20 دوللارلىق قىممەت (تەرجىمە)

ئەلقۇت511

	20 دوللارلىق قىممەت (تەرجىمە)      بىر كۈنى ھەم ھېرىپ كەتكەن ھەم ئىچى سەل پۇشۇپ قالغان دادا ئىشتىن چۈشۈپ ئۆيگە قايتىپ كەلگەندە خېلىلا كەچ بولۇپ كەتكەن ئىدى. ئۇ بەش ياشلىق ئوغلىنىڭ ئىشىكنىڭ يىنىدا ئۇنى ساقلاپ تۇرغانلىقىنى كۆردى.     << دادا ،سىزدىن بىر نەرسە سورىسام بولامدۇ؟>>      << نېمە گەپ؟>>      << دادا،سىز بىر سائەتتە قانچىلىك پۇل تاپالايسىز؟>>      << بۇنىڭ سەن بىلەن مۇناسىۋىتى بولمىسا، ئەجەپ سوراپ قالدىڭغۇ؟>>       << مەن پەقەت بىلىپ باقاي دېگەن، دەپ بىرىڭە،سىز بىر سائەتتە قانچىلىك پۇل تاپىسىز؟>>        << ئەگەر راستىنلا بىلىشنى خالىساڭ بوپتۇ، دەپ بىرەي،مەن بىر سائەتتە 20 دوللار تاپىمەن>>.       << ھە،>> دىدى بالا بىشىنى تۆۋەن سالغىنىچە،ئۇلاپلا يەنە<<دادا،ماڭا 10 دوللار قەرز بىرىپ تۇرالامسىز؟>>دىدى.         << ئەگەر سەن مەندىن پۇل ئىلىپ تايىنى يوق ئويۇنچۇق سىتىۋالماقچى بولغان بولساڭ، ئەڭ ياخشىسى دەرھال ھۇجراڭغا كىرىپ ئۇيقۇڭنى ئۇخلا،ئۆزۈڭنىڭ نىمە ئۈچۈن بۇنچە شەخسىيەتچى بولۇپ كەتكىنىڭنى ياخشىراق ئويلاپ باق،مەن ھەر كۈنى ئىشلەپ ھىرىپ كىتىمەن، سەن بىلەن كىچىك بالىلارنىڭ ئويۇنىنى ئوينايدىغانغا ۋاقتىم يوق>> دىدى دادىسى ئاچچىقلانغىنچە.        ئوغلى ئۈن-تىنسىزلا ھۇجرىسىغا كىرىپ ،ئىشىكنى يىپىۋەتتى.           دادا ئولتۇرۇپمۇ يەنە ئاچچىقى كىلىۋاتاتتى.بىر ئاز ۋاقىت ئۆتۈپ ،ئۇ سەل تىنچلانغاندىن كىيىن كۆڭلىدە ئوغلىغا بەك ئاشۇرۋەتكەنلىكىنى ھىس قىلدى.<< بەلكىم ئۇ راستنىلا بىر نەرسە سىتىۋالماقچىدۇ. ئۇنىڭ ئۈستىگە ئۇ ئادەتتە ئانچە پۇل سوراپ كەتمەيتتى.>>       دادىسى ئوغلىنىڭ ھۇجرىسىغا كىردى.        << ئۇخلىدىڭمۇ؟>>       << ياق دادا، مەن تېخى ئويغاق >> دىدى ئوغلى.       << مەن بايام ساڭا سەل ئاشۇرۇۋىتىپتىمەن،مەن ئەسلىدە ئۇنچىۋالا ئاچچىقلانماسلىقىم كېرەك ئىدى،مانا، بۇ سەن سورىغان 10 دوللار>> دىدى دادىسى.       << رەھمەت سىزگە دادا>> .         ئوغلى خۇشال بولغىنىچە ياستۇقىنىڭ ئاستىدىن ئازراق پۇرلىشىپ كەتكەن پۇللارنى ئىلىپ ئالدىرىماي ساناشقا باشلىدى.        << سەندە پۇل باركەنغۇ؟ يەنە نىمىشقا پۇل سورايسەن؟>> دىدى دادىسى چۈشىنەلمەي،       << ئەسلىدە بۇ پۇل يەتمەيتتى،بىراق ھازىر يېتىدىغان بولدى>> دىدى ئوغلى جاۋاپ بىرىپ << دادا، ھازىر مېنىڭ 20 دوللار پۇلۇم بار،ماڭا بىر سائەتلىك ۋاقتىڭىزنى سىتىپ بىرەلەرسىزمۇ ؟ ئەتە ئۆيگە بالدۇرراق قايتىقان بولسىڭىز، چۈنكى مەن سىز بىلەن بىرگە كەچىك تاماق يىيىشنى بەكمۇ خالايمەن>>. بۇ ماقالە<< بىيجىڭ تىل ئونۋىرستىتى >> تەرىپىدىن نەشىر قىلىنغان << خەنزۇتىلى تەرەققىياتى-ئوتتۇرا دەرىجىلىك ئاغزاكى تىل دەرىسلىكى1-قىسىم>>(发展汉语中级口语教程>> دېگەن دەرسلىك كىتابىنىڭ ئوقۇش مەشىقى قىسمىدىن رەتلەپ تەرجىمە قىلىندى.     تەرجىمە قىلغۇچى: ئابباس ئۆمەر ئەلقۇت

1APOLO

	خىزمەت،ئۈگىنىش ،سودا-سىتىق ۋە ياكى باشقا ئىشلار بىلەنلا بولۇپ كەتمەي ئائىلىمىزدىكىلەرگە كۆڭۈل بۆلۈشنى ئۇنتۇپ قالمايلى . ھىكايە ئاددى بولغىنى بىلەن مەنىسى چۇڭقۇر ئىكەن.

azrat705

	دادىسىنىڭ كۈندە ئەتىگەندە چىقىپ كېتىپ ئاخشىمى ھېرىپ قايتىپ كەلگەنلىكىنى كۆرۈپ بىرەر قېتىم بولسىمۇ كەچلىك  تاماقنى بىللە يىيىشنى ئارزۇ قىلىش ، دادىسى ئۆزىنى خاتا چۈشىنىۋېلىپ قاتتىق گەپ قىلغاندا  بىرەر ئېغىز بولسىمۇ چۈشەندۈرۈش بەرمەي ئۈن-تۈنسىز ياتاق ئۆيىگە كىرىپ كىتىش ، دادىسىدىن 10 دوللار سۇراپ دادىسىنىڭ بىر سائەت ۋاقتىنى «سېتىۋېلىش»..... بۇلارنىڭ ھەممىسى بىر سەبىي بالىنىڭ دادىسىغا بولغا سېغىنىشى . 7 يىلدىن ئېشىپتۇ ، ئاتا ئانامنىڭ يېنىدا ھەر يىلى جىق بولسا بىر ئاي تۇرالايدىكەنمەن . ئۆيىدىن ئايرىلىپ سىرتلاردا تۇرىۋاتقانلار يىلدا قانچىلىك ۋاقىت ئاتا ئاناڭلارغا ھەمراھ بولۇپ تۇرالايسىلەر؟ ئىككى ئاي ؟ بىر ئاي ؟ 20 كۈن ؟ ياكى ئۇنىڭدىنمۇ ئازمۇ ؟ ئاتا-ئانىمىز بىلەن يىلدا بىر قېتىم كۆرۈشسەك يەنە قانچە قېتىم كۆرۈشەلەرمىز ؟ ئەلۋەتتە يەنە قانچە قېتىم . قانچىلىك ۋاقىت بىللە بۇلالايمىز بۇنىڭ ھەممىسى ياراتقان ئىگەمنىڭ ئورۇنلاشتۇرۇشى . ئاللاھتىن ئاتا ئانىلىرىمىزغا ئۇزۇن ئۆمۈر ، پەرزەنتلەرگە ئىنساپ تىلەيلى .

yultuzay0997

	بۇ ئىنتايىن ياخشى گەپ ، بىز ئانىلاغۇ كۈندە بالىغا تاماق تەييارلاپ كىيىم كەيدۇرۇپ يەنە ئازپاز تەپشۇرۇقىنى چۈشەندۈرۈپ بولسىمۇ بىرگە بۇلۇش ۋاقتىمىز چىقىدىكەن لىكىن ئاتىلانىڭ ۋاقتى بەكلا قىس مىكىن تاڭ ياكى ئۇلا تازا بەك كۈڭۈل بۈلمەمەدۇ قانداق ، مىنىڭچە بولسا مۇشۇ ئىشقا ئاتا بولغۇچىلار كۈندە بولمىسىمۇ ھەپتىدە بىە كۈن بولسىمۇ ۋاقتىنى چىقىرىپ ھەمرا بولسا ، ئويناتسا شۇ سەبىي بالىلرىمىز قانچە خۇشال بولغان بۇلاتتى ھە .

masrura

	ھەقىقەتەن تەسىرلىككەن..ھەممە ئائىلە ئەزالىرى بىللە ئولتۇرۇپ غىزالانسا بىر-بىرىگە بولغان مېھرى كۈچىيىدۇ، ھەم پىكرى بىردەكلىك ھاسىل قىلغىلى بولىدۇ،شۇڭا دادىلار ئامال بولسىلا ھەم ۋاختىڭلار يار بەرسىلا ئائىلەڭلارغا قايتىپ تاماقتا بولسىمۇ ئائىلەڭلار بىلەن بىللە بولۇشقا ئەھمىيەت بەرسەڭلار،چۈنكى دادا ئۆينىڭ تۈۋرىكى،ئۆيدە دادا كەم دىدار بولۇپ قالسا خۇددى ئۆينىڭ ھۇلى بوشاپ كەتكەندەك تۇيغۇ پەيدا بولۇپ قالىدىكەن.

tuntaxvixi

	بەك تەسىر قىلىدىكەن جۇما ئادەمگە

.0102

	مەن بۇھىكايىنىڭ نۇرغۇن نۇسخۇسىنى ئۇقۇپ كەتتىم، 10 كوي دىگەن بىرى با بولدىغان ...  بەلكىم ئۇمۇ  ئۆزلەشتۈرگەن تەرجىمىسىدۇ

.0102

	مەن بۇھىكايىنىڭ نۇرغۇن نۇسخۇسىنى ئۇقۇپ كەتتىم، 10 كوي دىگەن بىرى با بولدىغان ...  بەلكىم ئۇمۇ  ئۆزلەشتۈرگەن تەرجىمىسىدۇ

musapir01

	دادىسى يىغلاپ سالغاندۇ ھە

uyol

	ھىكايە ئاددى بولغىنى بىلەن مەنىسى چۇڭقۇر ئىكەن.