تۇرمۇشنىڭ پاسسىپ تەرەپلىرىگە ماسلىشىشنى بىلىڭ
بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @: q, a. l8 o6 a
بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @* m+ U: ]1 t" G5 T
بېل گېيتىس ئوتتۇرا مەكتەپتە ئوقۇۋاتقان ۋاقتىدا ئامېرىكا بويىچە ئەڭ چوڭ دۆلەت مۇداپىئە بويۇملىرىنى ئىشلەپچىقىرىدىغان TRW شىركىتىنىڭ يۈز تۇرانە ئىمتىھانغا تەكلىپ قىلىنغانلىق تېلېفونىنى تاپشۇرۇۋالىدۇ ۋە مەكتەپتىن رۇخسەت سوراپ ئۆز غايىسىنى ئەمەلگە ئاشۇرۇش ئۈچۈن ئۈچ ئايلىق «ۋاقىتلىق خىزمەت»كە بارىدۇ.
ئۈچ ئايدىن كېيىن، بېل گېيتىس مەكتەپكە قايىتىپ كېلىپ كەم قالغان دەرىسلىرىنى تولۇقلاپ مەۋسۇملۇق ئىمتىھانغا قاتنىشىدۇ. ئۇنىڭغا نىسبەتەن كومپىيۇتېر ھېچنەرسە ئەمەس ئىدى. باشقا نەرسىلەرنىمۇ تولۇقلاپ ئۈلگۈرگەن ئىدى. لېكىن كومپىيۇتېر ئوقۇتقۇچىسى ئۇنىڭغا «B» باھا سۆزى يېزىپ قويىدۇ. ئەلۋەتتە بۇ باھا بېل گېيتىسنىڭ ئىمتاھان نەتىجىسىگە ئەمەس، ئۇنىڭ ئۆگىنىش پوزىتسىيىسىگە قارىتىپ قۇيۇلغانىدى.
لېكىن بېل گېيتىس بۇ ئادالەتسىز باھادىن ئاغرىنىپ يۈرمەيدۇ ۋە پۈتۈن زېھنىنى سانلىق مەلۇماتلارنى كودلاشتۇرۇش ئىشىغا قارىتىپ، ئۆزىنىڭ كېيىنكى ئىشلىرىغا پۇختا ئاساس سالىدۇ ھەمدە ئاخىرى ئىسمى-جىسمىغا لايىق سېستىما تۈزگۈچىگە ئايلىنىپ، دۇنياۋى زور نەتىجىلەرنى قولغا كەلتۈرىدۇ....
بېل گېيتىس «مۇتلەق ئادالەت مەۋجۇت ئەمەس، ئۆگىنىشتىمۇ، تۇرمۇشتىمۇ شۇنداق، تۇرمۇشنىڭ تەڭسز تەرتىپىگە ماسلىشىپ ھەم يۈزلىنىپ، ئاخىرغىچە تىرىشالىغاندىلا، ئويلاپ باقمىغان نەتىجىلەرنى قولغا كەلتۈرگىلى بولىدۇ» دەيدۇ.
تۇرمۇشنىڭ ئادالەتسىزلىكى كىشىنى مەيۈسلەندۈرىدۇ. ئەمما رېئاللىق ئەنە شۇ! نۇرغۇنلىرىمىزنىڭ ئوڭايلا ئۆتكۈزىدىغان بىر خاتالىقى شۇكى، بىز تۇرمۇش جەزمەن ئادىل بولۇشى ياكى ھامان بىر كۈنى باراۋەرلىك، ئادىللىق ئۈستىگە قۇرۇلۇشى كېرەك دەپ ئويلاپ تۇرۇۋالىمىز. ئەمما ئۇ ئۇنداق بولمايدۇ.
تۇرمۇشنىڭ تەڭسىزلىكىنى ئېتراپ قىلىش بىزنى ئورۇنسىز غەم-قايغۇدىن قۇتۇلدۇرۇپ قالىدۇ. ھەممە ئىشنى مۇكەممەل قىلىش تۇرمۇشنىڭ ۋەزىپىسى ئەمەس، بەلكى بىزنىڭ تۇرمۇشقا جەڭ ئېلان قىلىشىمىزدۇر. شۇڭا، قېيىنچىلىق ۋە ئادالەتسىز مۇئامىلىگە يولۇققاندا، ئورۇنسىز ئىشلارنىڭ قۇربانى بولۇپ كەتكەندە، ھەر قانداق كىشى ھەر قانداق ئىش ئۈچۈن ئەپسۇسلىنىپ ئاھ ئۇرۇشىنىڭ ئورنى يوق.
تۇرمۇشنىڭ ئادالەتسىزلىكىنى ئېتىراپ قىلىش، تۇرمۇشنى ياخشىلاش ـــ دۇنيانى ئۆزگەرتىشتىن ۋاز كېچىشنى كۆرسەتمەيدۇ، بەلكى پەدىنى ئۆزگەرتىپ تېخىمۇ تىرىششنى كۆرسىتىدۇ. بىز كۆپىنچە ھاللاردا تەڭسىز مۇئامىلىگە ئۇچرىغاندا ئىچ ئاغرىتىش، ئەپسۇسلىنىش بىلەنلا بولۇپ كېتىمىز. ئەمەلىيەتتە بۇ كەيپىياتنى تېخىمۇ بوشاشتۇرۇۋېتىدىغان چۈشكۈنلۈكتىن باشقا نەرسە ئەمەس. توغرا، خەيرىخاھلىق بۇ بىر خىل مېھىر-شەپقەت ۋە كۆيۈنۈش، لېكىن ئۇ چەكتىن ئېشىپ كەتسە، چۈشكۈنلۈكنىڭ دورىسىغا ئايلىنىپ قالىدۇ. ئىچ ئاغرىتىش، خەيرىخاھلىق ئىچىدىن ئاكتىپ ئەھمىيەتكە ئىگە ھەرىكەتلىنىشنى تارتىپ چىقىرىش ـــ مانا بۇ ئەڭ ئاقىلانە تاللاشتۇر.
تۇرمۇشنىڭ ئادالەتسىزلىكىنى ئېتىراپ قىلىش بارلىق پاسسىپ باشلىنىشتىن دېرەك بەرمەيدۇ. بىز ئۇنى قۇبۇل قىلىش ئارقىلىقلا كەيپىياتىمىزنى تۇراقلاشتۇرۇپ، ھاياتلىقتىكى ئۆز ئورنىمىزنى تاپالايمىز، بىلەلەيمىز.
«بايقىساڭ توپىمۇ ئالتۇن»دىن ئېلىندى
بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @( Z0 }# l% B: M
مەنبە: KARHANA ئۈندىدار سۇپىسى
يوللىغان ۋاقتى 2014-3-17 01:12:48 PM
