لۈكچەك شائىر ئاتالسام مەيلى

kok-sultan

	لۈكچەك شائىر ئاتالسام مەيلى، مۇڭغا پاتقان كوچاڭغا ئۈنۈپ. سىڭىپ كىرسەم قەلبىڭگە نۇردەك، ۋەسلى ئاتەش سۆيگۈڭگە كۈنۈپ لۈكچەك شائىر ئاتالسام مەيلى، قارا چۈشتەك دوقمۇشتا قۇنۇپ. ئالسام تۈندە شەيتاندىن قىساس، بەرگەن ھالال لەۋزىڭنى تۇنۇپ. لۈكچەك شائىر ئاتالسام مەيلى، يىرتقۇچ قۇشتەك مىلىنىپ قانغا. شېرىن ھۇزۇر تىرناقتىن تاكى، يامراپ چىقىپ قوشۇلسا جانغا. لۈكچەك شائىر ئاتالسام مەيلى، غازاڭ باسقان روھىڭنى قۇچۇپ. يوقھپ كېتەر سېنىڭدىن كۈلپەت، بىسى سۇنغان شەمشەردەك ئۇچۇپ... لۈكچەك شائىر ئاتالسام مەيلى، قىلىپ غەيۈر يۈرەكنى دەسمى. قېنىپ جۇشقۇن ھاياتقا باغرىم، يىگىت بولسام دۇنيادا رەسمى... مەنبە: ئىجادىيىتىم

Nimjan

	لۈكچەك شائىر ،  قىزىق ئاتالغۇكىنا بۇ! ئىلگىرى بابارەھىم  مەشرەپنى سەرگەردان  شائىر،  دەپ  ئاڭلىغان،  رەھمەتلىك  باتۇر روزىنى بابارەھىم مەشرەپكە  ئوخشىتىپ سەرگەردان  شائىر، دەيتتۇق!

تەسەللى

	مۇشۇ شېئىردىكىدەك قىلسىڭىز لۈكچەك شائىر  بولاشىڭىز مۇمكىن.

zul_pikar

	تەسەللى يوللىغان ۋاقتى  2014-3-16 05:26 PM مۇشۇ شېئىردىكىدەك قىلسىڭىز لۈكچەك شائىر  بولاشىڭىز مۇ ... بەلكىم شۇنداق بولىشى مۇمكىن.

zul_pikar

	جانان ئۈچۈن قىلىشقا تىگىشلىك ئىشلار جۇمۇ بۇ.   ھىلىغۇ لۈكچەك شائىركەن. لۈكچەك يىگىت ئاتالسىڭىزمۇ شۇنداق قىلىشىڭىز مۇمكىن.

1263318936

	ياخشى يىزىلىپتۇ

2925470570

	yahxi  kan