 |
مالايسىيىنىڭ ئالاقىسى ئۈزۈلۈپ قالغان ئايروپىلانىغا دائىر خەۋەرلەر ھازىر پۈتۈن دۇنيانىڭ دىققىتىنى تارتىپ, ھەممەيلەننىڭ ئەس-يادى ئايروپىلاندىكى كىشىلەردە قالدى. ھەتتا ھازىر بىر نەچچەيلەن بىر يەرگە كەلسەك, بىر-بىرىمىزدىن ئۇ ئايروپىلاننى تېپىپتىمۇ دەپ سورىشىدىغان بولدۇق, ھەتتا ئاغزى-ئاغزىمىزغا تەگمەي ئايروپىلاننىڭ نەگە كەتكەنلىكى توغرىسىدا تالاش-تارتىش قىلىدىغان ھالغا يەتتۇق. ھەممە يەردە شۇ ئايروپىلاننىڭ پارىڭى, ئامېرىكىنىڭ ئىراق, ئافغانىستانغا ھۇجۇم قوزغىشى ئەينى ۋاقىتتا بەلكىم بۇنچىلىك تەسىر قوزغىمىغان بولسا كېرەك. بەزىلەر ۋېيتنام ئارمىيىسى ئېتىپ چۈشۈرۋېتىپتۇ دېسە, يەنە بەزىلەر بۇ ئايروپىلان بۇلانغان بولۇشى مۇمكىن دەپ قارىدى. قانداقلا بولمىسۇن, مالايسىيا تەرەپ ھازىرغىچە ھېچقايسى ئېھتىماللىقنى چەتكە قاقمىدى. چۈنكى 1983-يىلى رۇسىيە كورىيىنىڭ يولۇچىلار ئايروپىلانىنى چۈشۈرۋېتىپ, ئارقىدىنلا يەنە باشقا دۆلەتلەر بىلەن ھەمكارلىشىپ ئىزدىگەن قىياپەتكە كىرىۋالغان. ئۇنىڭدىن باشقا يەنە ئايروپىلاننى بۇلاش ۋەقەلىرىمۇ پات-پات كۆرۈلۈپ تۇرىدۇ. يەنە ئايروپىلان تاشقى پېلانتقا چىقىپ كەتكەن بولۇشى مۇمكىن دېگەن خەۋەرلەرمۇ پەيدا بولدى, بۇ بەلكىم بىزنى ھەممىدىن بەك قىزىقتۇرىدىغان خەۋەر بولسا كېرەك, چۈنكى بۇ دۇنيا سىرلىقلىققا تولغان, بەزى ئىشلارغا ھېچكىم بىر نەرسە دېيەلمەيدۇ. ئۇنداقتا بىز تۆۋەندىكى خەۋەرنى كۆرۈپ باقايلى. خەۋەرنىڭ ئەسلى مەزمۇنى تۆۋەندىكىچە:
مالايسىيىنىڭ MH370 يولۇچىلار ئايروپىلانى 8-چېسلا ئالاقىسى ئۈزۈلۈپ قالغاندىن بۇيان, كۆپ دۆلەت قىسمى بىرلىكتە ئىتتىپاقلىشىپ ئىزدەش ئېلىپ بارغان بولسىمۇ, ئەمما ھازىرغىچە ھېچقانداق ئۇچۇرى بولمىدى, ئايروپىلاننىڭ نەگە ئۇچۇپ كەتكەنلىكى ئېنىق ئەمەس. شياڭگاڭ ‹‹ۋېنخۈي گېزىتى›› نىڭ 13-چېسلادىكى خەۋىرىگە قارىغاندا, بەزى مۇتەخەسسىسلەر پەرەز قىلىپ, يولۇچىلار ئايروپىلانى ئاتالمىش ‹‹ئاۋىئاتسىيە قارا ئۆڭكۈرى›› گە كىرىپ كەتكەن بولۇشى مۇمكىن دەپ قارىغان.
ئۇنداقتا ‹‹ئاۋىئاتسىيە قارا ئۆڭكۈرى›› دېگەن نېمە؟ مۇتەخەسسىسلەرنىڭ چۈشەندۈرۈشىچە, زامانىۋى ئاۋىئاتسىيە يولۇچىلار ئايروپىلانىغا ئادەتتە تارقىتىش ئاپپاراتىغا جاۋاب قايتۇرۇش ئۈسكۈنىسى ئىشلىتىلگەن بولۇپ, كونترول قىلىش مۇنارىغا تۆت خانىلىق سالاھىيەت نومۇرىنى يوللاپ, كونترول قىلىش مۇنارىنىڭ يولۇچىلار ئايروپىلانىنىڭ ئورنىنى ئېنىقلىشىغا ياردەم بەرگىلى بولىدۇ. ناۋادا بۇ ئۈسكۈنە نامەلۇم سەۋەبلەر تۈپەيلىدىن توختاپ قالغان بولسا, ئۇنداقتا رادار سېزەلمەيدىغان ئورۇنغا كىرىشى مۇمكىن, يەنى بۇ ۋاقىتتا
‹‹يوقاپ كەتكەن›› دەك خاتا تۇيغۇ بېرىپ قويۇشى مۇمكىن, مەسىلەن ‹‹ئاۋىئاتسىيە قارا ئۆڭكۈرى›› گە كىرىپ قېلىشى مۇمكىن.
خەۋەرگە قارىغاندا, ئافرىقىدىكى كەڭ ئورمانلىقلاردا, رۇسىيە قۇرۇقلۇقى, شۇنداقلا مالايسىيىدىكى قۇيۇق ئورمانلىقلاردا ‹‹ئاۋىئاتسىيە قارا ئۆڭكۈرى›› بار بولۇپ, مالايسىيىنىڭ ئالاقىسى ئۈزۈلۈپ قالغان ئايروپىلانىغا نىسبەتەن ئېيتقاندا, مالايسىيىدىكى ئورمانلىق قاتارلىق يىراق, چەت جايلاردىن ئۇچۇپ ئۆتكەندە, چوقۇم كونترول قىلىش مۇنارىغا سىگنال بېرىش كېرەك, بۇنداق بولغاندا رادار ئاندىن ئايروپىلاننىڭ ئورنىنى سېزەلەيدۇ. ناۋادا بەزىلەر قەستەن ئالاقىلىشىش ئۈسكۈنىسىنى ئېتىۋەتكەن بولسا, ئايروپىلان ئۇنداقتا يوقاپ كېتىشى مۇمكىن.
خەۋەردە ئېيتىلىشىچە, كۆلىمى تەخمىنەن بىر مىليون 160 مىڭ كۋادىرات كىلومېتىر كېلىدىغان بېرمۇدا دېلتىسى (ئاتلانتىك ئوكيانغا جايلاشقان بولۇپ, ئەنگلىيىنىڭ چەتئەلدىكى ئاپتونومىيە زېمىنى, ئامېرىكىنىڭ جەنۇبىي كارولىنا شىتاتىغا 917 كىلومېتىر كېلىدۇ) دا, 1970-يىلى كۆپ قېتىملىق ‹‹غەلىتە›› ۋەقەلەر يۈز بەرگەن, بۇ ەيردىن ئۆتكەن بىر قىسىم پاراخوت, ئايروپىلانلار ‹‹سىرلىق ھالدا يوقاپ كەتكەن››. ئەمما ئون نەچچە يىلدىن كېيىن بۇ سىر ئاخىرى يېشىلگەن. ئېيتىشلارغا قارىغاندا, بېرمۇدا دېلتىسىدا مۇشۇنداق ‹‹ئاۋىئاتسىيە ئۆڭكۈرى›› بار ئىكەن. مەنبە:نۇر تورى بۇ يازمىنى ئاخىرىدا XERHAN تەھرىرلىگەن. ۋاقتى 2014-3-16 11:30 AM
|
 |
يوللىغان ۋاقتى 2014-3-16 08:49:02 AM
.gif)
.gif)
‹چاقچاق› 
.gif)
اللەئاشۇقېرىنداشلىرىمىزنى ھەرخىل يامان ئاقۋەتلەردىن ساقلىغاي