ئەھمىيەتلىك ئۇچرىشىش

uyol

	بۈگۈن دەم ئېلىش كۈنى بولسىمۇ، يەنىلا مەكتەپتە ئۇسۇل مەشىق قىلدۇق. ئالدىمىزدىكى نۇرۇز ئۇچۇن ساما ۋە سىنىپنىڭ كوللىكتىپ ئۇسۇلىنىڭ مەشىقلىرى بار ئىدى. خېلىلا ھارغان بولساممۇ، ئامالسىز يەنىلا مەكتەپكە باردىم. نېمە ئامال، يېرىم كۈن ساما مەشىق قىلىپ. چۈشتە دوسلار بىلەن تاماق يەپ ھاردۇقۇم چىقىپ قالغان ئىدى. تاماقتىن كېيىن قەشقەر ئۇيغۇر نەشىرىياتىدا ئولتۇرۇشلۇق ھاجى مىرزاھىت كېرىمى بىلەن كۈرۈشۈپ كەلدىم. سەئىدخان، ئابدۇرەشىدخان، جۇدالىق، يۈسۈپ خاس ھاجىپ قاتارلىق مەشھۇر ئەسەرلەرنىڭ ئاپتۇرى ھاجى مىرزاھىت كېرىمى قەشقەردىكى تەۋەرۈك كىشىلەر ئىدى. ئالدىنقى قېتىم كىرگىنىمدە شۇنداق خۇشال پاراڭلاشقان ئىدىۇق. كېيىن ئالدىراش بوپ كېتىپ بارالمىدىم، ئاڭلىسام ئالدىنقى قېتىم قاتتىق ئاغرىپ قاپتۇ. كۆڭلۈم سەل يېرىم بولغان ئىدى. بۈگۈن بارسام، شۇنداق خۇشال تېمەن تۇرىدۇ. ئاللاھ كىسىلىگە شىپالىق بىرىپتۇ. كىسەللىرى سەللىمازا ساقىيىپ، تېمەن بوپ قاپتۇ. يەنە شۇنداق قىزغىن،خۇشال پاراڭلاشتۇق، مەن ئۇنىڭ بارلىق كىتابلىرىنى ئېلىپ كىرگەنىدىم، ئۇ ئالدىنقى قېرىم « جۇدالىق » رۇمانىنىڭ يوقلىقىنى ئېيىتقان. بۈگۈن ئالاھىدەن ئۇنىڭغا بىر تال سوۋغات قىلدىم. ئۇ شۇنچە خۇشال بۇلۇپ كەتتى. يەنە قىزغىن سۆھبەت ئېلىپ باردۇق. گەپ ئارلىقىدا ئۇ مۇشۇ يېلنىڭ ئالدىنقى يېرىمىدا،. مىللەتلەر نەشىرىياتى تەرىپىدىن بارلىق كىتابلىرى نەشىر قىلىندىغانلىقىنى ئېيىتتى. شۇنداق خۇشال بولدۇم. ھەمدە بارلىق كىتابلىرىغا ئۇنىڭ ئىمزاسى ۋە بېغىشلىمىسىنى يازدۇرۋالدىم. يازغۇچىنىڭ بارلىق كىتابلىرى يېقىندا چىقىدىكەن. ئاللاھتىن ئۇنىڭ  تېنىگە سالامەتلىك تىلەيمەن. يېڭى كىتابلىرىنىڭ تىزراق نەشىر قىلنىشىنى ئۈمۈد قىلىمەن.                                                                ئابدۇخېلىل قۇتتېكىن                                            2014-3-15

wares7381

	ناھايىتى ياىشى  ئۇچۇرۇشىش بوپتۇ

buraqixi

	بىر بىلىم كانىڭىز باركەن ھە  قىرىندىشىم.

لوپنۇرى

	ھەقىقەتەن ئەھمىيەتلىك ئۇچىرىشىش بوپتۇ. ئاپتۇرنىڭ ئېلىپ كىرگەن كىتابلىرىڭىزغا قويغان ئىمزاسى ۋە بېغىشلىما سۆزى بۇ كىتابلارنىڭ تارىخى ۋە ئىجتىمائىي قىممىتىنى تېخىمۇ ئاشۇرۇپتۇ. ھاجىكامنىڭ بارلىق كىتابلىرىنىڭ نەشىر قىلىندىغانلىقىنى ئاڭلاپ بەكمۇ خۇشال بولدۇم. مەن ئۇنىڭ تارىخى رومانلىرىنى بەك ياقتۇرۇپ ئوقۇيمەن. ئۇنىڭ «سەئىدىخان»، «ئابدۇرىشىتخان» ، «يۈسۈپ خاس ھاجىب » رومانلىرى مۇۋاپىقىيەتلىك چىققان تارىخى رومانلاردۇر. «يۈسۈپ خاس ھاجىب» رومانىنىڭ داۋامى بار دەپ ئاڭلىغان ئىدىم.  بۇ قېتىم داۋامىمۇ تەڭ چىقارمۇ؟ بىر ئۇچۇر بەرسىڭىز بوپتىكەن.

uyol

	لوپنۇرى يوللىغان ۋاقتى  2014-3-16 12:40 AM ھەقىقەتەن ئەھمىيەتلىك ئۇچىرىشىش بوپتۇ. ئاپتۇرنىڭ ئېلى ... ئەسسالامۇ ئەلەيكۇم لوپنۇرى ئەپەندى، ئۇزۇن بولدى مۇنبەر يۈزىدە كۈرۈنمەس بوپ كەتتىڭىز نادىر تېمىللىرىڭىز ئۈزۈلۈپ قالدىغۇ؟ ..... سىز سورىغان بۇ مەسلىنى مەن بۇرۇنلا ھېس قىلغان، ھەمدە مۇشۇ ھەقتە ھاجىمكام بىلەن ئەستايىدىل پاراڭلاشقان ئىدىم. ئەسلى پىلاندا ئۇ كىتابنى 4 قىسىم يازماقچى بۇلۇپ يەنە 2 قىسىم قاپتىكەن، بۇ قېتىم كىتابلارنى سەل تومراق قىلىپ، 3 قىسىمغا يىغىنچاقلاپتۇ. بودا شۇندا نەشىر قىلىندىكەن، جەمئىي 10 كىتاب، ئىچدە 4 پارچە شېئىرلار توپلىمى بار ئىكەن

uyol

	buraqixi يوللىغان ۋاقتى  2014-3-16 12:36 AM بىر بىلىم كانىڭىز باركەن ھە  قىرىندىشىم. ھەئە قېرىندىشىم، دانالار بىلەن سۆھبەت قىلىشتىنمۇ ئارتۇق قىممەتلىك سورۇن بولمىسا كېرەك دۇنيادا .....

لوپنۇرى

	uyol يوللىغان ۋاقتى  2014-3-16 12:45 AM ئەسسالامۇ ئەلەيكۇم لوپنۇرى ئەپەندى، ئۇزۇن بولدى مۇنب ... ۋە ئەلەيكۇم ئەسسالام، يېقىندىن بۇيان خىزمەتلەر بېسىۋىلىپ سەل ئالدىراش بولۇپ قالدىم، تورغا تۈزۈك چىقالمايۋاتىمەن. سۇئالىمغا جاۋاب بەرگىنىڭىزگە كۆپ رەھمەت! خۇدايىم بۇيرۇسا، ئالدىمىزدا يەنە مىسرانىمغا قايتىدىن كىرىپ كېلىمەن، مېنى ئەسلىگىنىڭىزدىن تولىمۇ خۇرسەن بولدۇم.

qimaltak

	سەئىدىخان دىگەن كىتابنى ئۆتكەندە ئېلىپ ئوقۇپ بولغان ئىدىم . سۇلتان ئابدۇرەشىتخان دىگەن روماننى قەيەردىن تاپقىلى بولار؟

مەتنياز

	بۇ بەكمۇ ياخشى ئۇچىرىشىش  بولۇپتۇ .بىر بىلىم كانى بىلەن ئۇچىرىشپسىز ئەمەسمۇ ؟بىلىم ئەڭ زور بايلىقتۇر . ئەنە شۇ ھوشۇر قارى ئىيتىقان ناخشىدەك : جاھان رەنالىرى ئىچىدە ، بىلىمدەك بىر گۈزەل يار يوق .

مەتنياز

	مەن بۇ ئۇستازنىڭ كىتابىنىمۇ خىلى ياقتۇرۇپ كۆرىمەن .