سەۋىرچانلىق ۋە ئۇنىڭ ئەھمىيىتى(بۆجەنچاق)

bojanqak

	سەبىرچانلىق ۋە ئۇنىڭ ئەھمىيتى سوئال:سەبىرنىڭ مەنىسى نىمە؟ جاۋاپ: سەبىر  كۆڭۈل  ھاۋايى ھەۋەسنى ۋە گۇناھ ئىشلارنى ئىشتىھا قىلىپ تۇرسىمۇ،ئەقىلنىڭ ۋە شەرىئەتنىڭ نىداسىغا قۇلاق بىرىپ ئاللاھنىڭ  رازىلىقىنى  ئۈمىد  قىلىپ، بۇنداق  ئىشلاردىن  ئۈزىنى  تارتىش، ئازار ، كۈلپەتلەرگە،ئوڭشسىزلىقلارغا،  كىسەللەرگە،  نامراتلىققا،  مۇسىبەتلەرگە ۋە  بالايى ئاپەتلەرگە چىداشلىق بىرىپ،ئۆزىنى  يوقاتماسلىق دىگەنلىكتۇر.   قۇرئان كەرىمدىكى: سەبىر قىلغۇچىلارغا ئەلۋەتتە ئۇلارنىڭ  قىلغان  ئەمەلىدىنمۇ  ياخشىراق  ساۋاپ بىرىمىز...[  نەھل سۈرىسى 16- ئايەت].دىگەن  ئايەت  بۇنىڭ دەلىلىدۇر. سوئال: سەبىرچانلىقنىڭ قانداق  پايدىسى  بار؟ جاۋاپ:ھەقىقى سەبىر ئىنساننى  گۇناھ مەئسىيەتلەردىن توسىدۇ  ۋە  ئۇ  ئىشلارنى  قىلماسلىققا   ئۈندەيدۇ.  ھەقىقى  سەبىر  ۋە  چىدامغا  ئىگە  بولغان  ئادەم  ھاياتىدا  ئۇچرىغان چوڭ  سىناقلار  ئالدىدا  تىت-تىت  بولمايدۇ، گاڭگىراپ  قالمايدۇ،  تەقدىردىن  ئاغرىنمايدۇ،  ئەكىسچە  ئۇنى  ئاللاھنىڭ   سىنىقى  دەپ   چۈشىنىپ، قىيىنچىلىقنى  يېڭىش  ۋە   سىناقتىن  ئۈتۈش  ئۈچۈن   كۈچ  سەرپ  قىلىدۇ، سەبىر  كۆپلىگەن   كىشىلەر  چۈشەنگەندەك،  ناھەقچىلىككە،  زۇلۇمغا   ۋە  يامانلىققا  كۆز  يۇمۇپ  جىم  تۇرۇش  دىگەنلىك  ئەمەس، ئەكىسچە يامانلىقنى  قايتۇرۇش،  زۇلۇمنى  يوق  قىلىش  ۋە  ھەققانىيلىقنى  جارى   قىلدۇرۇش  ئۈچۈن  ھارماي- تالماي  ئىشلەش  ۋە  بۇ  يولدا   چىداملىق  بۇلۇش   سەبىرنىڭ   جەۋھىرىدۇر. سوئال: سەبىرچانلىقنىڭ  قانداق  سېھرى  كۈچى  بار؟ جاۋاپ:ئادەتتە   ئۆزى  قىزىقىپ  كەتمەيدىغان  پايدىلىق  ئىشلارنى  قىلىش،  قىزىقىدىغان  نەپسانىيەتچىلىكتىن   ئۆزىنى  تارتىش  پەقەت  سەبىرچانلىق  بىلەنلا  ئەمەلگە  ئاشىدۇ.   چۈنكى  ئىرادىلىك  كىشىلەر  ئۇلۇغۋار  غايىنى  ئەمەلگە  ئاشۇرۇش   يولىدا ،  نەپسىنىڭ   ۋاقىتلىق  ئىستەكلىرىنى  سەبىرچانلىقنىڭ  سايىسىدا  قايرىپ  قويالايدۇ  ۋە  يولىغا  داۋام  قىلىدۇ.  ئۆرۈكنى  پىشىشتىن  بۇرۇن  قېقىۋەتكەن  باغۋەن   مول  ھوسۇلدىن  مەھرۇم قالىدۇ. شۇڭا  < سەبىر  قىلساڭ  غورىدىن  ھالۋا  پۈتىدۇ >  دەيدىغان  ھىكمەت  بار.  ئىنسان  ئۆزىنى  سەبىر  بىلەن  قوراللاندۇرۇپ،  قىيىنچىلىقلار  ئالدىدا   تەمتىرەپ  قالمايدىغان،  مەنزىل  ئۇزاق  بولسىمۇ   ئۈمىدسىزلەنمەيدىغان،   مەسئۇلىيەت  قانچىلىك  ئېغىر  بولسىمۇ ئۈستىگە  ئېلىشتىن  قورقمايدىغان  ..ئىرادىلىك،  پاراسەتلىك،   قىيىنچىلىقتىن  كىيىن  ئوڭايلىقنىڭ،    قاراڭغۇلۇقتىن  كىيىن  يورۇقلۇقنىڭ   بولىدىغانلىقىغا   ئىشىنىدىغان   ئۈمىدۋارلىق، يىراقنى   كۆرەر،  تەدبىرلىك   بولۇشى  لازىم. مەنبە:  دىن  ۋە  ھايات   ناملىق  كىتابتىن  ئېلىندى. بۇ  تىما   گەرچە   ئۈزەمنىڭ   ئىجادىيتى  بولمىسىمۇ  ، لىكىن  مۇنبەرگە  تۇنجى  قېتىم  تىما  يوللىشىم  بولغاچقا  خاتالىقلاردىن  خالى  بۇلالمىغان   بۇلۇشۇم  مۇمكىن...باشقۇرغۇچىلارنىڭ   تۈزىتىپ   قۇيشىنى  سورايمەن....

nurjahan0997

	ئاللاھ سەۋىر قىلغۇچىلار بىلەن بىللە قوللىرىڭىز ھارمىسۇن قېرىندىشىم

patkak

masrura

	رەھمەت سىزگە، تۇنجى قەدەمنى ئىنتايىن ياخشى ھېكمەتلەر بىلەن باشلاپسىز،قىممەتلىك تېمىلىرىڭىز ئۈزۈلمىگەي.

sargarda

	رەھمەت  سىزگە  ،  ئەھمىيەتلىك  تېما   يوللاپسىز  . خەت   شەكلى    نۇرمال  ئەمەس  ،   خەتنى   ئاپتۇماتىك   تەڭشەيدىغان قىلىپ قويسا بەلەن  بولاتتىكەن...

uyol

	رەھمەت سىزگە، تۇنجى قەدەمنى ئىنتايىن ياخشى ھېكمەتلەر بىلەن باشلاپسىز،قىممەتلىك تېمىلىرىڭىز ئۈزۈلمىگەي

太阳

	شۇ كىتاپنىڭ ئىلىكتابى بولسا چۈشۈرۈش ئادىرىسىنى يوللاپ قويسىڭىزچۇ ،رەھمەت

Hammimiz~Yolda

	ئاللاھ سەۋىر قىلغۇچىلار بىلەن بىللە

xamar1

	رەھمەت،

rahatmakan