بىز خوشلاشقاندا

Gvlmisal

	قۇياش يۈزىن قارا بۇلۇت توستى. باغدا بۇلبۇل زارلاپ قان قۇستى. گۈللىرىڭىز نازىغىپ توزىدى. مىھرىبانىم بىز خوشلاشقاندا. بۇلاق كۆزلەر ياشقا تولۇپتۇ، تومۇردا قان كۈۋجەپ ئېقىپتۇ. كۆكتە ھەتتا چاقماق چېقىپتۇ. غەمگۈزارىم بىز خوشلاشقاندا. "خوش"دىيىشكە تىلىم بارمىدى. خەستە يۈرەك يىغلاپ زارلىدى. ۋادەرىخا....مەشۇقنىڭ يولى تارمىدى؟ ئېيتىڭ يالغۇزۇم،بىز خوشلاشقاندا. "ئامان بولۇڭ يار"دىيەلمىدىم. پىشانڭىزگە ھەم ئۆپەلمىدىم. كۆزىڭىزگە بىر قارالمىدىم. دىلئۇزارىم ،بىز خوشلاشقاندا. كەڭرى ئالەم ماڭا تار بولدى، باھاردا گۈل سىزگە زار بولدى. غېرىپ كۆڭۈلگە بەك ئازار بولدى، دەرتلىككىنەم ،بىز خوشلاشقاندا. "كۆز ياشلىما جېنىم "دىدىڭىز. "ئاھ ئۇرمىغىن كۈلگىن"دىدىڭىز. يۈرىكىمنى ئوقۇپ كۆردىڭىز. جاھاندا بارىم،بىز خوشلاشقاندا. "كەتتىڭ"دىمەڭ يۈرىگىم قالدى. "ئارقاڭدىن قاراپ كۆز نۇرۇم تالدى". جۇدالىق نىچۈن بىزگە يار بولدى؟ ئېيتىڭ بىرگىنەم،بىز خوشلاشقاندا. ھېچ نەرسىنى كۆرەلمەس كۈزۈم، يەسىمەندەك سارغايدى يۈزۈم. شۇ دەقىقە مەن ئەمەس ئۆزۈم، جېنىمغىنەم،بىز خوشلاشقاندا. باشقىغا يوق بۇ كۆڭۈل مەيلى، مەجنۇنۇم سىز،مەن گويا لەيلى. ئاھ...بۇ ھەسرەتنى كىملەرگە دەيلى؟ كۆزۈم نۇرۇم، بىز خوشلاشقاندا. گۈلمىسال يازمىسى 2014.3.16

sargarda

	ئۆپەلمىدىم   دېگەن   نېمە  گەپ  ؟ سۆيەلمىدىم  دېگەن  گەپما   ؟

dilbar

	مەيلى قانداق شەكىلدە بولسۇن ئىنسان ھامان يېقىن ئادىمى بىلەن خوشلىشىدىكەن...مۇڭلۇق لىرىكىڭىزنى ياقتۇردۇم،،ئىسىل تاتلىق لىرىكىلىرىڭىز ئۈزۈلمىگەي

yahxiyar

	خوش دەپ بۇلۇپ كېتۋاتقىنڭدا، ھەرگىز كەينىڭگە بۇرۇلۇپ ماڭا قارىما... ياخشى يېزىپسىز، ياقتۇردۇم.

Gvlmisal

	sargarda يوللىغان ۋاقتى  2014-3-16 05:19 PM ئۆپەلمىدىم   دېگەن   نېمە  گەپ  ؟ سۆيەلمىدىم  دېگەن  گەپم ... چۈشىنىپ تۇرۇپ ئالاھىدە تىلغا ئېلىپ كۈلۈپ كىتىپلا،كۈلكىللىرى ياراشقاي ......

Gvlmisal

	dilbar يوللىغان ۋاقتى  2014-3-16 05:48 PM مەيلى قانداق شەكىلدە بولسۇن ئىنسان ھامان يېقىن ئادىمى  ... بۇ خوشلىشىش بەلكىم يەنە بىر گۈزەل باشلىنىش ئۈچۈندۇر........ ياقتۇرغىنىڭىغا كۆپ تەشەككۈرلەر بولسۇن جانىم

Gvlmisal

	yahxiyar يوللىغان ۋاقتى  2014-3-16 06:10 PM خوش دەپ بۇلۇپ كېتۋاتقىنڭدا، ھەرگىز كەينىڭگە بۇرۇلۇپ م ... ياقتۇرغىنىڭىغا كۆپ رەھمەت

زەردار007

	رەھمەت سىزگە.

tagsabasi

	ياخشى يېزىپسىز رەھمەت سىزگە.

1263318936

	ياقتۇردۇم،،ئىسىل تاتلىق لىرىكىلىرىڭىز ئۈزۈلمىگەي