملارغا ئەگىشەمدۇق ؟» دەپ ماڭا ئىستىھزا قىلىپ مىنى توۋبە قىلدۇرماقچى بولسىڭىز مەخسىدىڭىزگە خاتا يول ئىزدىگەن بولىسىز ، مىنىڭ قايسى ئىشلارغا توۋبە قىلىش قايسى ئىشلارنى داۋاملاشتۇرۇشنى پەرق ئەتكۈدەك كاللامنى ئاللاھ ماڭا ئاتا قىلغان ۋە توختىماي تەپەككۈر قىلىشنىمۇ ئادەت قىلدۇرغان ، شۇنىڭغا شۈكرى ، شۇڭا بۇيەردە مۇجتەھىد ئالىملار بىلەن مىنى باش سۇقۇشتۇرۇشقا سالىمەن دەپ كايىماڭ ، بەلكىم ئازغان بولسام  توغرىسىنى بىلگۈچى سىزلا ئەمەس سىزبىزنى ياراتقان ئىگىمىز خالاس ، شۇڭا دىل ئازارلىقى تېرىيدىغان تالاش -تارتىشلاردىن يىراق بولغىنىمىز دۇرۇس ، ئەمدى بۇھەقتا ئوشۇق سۆزلىگۈم يوق .