كىتاب ئۇقۇش ۋە ساغلاملىق

uyol

	ئادەمنىڭ ساغلاملىقى جىسمانىي ساغلاملىق ۋە روھىي ساغلاملىقنى ئۆز ئىچىگە ئالىدۇ. كىتاب ئوقۇش روھىي ساغلاملىققىمۇ، جىسمانىي ساغلاملىققىمۇ پايدىلىق .      كىتاب ئوقۇشنىڭ جىسمانىي ساغلاملىققا بولغان پايدىسى: مېدىتسىنا ئىلمىدە چوڭ مېڭىنىڭ ساغلاملىقى پۈتۈن ئورگانىزمغا بىۋاسىتە تەسىر كۆرسىتىدۇ، دەپ قارىلىدۇ. بىئولوگىيە ئىلمىدە ‹‹ئىشلىتىلسە راۋاج تاپىدۇ، بىكار قويسا چېكىنىپ كېتىدۇ›› دەيدىغان قاراش بار . دېمەك، ئورگانىزم دائىم ئىشلەپ تۇرسا، ساغلام تۇرىدۇ، ئاز ئىشلىتىلسە ياكى داۋاملىق ئىشلىتىلمىسە ساغلاملىقى چېكىنىپ كېتىدۇ . تېببىي ئالىملار تەكشۈرۈش ئارقىلىق، كىتاب ئوقۇشنى ياخشى كۆرىدىغان.، ئەقلىي ئەمگەك بىلەن شۇغۇللىنىدىغان  نۇرغۇن كىشىنىڭ مېڭە نېرۋىسىنىڭ ئوبدان تەرەققىي قىلىدىغانلىقىنى، قېرىپ كەتكەندىمۇ، مېڭە نېرۋىسىنىڭ ئاجىزلاپ كەتمەيدىغانلىقىنى ئىسپاتلىغان. ھاياتلىق ھەرىكەتتە، ئەقلىي قابىلىيەت ھەرىكەتچانلىقتا بولىدۇ. كىتاب ئوقۇش، ئۆگىنىش مېڭە نېرۋا سىستېمىسىنىڭ ئورگانىزمنى كونترول قىلىش ئىقتىدارىنى ئاشۇرۇشقا پايدىلىق بولۇپ، ئۇ نېرۋىنى ساغلاملاشتۇرۇش، بەدەننى كۈچلەندۈرۈش، كېسەلنىڭ ئالدىنى ئېلىشتىكى ياخشى رېتسېپ ھېسابلىنىدۇ.      كىتاب ئوقۇش روھىي ساغلاملىققىمۇ پايدىلىق، ھازىرقى زامان تېببىي ئىلىم تەتقىقاتىدىن قارىغاندا، دائىم كۆرۈلىدىغان كېسەللەرنىڭ كۆپىنچىسى پسىخىكىلىق ئامىللار بىلەن مۇناسىۋەتلىك ئىكەن. نۇرغۇن كېسەل روھىي جەھەتتىن داۋالىنىش ئارقىلىق، دورا يېمەيمۇ ئۆزلۈكىدىن ساقىيىپ كېتىدۇ، بەزى كېسەللەر روھىي ھالەت ياخشى بولمىغان ئەھۋالدا پەيدا بولىدۇ ياكى تېخىمۇ يامانلىشىپ كېتىدۇ، ياخشى كىتابلار بىر خىل مەنىۋى دورا، روھىي ئوزۇق بولۇپ، ئۇ كەيپىياتنى تەڭشەش ئىقتىدارىغا ئىگە، دائىم كىتاب ئوقۇش ئادەمنىڭ كەيپىياتىنى مۇقىملاشتۇرۇشقا، روھىي ھالىتىنى پاكلاشتۇرۇشقا، روھىي ۋە جىسمانىي ساغلاملىقنى ئىلگىرى سۈرۈشكە پايدىلىق .      كىتاب ئوقۇش ئۆمۈرنى ئۇزارتىشقىمۇ پايدىلىق، ياپونىيە نوپۇس ئىلمى تەتقىقاتچىلىرىنىڭ تەكشۈرۈشىچە، ئەڭ ئۇزاق ئۆمۈر كۆرىدىغانلار پەيلاسوپلار، ئۇنىڭدىن قالسا ئالىملار ۋە سەنئەتكارلار ئىكەن، بۇ ئۇلارنىڭ ئىزچىل كىتاب ئوقۇشى، يېزىقچىلىق قىلىشى بىلەن زىچ مۇناسىۋەتلىك بولغان. مەنبە: تور دۇنياسى

ئۇتغۇر

	كىتابخۇمار قېرىنداشلىرىمىزغا ئىلھام بولىدىغان ۋە كىتابنى  پەقەت زېرىكىشىنى يۇقۇتۇش ئۈچۈنلا ئوقۇيدىغان كىشىلىرىمىزگە ياخشى رىغبەت بوپتۇ، رەھمەت سىزگە!

花公主

	aa0998 يوللىغان ۋاقتى  2014-3-15 11:52 AM راس مۇشۇ كىتاپنى ئىلىپ ئوقۇيالمساقمۇ مۇشۇ توردىن . تۈر ... قوللايمە،

花公主

	ئۇتغۇر يوللىغان ۋاقتى  2014-3-15 11:55 AM كىتابخۇمار قېرىنداشلىرىمىزغا ئىلھام بولىدىغان ۋە كىت ... ھەئە

花公主

	ئۇتغۇر يوللىغان ۋاقتى  2014-3-15 11:55 AM كىتابخۇمار قېرىنداشلىرىمىزغا ئىلھام بولىدىغان ۋە كىت ... ھەئە

花公主

	مەنغۇ شۇنداق كىتاپخۇمار قىز ئىدىم،شەخسەن مېنىڭ ئاتا-ئانام مېنى دەرىستىن سىرىتقى كىتاپلانى ئوقۇشۇمغا چەك قويۇپ(ھەددىندىن زىيادە ئورۇقلاپ كەتكەنلىكم تۈپەيلىدىن) مېنى كۆپرەك ئارام ئالغۇزماقچى بولدى.

ئۇتغۇر

	قانداق، بۇنىڭدىن نېمىنى ھېس قىلدىڭىز؟ مەن شۇنى ھېس قىلدىمكى، كۆپ كىتاب ئوقۇشمۇ، ئۇرۇقلاشنىڭ ياخشى ئۇسۇلى ئىكەن.

masrura

	كىتابىم مىنىڭ يالغۇزلىكتىكى ھەمرايىم،بىر ئۆمۈر ماڭا سادىق تايانچىم،ئۇنىڭ بىلەن كۆكلەيمەن،ئۇنىڭ بىلەن مىۋە بېرىمەن.

sargarda

	كىتاب   ئوقۇش   ياخشى  ئادەت  .  ئەمما  ،  كىتابقا  زور  ئۈمىد باغلاپ كېتىش ئەخمىقانىلىق  .

ئۇتغۇر

	sargarda يوللىغان ۋاقتى  2014-3-15 01:37 PM كىتاب   ئوقۇش   ياخشى  ئادەت  .  ئەمما  ،  كىتابقا  زور  ئۈم ... قانداقسىگە ‹‹ئەخمىقانىلىق›› بۇلار قېرىندىشىم؟