ئامېرىكا سەپىرى،بېيجىڭدىن ئايرىلدىم-مىسرانىم

Misranim

	ئامېرىكا سەپىرى، بېيجىڭدىن ئايرىلىش ئالدىدا.....  بېيجىڭغا كەلگىنىمگە 5 كۈن بولغان كۈنى...ياتاقتىن پەسكە چۈشۈپ مۇلازىمەتچىگە ياتاق ئۆتكۈزدىغانلىقىمنى دىدىم ،ۋاقىتنىڭ 15 مىنۇت ئۆتۈپ كەتكىننى دەپ يەنە بىر كۈنلۈك ياتاق پۇلسىنى ئالغۇسى بار...ئازراق قائىدى قانۇنلارنى سۆزلەپ يۈرۈپ ياتاقنى ئۆتكۈزۈپ ئەتراپتىكى دوللار ئالماشتۇرۇش ئورنىغا بېرىپ  پۇللىرىمبى دوللارغا ئايلاندۇرۋالدىم....قىززىق يېرى تەمتىردىممۇ ياكى ھاياجانلاندىممۇ ئەيتاۋۇر يېنىمدىكى پۇلنىڭ ھەممىنى دوللارغا ئالماشتۇرۋىتىپ تاس قالدىم تاكسىي پۇلنى تۆلىيەلمىگىلى ،خۇداغا شۈكرى ،ياتاقتىن قايتۇرغان پۇلغا ئايدىرومغا كېلىۋالدىم...يولدا كېلىۋاتقاچ بېيجىڭدىن ئىبارەت بۇ شەھەرنىڭ كىشىلەرنى بارغانسىرى كەمتەر قىلۋەتكىننى ھېس قىلىپ يەتتىم...چۈنكى بېيجىڭدا ياشاۋاتقانلار دۆلىتىمىزنىڭ رەھبەرلىرىدىن تارتىپ مىليادىرلارغىچە ھەممىسى ئوخشاش رايوننىڭ تۇپرىقىدا ...ئاددىيسى كەلگەن بىر قانچە كۈندىن بېرى يوللاردا قاتناش ھادىسلىرىمۇ ئىنتايىن ئاز ،يوق دىيەرلىكلا ...يەنە بىر ھېس قىلغىنىم بېيجىڭدا ھەرقانچە نوچى ماشىنىلارمۇ ئاساسەن سىگنالنى ئىشلەتمەيدىكەن... شۇنچە ماشنا كۆپ بۇ شەھەردە بىرەرىنىڭمۇ سىگنال ئۇرغىننى ئاڭلىغىلى بولمايدىكەن...بۇ ئەھۋاللارنى كۆرۈپ رايونىمىزدىكى ۋاقىتلاردا ئۆزۈمنىڭ شوپۇرلۇق ئەخلاقلىرىمدىن نۇمۇس قىلىپ قالدىم...بېيجىڭ ئايدىرومىدا ئالاھىدە تەكشۈرۈشلەرگە. ئۇچرىمىدىم...مەخسۇس مىيىپلار بېلەت تىزىملىتىش ئورنىدا ھېچقانداق ئۆچرەتتە تۇرمايلا ئاسانلا ئىشلىرىمنى تۈگەتتىم...بىرئازدىن كېيىن مەخسۇس بىر خادىم بۈگۈنكى ئايروپىلانغا چىققۇچە بولغان ئارلىقلاردىكى بارلىق يەرلەرگە ئۆزى ئاپىرىپ ،چېگرا تەكشۈرۈشلىرىدىن مۇۋەپپىقىيەتلىك ئۆتكۈزدى ،ئايروپىلان ساقلاش زالىدا ئايروپىلان بىلەن يانداش تۇرۇپ تەييار بولشىنى ساقلاۋاتىمىز...ئېيتىپ ئۆتۈشكە تېگىشلىك يېرى ئايدىرومدىكى يولوچىدىن ،خىزمەتچى خادىملارغىچە ماڭا مىيىپلىقىمغا قاراپ ئالاھىدە شىنجاڭدىكى كۆيۈنۈشلەرنى قىلمىدى...ھاسىنى بىرەر يەردىمۇ سوراپ قالمىدى...نورمال ئايروپىلانغا ئېلىپ چىقالايدىغان بولدۇم..ئۇنىڭدىن سىرت شۇ بىر چاقلىق ھارۋا بىلەن ئايروپىلاننىڭ ئىچىگىچە ئېچىقىپ ھەر ۋاقىت بىر ھارۋىنى تاسادىبىي ئەھۋاللار ئۈچۈن ماڭا تەييارلاپ ،قويىدىكەن...يېتىمنىڭ ئىگىسى خۇدايىم دەپ ، يالغۇزچىلىقتا ئىشلىرىم ئاخىرغا بارغانسىرى مەن ئويلىغاندىنمۇ بەك گۈزەل ھەم ئاسان بولىۋاتىدۇ...ئاللاھقا شۈكرى...دۇئالىرىڭلار ھەم مەدەت ئىلھاملىرىڭلارنىڭ بەركىتىنى بېرىۋاتىدۇ..ھاياتىمدىكى تۇنجى چەتئەل سەپىرى باشلاندى...يەنە 14 سائەت ئۇچقاندىن كېيىن ئامېرىكا تەۋالىكىگە قەدەم باسىمەن....  ئەپسۇس بۇ يەردىكى ئايرىلىش ئۈرۈمچىدىكىدەك قەلبىمنى ئېزەلمىدى...چۈنكى مېنىڭ بۇ يەردە قۇچاقلاپ خوش دىيەلەيدىغان ئادىمىم بولمىسا.....ئاللاھقا ئامانەت....ھەممە قېرىنداشلارغا بىرمۇ بىر تېلفون قىلىپ خوشلىش مۇمكىن بولمىدى...يەنە بىر ئاي ئىچىدە تېلفون ئىشلىتەلمەيمەن...ۋەتەندىكى دوستلار بىلەن ئۈندىداردا داۋاملىق دىدارلىشىپ تۇرارمىز....  ---بېيجىڭ ئامېرىكا سەپىرى --  ئايروپىلاندىكى 13 سائەت ..  ئامېرىكا بىرلەشمە ھاۋا  قاتنىشى 898 تىپلىق ئايروپىلانغا ھەممە يولۇچىلاردىن 20 مىنۇت بۇرۇن چىقىپ مەن ئۈچۈن ئەڭ سۆيۈملۈك ئاتا -ئانامغا تېلفوندا خوشلىشىپ ئۈلگۈردۈم..   ئايروپىلانغا چىقىپلا ئاڭلىيالايدىغان ، چۈشىنەلمەيدىغان،سۆزلىيەلەيدىغان ،چۈشەندۈرەلمەيدىغان كىشىگە ئايلاندىم...ئورنۇم نەدىكىن دەپمۇ سورىيالماي ئامالسىز بېلەتنى كۆرسىتىپ يۈرۈپ مەقسىتىمنى چۈشەندۈردۈم... بىر ئورۇننى كۆرسىتىپ ئولتۇرغۇزۇپ ،ھاسامنى ماڭا پۇتلاشمايدىغان ،مەن قاچانلا بولسا ئالالايدىغان يەرگە قويۇپ قويدى...بىر چاغدا چىرايلىرىنى ئۆزگەرتىپ ئورۇننى خاتا كۆرسىتىپ قويغانلىقىنى ئىشارە قىلدى....يان تەرەپتىكى ئورۇنغا ئالماشتىم...خۇددى مەن چوڭ بىر خوشاللىق ئىش قىلغاندەك ، كىچىك بالىنى يېڭى ماڭغۇزىۋاتقاندەك چاۋاك چېلىپ يارايسەن دەپ سۆزلەپ ئىللىققىدە كۈلۈمسىرەپ ئايروپىلان بۆلۈمچىسىگە كىرىپ كەتتى...باشقا يولوچىلارمۇ ئايروپىلانغا چىقىشقا باشلىدى...   ھەر بىرىمىزنىڭ ئالدىغا بىردىن ئۆزىمىز باشقۇرالايدىغان ئېكران ئورۇنلاشتۇرۇلغان بولۇپ تېلۋىزىيە تىياتىرى،يېڭى چىققان فىلىملەر،كارتون فىلىملار تاللاپ كۆرۈشىمىزگە سۇنۇلغان ئىدى...بۇ چاغدا نېمە تېتىيدۇ دەيسىز؟. ئۆزۈمنىڭ دۆلەت ئاتلاپ قىلغان بۇ سەپىرىمگە ھەم ئىشەنگىم كەلمەيۋاتىدۇ....ئەمما رىئاللىق ئىسپاتلاپ تۇرۇپتۇ...ئاللاھقا قاتتىق شۈكرى قىلدىم... قاچانلا قارىسا ئۆزۈمگە مېڭىش ئەركىنلىكىم تارتىۋىلىنغان دەپ سۆزلەپ قوياتتىم...كېرەملىك ئاللاھ ماڭا كۆپ ئۇچۇش ئەركىنلىكىنى بېرىۋاتىدۇ... شۇڭا بەزىدە كىشى قىسمەتلىرى توغرىسىدا ئاغرىنماسلىقى كېرەك ، بىرنەرسىنى يوقاتسىڭىز بەلكىم شۇنىڭغا يوشۇرۇنغان ھېكمەتلەر ھەم بولىشى مۇمكىنكەن....تېلفونىمغا تۈنۈگۈن دولقۇنكامنىڭ ئىشخانىسىدا قاچىلۋالغان ناخشىلاردىن ئابدۇللاكامنىڭ ئۇزاق يول دېگەن ناخشىسى نەق ھازىرقى ھېسياتىمنى ئىپادىلەپ تۇراتتى.. .ئازراق ۋاقىت ئۆتكەندىن كېيىن تاماقلار ئېچىقىلدى، ھەيران قالغىنىم ئايروپىلان ئىچىدىكى مەن كۆرەلەيدىغان يەرلەرگە تاماقنى خالىغانچە تارقىتىۋاتاتتى..ئەپسۇس ماڭا بەرمەي ئۆتۈپ كەتتى..ئازغىنە ۋاقىت ئۆتكەندىن كېيىن ئۈستىگە ئىسمىم چاپلانغان مەخسۇس ماڭا بۇيرىتىلغان تاماقنى ماڭا تۇتقۇزدى...يېنىمدىكى بىلەن سېلىشتۇرۇپ كۆردۈم....جەدۋەل توشقۇزغاندا مۇسۇلمانچە تاماق دەپ يازغىنىمنىڭ پايدىسىنى كۆرۈۋىتىپتىمەن...ئاللا..مۇسۇلمانچە تاماق ئاساسەن مېۋە چىۋە ، سەي كۆكتاتتىنلا تەركىب تېپىپتۇ...مېۋىلەرنىغۇ يەي،كىچىكىمدىن ھازىرغىچە سەي يېمەيدىغان، ناتونۇش كىشىلەر بىلەن تاماقتا بىرگە بولسام سەينى چاندۇرماي يۈتىۋىتىدىغان ئەسكى خۇيۇم بار ئىدى ئەمەسمۇ،،، ئامالسىزمەن،مۇساپىرمەن....ۋاھ ئەسلى سەينىمۇ مەززە بىلەن يىگىلى بولدىكەنغۇ؟ كۆپ ھاللاردا ياخشى شارائىتنىڭ تەييار بولىۋىرشى شۇ كىشىدە مەلۇم دەرىجىدە جاھىل خاراكتىرنى ئالغان مىجەز - خۇلقلارنى يېتىشتۈرۈپ قويىدىكەن...توۋا...كۆندۈرۋەتكەن شارائىت مېنى تازىلىق ئۆيىگە كىرەلەيدىغان بىر ئەركىنلىكىم بارلىقىنىمۇ ئۇنتۇلدۇرۇپتۇ...ھاسامنى ئېلىپ تازىلىق ئۆيىگە كىرىپ چىقتىم...شۇنداق قىلىپ نەچچە ئون قېتىملاپ چىققان ئايروپىلانلىرىم ئىچىدە ئامېرىكا ئايروپىلاندا بۇ مۇبارەك جايغا كىرىش نىسىپ بوپتۇ...شۇ تاپتا مەندە ھېچقانداق چېگرىدىن ئايرىلغاندىكى ھېسيات يوق، چۈنكى تىڭشىغۇچتا ئۇيغۇرچە ئاۋاز چىقىپ  ئۆزۈمنى ئۈرۈمچى -قەشقەر ئالىي ئاپتوبۇسىدا كېتىۋاتقاندا ھېس قىلغۇزاتتى... بېيجىڭ -----

XERHAN

	راستىمنى دىسەم مەن سىزنىڭ ھاسىدا ماڭىدىغانلىقىڭىزنى مۇشۇ يىقىندىن بۇيان بىلدىم ، بۇرۇندىن بۇرۇن پاراڭلاشقان بولساقمۇ ئەمما يۈز تۇرانە كۆرىشىپ باقمىغاچقا ئۇنىڭ ئۈستىگە شەخسى پاراڭلارنى دىگۈدەك قىلىشىپ باقمىغاچقا بىلمەپتىكەنمەن . مېيىپلىقىڭىزنى ئۈمىد غەنى كۆڭۈلدىكى سۆز پىروگراممىسىغا ئېلىپ چىققان ۋاقىتتا بىلگەن ئىدىم ( ئۆتكەن يىلى ) ، ئەمما چالا پۇلا ئاقساپ ماڭسا كىرەك دەپ ئويلىغان ، بۇ دەرىجىدە ئىكەنلىكىنى ئويلاپمۇ باقماپتىكەنمەن . بۇ مىنىڭ كەمسىتكىنىم ئەمەس ، نورمال مېڭىش ئىمكانىيتى بولمىغان بىلەن نورمال بولغان ئەقلى تەپەككۇر بىرىپتىكەن ئاللاھ ئىگىمىز ، شۇنىڭغا بولسىمۇ كۆپ شۈكرى قىلايلى . مىسرانىمغا بولغان مەسئۇلىيتىمنى يەنىمۇ ئادا قىلمىسام بولمايدىغانلىقىنى ھىس قىلدىم ، ئاللاھ ساق سالامەت بېرىپ كىلىشنى نىسىپ قىلغاي !

1miskal

	ئاق يۇل بولسۇن . ھىس قىلغانلىرىڭىزنى بىز بىلەن ئورتاقلاشقايسىز

rizwangul0995

	ئاق يول بولسۇن ...دىققىتىمىز ھەر ۋاقىت سىز دە !

nurjahan0997

	ئاقيول بولسىۇن قېرىندىشىم ئاللاھ ھەر ئىشلىرىڭىزغا ۋە باسقان قەدەملىرىڭىزگە بەرىكەت بەرسۇن.ئۇيغۇر تور بېكەتلىرىنىڭ تەرەققىياتى ئۈچۈن پۈتكۈل كۈچىڭىز بىلەن تىرشتىڭىز ھەم تىرىشىۋاتىسىز،بىزنىڭ ئوتلۇق تىلەكلىرىمىز سىز بىلەن بىللە..... ئەمدى سەل ئاۋايلاپراق ئۇچارسىز ھە؟مۇشۇ كۈنلەردە تولا ئايروپىلان غايىپ بولىدىغان بولۇپ قالدى،ئامىرىكىغا ماشىنىلىق بارىدىغان ئىش بولسىغۇ تازا ئانسىرەپ كەتمەيتتۇق چاخچاق ھە. ئاللاغا ئامانەت قېرىندىشىم

alsu

	ئاللاھقا ئامانەت !

masrura

	... شۇڭا بەزىدە كىشى قىسمەتلىرى توغرىسىدا ئاغرىنماسلىقى كېرەك ،بىرنەرسىنى يوقاتسىڭىز بەلكىم شۇنىڭغا يوشۇرۇنغان ھېكمەتلەر ھەم بولىشى مۇمكىنكەن. توغرا

iltebir

	ئادەمنى ئاساس قىلىش دەپ توختىماي سۆزلەيمىز. مۇشۇنداق دېگەندەك بولسا پۇخرالار بەكمۇ خۇش بۇلاتتى.بېيجىڭدىن ۋاشىڭگىتونغىچە ناھايىتى ياخشى مۇلازىمەتتىن بەھرىمەن بولۇپسىز.   ئاللاھىم ھەممە ئىشلىرىڭىز ئوڭۇشلۇق بولغاي!

tty0908

	مۇبارەك بولسۇن،،، سەپىرىڭىزگە ئاق يول تىلەيمەن... ھارمىغايسىز...

ئەرتۇرا

	ئاللا سەپىرىڭىزنى تېخىمۇ ئەھمىيەتلىك قىلغاي! سىزگە ئامانلىق تىلەيمەن !...